پاکستان نے بھارت کے لئے فضائی حدود بند کرنے کا فیصلہ کرلیا، فواد چوہدری  نے اپنے ٹویٹ میں کہا کہ فیصلہ کرنے سے پہلے تمام قانونی پہلوؤں پر غور کیا جا رہا ہے۔

فواد چوہدری نے ٹوئیٹ میں مزید کہا کہ بھارت کے لئے افغانستان کے ساتھ  تجارتی راستے بند کرنے پر بھی غورکیا جارہا ہے۔

PM is considering a complete closure of Air Space to India, a complete ban on use of Pakistan Land routes for Indian trade to Afghanistan was also suggested in cabinet meeting,legal formalities for these decisions are under consideration... #Modi has started we ll finish!

— Ch Fawad Hussain (@fawadchaudhry) August 27, 2019

دوسری جانب معاون خصوصی فردوس عاشق اعوان نے کہا کہ وزیراعظم عمران خان کی جانب سے  مودی کو پاکستانی فضائی حدود استعمال کرنے کی اجازت دینے پر اعتراض اٹھایا گیا۔

فردوس عاشق اعوان کا کہنا تھا کہ وزیر اعظم اور وزیر خارجہ  نے کابینہ اراکین کو بین الاقوامی قوانین سے متعلق بریف کیا۔

فردوس عاشق اعوان نے مزید کہا کہ ائیر سپیس استعمال پر پابندی عائد نہیں تھی اس لیے مودی نے پاکستانی فضائی حدود استعمال کی۔

ان کا کہنا تھا کہ فضائی حدود کے حوالے سے عالمی قوانین پر عمل درآمد کے پابند ہیں، کسی ایک شخصیت کے لیے فضائی حدود کے استعمال کی پابندی میں عالمی قوانین رکاوٹ تھے۔