آل پاکستان صرافہ جیمز اینڈ جیولرز ایسوسی ایشن کی جانب سے جاری کردہ تازہ اعداد و شمار کے مطابق ملک بھر میں فی تولہ سونے کی قیمت میں یکدم 15 ہزار 700 روپے کا بڑا اضافہ دیکھا گیا ہے، جس کے بعد اب ایک تولہ سونا 5 لاکھ 4 ہزار 162 روپے کی ریکارڈ سطح پر فروخت ہو رہا ہے۔

اسی طرح 10 گرام سونے کی قیمت میں بھی 13 ہزار 460 روپے کا اضافہ ہوا ہے اور اب اس کی نئی قیمت 4 لاکھ 32 هزار 237 روپے مقرر کی گئی ہے۔

سونے کی قیمتوں میں اس اچانک اور بڑے اضافے کی بنیادی وجہ عالمی منڈی میں ہونے والی تبدیلی ہے۔ بین الاقوامی بازار میں سونے کا بھاؤ 157 ڈالرز کے نمایاں اضافے کے ساتھ 4814 ڈالرز فی اونس ہو گیا ہے۔

معاشی ماہرین کا کہنا ہے کہ عالمی سطح پر ہونے والی اس تیزی کے اثرات مقامی مارکیٹ پر فوری طور پر مرتب ہوئے ہیں۔

دلچسپ بات یہ ہے کہ یہ اضافہ ایک ایسے وقت میں ہوا ہے جب صرف ایک دن پہلے ہی سونے کی قیمتوں میں کچھ کمی دیکھی گئی تھی، جہاں فی تولہ سونا 3 ہزار روپے اور 10 گرام سونا 2572 روپے سستا ہوا تھا۔

صرافہ ایسوسی ایشن کے نمائندوں کا کہنا ہے کہ قیمتوں میں یہ اتار چڑھاؤ عالمی مارکیٹ کی صورتحال سے جڑا ہوا ہے اور سرمایہ کار اب سونے کو ایک محفوظ سرمایہ کاری کے طور پر دیکھ رہے ہیں۔ ایک عام شہری کے لیے، جو پہلے ہی بڑھتی ہوئی قیمتوں سے پریشان ہے، سونے کا 5 لاکھ کی حد عبور کرنا ایک بڑا دھچکا ہے۔

صرافہ مارکیٹ کے ذرائع کا کہنا ہے کہ جب تک عالمی سطح پر قیمتیں مستحکم نہیں ہوتیں، مقامی مارکیٹ میں بھی اسی طرح کا غیر یقینی اتار چڑھاؤ جاری رہنے کا خدشہ ہے۔

ماہرین کا کہنا ہے کہ اگرچہ جنگ بندی کے اعلان سے تیل کی قیمتوں میں کمی آئی ہے لیکن عالمی سرمایہ کار اب بھی مستقبل کے خطرات کو بھانپتے ہوئے اپنی رقم محفوظ کرنے کے لیے سونے کی خریداری میں دلچسپی لے رہے ہیں۔

رواں سال 28 فروری کو ایران اور اسرائیل کے درمیان جنگ شروع ہونے کے بعد سے اب تک سونے کی قیمتوں میں مجموعی طور پر آٹھ فیصد سے زائد کی کمی دیکھی گئی تھی، لیکن اب حالیہ سفارتی پیش رفت نے مارکیٹ کا رخ بدل دیا ہے۔

معاشی تجزیہ کار تائی وونگ کے مطابق مارکیٹ اس وقت یہ دیکھ رہی ہے کہ کیا ایران معاہدے کی شرائط پر پورا اترتا ہے یا نہیں۔ اگر کشیدگی مکمل ختم نہیں ہوتی تو سونے کی قیمت مزید اوپر جا سکتی ہے۔

عام آدمی کے لیے اس کا مطلب یہ ہے کہ عالمی سطح پر ہونے والی معمولی سی تبدیلی بھی ان کی جیب پر اثر انداز ہوتی ہے۔

سونا اس وقت ایک محفوظ سرمایہ کاری سمجھا جا رہا ہے کیونکہ تیل کی قیمتوں میں اتار چڑھاؤ سے مہنگائی بڑھنے کا خدشہ رہتا ہے۔

مشرق وسطیٰ میں جنگ کے آغاز کے بعد سے توانائی کی درآمدی سرگرمیوں کے ساتھ ساتھ یورو سمیت دیگر کرنسیوں کے مقابلے میں ڈالر مضبوط ہونے اور خام تیل کی بڑھتی ہوئی قیمتوں کے اثرات عالمی بلین مارکیٹوں پر مرتب ہورہے ہیں۔

بیشتر ممالک کے سینٹرل بینکس نے سونے کی خریداری روک دی ہے جب کہ عمومی سرمایہ کار خلیج جنگ طول اختیار کرنے سے سونے کی آف لوڈنگ کو ترجیح دے رہے۔

اس صورت حال کے نتیجے میں بین الاقوامی بلین مارکیٹ میں فی اونس سونے کی قیمت 30 ڈالر کی کمی سے 4657 ڈالر کی سطح پر آگئی ہے۔

عالمی  مارکیٹ کے زیر اثر مقامی صرافہ مارکیٹوں میں بھی کاروباری ہفتے کے دوسرے روز منگل کو سونے کی قیمتوں میں نمایاں کمی ریکارڈ کی گئی ہے جب کہ چاندی کے دام میں استحکام دیکھنے میں آیا ہے، جس سے سرمایہ کاروں اور خریداروں کو فائدہ پہنچا ہے۔

آل پاکستان صرافہ جیمز اینڈ جیولرز ایسوس ایشن کے مطابق پاکستان میں فی تولہ سونے کی قیمت 3000 روپے کم ہو کر 4 لاکھ 88 ہزار 462 روپے ہو گئی۔ اس کے علاوہ 10 گرام سونے کی قیمت 2572 روپے کی کمی کے بعد 4 لاکھ 18 ہزار 777 روپے ہوگئی۔

دوسری جانب عالمی مارکیٹ میں فی اونس چاندی کی قیمت بغیر کسی تبدیلی کے 72 ڈالر 60 سینٹس پر مستحکم رہنے سے مقامی صرافہ مارکیٹوں میں بھی فی تولہ چاندی کی قیمت بغیر کسی تبدیلی کے 7 ہزار 744روپے اور فی 10 گرام چاندی کی قیمت بھی بغیر کسی تبدیلی کے 6 ہزار 639روپے کی سطح پر مستحکم رہی۔

واضح رہے کہ گزشتہ روز سونے کی فی تولہ قیمت میں 1100 روپے اور 10 گرام سونے کی قیمت میں 943 روپے کا اضافہ دیکھا گیا تھا۔

آل پاکستان صرافہ جیمز اینڈ جیولرز ایسوسی ایشن کے مطابق مقامی مارکیٹ میں فی تولہ سونا 1100 روپے مہنگا ہو گیا جس کے بعد فی تولہ قیمت 4 لاکھ ، 91 ہزار 462 ہو گئی۔

اسی طرح 10 گرام سونےکی قیمت 943 روپے کے اضافے سے 4 لاکھ 21 ہزار 349 روپے پر پہنچ گئی۔

عالمی مارکیٹ میں فی اونس سونا 11 ڈالر مہنگا ہونے کے بعد 4 ہزار 687 ڈالر کا ہو گیا۔

دوسری جانب جبکہ چاندی کی فی تولہ قیمت 50 روپے کم ہو کر 7 ہزار 744 ہو گئی ہے۔

ٹاپ لائن سیکیورٹیز لمیٹڈ کی جانب سے جاری کردہ اعداد و شمار کے مطابق اس مندی کے باعث پاکستان اسٹاک ایکسچینج عالمی سطح پر کمزور کارکردگی دکھانے والی مارکیٹوں میں شامل رہی، جہاں بھارت اور انڈونیشیا کی مارکیٹس بھی دباؤ کا شکار رہیں۔

