بھارت میں مسلمانوں کے متعلق متنازع بل پر او آئی سی کا اظہارِ تشویش
بھارت میں مسلمانوں سے متعلق متنازع بل پر او آئی سی نے آج تشویش کا اظہار کردیا ہے۔او آئی سی سیکریٹریٹ کے مطابق بھارت میں مسلمانوں کومتاثرکرنے والی ڈویلپمنٹس پرگہری نظررکھے ہوئے ہیں۔ بھارت میں سٹیزن شپ رائیٹس اوربابری مسجد کیس کے حوالے سے حالیہ ڈویلپمنٹس پر بھی سخت تشویش کا اظہار کیا ہے۔
او آئی سی نے مسلم اقلیتوں کے تحفظ کو یقینی بنانے پر زور دیتے ہوئے کہا کہ بھارت میں مسلمانوں کے مقدس مقامات کا تحفظ کیا جائے۔
اقوام متحدہ کے چارٹر میں دیے گئے اصولوں اورذمہ داریوں پرعملدرآمد کی بہت زیادہ اہمیت ہے۔
یہ بھی کہا کہ متعلقہ بین الاقوامی کنونشنز اقلیتوں کے بلاامتیاز حقوق کی ضمانت دیتے ہیں۔ان اصولوں اور ذمہ داریوں کے برخلاف کوئی بھی عمل مزید کشیدگی کا باعث بن سکتا ہے۔ پورے خطے میں امن و سلامتی پر اس کے شدید اثرات پیدا ہوسکتے ہیں۔
Comments are closed on this story.