Aaj News

جمعہ, مارچ 29, 2024  
18 Ramadan 1445  

کینیڈا میں 84 سالہ گرمی کا ریکارڈ ٹوٹ گیا

کینیڈامیں گرمی نے گزشتہ 84 برسوں کے گرم ترین موسم گرما کا ریکارڈ...
شائع 28 جون 2021 08:56pm

کینیڈامیں گرمی نے گزشتہ 84 برسوں کے گرم ترین موسم گرما کا ریکارڈ توڑدیا۔

کینیڈین محکمہ موسمیات کےاعلان کے مطابق برٹش کولمبیاریاست میں کل بعد ازدوپہر درجہ حرارت46.1 سینٹی گریڈ ریکارڈ کیاگیا،جو کہ ملک میں اب تک ریکارڈکردہ بلند ترین درجہ حرارت ہے۔

کینیڈا کی تاریخ میں اس سے قبل جولائی 1937 میں 45 سینٹی گریڈدرجہ حرارت ریکارڈ ہو اتھا۔

دریں اثناءبرٹش کولمبیا کی وادی پمبرٹون میں شدیدگرمی سے برفانی ٹیلے توقع سے کہیں زیادہ سرعت سے پگھلنے شروع ہو گئے ہیں ، جس بنا پر دریاؤں میں پانی کی سطح بلند ہونے سے متعددمکانات کو خالی کیے جانے کا فیصلہ کیا گیا ہے۔

کینیڈاکی وزارت ماحولیات کے ماہرِ موسمیات ڈیریک لی نے ایک انٹرویو میں بتایاہےکہ آج سےدرجہ حرارت مزید بڑھے گا اور بعض مقامات پراس کے50سینٹی گریڈ تک جانے کی پشین گوئی کی گئی ہے۔

دوسری جانب برٹش کولمبیا کےشہر میٹروپول میں شدید گرمی کے اثرات سے بچاؤ کےلئےکولڈ سینٹرز قائم کیےگئے ہیں۔

canada

Hot Weather

British Columbia

Comments are closed on this story.

تبصرے

تبولا

Taboola ads will show in this div