رپورٹ کے مطابق بینچ مارک کے ایس ای ہنڈریڈ انڈیکس نے مالی سال 2026 کی تیسری سہ ماہی (3QFY26) کے دوران ڈالر کے حساب سے منفی 14.6 فیصد منافع دیا، جس کے باعث پاکستان دنیا کی تین کمزور ترین کارکردگی والی مارکیٹس میں شامل ہو گیا۔

اعداد و شمار کے مطابق دیگر علاقائی مارکیٹس بھی دباؤ کا شکار رہیں، جہاں بھارت اور انڈونیشیا بالترتیب پہلے اور دوسرے نمبر پر رہے، جنہوں نے ڈالر کے لحاظ سے منفی 19.4 فیصد اور 19 فیصد منافع ریکارڈ کیا۔

اس کے برعکس کچھ فرنٹیئر اور ابھرتی ہوئی مارکیٹس نے بہتر کارکردگی دکھائی۔ گھانا، عمان اور نائجیریا نمایاں رہے جہاں بالترتیب 43.6 فیصد، 42.3 فیصد اور 34.1 فیصد مثبت منافع حاصل ہوا۔

ٹاپ لائن سیکیورٹیز کے مطابق پاکستان کی کمزور کارکردگی کی بڑی وجہ بیرونی جغرافیائی خطرات ہیں، خصوصاً ایران، اسرائیل اور امریکا کے درمیان بڑھتی کشیدگی، جس نے خطے کی مارکیٹس کو متاثر کیا۔

اس کے ساتھ ساتھ ملک میں بڑھتی مہنگائی اور عالمی سطح پر توانائی کی قیمتوں میں اضافے نے بھی سرمایہ کاروں کے اعتماد کو نقصان پہنچایا۔

رپورٹ میں کہا گیا ہے کہ گزشتہ سال بہترین کارکردگی دکھانے والی پاکستانی ایکویٹی مارکیٹ بیرونی جھٹکوں اور معاشی غیر یقینی صورتحال کے باعث اب شدید دباؤ کا شکار ہے۔

گزشتہ ہفتے کے دوران بھی کے ایس ای ہنڈریڈ انڈیکس میں اتار چڑھاؤ دیکھنے میں آیا اور مارکیٹ فروخت کے دباؤ میں رہی۔ انڈیکس 150,399 پوائنٹس پر بند ہوا، جو ہفتہ وار بنیاد پر 0.9 فیصد کمی یعنی 1,309 پوائنٹس کی گراوٹ ظاہر کرتا ہے۔

ٹاپ لائن سیکیورٹیز کے مطابق حکومت کی جانب سے فیول سبسڈی ختم کرنے کے اعلان کے بعد مارکیٹ میں مزید مندی دیکھنے میں آئی، جس کے تحت ڈیزل کی قیمت میں 55 فیصد اور پیٹرول کی قیمت میں 43 فیصد اضافہ کیا گیا، جس سے سرمایہ کاروں کا اعتماد مزید متاثر ہوا۔

تاہم قیمتوں میں اس بڑے اضافے کے ایک روز بعد وزیراعظم شہباز شریف نے اعلان کیا کہ حکومت ایک ماہ کے لیے پیٹرول پر پیٹرولیم لیوی میں 80 روپے فی لیٹر کمی کرے گی۔

رپورٹ کے مطابق دنیا کے 10 امیر ترین افراد میں سے 9 اپریل کے آغاز پر پہلے کے مقابلے میں کم دولت کے ساتھ داخل ہوئے۔ مجموعی طور پر ان کی دولت 100 ارب ڈالر سے زائد کم ہو کر 2.5 ٹریلین ڈالر رہ گئی۔

درجہ بندی میں بھی بڑی تبدیلیاں دیکھنے میں آئیں۔ ٹاپ 10 میں شامل افراد میں سے صرف 4 اپنی پوزیشن برقرار رکھ سکے، جن میں ایلون مسک بدستور پہلے اور سرگئی برن دوسرے نمبر پر موجود ہیں۔ تاہم مسک اور لیری پیج سمیت 5 بڑے ارب پتی ایسے رہے جن کی دولت میں کم از کم 20 ارب ڈالر کی کمی ہوئی۔

ایلون مسک کی دولت 22 ارب ڈالر کم ہو کر 817 ارب ڈالر رہ گئی، جبکہ لیری پیج کی دولت 20 ارب ڈالر کمی کے بعد 237 ارب ڈالر تک آ گئی۔

سب سے زیادہ نقصان فرانس کے برنارڈ آرنو کو ہوا، جو ساتویں نمبر سے دسویں نمبر پر آ گئے اور ان کی دولت 28 ارب ڈالر کم ہو گئی۔ اسی طرح اسپین کے امانسیو اورٹیگا بھی نمایاں طور پر نیچے آئے اور ان کی دولت میں 20 ارب ڈالر کی کمی ہوئی۔

وارن بفیٹ بھی ٹاپ 10 سے باہر ہو گئے اور نویں سے گیارہویں نمبر پر چلے گئے۔ دوسری جانب وال مارٹ کے وارث راب والٹن معمولی نقصان کے باوجود تین سال بعد دوبارہ ٹاپ 10 میں شامل ہو گئے۔

اس فہرست میں واحد اضافہ مائیکل ڈیل کی دولت میں دیکھنے میں آیا، جو 13ویں نمبر سے آٹھویں نمبر پر پہنچ گئے۔ جبکہ جیف بیزوس بھی تیسرے نمبر پر آ گئے، حالانکہ ان کی دولت میں معمولی کمی ہوئی۔

فوربز کے مطابق مارچ 2026 میں دنیا بھر میں 3,428 ارب پتی افراد موجود تھے۔ یہ اعداد و شمار یکم اپریل 2026 کے مطابق ہیں، جبکہ اسٹاک مارکیٹ میں روزانہ اتار چڑھاؤ کے باعث دولت میں بھی مسلسل تبدیلی آتی رہتی ہے۔

عالمی منڈی میں سونے کی قیمت 71 ڈالر کی نمایاں کمی کے بعد 4642 ڈالر فی اونس کی سطح پر آگئی ہے، جس کے اثرات مقامی مارکیٹ پر بھی گہرے مرتب ہوئے ہیں۔

اس عالمی مندی کی وجہ سے پاکستان میں فی تولہ سونے کی قیمت میں 7100 روپے کی بڑی کمی ریکارڈ کی گئی ہے جس کے بعد ایک تولہ سونا 4 لاکھ 86 ہزار 962 روپے کا ہو گیا ہے۔

سونے کی قیمتوں میں آنے والی اس حالیہ کمی نے گزشتہ کئی دنوں سے جاری اضافے کے سلسلے کو روک دیا ہے۔

تولہ کے ساتھ ساتھ 10 گرام سونے کی قیمت میں بھی 6087 روپے کی واضح کمی دیکھی گئی ہے جس کے بعد اب 10 گرام سونا 4 لاکھ 17 ہزار 491 روپے کی سطح پر آگیا ہے۔

اس اچانک تبدیلی کی بڑی وجہ امریکی صدر ڈونلڈ ٹرمپ کا وہ حالیہ خطاب ہے جس میں انہوں نے ایران کے خلاف جنگ جاری رکھنے اور اگلے دو سے تین ہفتوں میں مزید شدید حملوں کا اعلان کیا ہے۔

صدر ٹرمپ کے اس سخت لہجے اور جنگی عزائم کے باعث عالمی سرمایہ کاروں میں بے یقینی پیدا ہوئی ہے جس کے نتیجے میں سونے کی عالمی قیمت نیچے آگئی۔

