غصے کا آنا ایک فطری عمل ہے۔ غصہ کسی بھی وجہ سے آجاتا ہے، اگر کسی چیز کی پریشانی مسلسل آپ کو تنگ کررہی ہوتو آپ کے مزاج میں غصہ آجاتا ہے اور آپ ہر کسی پر غصہ کرنے لگتے ہیں ۔

کسی کے ساتھ لڑائی کا ہوجانا، مالی پریشانی اور صحت کے مسئلے مسائل کی وجہ سے آپ کی ذہنی کیفیت تبدیل ہونے لگتی ہے اور آپ کے مزاج میں چڑچڑاپن آجاتا ہے۔جس کی وجہ سے لوگ بھی آپ سے کنارہ کشی اختیار کرلیتے ہیں۔

وقت کے ساتھ ساتھ غصے کی شدت میں اضافہ ہوتا چلا جاتا ہے اور معمولی باتوں پربھی غصہ آنے لگتے ہے۔ جس کے باعث بلڈ پریشر کی بیماری ہونے کا خطرہ لاحق ہوجاتا ہے۔

اگر آپ کو بھی چھوٹی اور معمولی سی باتوں پر شدید غصہ آجاتا ہے یا آپ مستقل غصے کی حالت میں رہتے ہیں تو درج ذیل بیان کی گئی باتوں پر عمل کریں ۔ ا س سے آپ کے غصے والی عادت کم ہوجائے گی اور وقت کے ساتھ یہ عادت بالکل ختم ہوجائےگی۔

٭ سورج کی روشنی میں چہل قدمی

اگر آپ کا سارا دن گھر میں رہ کر گزر جاتا ہے یا آپ کا زیادہ وقت دفتر میں گزر جاتا ہےتو اس  روٹین کی وجہ سے  آپ میں چڑچڑاپن آسکتا ہے۔ چونکہ سورج کی روشنی نہ ملنے کی وجہ سے آپ کے جسم میں وٹامن ڈی کی کمی نمودار ہوجاتی ہے اوراس کے باعث لوگ ڈپریشن میں چلے جاتے ہیں اور یوں وہ ہر وقت ڈپریشن میں رہنے کی وجہ سے غصے کی حالت میں رہتے ہیں۔

٭ پانی کا استعمال

اپنے کام کے دوران پانی کا استعمال زیادہ سے زیادہ رکھیں۔ اگر پانی پینے کی شدت محسوس ہورہی ہے تو پانی پی لیں، پیاس کو برداشت نہیں کریں۔ پیاس کو برداشت کرکے آپ اپنے کام میں توجہ نہیں دے سکیں گے اور اس طرح آپ کو غصہ آنا شروع ہوسکتا ہے۔

٭ خوشگوار ماحول سے دوری

خوشگوار ماحول سے دوری کے باعث بھی لوگوں میں ڈپریشن ہوجاتا ہے۔ مسلسل ذہنی تناؤ والے ماحول میں رہنے سے آپ میں غصہ اور چڑچڑاپن آجاتا ہے۔ کوشش کریں کہ ماحول کو خوشگوار اور ہنسی مذاق والا بنا کر رکھیں۔

٭نیند کی کمی

غصہ آنے کی ایک اور بڑی وجہ نیند کا پورا نہ ہونا بھی ہے۔جب آپ کی نیند پوری نہیں ہوتی تو آپ میں چڑچڑاپن ہوجاتا ہے۔