شادی کی تصاویرعاقب جاوید کی اہلیہ اور معروف شاعرہ و مصنفہ فرزانہ عاقب نے اپنے فیس بک اکاؤنٹ پر شیئر کیں۔

تصاویر میں عقبہ کوسفید رنگ کا خوبصورت عروسی لباس زیب تن کیا ہوا دیکھا جاسکتا ہے، جبکہ ان کے شوہر نے رسمی سوٹ پہن رکھا ہے۔ دونوں کے بازوؤں پر ٹیٹو بھی نمایاں ہیں۔

فرزانہ عاقب نے تصاویر شیئر کرتے ہوئے لکھا کہ ان کی بیٹی کی شادی 9 اگست کو برطانیہ میں ہوئی۔ انہوں نے اپنی بیٹی اور داماد سمیت دونوں خاندانوں کے لیے خوشگوار اور کامیاب زندگی کی دعا بھی کی۔

عقبہ عاقب کی تعلیم کے حوالے سے بتایا جاتا ہے کہ وہ اعلیٰ تعلیم یافتہ ہیں۔ انہوں نے تقریباً تین سے چار سال قبل برطانیہ کی مشہور یونیورسٹی آف سسیکس سے میڈیا اور انٹرنیشنل جرنلزم میں گریجویشن مکمل کی تھی۔

فرزانہ عاقب خود بھی ادبی حلقوں میں اپنی پہچان رکھتی ہیں۔ وہ انگریزی شاعری اور ادبی کام کے حوالے سے جانی جاتی ہیں۔ ان کے فیس بک پیج پر تین لاکھ سے زیادہ فالوورز موجود ہیں، جبکہ ان کے مطابق وہ انگریزی شاعری کی 70 سے زیادہ کتابیں لکھ چکی ہیں اور کئی بین الاقوامی ادبی ایوارڈز بھی حاصل کرچکی ہیں۔

فرزانہ عاقب نے اپنی ایک کتاب میں اسلامی تاریخ کو بھی انگریزی شاعری کے ذریعے پیش کیا ہے۔

عاقب جاوید پاکستان کے سابق ٹیسٹ اور ون ڈے کرکٹر ہیں اور اس وقت پاکستان کرکٹ ٹیم کے تمام فارمیٹس کے ہیڈ کوچ کی ذمہ داری نبھا رہے ہیں۔ وہ پاکستان کرکٹ بورڈ کی مینز نیشنل سلیکشن کمیٹی کے رکن بھی ہیں۔

شادی کی یہ خبر سامنے آنے کے بعد کرکٹ اور ادبی حلقوں سے تعلق رکھنے والے افراد دونوں خاندانوں کو نئی زندگی کی شروعات پر مبارکباد دے رہے ہیں۔

سوشل میڈیا پر وائرل ہونے والی تصاویر اور ویڈیوز میں دیکھا جا سکتا ہے کہ صدر ٹرمپ گالف کھیل رہے ہیں جبکہ ان کے پس منظر میں خاردار تاروں کے پیچھے یہ میزائل سسٹم موجود ہے۔ وائٹ ہاؤس نے بھی ان تصاویر کے بالکل سچے ہونے کی تصدیق کی ہے، جبکہ وہاں الیکٹرانک سیکیورٹی کے دیگر پوشیدہ نظام بھی فعال تھے۔

ایوینجر ایک ایسا متحرک دفاعی نظام ہے جو حرارت کا تعاقب کرنے والے سٹنگر میزائل فائر کرتا ہے اور نیچی پرواز کرنے والے ڈرونز یا طیاروں کو فضا میں ہی تباہ کرنے کی صلاحیت رکھتا ہے۔

اس سیکیورٹی سسٹم کی سنجیدگی کا اندازہ اس بات سے لگایا جا سکتا ہے کہ گالف کے دوران جیسے ہی دو چھوٹے شہری طیارے اس علاقے میں قائم عارضی ممنوعہ ہوائی حد میں داخل ہو گئے۔ امریکہ اور کینیڈا کی مشترکہ فضائی دفاعی کمانڈ کے ایف سولہ جنگی طیاروں نے فوری طور پر حرکت میں آتے ہوئے ان طیاروں کو گھیر کر علاقے سے باہر نکال دیا۔ یکی فضائی دفاعی کمانڈ نے فوری طور پر ایف سولہ جنگی طیارے روانہ کر کے انہیں علاقے سے باہر نکال دیا۔