معاشی تجزیہ کاروں کا کہنا ہے کہ صدر ٹرمپ کے بیان نے مارکیٹ میں موجود اس امید کو ختم کر دیا ہے کہ شاید جنگ جلد ختم ہو جائے گی۔

اس کے ساتھ ہی عالمی منڈی میں تیل کی قیمتوں میں چار فیصد سے زائد کا اضافہ ہوا ہے اور امریکی ڈالر کی قدر بھی بڑھی ہے، جس کی وجہ سے سونے جیسی مہنگی دھات پر دباؤ بڑھ گیا ہے۔

یاد رہے کہ مارچ کا مہینہ سونے کے لیے 2008 کے بعد سب سے برا مہینہ ثابت ہوا تھا، اس دوران اس کی قیمت میں مجموعی طور پر 11 فیصد کی بڑی گراوٹ دیکھی گئی تھی۔

وزیراعظم پاکستان شہباز شریف کی خصوصی ہدایات پر عملدرآمد کرتے ہوئے وفاقی وزیر مواصلات عبدالعلیم خان نے ٹول ٹیکس میں 25 فیصد سہ ماہی اضافے کو باضابطہ طور پر واپس لینے کا اعلان کیا ہے۔

وزارت مواصلات کے مطابق ملک کی موجودہ معاشی صورتحال کے پیشِ نظر مالی سال 2025-26 کے دوران ٹول ٹیکس میں کسی قسم کا اضافہ نہ کرنے کا فیصلہ کیا گیا ہے، تاکہ عوام کو زیادہ سے زیادہ ریلیف فراہم کیا جا سکے۔

حکومت کا کہنا ہے کہ وزیراعظم کی ہدایت کے مطابق عوامی مشکلات کم کرنے کے لیے ہر ممکن اقدامات کیے جائیں گے اور مہنگائی کے دباؤ میں کمی کے لیے ایسے فیصلے جاری رکھے جائیں گے۔

آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت 3 ہزار 400 روپے کے اضافے کے بعد 4 لاکھ 90 ہزار 362 روپے ہو گئی۔

اسی طرح 10 گرام سونے کی قیمت 2 ہزار 915 روپے بڑھنے کے بعد 4 لاکھ 20 ہزار 406 روپے ہو گئی۔

عالمی مارکیٹ مفیں سونے کی قیمت 34 ڈالر بڑھ کر 4676ڈالر فی اونس پرہوگئی۔

چاندی بھی 160 روپے کے اضافے کے بعد فی تولہ چاندی کی قیمت 7 ہزار 794 روپے ہو گئی ہے۔

واضح رہے کہ گزشتہ روز فی تولہ سونے کی قیمت 7 ہزار 100 روپے کم ہو کر 4 لاکھ 86 ہزار 962 روپے ہو گئی تھی۔

دستاویزات کے مطابق آئل مارکیٹنگ کمپنیوں (او ایم سیز) کی فروخت گزشتہ ماہ مارچ میں 13 فیصد تک بڑھ گئی، جس کے بعد مجموعی فروخت 1.44 ملین ٹن تک جا پہنچی۔

اعداد و شمار ظاہر کرتے ہیں کہ سالانہ بنیادوں پر پیٹرولیم مصنوعات کی فروخت میں 19 فیصد اضافہ ریکارڈ کیا گیا، جبکہ رواں مالی سال کے پہلے 9 ماہ کے دوران او ایم سیز کی مجموعی فروخت 12.40 ملین ٹن رہی۔

رپورٹ کے مطابق آئل مارکیٹنگ کمپنیوں کی سیلز میں سالانہ بنیاد پر 5 فیصد اضافہ بھی سامنے آیا ہے۔ پیٹرول کی فروخت 0.67 ملین ٹن رہی، جو 16 فیصد سالانہ اضافے کو ظاہر کرتی ہے، جبکہ ڈیزل کی فروخت 0.62 ملین ٹن تک پہنچ گئی، جس میں 21 فیصد اضافہ ریکارڈ کیا گیا۔

مزید برآں فرنس آئل کی فروخت میں ماہانہ بنیاد پر غیر معمولی طور پر 98 فیصد اضافہ دیکھا گیا۔ کمپنیوں کے لحاظ سے پاکستان اسٹیٹ آئل (پی ایس او) کی سیلز 0.63 ملین ٹن جبکہ اٹک پیٹرولیم کی فروخت 0.11 ملین ٹن ریکارڈ کی گئی۔

دوپہر کے وقت انڈیکس 1 لاکھ 57 ہزار سے زائد کی سطح پر پہنچ گیا تھا جو کہ تقریباً پونے چھ فیصد کے بڑے اضافے کو ظاہر کرتا ہے۔ بازار میں اس قدر تیزی آئی کہ ایک موقع پر ریگولیٹری قوانین کے تحت کاروبار کو کچھ دیر کے لیے روکنا پڑا کیونکہ مارکیٹ میں پانچ فیصد سے زیادہ کا اضافہ ہو چکا تھا۔

معاشی ماہرین اور بروکریج ہاؤسز کا کہنا ہے کہ عالمی سطح پر علاقائی تنازعات کے کم ہونے کی امید نے سرمایہ کاروں میں اعتماد بحال کر دیا ہے۔

اس مثبت رجحان کی وجہ سے تقریباً تمام اہم شعبوں بشمول سیمنٹ، بینکنگ، کھاد، تیل و گیس اور گاڑیوں کے شعبے میں بڑے پیمانے پر خریداری دیکھی گئی۔

بڑے بینکوں اور تیل کی کمپنیوں کے حصص کی قیمتوں میں اضافے نے انڈیکس کو اوپر لے جانے میں اہم کردار ادا کیا۔

یہ تیزی ایک ایسے وقت میں آئی ہے جب رواں سال کی پہلی سہ ماہی میں جیو پولیٹیکل صورتحال کی وجہ سے مارکیٹ میں مندی کا رجحان رہا تھا اور انڈیکس میں پندرہ فیصد تک کی کمی دیکھی گئی تھی۔

گزشتہ روز بھی اسٹاک مارکیٹ میں بہتری کے آثار نظر آئے تھے اور اداروں کے ساتھ ساتھ عام سرمایہ کاروں نے بھی بڑھ چڑھ کر حصہ لیا تھا، لیکن بدھ کی اس تیزی نے گزشتہ تمام نقصانات کا ازالہ کر دیا ہے۔

تجزیہ کاروں کا ماننا ہے کہ اگر علاقائی حالات اسی طرح بہتری کی طرف گامزن رہے اور معاشی اشاریے مثبت رہے تو اسٹاک مارکیٹ میں مزید بہتری کی توقع کی جا سکتی ہے۔

اس وقت مارکیٹ میں چھائی ہوئی خوش آئند لہر سے یہ ظاہر ہوتا ہے کہ سرمایہ کار دوبارہ خطرہ مول لینے اور کاروبار میں پیسہ لگانے کے لیے تیار ہیں۔

بین الاقوامی مارکیٹ میں سونے کی فی اونس قیمت میں ایک ہی دن میں 153 ڈالر کا بڑا اضافہ ریکارڈ کیا گیا ہے، جس کے بعد عالمی سطح پر سونے کی قیمت 4713 ڈالر فی اونس کی بلند سطح پر پہنچ گئی ہے۔

عالمی مارکیٹ میں آنے والی اس بڑی تبدیلی کے اثرات فوری طور پر مقامی قیمتوں پر بھی نظر آئے ہیں اور سونے کی قیمت میں ہزاروں روپے کا اضافہ ہو گیا ہے۔

