پاک انگلینڈ ٹاکرا: شعیب اختر اور کیون پیٹرسن کے درمیان لفظی جنگ
پاک انگلینڈ ٹاکرے سے قبل سابق پاکستانی سُپر فاسٹ باؤلر شعیب اختر اور انگلینڈ کے سابق کپتان کیون پیٹرسن کے درمیان لفظی جنگ کا آغاز ہوگیا۔
ویسٹ انڈیز کے خلاف شکست کے بعد شعیب اختر نے ٹیم کا حوصلہ بڑھاتے ہوئے اپنے ٹویٹر پیغام میں کیون پیٹرسن کو آﺅٹ کرنے کے بعد جشن منانے کی تصویر شیئر کی، جس کے بعد دونوں طرف سے لفظی گولہ بارہ شروع ہوگئی۔
سوشل میڈیا پر اپنے پیغام میں سابق فاسٹ باﺅلر شعیب اختر نے گرین شرٹس کا حوصلہ بڑھاتے ہوئے لکھا 'لہو، مٹھاس، غصہ، تیز دل کی دھڑکن اور بدمعاشی، یہ وہ چیزیں ہیں جواس وقت چاہئے ہوتی ہیں جب آپ اپنے ملک کی نمائندگی کر رہے ہوتے ہیں، آپ کے سینے پر بنا ستارہ آپ کا فخر ہے، تگڑا کھیلو، زیر کردو انہیں، لڑ جاﺅ۔"
اس کے ساتھ شعیب اختر نے اپنی ایک پرانی تصویر بھی شیئر کی ہے جس میں وہ کیون پیٹرسن کو آﺅٹ کرنے کے بعد جشن منا رہے ہیں۔
Blood, sweat, aggression, racing heartbeat, badmaashi. This is whats required when you represent your country. This star on your chest is your pride guys. Tagra khelo.
Go get them. Larr jao. #Pakistan #PakvsEng #cwc2019 pic.twitter.com/b9JnTmBKOp— Shoaib Akhtar (@shoaib100mph) June 1, 2019
شعیب اختر کی اس تصویر پر کیون پیٹرسن بھی میدان میں آگئے۔انہوں نے ازراہ مذاق کہا کہ "دوست میں تمہارے ٹویٹ پر بحث نہیں کروں گا، جیسا کہ میں نے تمہیں سنچری کیلئے ہر طرف مارا تھا، تم اس کے بعد جشن منا رہے تھے۔"
Can’t argue with that tweet buddy as you’re celebrating after I smacked you all over for a 100...! Great passion! — Kevin Pietersen (@KP24) June 1, 2019
شعیب اختر نے کیون پیٹرسن کا جواب دیتے ہوئے کہا "دوست آپ حساب کتاب کیلئے اصلی طاقت تھے، لیکن آپ کو آﺅٹ کرنے کے بعد مجھے میرا چکن ڈانس بہت پسند تھا۔"
Mate you were a true force to reckon with but loved my chicken dance after getting u out ..
— Shoaib Akhtar (@shoaib100mph) June 1, 2019
شعیب اختر نے ایک اور ٹویٹ میں لکھا کہ "آخری قہقہہ ہم نے ہی لگایا تھا اور سیریز0-2 سے اپنے نام کی تھی، کیا اچھے دن تھے وہ بھی۔"
And we had the last laugh KP We took the series 2-0. Fun times man. https://t.co/BbW0EC5A7Y — Shoaib Akhtar (@shoaib100mph) June 2, 2019
یہ بات قابل ذکر ہے کہ پاکستان ٹیم ورلڈ کپ میں اپنا دوسرا میچ 3 جون کو انگلینڈ کےخلاف کھیلے گی، پہلے میچ میں گرین شرٹس کو ویسٹ انڈیز کے ہاتھوں 7 وکٹوں سے شکست کا سامنا کرنا پڑا تھا۔
Comments are closed on this story.