امریکی صدر کے لیے اس سطح کی فضائی سیکیورٹی کا بنیادی مقصد ممکنہ فضائی یا ڈرون حملوں کا سدباب کرنا اور ان پر ہونے والے ماضی کے قاتلانہ حملوں کے بعد پیدا ہونے والے خدشات کو دور کرنا ہے۔

جولائی 2024 میں ایک جلسے کے دوران صدر ٹرمپ پر گولی چلائی گئی تھی جو ان کے کان کو چھو کر گزری تھی۔ اس کے علاوہ بھی مختلف مواقع پر ان کے گالف کورس اور رہائش گاہوں کے قریب سے مسلح افراد کی گرفتاری اور سیکیورٹی کی خلاف ورزیاں رپورٹ کی گئی ہیں۔ انہی خطرات کو مدنظر رکھتے ہوئے اب ان کے کھیلوں کی سرگرمیوں کے دوران بھی اس طرح کے فوجی دفاعی نظام تعینات کیے جا رہے ہیں۔

پاکستان نے معاہدۂ مکہ میں مزید ممالک کی شمولیت کا خیرمقدم کرنے کا اعلان کرتے ہوئے کہا ہے کہ یہ معاہدہ خالصتاً دفاعی نوعیت کا ہے اور اس کا مقصد خطے میں امن و استحکام کو یقینی بنانا ہے۔

دفتر خارجہ کے ترجمان طاہر اندرابی نے ہفتہ وار پریس بریفنگ میں کہا کہ مکہ معاہدے کے تحت ایک ملک پر حملہ تمام ممالک پر حملہ تصور ہوگا۔

انہوں نے مزید کہا کہ 7 اگست کو ہونے والا مکہ سمٹ انتہائی اہمیت کا حامل تھا، جبکہ مکہ معاہدہ برادرانہ تعلقات میں اہم پیش رفت اور امن و استحکام کے عزم کا عکاس ہے۔

انہوں نے کہا کہ پاکستان نے مکہ معاہدے کے لیے اہم ترین کردار ادا کیا ہے۔ معاہدہ تینوں ممالک کی سیکیورٹی کے لیے اہم ہے اور کسی بھی جارحیت کی صورت میں مشترکہ دفاع کے لیے ہے۔ پاکستان اس میں مزید ممالک کی شمولیت کا خیرمقدم کرے گا۔

ترجمان نے کہا کہ پاکستان چیلنجز کے باوجود خطے میں امن کے لیے اپنی کوششیں جاری رکھے ہوئے ہے۔ نائب وزیراعظم اور وزیر خارجہ اسحاق ڈار نے سعودی عرب، ایران اور کویت کے وزرائے خارجہ سے رابطہ کیا، جبکہ 11 اگست کو بحرین کے وزیر خارجہ سے بھی گفتگو ہوئی۔ بحرینی وزیر خارجہ نے مکہ معاہدے پر پاکستان کو مبارکباد دی۔

طاہر اندرابی نے کہا کہ پاکستان ایران اور امریکا کے درمیان مذاکرات کے حوالے سے بطور ثالث پرامید ہے۔ انہوں نے کہا کہ ایران اور امریکا کے درمیان اسلام آباد مفاہمت کے حوالے سے پاکستان اپنا موقف پہلے ہی واضح کرچکا ہے۔

ان کے مطابق جب فریقین کشیدگی اور تنازع سے تھک جائیں گے تو امن کا جو فریم ورک اسلام آباد مفاہمت پیش کرتا ہے، وہی مذاکرات کی بنیاد بن سکتا ہے۔ اسلام آباد مفاہمت پر عملدرآمد کی مدت ختم ہونے میں 5 روز باقی ہیں۔

ترجمان نے بتایا کہ وفاقی وزیر داخلہ ایران کے دورے پر ہیں اور ایرانی قیادت سے ان کی ملاقاتیں ہوئی ہیں، جن میں امن اور دوطرفہ تعلقات پر بات چیت کی گئی۔ تاہم انہوں نے کہا کہ ان ملاقاتوں میں ہونے والی بات چیت یا پیغامات کی تفصیلات جاری نہیں کی جاسکتیں۔

انہوں نے کہا کہ ایرانی وزیر خارجہ عباس عراقچی اور ایرانی پارلیمنٹ کے اسپیکر باقر قالیباف کو پاکستان کے دورے کی دعوت دی گئی ہے۔

