Aaj News

جمعہ, مارچ 29, 2024  
18 Ramadan 1445  

قومی ٹیسٹ کرکٹر کا کورونا ٹیسٹ مثبت آگیا

شائع 24 مئ 2020 04:25pm

پاکستان کے سابق ٹیسٹ اوپنر توفیق عمر کا کورونا ٹیسٹ مثبت آگیا جس کے بعد انہوں نے خود کو گھر میں ہی قرنطینہ کرلیا ہے۔

تفصیلات کے مطابق پاکستان کی جانب سے 44 ٹیسٹ میچز کھیلنے والے سابق ٹیسٹ کرکٹر نے اپنا کورونا ٹیسٹ کروایا جس کی رپورٹ مثبت آئی ہے تاہم ان کے اہل و عیال اور دیگر میل جول رکھنے والے افراد سے متعلق تاحال کوئی معلومات حاصل نہیں ہوسکی ہیں۔

Pakistan's Taufeeq Umar falls victim to COVID-19 – CricketTimes.com

توفیق عمر نے پاکستان کی نمائندگی کرتے ہوئے 44 ٹیسٹ میچز میں 7 سینچریوں اور 14 نصف سینچریوں کی بدولت 2 ہزار 936 رنز اسکور کئے۔ اس کے علاوہ ایک روزہ کرکٹ میں انہوں نے 22 میچز کھیل کر 3 نصف سینچریوں کے ساتھ 504 رنز بنائے۔

پاکستان میں کورونا کیسز کی صورتحال

دنیا بھر کی طرح پاکستان میں بھی عالمی وباء کورونا وائرس کا پھیلاؤ دن بہ دن بڑھتا ہی جارہا ہے۔ اس وقت ملک میں مصدقہ کورونا کیسز کی تعداد 54 ہزار 601 ہوچکی ہے جبکہ جاں بحق افراد کی تعداد 1133 تک پہنچ چکی ہے۔

پاکستان میں آج 2 ہزار 164 نئے کیسز سامنے آئے ہیں تاہم ملک میں اب تک کورونا وائرس سے صحتیاب ہونے والے افراد کی تعداد 17 ہزار 198 ہے جبکہ ایکٹو کیسز کی تعداد 36 ہزار 270 ہے۔

Comments are closed on this story.

تبصرے

تبولا

Taboola ads will show in this div