پاک فوج کے سربراہ جنرل قمرجاوید باجوہ نے مزار قائد پر حاضری دی اور فاتحہ کی۔ آرمی چیف کہتے ہیں قائد کے دو قومی نظریے کو آج پوری دنیا مان رہی ہے۔ انتہائی مشکل حالات میں بھی ہر پاکستانی متحد رہا، اقلیتیں بھی بلا تفریق مشکلات میں قوم کے شانہ بشانہ کھڑی رہیں۔

ترجمان فوج کے مطابق جنرل قمر جاوید باجوہ نے قائداعظم محمد علی جناح کے مزار قائد پر حاضری دی اور فاتحہ کی۔

آرمی چیف نے کہا کہ بابائے قوم نے پاکستان دو قومی نظریے کی بنیاد پر بنایا۔آج پوری دنیا اس دو قومی نظریے کا زیادہ بہتر طور پر اعتراف کر رہی ہے۔  قیام پاکستان کےلئے قائد کا جتنا بھی شکریہ ادا کیا جائے کم ہے۔ انتہائی مشکل حالات میں بھی ہر پاکستانی متحد رہا، اقلیتیں بھی بلا تفریق مشکلات میں قوم کے شانہ بشانہ کھڑی رہیں۔

آرمی چیف جنرل قمر جاوید باجوہ نے اس عزم کا اعادہ کیا کہ قائداعظم کے وژن سے ہمیشہ رہنمائی لیتے رہیں گے اور  قائد کے رہنما اصول ایمان، اتحاد اور تنظیم  پر چلتے رہیں گے۔

COAS paid homage to Quaid e Azam at his Mausoleum on his birthday.
“Quaid’s vision about creation of Pakistan based on Two Nation theory is an even more acknowledged reality today. We can’t thank him enough for having got us Pakistan”, COAS. (1/2). pic.twitter.com/ldaMxYMKsY

— DG ISPR (@OfficialDGISPR) December 25, 2019