ترجمان دفتر خارجہ نے کہا کہ عمان اور ایران کے درمیان مذاکرات کو پاکستان اور دوست ممالک کی حمایت حاصل ہے۔ آبنائے ہرمز کے حوالے سے کسی بھی معاہدے کی بڑی اہمیت ہوگی اور توقع ہے کہ مشکلات کے باوجود ایران اور امریکا کے درمیان براہِ راست مذاکرات جلد شروع ہوں گے۔

انہوں نے کہا کہ ایران میں فوجی قیادت کی تبدیلی اس کا اندرونی معاملہ ہے اور پاکستان اس حوالے سے کوئی تبصرہ نہیں کرے گا۔

طاہر اندرابی نے باب المندب میں تجارتی جہاز پر حوثیوں کے حملے کو افسوسناک قرار دیتے ہوئے اس کی مذمت کی۔ انہوں نے کہا کہ بحیرہ احمر میں جہاز رانی کے لیے خطرات بڑھ گئے ہیں اور پاکستان صورتحال پر نظر رکھے ہوئے ہے۔

ترجمان نے کہا کہ پاکستان بین الاقوامی پانیوں میں آزادانہ اور محفوظ جہاز رانی کی حمایت کرتا ہے اور اس حوالے سے اپنی ذمہ داریاں ادا کرنے کے لیے تیار ہے۔

ترجمان دفتر خارجہ نے کہا کہ پاکستان آزاد کشمیر کے عوام سمیت تمام کشمیریوں کے مکمل حقوق پر یقین رکھتا ہے۔

انہوں نے پاک ایران سرحد کے حوالے سے کہا کہ پاکستان مؤثر بارڈر کنٹرول یقینی بناتا ہے اور ایران کے ساتھ بھی یہی پالیسی ہے۔ ایرانی صدر کی جانب سے ایران امریکا جنگ کے دوران پاک ایران سرحد سے کسی شرپسند کو داخل نہ ہونے دینے کے بیان کا خیرمقدم کرتے ہیں اور اس پر ایرانی صدر کے مشکور ہیں۔

طاہر اندرابی نے کہا کہ پاکستان سعودی عرب کی سلامتی کے لیے قائم اتحاد کا حصہ ہے۔ پاکستان بین الاقوامی پانیوں میں محفوظ جہاز رانی یقینی بنانے کے لیے اپنی ذمہ داریاں ادا کرنے کو تیار ہے۔

انہوں نے کہا کہ مکہ معاہدہ واضح ہے اور اس کا مقصد کسی جارحیت کی صورت میں مشترکہ دفاع ہے۔ پاکستان معاہدے سے متعلق کسی بھی منفی تاثر یا منفی معاہدے کو مسترد کرتا ہے۔

ترجمان نے کہا کہ پاکستان امریکا اور سعودی عرب کے درمیان سول جوہری معاہدے کا جائزہ لے رہا ہے۔ پاکستان سعودی عرب کے سول جوہری توانائی کے حق کا احترام اور حمایت کرتا ہے، تاہم اس حوالے سے تفصیلی بیان معاہدے کی مکمل تفصیلات سامنے آنے کے بعد جاری کیا جائے گا۔

امریکی محکمہ خارجہ کی ٹرانسپیرنسی رپورٹ سے متعلق سوال پر ترجمان نے کہا کہ پاکستان آئی ایم ایف پروگرام میں شامل ہے اور اس حوالے سے اصلاحاتی ایجنڈا پہلے ہی جاری کیا جاچکا ہے۔ آئی ایم ایف پروگرام کے 3 جائزے مکمل ہوچکے ہیں۔

انہوں نے کہا کہ حکومت پاکستان کے طریقہ کار میں معاہدوں پر دستخط کے لیے باقاعدہ قانونی طریقہ کار موجود ہے۔ وزیراعظم نے معاہدے پر دستخط کیے جو قائدِ ایوان ہیں۔ نائب وزیراعظم اسحاق ڈار نے 10 اگست کو واضح کیا تھا کہ مکہ معاہدہ وزیراعظم، چیف آف ڈیفنس فورسز اور دفتر خارجہ کی حمایت سے کیا گیا۔

ترجمان دفتر خارجہ نے یقین دلایا کہ معاہدے سے قبل، اس کے بعد اور فی الوقت تمام قانونی مراحل پر عملدرآمد کیا جا رہا ہے۔

