جعلی بینک اکاؤنٹس کیس میں گرفتارسابق ڈی جی پارکس کراچی لیاقت قائم خانی کادوروزہ راہداری ریمانڈ منظورکرلیا گیا۔احتساب عدالت راولپنڈی نےملزم کےطبی معائنےکی ہدایت کردی۔ 23ستمبرکواحتساب عدالت اسلام آباد میں پیش کرنے کا حکم دے دیا۔

 کراچی سے گرفتارسابق ڈی جی پارکس کراچی لیاقت قائم خانی کواحتساب عدالت راولپنڈی میں پیش کردیا۔

 لیاقت قائم خانی کواحتساب عدالت نمبرایک کے جج پرویزاسماعیل جوئیہ کے روبرو پیش کیا گیا۔نیب پراسیکیوٹرنے لیاقت قائم خانی کے2 روزہ راہداری ریمانڈ کی استدعا کی عدالت نے ملزم کا طبی معائنہ کا حکم دیتے ہوئے نیب کی استدعا منظور کرلی۔

 عدالت نے لیاقت قائم خانی کو 23 ستمبرکواحتساب عدالت اسلام آباد میں پیش کرنے کا حکم دے دیا۔

 لیاقت قائم خانی کی پیشی کے موقع پرمیڈیا کو کمرہ عدالت میں جانے سے روک دیا گیا ۔اسلام آباد میں تعطیل کے باعث ملزم کوراولپنڈی احتساب عدالت میں پیش کیا گیا۔