Aaj News

جمعرات, مارچ 28, 2024  
17 Ramadan 1445  

درخواست گزار معذورنہیں کام کرے اور بیٹیوں کا خرچہ اٹھائے، سپریم کورٹ

اسلام آباد:سپریم کورٹ نے سابقہ اہلیہ اور بیٹیوں کو خرچہ دینے کے...
اپ ڈیٹ 22 جنوری 2021 03:39pm

اسلام آباد:سپریم کورٹ نے سابقہ اہلیہ اور بیٹیوں کو خرچہ دینے کے حکم کیخلاف شہری ظفر اسلام کی اپیل مسترد کر دی، عدالت نے کہا کہ بیٹیاں پالنا والد کی ذمہ داری ہے،درخواست گزار معذور نہیں کام کرے اور اپنی بیٹیوں کا خرچہ اٹھائے۔

جسٹس عمر عطا بندیال کی سربراہی میں سپریم کورٹ کے 3 رکنی بینچ نے سابقہ اہلیہ اور بیٹیوں کو خرچہ دینے کے حکم کیخلاف شہری ظفر اسلام کی اپیل کی سماعت کی۔

وکیل درخواست گزار نے مؤقف اختیار کیا کہ میرے مؤکل کا کوئی ذریعہ آمدن نہیں خرچہ دینا ممکن نہیں،درخواست گزار کی صرف 63 کنال زمین ہے۔

جسٹس عمر عطا بندیال نے ریمارکس دیئے کہ 63 کنال زمین کم نہیں خرچہ دینا ہوگا،بیٹیاں پالنا والد کی ذمہ داری ہے، درخواست گزار معذور نہیں کام کرے اور اپنی بیٹیوں کا خرچہ اٹھائے۔ عدالت نے سابقہ اہلیہ اور بیٹیوں کو خرچہ دینے کے حکم کیخلاف ظفر اسلام کی اپیل مسترد کردی۔

Supreme Court

اسلام آباد

apeal reject

justice umer ata bandiyal

Comments are closed on this story.

تبصرے

تبولا

Taboola ads will show in this div