Aaj News

جمعہ, مارچ 29, 2024  
18 Ramadan 1445  

نیب نے جتنی کرپشن کا الزام لگایا، اتنا تو ملک کا بجٹ بھی نہیں: خورشید شاہ

اپ ڈیٹ 20 ستمبر 2019 12:13pm
رہنما پیپلز پارٹی خورشید شاہ- فائل فوٹو

اسلام آباد: نیب کی حراست میں موجود پیپلزپارٹی کے سینئر رہنما سید خورشید شاہ کی طبعیت بہتر ہونے پر پولی کلینک اسپتال سے ڈسچارج کردیا گیا۔

میڈیکل بورڈ نے خورشید شاہ کے مختلف میڈیکل ٹیسٹ کرائے۔ ٹیسٹ رپورٹس کی روشنی اور طبعیت بہتر ہونے پر خورشید شاہ کو اسپتال سے ڈسچارج کردیا گیا۔

خورشید شاہ کو پولی کلینک اسپتال سے ڈسچارج ہونے کے بعد نیب راولپنڈی منتقل کردیا گیا۔ خورشید شاہ کو آج سکھرمنتقل کیا جائے گا۔

پولی کلینک میں میڈٰیا سے گفتگو کرتے ہوئے خورشید شاہ نے کہا مجھ پر 500 ارب کی کرپشن کا الزام ہے، نیب نے جتنی رقم ان پرڈالی ہے اتنا ملکی بجٹ بھی نہیں ہے۔

خورشید شاہ کا کہنا تھا کہ اب ان کی طبعیت کچھ بہتر ہے، وہ نیب کسٹڈی سے متعلق کچھ نہیں کہنا چاہتے جوڈیشل ریمانڈ پربات کرینگے۔

Comments are closed on this story.

تبصرے

تبولا

Taboola ads will show in this div