اسلام آبادہائیکورٹ نےمشتاق سکھیرا کی برطرفی سےمتعلق حکومتی نوٹیفکیشن کو کالعدم قراردیتےہوئے انہیں فوری عہدے پر بحال کرنے کا حکم دےدیا۔

 اسلام آباد ہائیکورٹ نے وفاقی ٹیکس محتسب مشتاق سکھیرا کو فوری عہدے پر بحال کرنے کا حکم دے دیا۔

 اسلام آباد ہائیکورٹ کے چیف جسٹس اطہر من اللہ نے مشتاق سکھیرا کی بطور وفاقی ٹیکس محتسب بحالی کے معاملہ پر  محفوظ فیصلہ  سنایا۔

عدالت نے مشتاق سکھیرا کی برطرفی کوغیر قانونی قرار دیتے ہوئے انہیں  عہدے پر بحال کر دیا ہے ۔

عدالت نے مشتاق سکھیرا کی  عہدے سے برطرفی کا حکومتی نوٹیفکیشن  کالعدم قرار دے دیا ہے۔

حکومت نے 13 جون کو مشتاق سکھیرا کو برطرف کرنے کا نوٹیفکیشن جاری کیا گیا تھاجسے  انہوں نے اسلام آباد ہائیکورٹ میں چیلنج کر رکھا تھا۔