مودی سرکارسعودی ولی عہد محمد بن سلمان سے پاکستان کےخلاف ایک لفظ نہ بلواسکے۔

بھارتی میڈیا نے دس نکات پر مبنی چیٹ شیٹ بھی جاری کرتے ہوئے  نریندر مودی کو بھارتی عوام کا غدار قرار دے دیا۔

بھارتی میڈیا نے نریندر مودی پر تنقید کرتے ہوئے کہا سعودی ولی عہد کے سامنے مودی کے لب سل گئے۔ پاکستان کے خلاف ایک لفظ نہ کہہ سکے۔

بھارتی میڈیا نے  مشترکہ اعلامیے کو'چِیٹ شیٹ' قرار دیتے ہوئے دس نکات پر مبنی چیٹ شیٹ بھی جاری کردی۔

 بھارتی میڈیا کے مطابق نریندر مودی نے عوام کے ساتھ غداری کی۔ سعودی ولی عہد اور نریندر مودی کے مشترکہ اعلامیے میں پاکستان کا کوئی ذکر نہیں۔ مودی کے اعلامیہ نے عوام کو مایوس کیا۔ نریندر مودی کی چاپلوسیوں کے باوجود سعودی ولی عہد نے پاکستان کےخلاف کوئی بات نہ سنی۔

 بھارتی میڈیا کا کہنا تھا کہ نریندر مودی نے پلواما حملے کو دہشتگردی تو قرار دیا لیکن پاکستان کا ذکر تک نہ کیا۔