ایرانی ویب سائٹ پریس ٹی وی کے مطابق ایران کی اسلامی انقلابی گارڈ کور (آئی آر جی سی) کے نئے سربراہ میجر جنرل احمد واحدی نے آیت اللہ سید مجتبیٰ خامنہ ای کی ہدایات پر مکمل عملدرآمد کا عزم کرتے ہوئے ’’صہیونی امریکی غرور‘‘ کے خلاف مزاحمت کو پاسدارانِ انقلاب کا رہنما اصول قرار دیا ہے، جبکہ ’’مضبوط و متحد ایران‘‘ کے قیام کے لیے بھرپور کردار ادا کرنے کا اعلان کیا ہے۔

میجر جنرل احمد واحدی نے یہ بات منگل کو میجر جنرل علی عبداللہی کے نام اپنے پیغام میں کہی۔ انہوں نے علی عبداللہی کو مسلح افواج کا چیف آف اسٹاف مقرر کیے جانے پر مبارکباد بھی دی۔

علی عبداللہی کی تقرری پیر کو ہوئی تھی۔ اسی موقع پر آیت اللہ سید مجتبیٰ خامنہ ای نے احمد واحدی کو میجر جنرل کے عہدے پر ترقی دیتے ہوئے پاسدارانِ انقلاب کا نیا سربراہ مقرر کیا تھا۔ اس موقع پر اہم عسکری عہدوں پر متعدد تقرریاں بھی کی گئیں۔

احمد واحدی نے اپنے پیغام میں علی عبداللہی سے کہا کہ ان کی تقرری ان کی وابستگی، صلاحیت، غیر معمولی اور منفرد علمی استعداد کے ساتھ دفاعی اور سیکیورٹی شعبوں میں عملی و فیلڈ تجربے کی عکاسی کرتی ہے۔

انہوں نے کہا کہ مسلح افواج کی تمام شاخوں کے درمیان رابطہ کاری، منصوبہ بندی اور معاونت میں جنرل اسٹاف کے تزویراتی کردار کو بخوبی سمجھتے ہیں۔

ایرانی پاسدارانِ انقلاب کے سربراہ نے کہا کہ آئی آر جی سی، رہبرِ انقلاب کی ہدایات پر عملدرآمد اور ملک کی دفاعی و سیکیورٹی تیاریوں کو مزید مضبوط بنانے کے لیے چیف آف اسٹاف اور جنرل اسٹاف کے ساتھ مکمل تعاون، ہم آہنگی اور تعمیری روابط کے لیے پوری طرح تیار ہے۔

احمد واحدی نے اس عزم کا بھی اظہار کیا کہ صہیونی امریکی غرور کے خلاف مزاحمت اور ’’مضبوط و متحد ایران‘‘ کے نعرے کو پاسدارانِ انقلاب کے رہنما اصول کے طور پر اپنایا جائے گا۔

ایک الگ پیغام میں احمد واحدی نے بریگیڈیئر جنرل کیومرث حیدری کو رہبرِ انقلاب کی جانب سے مسلح افواج کا نائب چیف آف اسٹاف مقرر کیے جانے پر مبارکباد دی۔

دوسرے پیغام میں احمد واحدی نے مسلح افواج کے حوالے سے آیت اللہ سید مجتبیٰ خامنہ ای کی بعض ترجیحات کا بھی ذکر کیا، جن میں ایران کی دفاعی اور سیکیورٹی صلاحیتوں میں اضافہ اور مسلح افواج کی روحانی استقامت کو مضبوط بنانا شامل ہے۔

نئے قواعد کے مطابق ایسے شخص کا اپنے متعلقہ شعبے میں سینئر تعلیمی ماہر یا صنعت سے وابستہ تجربہ کار پروفیشنل ہونا ضروری ہے۔ اس کے ساتھ ساتھ اس شعبے میں اس کی ایک مستند اور قائم شدہ ساکھ بھی ہونی چاہیے۔ اسے اس ادارے یا متعلقہ گورننگ باڈی کی طرف سے جاری کردہ باضابطہ دعوت نامہ بھی پیش کرنا ہوگا جس نے اسے جانچ کے عمل میں شامل ہونے کے لیے بلایا ہے۔

یہ سہولت بنیادی طور پر تین طرح کے کاموں پر لاگو ہوتی ہے۔ ان میں یونیورسٹی کے تھیسس کا امتحان یا جائزہ لینے والے ماہرین، تحقیقی تجاویز کا جائزہ لینے والے افراد اور یونیورسٹی یا تعلیمی پروگرام کے منصوبوں کی جانچ کرنے والے ماہرین شامل ہیں۔

