آج کل کے دور میں سب چاہتے ہیں کہ وہ جسمانی طور پر خوبصورت اور فِٹ رہیں۔ وزن گھٹانے اور جسم سے غیر ضروری چربی کم کرنے میں غذا ایک اہم کردار ادا کرتی ہے۔ مناسب غذا نہ صرف ہمیں وزن گھٹانے میں مدد دیتی ہے بلکہ ہماری مجموعی صحت پر بھی اثر انداز ہوتی ہے۔

وزن گھٹانے کے لئے بہت سے طریقے اور غذائی منصوبے اپنائے جاتے ہیں لیکن ان کے نتائج مؤثر اور دیرپا نہیں ہوتے۔ ہم آپ کو بتائیں گے ان چیزوں پر مشتمل غذا جو آپ کو لمبے عرصے تک صحت مند رکھنے کے لئے مفید ہیں۔

اپنی غذا میں ان چیزوں کا استعمال کریں اور مؤثر طریقے سےوزن گھٹائیں۔

بیریز

بیریز وہ پھل ہیں جو ہمارا میٹا بولزم بڑھانے کی صلاحیت رکھتا ہے۔ اس کے علاوہ یہ بلڈ شوگر کا توازن برقرار رکھنے میں بھی مدد دیتی ہیں۔ یہ اینٹی آکسیڈینٹس اور فائبر کا سرچشمہ ہیں۔

انڈے

انڈوں میں کیلوریز کی مقدار کم اور غذائیت کی مقدار ذیادہ ہوتی ہے۔ ان میں موجود پروٹین کی کثیر تعداد بھوک مٹانے اور پیٹ بھرنے کی صلاحیت رکھتی ہے۔ اس لئے انڈے کھانے کے بعد بار بار کھانا کھانے کی ضرورت نہیں پڑتی۔

سیب

سیب ایک سُپر فوڈ ہے جس میں اینٹی آکسیڈینٹس، فائبر ، ضروری وٹامن اور منرلز کی کثیر تعداد موجود ہے۔ اس پھل کی یہ خصوصیات اسے نہ صرف مزیدار بناتی ہیں بلکہ صحت کے لئے بھی انتہائی فائدہ مند بناتی ہیں۔

پالک

پالک کے پتے پکا کر کھائے جائیں یا سلاد میں کچے کھائے جائیں۔ دونوں طریقوں سے فائدہ پہنچاتے ہیں۔ یہ وٹامن، منرلز اور فائیٹوکیمیکلز کا بہترین ذریعہ ہیں۔ اس کی یہ خصوصیات جسم سے اضافی چربی گھٹانے اور جسم کو مضبوط بنانے کا کام کرتی ہیں۔

سبز چائے

گرین ٹی یا سبز چائے اس دنیا کا سب سے ذیادہ صحت بخش مشوب ہے۔ یہ نہ صرف دماغ کی کارکردگی بہتر بنانے میں کارآمد ہے بلکہ وزن گھٹانے اور کینسر کے امکانات کم کرنے میں اہم کردار ادا کرتی ہے۔

Thanks to MissKyra