بولی وڈ کا شمار دنیا کی دوسری بڑی فلمی صنعت میں ہوتا ہے اور عام طور پر اس میں نام بنانے والی اداکاراوں پر دولت کی دیوی مہربان ہوجاتی ہے تاہم ایسی بھی بولی وڈ اداکارائیں ہیں جن کی محبتیں فلمی نگری میں شہرت سے قبل کسی نہ کسی سے جاری تھیں لیکن بولی وڈ میں شہرت کے بعد انہوں ن ایک حد تک اپنی ان محبتوں کو ٹھکرا دیا۔ ذیل میں ایسی بولی وڈ اداکاراوں کا بیان کیا گیا ہے۔

دپیکا پڈوکون ۔۔۔

دپیکا کا شمار اب بولی وڈ کے ساتھ ہالی وڈ میں بھی شہرت کمانی والی اداکاراوں میں ہوتا ہے، اور اب وہ بولی وڈ میں اپنی شہرت کی بلندیوں پر ہیں، تاہم بولی وڈ میں شہرت حاصل کرنے سے پہلے دپیکا نہار پانڈیا نامی ماڈل کے ساتھ عشق میں مبتلا تھیں اور دونوں مختلف مقامات پر ایک ساتھ سیروتفریح کرتے ہوئے دیکھے جاسکتے تھے، تاہم بعد میں دپیکا اور رنبیر کپور میں تعلق بننے کے بعد ان کا نہار سے قطع تعلق ہوگیا۔

پریانکا چوپڑا

پریانکا چوپڑا کا نام بھی اب کسی تعارف کا محتاج نہیں ہے تاہم پریانکا بھی عاصم مرچنٹ کے ساتھ عشق میں مبتلا رہی ہیں لیکن دوہزار چودہ میں مس ورلڈ کا تاج سجانے کے بعد انہوں نے عاصم سے قطع تعلق کرلیا تھا۔

عالیہ بھٹ

عالیہ بھٹ اب بولی وڈ میں اونچی اڑان اڑ رہی ہیں اور اب وہ نہ صرف بولی وڈ میں قدم جماچکی ہیں بلکہ کئی لیڈنگ فنکاروں کے ساتھ بھی مرکزی کرداروں میں نظر آرہی ہیں، لیکن شاید آپ واقف نہ ہوں کہ عالیہ بھٹ فلمی دنیا میں انٹری سے قبل اپنے اسکول کے زمانے کے دوست علی دادارکر کے ساتھ ڈیٹنگ کرتی رہی ہیں۔

انوشکا شرما۔۔

انوشکا شرما کے نام سے کون واقف نہیں ہے لیکن اگر ان کا اس فہرست میں تذکرہ نہ کیا جائے تو غلط ہوگا کیونکہ وہ بھی ماڈلنگ کے زمانے میں زوہیب یوسف نامی ماڈل کے ساتھ کئی مقامات پر گھومتے ہوئے پائی جاتی تھیں ، تاہم بعد میں انوشکا اور زوہیب نے ایک ساتھ بڑی فلم میں موقعہ حاصل کرنے کیلئے ممبئی کا رخ کیا جس کے بعد انوشکا تو کامیاب ہوگئیں لیکن زوہیب ناکامی سے دوچار ہوگئے اور یہی ان کے تعلقات کا اختتام تھا۔

سوناکشی سنہا۔ ۔ ۔

سوناکشی سنہا بھی فیم سنیما انڈسٹری کے منیجنگ ڈائریکٹر ادتیا شروف کے ساتھ عام طور پر گھومتے ہوئے پائی جاتی تھیں لیکن بعد میں دونوں کے درمیان کسی بات پر جھگڑا ہوا اور سوناکشی نے اپنی راہیں ادتیا سے جدا کرلیں۔

Courtesy: scoopwhop.com