کورونا وائرس ہاتھوں کے ذریعے منتقل ہو رہا ہے، شہری کرنسی نوٹوں کے لین دین میں احتیاط کا مظاہرہ کریں تو بہت حد تک وائرس سے بچاؤ ممکن ہے۔

عالمی ادارہ صحت نے انتباہ کیا ہے کہ کرنسی نوٹوں کا لین دین کورونا وائرس کے پھیلنے کا سبب ہوسکتا ہے۔

پاکستان میں شہری کرنسی نوٹ استعمال کرتے وقت تھوک لگا کر گننے سے اجتناب کریں۔

متاثرہ فرد کے ہاتھ سے دوسرے کو دیا جانے والا کرنسی نوٹ وائرس کو ایک سے دوسرے شخص میں منتقل کرسکتا ہے۔ لہذا اس معاملے میں احتیاط برتی جائے۔

ڈبلیو ایچ او کی رپورٹ کے مطابق جراثیم اور وائرس کرنسی نوٹ پر زیادہ جمع ہوتے ہیں۔

 نوٹ استعمال کرنے کے بعد متاثرہ ممالک کے شہری ہاتھ ضرور دھوئیں اور جس حد تک ممکن ہو کیش لین دین سے اجتناب کریں۔