کراچی :ڈپٹی میئر کراچی کے انتخاب کیلئے ضمنی الیکشن کیلئے پولنگ کا عمل جاری ہے،ایم کیو ایم کے ارشد حسین اور پیپلز پارٹی کے کرم اللہ وقاصی کے درمیان مقابلہ ہے۔

تفصیلات کے مطابق، ڈپٹی میئر کراچی کے انتخاب کیلئے ضمنی الیکشن میں پولنگ صبح 9بجے سے بلدیہ عظمی کراچی کے مرکزی دفتر میں جاری ہے۔

پہلا ووٹ مسلم لیگ (ن)کے امان آفریدی نے کاسٹ کیا،300اراکین اپنا حق رائے دہی استعمال کریں گے۔

 ڈپٹی میئر کراچی کیلئے ایم کیو ایم کے امیدوارارشد حسن جیت کیلئے پرامید ہیں۔

پیپلز پارٹی کے امیدوار کرم اللہ وقاصی نےکہاکہ  ایم کیو ایم کے میئر نے کراچی میں کچھ بھی نہیں کیا۔

ڈپٹی میئر کے انتخابی عمل کیلئے پولنگ کا عمل شام 5بجے تک بلاتعطل جاری رہے گا۔