کراچی: نیب نے ڈاکٹر عاصم حسین کو گرفتار کرلیا ،نیب نے انھیں اپنی تحویل میں لینے سے پہلے پولیس کو آگاہ کیا،جس کے بعدنیب نے ڈاکٹر عاصم سے تفتیش شروع کردی۔

آج نیوز کے مطابق ڈاکٹر عاصم حسین پانچ کیسز میں مطلوب ہیں،ڈاکٹر عاصم کی حوالگی کیلئے قانونی معاملات طے کئے جارہے ہیں،نیب نے ڈاکٹر عاصم حسین کو گرفتار کرنے سے پہلے پولیس کو آگاہ کیا ،جس کے بعدنیب کی5رکنی ٹیم ڈاکٹرعاصم کی گرفتاری کیلئے گلبرگ تھانے پہنچی ،اس کے علاوہ رہنما پیپلزپارٹی اسماعیل شاہ اورڈاکٹر عاصم کے داماد سید فیضان بھی موقع پر تھانے پہنچ گئے،واضح رہے کل انھیں عدالت میں پیش کئے جانا تھا جہاں انکی رہائی کے امکانات روشن تھے۔

دوسری جانب رینجرز کی بھاری نفری بھی گلبرگ تھانے کے اطراف میں موجود ہے جبکہ رینجرز نے دعویٰ بھی کیا تھا کہ ڈاکٹر عاصم حسین نے بڑے بڑے انکشافات کئے ہیں۔