مقامی صرافہ مارکیٹ میں سونے کی فی تولہ قیمت میں 15 ہزار 300 روپے کا نمایاں اضافہ ہوا ہے، جس کے بعد ملک میں ایک تولہ سونا 4 لاکھ 94 ہزار 62 روپے کی ریکارڈ سطح پر پہنچ گیا ہے۔

سونے کی قیمتوں میں ہونے والا یہ اضافہ حالیہ عرصے کے بڑے اضافوں میں سے ایک ہے جس نے خریداروں اور سرمایہ کاروں کو حیران کر دیا ہے۔

اسی طرح دس گرام سونے کی قیمت میں بھی 13 ہزار 117 روپے کا اضافہ دیکھا گیا ہے اور اب مقامی مارکیٹ میں دس گرام سونا 4 لاکھ 23 ہزار 578 روپے کا ہو گیا ہے۔

برطانوی خبر رساں ایجنسی ’رائٹرز‘ کے مطابق، اس اضافے کی بڑی وجہ امریکی ڈالر کی قدر میں معمولی کمی اور صدر ڈونلڈ ٹرمپ کا وہ بیان ہے جس میں انہوں نے اشارہ دیا ہے کہ ایران کے ساتھ جاری جنگ اگلے دو سے تین ہفتوں میں ختم ہو سکتی ہے۔

معاشی ماہرین کا کہنا ہے کہ صدر ٹرمپ کے اس بیان نے کہ ”امریکا جنگ ختم کرنے کے لیے کسی پیشگی معاہدے کا محتاج نہیں ہے“، عالمی حصص بازاروں میں نئی جان ڈال دی ہے اور اسی لہر کے ساتھ سونے کی قیمتوں کو بھی سہارا ملا ہے۔

عام طور پر جب ڈالر سستا ہوتا ہے تو سونا خریدنا دیگر کرنسیوں کے حامل افراد کے لیے آسان ہو جاتا ہے جس سے اس کی طلب اور قیمت بڑھ جاتی ہے۔

تاہم ماہرین نے خبردار بھی کیا ہے کہ اگر مہنگائی بڑھنے کے خدشات پیدا ہوئے اور شرح سود میں اضافہ ہوا تو سونے کی قیمتوں میں اضافے کی یہ رفتار سست بھی ہو سکتی ہے۔

گزشتہ ماہ یعنی مارچ میں عالمی مارکیٹ میں سونے کی قیمتوں میں 11 فیصد سے زائد کی بڑی گراوٹ دیکھی گئی تھی جو کہ 2008 کے بعد ایک ماہ میں ہونے والی سب سے بڑی کمی تھی۔

اس کی وجہ یہ تھی کہ جنگ شروع ہونے کے بعد ڈالر کو ایک محفوظ سرمایہ کاری سمجھا جا رہا تھا اور امریکی مرکزی بینک کی جانب سے شرح سود میں کمی کے امکانات بھی ختم ہو گئے تھے۔

اب اگر مشرقِ وسطیٰ میں کشیدگی کم ہوتی ہے اور جنگ بندی کے آثار نمایاں ہوتے ہیں تو عالمی مارکیٹ میں سونے کی قیمتوں میں استحکام یا مزید بہتری کی توقع کی جا سکتی ہے۔

آل پاکستان صرافہ جیمز اینڈ جیولرز ایسوسی ایشن کے مطابق مقامی مارکیٹ میں 10 گرام سونا 2 ہزار 401 روپے مہنگا ہو گیا ہے جبکہ فی تولہ سونا 2 ہزار 800 روپے اضافے کے بعد 4 لاکھ 78 ہزار 762 روپے تک پہنچ گیا ہے۔ اس کے نتیجے میں 10 گرام سونے کی قیمت بھی 4 لاکھ 10 ہزار 461 روپے ہو گئی ہے۔

عالمی مارکیٹ میں بھی سونے کی قیمتوں میں اضافہ دیکھا گیا ہے، جہاں فی اونس سونے کی قیمت 28 ڈالر بڑھ کر 4 ہزار 560 ڈالر ہو گئی ہے۔

ماہرین کا کہنا ہے کہ عالمی سطح پر قیمتوں میں اضافہ ڈالر کے اتار چڑھاؤ اور سرمایہ کاری کی طلب میں اضافے کی وجہ سے ہوا ہے۔

سونے کی بڑھتی ہوئی قیمتوں کے باعث سرمایہ کاروں کو متحرک ہونے کی ضرورت ہے جبکہ عام صارفین کے لیے سونے کی خریداری مہنگی ہونے کا خدشہ پیدا ہو گیا ہے۔

مارکیٹ تجزیہ کاروں کا کہنا ہے کہ مستقبل قریب میں سونے کی قیمتوں میں مزید اتار چڑھاؤ متوقع ہے، اس لیے سرمایہ کاری کے فیصلے محتاط انداز میں کرنے کی ہدایت کی گئی ہے۔

واضح رہے کہ گزشتہ روز سونے کی فی تولہ سونے کی قیمت 3 ہزار 900 روپے کا اضافہ ہوا تھا۔

آئل اینڈ گیس ریگولیٹری اتھارٹی (اوگرا) نے ایل پی جی کی نئی قیمتوں کا نوٹیفکیشن جاری کر دیا ہے۔ اس تازہ اضافے کے بعد ایل پی جی کی زیادہ سے زیادہ قیمت 304 روپے 12 پیسےفی کلو مقرر کردی گئی ہے جب کہ 11.8 کلو کے گھریلو سلنڈر کی قیمت 3 ہزار 588 روپے 59 پیسے ہوگئی ہے۔

نوٹیفکیشن کے مطابق قیمتوں کا اطلاق مقامی اوردرآمدی ایل پی جی دونوں پر ہوگا جب کہ ایل پی جی پروڈیوسر پرائس 3 ہزار 101 روپے 25 پیسے فی سلنڈرمقررکر دی گئی ہے۔

توانائی کے ماہرین کا کہنا ہے کہ ایل پی جی کی بڑھتی ہوئی قیمتیں مہنگائی کے ایک نئے طوفان کا باعث بن سکتی ہیں اور عام صارفین، خصوصاً غریب طبقہ، ایل پی جی گیس کی خریداری سے محروم ہو سکتے ہیں۔

انہوں نے بتایا کہ عالمی مارکیٹ میں ایل پی جی کی قیمت میں 238 ڈالر کا اضافہ ہو چکا ہے، جس کا اثر پاکستان کی مقامی مارکیٹ پر بھی پڑ رہا ہے۔

ایل پی جی ڈسٹری بیوشن ایسوسی ایشن نے حکومت سے فوری اقدامات کرنے کا مطالبہ کرتے ہوئے کہا ہے کہ صارفین کو قیمتوں میں اضافے کے اس بحران سے بچانے کے لیے موثر حکمت عملی تیار کی جائے۔

ماہرین کا کہنا ہے کہ اگر فوری اقدامات نہ کیے گئے تو توانائی کے شعبے میں ہونے والا یہ اتار چڑھاؤ عوام پر مہنگائی کے اضافے کی صورت میں براہ راست اثر ڈالے گا اور ملکی معیشت پر بھی دباؤ بڑھ سکتا ہے۔

آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت 3,900 روپے اضافے کے بعد 475,962 روپے ہو گئی ہے۔

اسی طرح دس گرام سونے کی قیمت بھی 3,343 روپے بڑھ کر 4 لاکھ 8 ہزار 60 روپے ہو گئی ہے۔

پاکستان میں چاندی کی قیمت میں بھی اضافہ دیکھا گیا ہے، جہاں فی تولہ چاندی 70 روپے اضافے کے بعد 7,524 روپے پر پہنچ گئی جبکہ 10 گرام چاندی 60 روپے بڑھ کر 6,450 روپے ہو گئی۔

