ماسکو: روس نے بھی امریکا کے ساتھ جوہری ہتھیاروں کے معاہدے انٹرمیڈیٹ رینج نیوکلیر فورسز ٹریٹی (آئی این ایف) کو معطل کرنے کا اعلان کردیا ہے۔ معاہدے کی معطلی کا اعلان روسی صدر ولادیمیر پیوٹن نے کیا۔

اس سے قبل امریکا کے وزیر خارجہ مائیک پومپیو نے معاہدے سے دستبرداری کا اعلان کیا تھا۔ انھوں نے ماسکو پر معاہدے کی خلاف ورزی کا الزام عاید کیا تھا، جس سے روس ہمیشہ انکار کرتا رہا ہے۔

 ادھر چین نے امریکا سے اپنے فیصلے پر نظرثانی کی اپیل کی ہے۔