مثلاً اگر کسی کینیڈین یونیورسٹی نے کسی غیر ملکی پروفیسر یا صنعت کے سینئر ماہر کو کسی طالب علم کے تھیسس کا بیرونی ممتحن مقرر کیا ہے تو مخصوص شرائط پوری ہونے کی صورت میں اسے اس کام کے لیے ورک پرمٹ کی ضرورت نہیں پڑ سکتی۔ اسی طرح کسی تحقیقی منصوبے کی تجویز کا جائزہ لینے کے لیے بیرون ملک سے بلائے گئے ماہر کو بھی یہ سہولت حاصل ہو سکتی ہے۔

تاہم یہ سمجھنا ضروری ہے کہ ورک پرمٹ سے استثنیٰ کسی بھی غیر ملکی شہری کے لیے کینیڈا میں آزادانہ طور پر کام کرنے کی اجازت نہیں ہے۔ یہ سہولت صرف مخصوص نوعیت کی تعلیمی اور جائزہ لینے والی سرگرمیوں تک محدود ہے۔

31 جولائی 2026 کو جاری کی گئی نئی حکومتی ہدایات میں ان ماہرین کے لیے اہلیت کے معیار تفصیل سے بیان کیے گئے ہیں۔ اس کا مقصد یہ واضح کرنا ہے کہ کون سا غیر ملکی ماہر محدود مدت کے لیے کینیڈا آ کر تعلیمی یا تحقیقی جائزے کا کام ورک پرمٹ کے بغیر انجام دے سکتا ہے۔

نئی ہدایات کے مطابق اس طرح کا کام چھ ماہ سے کم مدت کے لیے ہونا چاہیے۔ اس کے علاوہ غیر ملکی ماہر کو ان سرگرمیوں کے بدلے کینیڈا کے اندر سے معاوضہ نہیں ملنا چاہیے۔ امیگریشن افسر ضرورت کے مطابق اس اجازت کے ساتھ مزید شرائط یا پابندیاں بھی عائد کر سکتا ہے۔

کینیڈا پہنچنے والے ایسے ماہر کو بعض صورتوں میں وزیٹر ریکارڈ بھی جاری کیا جا سکتا ہے، جس میں اس کے بغیر ورک پرمٹ کام کرنے کی اجازت اور اس سے متعلق شرائط درج ہوں گی۔

لیکن یہاں ایک اہم پہلو یہ بھی ہے کہ ورک پرمٹ کی ضرورت نہ ہونے کا مطلب یہ نہیں کہ کینیڈا میں داخلے کے باقی قوانین ختم ہو جاتے ہیں۔ غیر ملکی ماہر کو بطور عارضی وزیٹر کینیڈا میں داخلے کی تمام متعلقہ شرائط پوری کرنا ہوں گی۔ جہاں ضروری ہو، اسے درست ویزا یا الیکٹرانک ٹریول آتھرائزیشن بھی حاصل کرنا ہوگی۔

کینیڈا کے امیگریشن نظام میں ورک پرمٹ سے استثنیٰ بنیادی طور پر ان حالات میں دیا جاتا ہے جہاں غیر ملکی فرد کو کینیڈا کی لیبر مارکیٹ میں داخل ہونے والا کارکن نہیں سمجھا جاتا۔ اسی لیے اس بات کو بھی اہمیت دی جاتی ہے کہ اس کے کام کا معاوضہ کہاں سے آ رہا ہے۔ عام طور پر اس نوعیت کی سرگرمی کے لیے ادائیگی کینیڈا سے باہر موجود ایسے ادارے سے ہونی چاہیے جس کے کینیڈا کے ساتھ مالی تعلقات نہ ہوں۔

درخواست گزاروں کے لیے دستاویزات بھی خاص اہمیت رکھتی ہیں۔ کینیڈا پہنچنے پر انہیں امیگریشن افسر کو یہ ثابت کرنا پڑ سکتا ہے کہ انہیں واقعی کسی متعلقہ ادارے نے مدعو کیا ہے، ان کا تجربہ اس کام کے لیے موزوں ہے اور ان کی سرگرمی مقررہ شرائط کے اندر آتی ہے۔

حتمی فیصلہ بہرحال کینیڈا کے امیگریشن افسر کا ہوگا، جو پیش کی گئی دستاویزات اور متعلقہ قوانین کی روشنی میں طے کرے گا کہ درخواست گزار اس استثنیٰ کی شرائط پوری کرتا ہے یا نہیں۔ اس کے ساتھ ہی قانونی مسائل سے بچنے کے لیے ماہرین، سفر سے قبل قانونی مشورہ لینے کی بھی ہدایت کرتے ہیں۔