دوسری جانب عالمی مارکیٹ میں بھی سونے اور چاندی کی قیمتوں میں اضافہ ریکارڈ کیا گیا ہے۔ سونے کی قیمت میں 35 ڈالر کا اضافہ ہوا اور یہ 4,533 ڈالر فی اونس ہو گئی، جبکہ چاندی 0.9 ڈالر اضافے کے ساتھ 70 ڈالر فی اونس پر ٹریڈ کر رہی ہے۔

ماہرین کے مطابق گزشتہ دو روزہ کمی کے بعد عالمی و مقامی مارکیٹوں میں یہ اضافہ سونے کی طلب اور عالمی مارکیٹ میں خام تیل کی بڑھتی قیمتوں کے اثرات کی عکاسی کرتا ہے۔ توقع کی جا رہی ہے کہ عالمی منڈی کے زیر اثر آج بھی مقامی مارکیٹ میں سونے کی قیمت میں مزید اضافہ ہو سکتا ہے۔

آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت 4 ہزار 800 روپے کے اضافے کے بعد 4 لاکھ 72 ہزار 62 روپے ہو گئی۔

ملک میں 10 گرام سونے کی قیمت 4 ہزار 116 روپے بڑھنے کے بعد 4 لاکھ 4 ہزار 717 روپے ہو گئی۔

عالمی مارکیٹ میں سونے کے نرخ میں 48 ڈالر کا اضافہ ہوا جس کے بعد فی اونس نرخ 4493 ڈالر کی سطح پر پہنچ گئے ہیں۔

واضح رہے کہ گزشتہ روز سونے کی قیمت میں 1 ہزار رپے کی کمی ہوئی تھی۔

ملک میں چاندی کی قیمت میں کوئی ردو بدل نہیں ہوا ہے ، چاندی کی فی تولہ قیمت 7454 روپے کی سطح پر برقرار ہے۔

نوٹیفکیشن کے مطابق مٹی کے تیل کی قیمت میں 4 روپے 66 پیسے فی لیٹر اضافہ کیا گیا ہے، جس کے بعد نئی قیمت 433 روپے 40 پیسے فی لیٹر ہو گئی ہے۔

یاد رہے کہ گزشتہ ہفتے بھی مٹی کے تیل کی قیمت میں 70 روپے 73 پیسے فی لیٹر کا بڑا اضافہ کیا گیا تھا۔

اسی طرح لائٹ ڈیزل آئل (ایل ڈی او) کی قیمت میں 22 روپے 3 پیسے فی لیٹر اضافہ کیا گیا ہے، جس کے بعد اس کی نئی قیمت 365 روپے 62 پیسے فی لیٹر مقرر کر دی گئی ہے۔

حکام کے مطابق پٹرول اور ہائی اسپیڈ ڈیزل کی قیمتیں آئندہ ایک ہفتے کے لیے برقرار رکھی گئی ہیں۔

آئی ایم ایف کے مطابق یہ معاہدہ توسیعی فنڈ سہولت کے تیسرے جائزے اور ریزیلینس اینڈ سسٹینیبلٹی فیسلٹی کے دوسرے جائزے کے تحت ہوا ہے۔

اس پیش رفت کے بعد اگر آئی ایم ایف کا ایگزیکٹو بورڈ حتمی منظوری دے دیتا ہے تو پاکستان کو تقریباً ایک ارب ڈالر کی قسط جاری کی جائے گی۔

اس کے علاوہ موسمیاتی اور پائیداری کے منصوبوں کے لیے آر ایس ایف کے تحت مزید 21 کروڑ ڈالر فراہم کیے جائیں گے۔

ادارے کا کہنا ہے کہ ان دونوں پروگرامز کے تحت پاکستان کو اب تک اور آئندہ ملنے والی مجموعی رقم تقریباً چار اعشاریہ پانچ ارب ڈالر تک پہنچ جائے گی۔

یہ فنڈز پاکستان کی معیشت کو سہارا دینے، زرمبادلہ کے ذخائر کو مستحکم کرنے اور اصلاحاتی اقدامات کو جاری رکھنے میں مدد فراہم کریں گے۔

واضح رہے کہ اسٹاف لیول معاہدہ حتمی نہیں ہوتا بلکہ اس کے بعد آئی ایم ایف کے ایگزیکٹو بورڈ کی منظوری ضروری ہوتی ہے۔

منظوری کے بعد ہی پاکستان کو یہ رقم باقاعدہ طور پر جاری کی جاتی ہے۔

آل پاکستان صرافہ بازار جیولرز ایسوسی ایشن کے مطابق فی تولہ سونے کی قیمت میں ایک ہزار روپے کمی ہوئی ہے، جس کے بعد نئی قیمت 4 لاکھ 67 ہزار 262 روپے ہو گئی ہے۔

اسی طرح 10 گرام سونے کی قیمت میں 858 روپے کی کمی ہوئی ہے، جس کے بعد 10 گرام سونا 4 لاکھ 601 روپے کا ہو گیا ہے۔

دوسری جانب عالمی مارکیٹ میں بھی سونے کی قیمت میں کمی دیکھی گئی ہے، جہاں فی اونس سونا 10 ڈالر سستا ہو کر 4445 ڈالر پر آ گیا ہے۔

ذرائع کے مطابق وزارت آئی ٹی نے 24 ہزار موبائل فونز کی خریداری کیلئے اظہارِ دلچسپی طلب کرلیا ہے۔ یہ موبائل فونز ملک بھر کے پٹرول پمپس کو فراہم کیے جائیں گے تاکہ سبسڈی کے نظام کو ڈیجیٹل طریقے سے چلایا جا سکے۔

نیشنل آئی ٹی بورڈ موبائل فونز کی قیمتوں کا تعین کرے گا جبکہ آئل مارکیٹنگ کمپنیاں یہ فونز خرید کر پٹرول پمپس تک پہنچائیں گی۔ منصوبے کے تحت 12 ہزار پٹرول پمپس پر مجموعی طور پر 24 ہزار موبائل فونز فراہم کیے جائیں گے، یعنی ہر پمپ پر دو فونز دستیاب ہوں گے۔

حکومت کی جانب سے ہر پٹرول پمپ پر دو نوزلز مخصوص کیے جائیں گے جہاں سبسڈائزڈ پٹرول فراہم کیا جائے گا۔ اس مقصد کیلئے وزارت آئی ٹی کی تیار کردہ موبائل ایپ آخری مراحل میں ہے اور اس کی ٹیسٹنگ جاری ہے۔

حکام کا کہنا ہے کہ اس ایپ کے ذریعے صارفین کو ڈیجیٹل واؤچر جاری کیے جائیں گے، جس کی بنیاد پر سبسڈی دی جائے گی۔ ابتدائی طور پر موٹر سائیکل سواروں کو ماہانہ 20 لیٹر تک سبسڈائزڈ پٹرول دینے کی تجویز زیر غور ہے۔

تاہم 800 سی سی تک گاڑیوں کو سبسڈائزڈ پٹرول دینے کے حوالے سے تاحال کوئی حتمی فیصلہ نہیں کیا گیا۔ دوسری جانب حکومت نے ملک بھر کے پٹرول پمپس کی نگرانی کا عمل بھی شروع کر دیا ہے تاکہ اس نظام کو مؤثر بنایا جا سکے۔

برطانوی خبر رساں ادارے رائٹرز کے مطابق اعداد و شمار سے معلوم ہوا ہے کہ برطانوی برینٹ کروڈ آئل کی قیمت 84 سینٹ یعنی 0.8 فیصد کمی کے بعد 107.17 ڈالر فی بیرل ہو گئی، جبکہ امریکی ویسٹ ٹیکساس انٹرمیڈیٹ خام تیل کی قیمت 1.02 ڈالر یعنی 1.1 فیصد کمی کے ساتھ 93.46 ڈالر فی بیرل تک گر گئی ہے۔

