Aaj News

جمعرات, مارچ 28, 2024  
17 Ramadan 1445  

شادی پر کونسا گانا بجاؤں؟ جمائما کے سوال پر عوام کو نیا موقع مل گیا

وزیراعظم عمران خان کی سابق اہلیہ جمائما گولڈ اسمتھ نے سوشل ...
شائع 21 اکتوبر 2021 10:09am
جمائما نے گانوں کی فہرست مانگی تو عوام کو ہنسی مزاح کا ایک اور موقع فراہم ہوگیا
جمائما نے گانوں کی فہرست مانگی تو عوام کو ہنسی مزاح کا ایک اور موقع فراہم ہوگیا

وزیراعظم عمران خان کی سابق اہلیہ جمائما گولڈ اسمتھ نے سوشل میڈیا صارفین سے شادیوں پر بجنے والے بہترین کنٹمپریری پاپ گانوں کی فہرست مانگی تو عوام کو ہنسی مزاح کا ایک اور موقع فراہم ہوگیا۔

جمائما نے اپنے ٹوئٹر پر سوال پوچھا کہ آج کل شادی پر چلانے کے لیے پاکستان کا بہترین پاپ گانا کون سا ہے؟

جمائما کا سوال کرنا تھا کہ ایسا لگا جیسے عوام پہلے ہی اس کا جواب لیے منتظر بیٹھے ہیں، فوراً سے پیشتر سب اپنی اپنی تجاویز لیے حاضر ہوگئے۔

کوئی "لٹھے دی چادر" لیے آیا تو کسی نے کہا کہ شادی پر "تبدیلی آئی رے" کی تجویز پیش کی۔

ایک من چلے نے تو مسلم لیگ ن کا ترانہ چلانے کی فرمائش کر دی جبکہ ایک صارف نے جمائما سے میشا شفیع کی آواز میں گانا "آیا لاڑھیے نی تیرا" چلانے کا کہا۔

ایک صاحب نے تو پشاور کی شادی کا ایک وائرل کلپ پپیش کردیا، تاہم اس پر ڈریک کا انگریزی گانا لگا تھا، ساتھ ہی لکھا 'ہوسکتا ہے کہ ہماری پسند دوسرے سے بہت مختلف ہو۔'

ان کے سوال پر لوگوں نے گانے تو بہت سے تجویز کیے مگر ایک سوال یہ بھی ہے کہ یہ گانا کس کی شادی پر چلانے کے لیے چاہیے؟

یاد رہے کہ عمران خان کے بیٹے سلیمان کی عمر 25 سال اور قاسم کی عمر 22 سال ہے۔

Viral Tweet

Comments are closed on this story.

تبصرے

تبولا

Taboola ads will show in this div