سندھ حکومت عزیز میمن قتل کیس کی تحقیقات کر ہی نہیں سکتی،فواد چوہدری
اسلام آباد:وفاقی وزیرسائنس وٹیکنالوجی فوادچوہدری نے کہا کہ سندھ حکومت عزیز میمن قتل کیس کی تحقیقات کر ہی نہیں سکتی، مبینہ قاتل ہی تفتیش کے نگران ہوں تو انصاف کیسے ہوسکتا ہے؟ سندھ پولیس کا قتل کو طبعی موت قراردینا قابل مذمت ہے، سندھ کے کرتا دھرتا اتنی آسانی سے بچ نہیں سکتے۔
وزیرسائنس وٹیکنالوجی فوادچوہدری نے سماجی رابطے کی ویب سائٹ ٹوئٹر پر اپنے ٹویٹ میں کہا کہ 3دن پہلے عزیز میمن کے بھائی سے بات ہوئی ، وہ اپنے بھائی کے قتل کی تفتیش سے مکمل طور پر غیر مطمئن تھے اورظاہر ہے جب مبینہ قاتل خود تفتیش کے نگران ہوں تو انصاف کیسے ہو سکتا ہے؟، سندھ حکومت اس معاملے پر اپنی پوزیشن واضح کرے، مقتول ان کو مجرم ٹھہرا کر گیا ہے اتنی آسانی سے یہ لہو مٹے گا نہیں۔
تین دن پہلے عزیز میمن کے بھائ سے بات ہوئ وہ تفتیش سے مکمل غیرمطمن تھے، اور ظاہر ہے جب مبینہ فاتل خود تفتیش کے نگران ہوں انصاف کیسے ہو سکتا ہے ؟ سندہ حکومت اس معاملے پر اپنی پوزیشن واضع کرے، مقتول ان کو مجرم ٹھہرا کر گیا ہے اتنی آسانی سے یہ لہو مٹے گا نہیں۔
— Ch Fawad Hussain (@fawadchaudhry) March 5, 2020
فواد چوہدری کا کہنا تھا کہ پہلے دن شریں مزاری اور میں نے اسپیکر قومی اسمبلی سے درخواست کی تھی کہ عزیزمیمن کے قتل کی تفتیش وفاقی ایجنسی سےکرائی جائے،قتل کے پس منظر میں جو حقائق چھپے ہیں ان کی روشنی میں سندھ پولیس اس کیس کی تفتیش کرہی نہیں سکتی۔
پہلے دن @ShireenMazari1 اور میں نے اسپیکر قومی اسمبلی کو درخواست کی تھی کہ عزیز میمن کے قتل کی تفتیش وفاقی ایجنسی کو کرنی چاہئے، اس قتل کے پس منظر حقائق کی روشنی میں سندہ پولیس اس کی تفتیش کر ہی نہیں سکتی، آج سندہ پولیس نے جس طرح اس قتل کو طبعی موت قرار دیا وہ قابل مذمت ہے۔
— Ch Fawad Hussain (@fawadchaudhry) March 5, 2020
وزیر سائنس وٹیکنالوجی نے مزید کہا کہ آج سندھ پولیس کا قتل کوطبعی موت قراردینا قابل مذمت ہے،مقتول خود قاتل بتاکرگیا ہے،ایسےکیسےخاموش ہوجائیں،سندھ کےکرتادھرتااتنی آسانی سےاس قتل سےنہیں بچ سکتے۔
مقتول خود قاتل بتا کر گیا ہے، ایسے کیسے خاموش ہو جائیں سندہ کے کرتا دھرتا اتنی آسانی سے اس قتل سے نہیں بچ سکتے https://t.co/jUc9IoeuvG
— Ch Fawad Hussain (@fawadchaudhry) March 5, 2020
Comments are closed on this story.