ہفتہ وار بنیاد پر دونوں بینچ مارکس تقریباً 4.6 فیصد نیچے ٹریڈ کر رہے ہیں، حالانکہ جمعرات کے روز جنگ میں مزید شدت کے خدشات کے باعث برینٹ میں 5.7 فیصد اور امریکی خام تیل میں 4.6 فیصد اضافہ ریکارڈ کیا گیا تھا۔

فلپ نووا کی تجزیہ کار پریانکا سچدیوا کے مطابق کشیدگی میں کمی کی باتوں کے باوجود تیل کی قیمتیں صرف خبروں پر نہیں بلکہ جنگ کے دورانیے پر منحصر ہیں۔ اگر تیل کے انفراسٹرکچر کو براہ راست نقصان پہنچا یا تنازع طویل ہوا تو منڈیوں میں قیمتیں تیزی سے اوپر جا سکتی ہیں۔

ادھر ڈونلڈ ٹرمپ نے ایران کی توانائی تنصیبات پر حملے روکنے کا اعلان کیا ہے، تاہم امریکا نے مشرقِ وسطیٰ میں ہزاروں اضافی فوجی بھی تعینات کیے ہیں اور یہ غور کیا جا رہا ہے کہ آیا ایران کے اسٹریٹجک آئل حب خارگ جزیرے پر زمینی کارروائی کی جائے۔

اس جنگ کے باعث عالمی سطح پر یومیہ 11 ملین بیرل تیل کی فراہمی متاثر ہو چکی ہے۔ عالمی انرجی ایجسنی نے اس بحران کو سنہ 1970 کی دہائی کے روس-یوکرین گیس بحران سے بھی زیادہ سنگین قرار دیا ہے۔

میکواری گروپ کے تجزیہ کاروں کے مطابق اگر جنگ جلد ختم ہو جاتی ہے تو آنے والے مہینوں میں تیل کی قیمتیں تیزی سے نیچے آ سکتی ہیں، تاہم وہ تنازع سے قبل کی سطح کے قریب رہیں گی۔

ماہرین کے مطابق اگر جنگ جون کے اختتام تک جاری رہی تو قیمتیں 200 ڈالر فی بیرل تک بھی پہنچ سکتی ہیں۔

آل صرافہ ایسوسی ایشن کے مطابق پاکستان میں فی تولہ سونا 11 ہزار روپے سستا ہو گیا جس کے بعد نئی قیمت 4 لاکھ 68 ہزار 262 روپے کی سطح پر آ گئی ہے۔

اسی طرح 10 گرام سونے کی قیمت میں بھی 9 ہزار 430 روپے کی کمی ہوئی ہے، جس کے بعد اس کی نئی قیمت 4 لاکھ 1 ہزار 549 روپے مقرر ہو گئی ہے۔

عالمی مارکیٹ میں سونے کے نرخ میں 110 ڈالر کی کمی ہوئی، جس کے بعد فی اونس سونا 4455 ڈالر کا ہو گیا ہے۔

پاکستان میں چاندی کے فی تولہ نرخ بھی 340 روپے کم ہو گئے ہیں جس کے بعد نئی فی تولہ قیمت 7484 روپے کی سطح پر آ گئی ہے۔

جیٹ فیول 176 روپے سے بڑھ کر 417 روپے فی لیٹر تک جا پہنچا، جیٹ فیول کی قیمتوں میں اضافے سے فضائی سفر مزید مہنگا ہونے کا خدشہ ہے۔

ایئرلائنز حکام کے مطابق فیول کی بڑھتی قیمت کے بوجھ کو ٹکٹس میں منتقل کرنا ناگزیر ہے۔ جس کی وجہ سے ایئرلائنز نے کرایوں میں 100 فیصد تک اضافے کا عندیہ دیا ہے۔

پی آئی اے نے اپنے لوکل پروازوں پر 10 ڈالر فیول سرچارج نافذ کیا ہے، جبکہ کینیڈا کے روٹس پر یہ اضافی چارج 100 ڈالر تک ہے۔

برطانیہ جانے والی پروازوں پر 75 ڈالر جبکہ سعودی عرب اور گلف کے روٹس پر 50 ڈالر تک سرچارج لگایا گیا ہے۔

نجی ایئرلائنز نے بھی 15 سے 150 ڈالر تک اضافی چارجز نافذ کر دیے ہیں۔

حکام کا کہنا ہے کہ خلیجی فضائی حدود کی بندش اور فیول کی بڑھتی قیمتوں کی وجہ سے کرایوں میں غیر معمولی اضافہ ناگزیر ہے۔

ایئرلائنز کے مطابق اس اضافے کا مقصد صرف فیول کے اضافے کا بوجھ برداشت کرنا ہے، جبکہ مستقبل میں اگر فیول کی قیمت میں کمی ہوئی تو کرایوں میں بھی مناسب کمی کی جا سکتی ہے۔

آل صرافہ ایسوسی ایشن کے مطابق پاکستان میں فی تولہ سونے کی قیمت میں 15 ہزار 200 روپے کا اضافہ ہوا ہے، جس کے بعد اس کی نئی قیمت 4 لاکھ 79 ہزار 262 روپے ہوگئی ہے۔

اسی طرح 10 گرام سونے کی قیمت میں 13 ہزار 31 روپے اضافہ ہوا، جس کے بعد یہ 4 لاکھ 10 ہزار 889 روپے پر پہنچ گئی ہے۔

رپورٹ کے مطابق عالمی مارکیٹ میں بھی سونے کی قیمت میں اضافہ دیکھا گیا، جہاں فی اونس سونا 152 ڈالر مہنگا ہو کر 4565 ڈالر پر پہنچ گیا ہے۔

دوسری جانب پاکستان میں چاندی کی قیمت میں بھی اضافہ ہوا ہے، اور فی تولہ چاندی 370 روپے بڑھ کر 7 ہزار 824 روپے ہوگئی ہے۔

یاد رہے کہ دو روز قبل سونے کی قیمت میں تاریخی کمی دیکھی گئی تھی، تاہم اب صرف دو دن کے دوران سونے کی قیمت میں تیزی سے ریکوری ہوئی ہے۔ ایک دن میں 43 ہزار روپے کمی کے بعد دو روز میں فی تولہ سونا مجموعی طور پر 31 ہزار 500 روپے مہنگا ہو چکا ہے۔

منگل کے روز پاکستان میں سونے کی قیمتوں میں نمایاں اضافہ دیکھا گیا، جس کے بعد فی تولہ اور دس گرام سونے کا بھاؤ گرتے گرتے یکدم واپس بڑھ گیا ہے۔

پاکستان میں منگل کو فی تولہ سونا 16 ہزار 300 روپے مہنگا ہوکر 4 لاکھ 64 ہزار باسٹھ روپے کا ہوگیا۔ دس گرام سونے کی قیمت 13 ہزار 975 روپے اضافے کے بعد 3 لاکھ 97 ہزار 858 روپے ہوگئی۔

عالمی مارکیٹ میں بھی سونے کی قیمت میں اضافہ دیکھا گیا ہے، جہاں سونا 163 ڈالر مہنگا ہوکر 4 ہزار 413 ڈالر فی اونس تک پہنچ گیا ہے۔

یاد رہے کہ اس سے قبل سونے کی قیمتوں میں مسلسل کمی کا رجحان دیکھا جا رہا تھا۔ 19 مارچ کو فی تولہ سونے کی قیمت میں 24 ہزار 300 روپے کی تاریخی کمی ریکارڈ کی گئی تھی۔

