Aaj News

جمعہ, مارچ 29, 2024  
18 Ramadan 1445  

یوکرین پر حملے کا فیصلہ کن رد عمل آئے گا، صدر جو بائیڈن

امریکی صدر جو بائیڈن نے روس کے صدر ولادمیر پوٹن سے ایک گھنٹہ ...
شائع 13 فروری 2022 02:45pm

امریکی صدر جو بائیڈن نے روس کے صدر ولادمیر پوٹن سے ایک گھنٹہ طویل کال کے دوران کہا ہے کہ یوکرین پر روسی حملہ مغرب کی طرف سے فیصلہ کن اور تیز ردعمل سامنے لائے گا۔

واشنگٹن اور اس کے اتحادیوں نے خبردار کیا تھا کہ یوکرین کے قریب موجود روسی افواج کسی بھی وقت حملہ کر سکتی ہیں۔

بائیڈن انتظامیہ کے ایک سینئر عہدیدار نے کہا کہ کال پیشہ ورانہ تھی اور کوئی بنیادی تبدیلی نہیں آئی۔

یوکرین کے قریب روس کی فوجی تیاری اور عسکری سرگرمیوں میں اضافے نے ان خدشات کو ہوا دی ہے کہ روس حملہ کر سکتا ہے۔

دوسری جانب روس ایسے کسی منصوبے کی تردید کرتا ہے۔

وائٹ ہاؤس نے کہا ہے کہ صدر بائیڈن نے مسٹر پوٹن کو بتایا کہ امریکہ سفارت کاری اور "دیگر منظرناموں" کیلئے تیار ہے۔

بائیڈن انتظامیہ کے سینئر عہدیدار نے کہا کہ دونوں رہمناوّں نے ان تمام امور پر براہ راست بات چیت کی جو امریکہ نے عوام میں اٹھائے ہیں۔

انہوں نے کہا کہ یہ ابھی تک واضح نہیں ہے کہ آیا مسٹر پوٹن سفارتی راستہ اختیار کرنے کے لیے تیار ہیں یا نہیں۔

USA

Putin

Ukrain

Biden

Comments are closed on this story.

تبصرے

تبولا

Taboola ads will show in this div