ملتان: پہلے ون ڈے میں ویسٹ انڈیز نے پاکستان کیخلاف ٹاس جیت کر پہلے بیٹنگ کا فیصلہ کیا ہے۔

ملتان کے انٹرنیشنل کرکٹ اسٹیڈیم میں 14 سال بعد پاکستان اور ویسٹ انڈیز کی ٹیمیں مدمقابل ہیں، جہاں پہلے ایک روزہ میچ کا ٹاس مہمان ٹیم کے کپتان نکولس پورن نے جیت کر پہلے خود بلے بازی کا فیصلہ کیا۔

پاکستان ویسٹ انڈیز ملتان میں پہلے ون ڈے میں مدمقابل#AajNews #PAKvsWI pic.twitter.com/pVcAmMS7HI

— Aaj News (@Aaj_Urdu) June 8, 2022

پاکستان کی جانب سے نوجوان بیٹسمین محمد حارث ون ڈے ڈیبیو کررہے ہیں، محمد حارث پاکستان کی جانب سے ون ڈے ڈیبیو کرنے والے 234 ویں کھلاڑی ہیں۔

پاکستان کی فائنل الیون فخرزمان، امام الحق، بابراعظم (کپتان)، محمد رضوان، محمد حارث، خوشدل شاہ، شاداب خان، محمد نواز، حسن علی، شاہین آفریدی اور حارث رؤف پرمشتمل ہے۔

دونوں ٹیموں کے درمیان 3 ایک روزہ میچوں کی سیریز کا دوسرا میچ 10 اور تیسرا 12 جون کو کھیلا جائے گا۔