بعد ازاں 20 مارچ کو بھی ملک بھر کی صرافہ مارکیٹوں میں فی تولہ سونا 8 ہزار 100 روپے سستا ہوا۔ جبکہ عید کی چھٹیوں کے بعد 24 مارچ کو سونے کی قیمت میں مزید 43 ہزار 600 روپے کی بڑی کمی دیکھی گئی تھی، تاہم منگل کو گرتی قیمتوں کو بریک لگی ہے اور دوبارہ اضافہ سامنے آیا ہے۔

اتوار کو وزیراعظم آفس سے جاری اعلامیے کے مطابق وزیراعظم شہباز شریف کی زیر صدارت وڈیو لنک اجلاس میں امیر ترین طبقے کے زیر استعمال پرتعیش (لگژری) گاڑیوں میں استعمال ہونے والے ہائی آکٹین فیول کے حوالے سے اہم فیصلہ کیا گیا ہے۔

وڈیو لنک اجلاس کے دوران وزیراعظم نے نوٹس لیا کہ مہنگی ترین گاڑیوں میں استعمال ہونے والے ہائی آکٹین فیول پر لیوی بڑھنی چاہیے اور امیر ترین طبقے کے زیر استعمال لگژری گاڑیوں پر موجودہ لیوی جو کہ 100 روپے فی لیٹر ہے، اس میں 200 روپے مزید فی لیٹر اضافے کا فیصلہ کیا گیا ہے، جس کے بعد مہنگی ترین گاڑیوں میں ڈالنے والے ہائی آکٹین فیول پر اب سے 300 روپے فی لیٹر لیوی کا اطلاق ہوگا۔

اعلامیے کے مطابق اس فیصلے سے حکومت کو 9 ارب روپے ماہانہ بچت ہوگی اور وزیراعظم کی ہدایت کے مطابق عوام کو اس بچت سے ریلیف دیا جائے گا، اس فیصلے سے معیشت پر بوجھ کم ہوگا اور ملک کا امیر ترین طبقہ بوجھ اٹھائے گا۔

اس حوالے سے بتایا گیا کہ جہاں نچلے اور درمیانے طبقے کے زیر استعمال عام گاڑیوں میں استعمال ہونے والے ایندھن کی قیمتیں نہیں بڑھائی گئی جب کہ صرف لگژری گاڑیوں میں استعمال ہونے والے ہائی آکٹین فیول کی قیمت بڑھائی گئی ہے اور اس فیصلے سے پبلک ٹرانسپورٹ اور ہوائی جہازوں کے کرایوں میں کوئی اضافہ نہیں ہو گا۔

اعلامیے میں مزید بتایا گیا کہ ہائی آکٹین کی قیمتوں کے حوالے سے وزیراعظم شہباز شریف نے نوٹس لیا تھا اور متعلقہ وزارت کو اس حوالے سے لائحہ عمل تیار کرنے کی ہدایت کی تھی۔

اجلاس میں وفاقی وزیر قانون اعظم نذیرتارڑ، وفاقی وزیر خزانہ و محصولات محمد اورنگزیب، وفاقی وزیر اطلاعات و نشریات عطا اللہ تارڑ ، وزیر پیٹرولیم و قدرتی وسائل علی پرویز ملک اور متعلقہ اعلی سرکاری افسران نے شرکت کی۔

جنگی حالات سے توانائی انفرااسٹرکچر متاثر ہونے کا خدشہ

دوسری جانب وفاقی وزیر خزانہ محمد اورنگزیب نے خبردار کیا کہ جنگی حالات سے توانائی انفرا اسٹرکچر متاثر ہونے کا خدشہ ہے، ٹارگٹڈ ریلیف کی جانب جائیں گے، ہدف مستحق طبقہ ہے،ہم سب نے مل کر ملک کو بحران سے نکالنا ہے۔

وزیر خزانہ نے کہا کہ حکومت نے پیٹرولیم مصنوعات کی قیمتوں پر 69 ارب روپے کا بوجھ برداشت کیا، اپریل تک سپلائی چین کی صورت حال بہتر ہونے کی امید ہے، ڈیمانڈ مینجمنٹ اور توانائی کی بچت اقدامات پر غور کررہے ہیں۔

محمد اورنگزیب نے مزید کہا کہ کشیدہ صورت حال پر ملک میں توانائی کی فراہمی کے حوالے سے روزانہ اجلاس ہوتا ہے، پیٹرول، ڈیزل اور ایل پی جی کی بلاتعطل فراہمی یقینی بنائی جارہی ہے، حکومت کوشش کر رہی ہے کہ عوام پر کم سے کم بوجھ ڈالا جائے، ہمارے وسائل لامحدود نہیں ہیں، وزیراعظم نے بھی کہا ہے کہ عوام پر کم سے کم بوجھ ڈالا جائے۔

آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت 43 ہزار 600 روپے کم ہو کر 4 لاکھ 47 ہزار 762 روپے ہو گئی۔

ملک میں 10 گرام سونے کی قیمت 37 ہزار 380 روپے کی کمی کے بعد 3 لاکھ 38 ہزار 883 روپے ہو گئی۔

دوسری جانب عالمی بازار میں سونے کا بھاؤ 436 ڈالرز کم ہو کر 4250 ڈالرز فی اونس ہو گیا۔

سونے کے بھاؤ میں یہ کسی ایک دن کی سب سے بڑی کمی ہے، فی تولہ سونے کا بھاؤ اپنی بلند ترین سطح سے سوا لاکھ روپے گر چکا ہے۔

عالمی صورتحال میں اہم پیش رفت سامنے آئی ہے جہاں امریکا اور ایران کے درمیان کشیدگی میں کمی کے آثار ظاہر ہونے لگے ہیں۔ تازہ پیش رفت میں امریکی صدر ڈونلڈ ٹرمپ نے تصدیق کی ہے کہ ایران کے ساتھ براہِ راست اور مثبت مذاکرات جاری ہیں۔

صدر ٹرمپ کے بیان کے بعد عالمی آئل مارکیٹ میں فوری ردعمل دیکھنے میں آیا اور تیل کی قیمتوں میں بڑی کمی ریکارڈ کی گئی۔

برینٹ کروڈ کی قیمت 14 فیصد سے زائد کمی کے بعد 96 ڈالر فی بیرل تک آ گئی، جبکہ ویسٹ ٹیکساس انٹرمیڈیٹ بھی کم ہو کر 84.37 ڈالر فی بیرل پر پہنچ گیا۔

معاشی ماہرین کے مطابق حالیہ کمی اس بات کی نشاندہی کرتی ہے کہ سرمایہ کاروں نے کشیدگی میں ممکنہ کمی کو مدنظر رکھتے ہوئے مارکیٹ میں اپنی حکمت عملی تبدیل کر لی ہے۔

امریکی صدر نے اپنے بیان میں کہا کہ گزشتہ دو روز کے دوران امریکا اور ایران کے درمیان نہایت مثبت اور نتیجہ خیز بات چیت ہوئی ہے، جس کا مقصد مشرق وسطیٰ میں جاری کشیدگی کا مکمل خاتمہ ہے۔

انہوں نے مزید کہا کہ یہ مذاکرات آئندہ دنوں میں بھی جاری رہیں گے، جبکہ امریکا نے ایران کی توانائی تنصیبات پر ممکنہ حملوں کو فی الحال مؤخر کر دیا ہے، جسے کشیدگی کم کرنے کی جانب اہم قدم قرار دیا جا رہا ہے۔

تجزیہ کاروں کا کہنا ہے کہ اگر مذاکرات کا عمل اسی طرح جاری رہا تو خطے میں استحکام آ سکتا ہے، جس کے عالمی معیشت اور توانائی کی منڈی پر مثبت اثرات مرتب ہوں گے۔

