ای سی سی : قرضوں کی ری شیڈولنگ کیلئے مفاہمتی یاداشت کی منظوری

ویب ڈیسک |


ای سی سی : قرضوں کی ری شیڈولنگ کیلئے مفاہمتی یاداشت کی منظوری

اقتصادی رابطہ کمیٹی نے کمرشل قرضوں کی ری فنانسنگ کیلیے رجوع نہ کرنے اورجی ٹونٹی ممالک سے قرضوں کی ری شیڈولنگ کیلئے مفاہمتی یاداشت پردستخط کرنے کی اجازت دیدی ہے۔

 مشیرخزانہ عبدالحفیظ شیخ کی زیرصدارت اقتصادی رابطہ کمیٹی کا اجلاس ہوا۔

 اجلاس میں سپریم کورٹ کی عمارتوں کی مرمت کیلئے 36 کروڑ روپے کی تکنیکی گرانٹ کی منظوری دیدی گئی۔

اجلاس میں ہاؤسنگ اینڈ ورکس کوسندھ میں ترقیاتی سکیموں کیلئے38کروڑ36 لاکھ کی ٹیکنیکل سپلیمنٹری گرانٹ اوروزارت ہاؤسنگ کوپی ڈبلیوڈی کے ملازمین کی تنخواہوں کیلئے 29 کروڑ کی گرانٹ کی منظوری دیدی۔

اجلاس میں پاکستان انرجی سکوک ٹو پر سود کی ادائیگی کیلئے 10 ارب روپے مختص کرنے کی بھی منظوری دیدی ہے ،اجلاس میں  وزیراعظم کورونا ریلیف فنڈ سے متعلق کمیٹی قائم کرنے کی منظوری دیدی۔

کمیٹی کی سربراہی وزیراعظم کرینگے ، فنڈزکے موزوں استعمال اورشفافیت کویقینی بنائے گی ، کمیٹی دو ہفتوں میں اسٹیک ہولڈرز سے مشاورت کے بعد ای سی سی کو آگاہ کرے گی۔