وزیراعظم شہباز شریف نے قوم سے خطاب میں عوام کو عیدالفطر کی مبارکباد دیتے ہوئے کہا کہ عید قومی یکجہتی اور اجتماعی ذمہ داری کا درس دیتی ہے، اور خوشیاں اس وقت مکمل ہوتی ہیں جب انہیں دوسروں کے ساتھ بانٹا جائے۔

انہوں نے کہا کہ دنیا اس وقت ایک غیرمعمولی آزمائش سے گزر رہی ہے اور خطے میں جاری جنگ نے عالمی معیشت اور امن و استحکام کو متاثر کیا ہے۔

ان کے مطابق برادر ممالک کی توانائی تنصیبات پر حملوں نے صورتحال کو مزید پیچیدہ بنا دیا ہے اور خدشہ ہے کہ بحران مزید شدت اختیار کر سکتا ہے۔

وزیراعظم کا کہنا تھا کہ عالمی منڈی میں خلیجی تیل کی قیمتیں تیزی سے بڑھ رہی ہیں، اور جو تیل چند ہفتے قبل 72 ڈالر فی بیرل تھا، وہ اب 158 ڈالر فی بیرل تک پہنچ گیا ہے، جس کے باعث مہنگائی میں اضافہ ہو رہا ہے۔

انہوں نے کہا کہ مارچ کے آغاز میں پیٹرول کی قیمت میں 55 روپے فی لیٹر اضافہ ہوا تھا جس نے عوام پر بوجھ ڈالا، تاہم حکومت نے مزید اضافے کی تجویز کو مسترد کر دیا ہے۔

شہباز شریف نے بتایا کہ انہیں پیٹرول میں 50 روپے اور ڈیزل میں 74 روپے فی لیٹر اضافے کی تجویز دی گئی تھی، مگر انہوں نے اسے منظور نہیں کیا، کیونکہ ایسے حالات میں قیمتوں میں اضافہ عام آدمی کی زندگی کو شدید متاثر کرتا ہے۔

وزیراعظم کے مطابق حکومت کی کوشش ہے کہ موجودہ معاشی اور عالمی صورتحال کے باوجود عوام پر مزید بوجھ نہ ڈالا جائے اور ممکنہ حد تک ریلیف فراہم کیا جائے۔

عالمی اور مقامی مارکیٹوں میں جمعے کے روز بھی سونے اور چاندی کی قیمتوں میں نمایاں کمی ریکارڈ کی گئی ہے، جس سے سرمایہ کاروں اور خریداروں کو فائدہ پہنچا ہے۔

آل پاکستان صرافہ جیمز اینڈ جیولرز ایسوس ایشن کے مطابق پاکستان میں فی تولہ سونے کی قیمت 8 ہزار 100 روپے کم ہو کر 4 لاکھ 91 ہزار 362 روپے ہو گئی۔ اس کے علاوہ 10 گرام سونے کی قیمت 6 ہزار 945 روپے کی کمی کے بعد 4 لاکھ 21 ہزار 263 روپے ہوگئی۔

اس کے علاوہ بین الاقوامی بلین مارکیٹ میں فی اونس سونے کی قیمت 81 ڈالر کی کمی سے 4 ہزار 686 ڈالر کی سطح پر آگئی۔

دوسری جانب پاکستان میں فی تولہ چاندی کی قیمت 50 روپے کی کمی سے 7 ہزار 684 روپے کی سطح پر آگئی ہے۔

واضح رہے کہ گزشتہ روز بھی سونے کی قیمت 24 ہزار 300 روپے کی بڑی کمی سے 5 لاکھ روپے فی تولہ سے کم ہو گئی تھی۔

رپورٹ کے مطابق بین الاقوامی مارکیٹ میں لندن برینٹ کروڈ کی قیمت میں 1 ڈالر 30 سینٹس فی بیرل کمی ریکارڈ کی گئی، جس کے بعد برینٹ خام تیل 107 ڈالر 35 سینٹس فی بیرل کی سطح پر آ گیا ہے۔

اسی طرح مئی کے لیے امریکی خام تیل (ڈبلیو ٹی آئی) کے سودے 93 ڈالر 93 سینٹس فی بیرل پر کیے جا رہے ہیں، جس میں 1 ڈالر 62 سینٹس فی بیرل کی کمی ہوئی ہے۔

ماہرین کے مطابق امریکی حکام کی جانب سے ایرانی تیل کو عالمی منڈی میں دوبارہ لانے کے امکان نے قیمتوں پر دباؤ کم کیا ہے، جس کے باعث تیل سستا ہوا ہے۔

یاد رہے کہ اس سے قبل مشرق وسطیٰ میں بڑھتی ہوئی کشیدگی کے باعث تیل کی قیمتوں میں تیزی دیکھنے میں آئی تھی اور لندن برینٹ کروڈ کی قیمت 119 ڈالر فی بیرل تک جا پہنچی تھی۔ اس صورتحال پر تجزیہ کاروں نے خدشہ ظاہر کیا تھا کہ اگر کشیدگی میں اضافہ جاری رہا تو خام تیل کی قیمت 150 ڈالر فی بیرل تک بھی پہنچ سکتی ہے۔

مارکیٹ تجزیہ کار پریانکا سچدیوا کے مطابق عالمی رہنماؤں کی جانب سے کشیدگی کم کرنے کی ضرورت تسلیم کیے جانے کے بعد جمعہ کی صبح تیل کی قیمتوں میں شامل ”وار پریمیم“ میں کچھ کمی آئی ہے، تاہم مارکیٹ اب بھی آبنائے ہرمز کی صورتحال کے حوالے سے حساس رہے گی، جہاں سے دنیا کے تقریباً 20 فیصد تیل اور ایل این جی کی ترسیل ہوتی ہے۔

انہوں نے خبردار کیا کہ اگرچہ ٹینکرز کی محفوظ گزرگاہ کے لیے مذاکرات ہو سکتے ہیں، لیکن ترسیلی نظام کی مکمل بحالی میں کافی وقت لگ سکتا ہے، اور اس دوران اگر برآمدی تنصیبات یا بحری راستوں کو کوئی نقصان پہنچا تو قیمتوں میں دوبارہ تیزی آ سکتی ہے۔

دوسری جانب برطانیہ، فرانس، جرمنی، اٹلی، نیدرلینڈز اور جاپان نے ایک مشترکہ بیان میں آبنائے ہرمز میں محفوظ گزرگاہ کو یقینی بنانے کے لیے تعاون پر آمادگی ظاہر کی ہے۔

ادھر امریکی صدر ڈونلڈ ٹرمپ نے کہا کہ انہوں نے اسرائیلی وزیر اعظم بینجمن نیتن یاہو کو ایرانی توانائی کے بنیادی ڈھانچے پر حملے دوبارہ نہ کرنے کا کہا ہے۔

امریکی تیل کی فراہمی میں اضافے کے حوالے سے نارتھ ڈکوٹا کے ریگولیٹر نے بتایا ہے کہ ریاست میں خام تیل کی پیداوار رواں اور آئندہ مہینوں میں بڑھنے کی توقع ہے، کیونکہ آپریٹرز غیر فعال کنوؤں کو دوبارہ فعال کر رہے ہیں اور موسم سرما کی پابندیاں ختم کی جا رہی ہیں۔

تاہم حکام کا کہنا ہے کہ سرگرمیوں کی رفتار کا انحصار اس بات پر ہوگا کہ تیل کی قیمتیں کتنے عرصے تک بلند رہتی ہیں، جبکہ بڑی آئل کمپنیوں کے بجٹ پہلے ہی طے کیے جا چکے ہیں۔