برطانوی خبررساں ایجنسی رائٹرز کے مطابق ٹیلر سوئفٹ نے 3 جولائی کو نیویارک کے میڈیسن اسکوائر گارڈن میں ہونے والی اپنی نجی شادی کی تقریب میں کرسچن ڈائر کا لباس پہنا تھا۔ تاہم اس لباس کی مکمل تفصیلات ابھی مداحوں کے لیے ایک دلچسپ راز بنی ہوئی ہیں۔

اب ان کے لاکھوں مداح اس بات کا بے تابی سے انتظار کر رہے ہیں کہ وہ کرسچن ڈیور کمپنی کا بنایا ہوا وہ خوبصورت جوڑا دیکھیں جو انہوں نے تقریب میں پہنا تھا۔

دوسری جانب شادی کے ملبوسات بنانے والی معروف کمپنی ڈیوڈز برائیڈل نے سوئفٹ کے ممکنہ انداز سے متاثر تقریباً دو درجن ڈیزائن تیار کرلیے ہیں۔ کمپنی کے امریکا میں تقریباً 200 اسٹورز ہیں۔

ڈیوڈز برائیڈل کی چیف ایگزیکٹو کیلی کوک نے کہا کہ ان کی ٹیم اس وقت تک انتظار کر رہی ہے کہ ٹیلر سوئفٹ کے اصل لباس کی مزید تصاویر اور تفصیلات سامنے آئیں۔ جیسے ہی ہمیں یہ اندازہ ہوگا کہ ان کا لباس اصل میں کیسا ہے، ہماری یہ تیاری ہمیں تیزی سے کام کرنے میں مدد دے گی۔

کمپنی کو پہلے ہی اپنی ویب سائٹ پر ٹیلر سوئفٹ جیسے ڈیزائنوں کی تلاش میں زبردست اضافہ دیکھنے کو ملا ہے۔ کمپنی کے لباس کی قیمتیں چند سو ڈالر سے شروع ہو کر 3 ہزار ڈالر سے زیادہ تک جاتی ہیں۔

ہانگ کانگ میں ڈیوڈز برائیڈل کی ڈیزائن سربراہ وائولا چان کے مطابق ان کی ٹیم نے ٹیلر سوئفٹ کے انداز سے متاثر تین طرح کے ڈیزائن تیار کیے ہیں، جن میں بڑے سجے ہوئے گاؤن، سادہ مگر خوبصورت لباس اور مختصر گاؤن شامل ہیں۔ ان کے مطابق میک اپ، بالوں کا انداز، لباس کا رنگ اور پھولوں کی سجاوٹ بھی نئے رجحانات کو متاثر کرسکتی ہے۔

اسپین کے برائیڈل برانڈ پرونوویاس نے بھی سوئفٹ کے لباس کے سلہوٹ، کپڑے اور مجموعی انداز سے متاثر ہونے کا عندیہ دیا ہے، تاہم کمپنی کسی مخصوص لباس کی نقل کرنے کے بجائے عمومی فیشن ٹرینڈز پر توجہ دے گی۔

ڈیزائنر گالیا لہاو کی تخلیقی ڈائریکٹر شارون سیور کا کہنا ہے کہ اگر سوئفٹ نے منفرد رنگ، کپڑا یا ویِل استعمال کیا تو وہ شادی کے فیشن میں نیا رجحان بن سکتا ہے۔

نیویارک کی ڈیزائن ڈائریکٹر لیزا پونٹونی نے کہا، ”تصاویر ڈیزائن کی دنیا میں بہت فرق ڈالتی ہیں۔“

ادھر جسٹن الیگزینڈر گروپ بھی سوئفٹ کے لباس پر نظر رکھے ہوئے ہے اور ممکنہ طور پر اس کے کچھ عناصر اپنے نئے ڈیزائن میں شامل کرسکتا ہے۔

تاہم تمام برانڈز سوئفٹ کے لباس کی براہ راست نقل کرنے کے حق میں نہیں۔ لولی برائیڈ کی بانی اور چیف ایگزیکٹو لین لسٹ کا کہنا ہے کہ ان کے نئے ڈیزائن زیادہ سے زیادہ سوئفٹ کے انداز سے معمولی طور پر متاثر ہوں گے۔

انہوں نے کہا، ”اگر ان کا لباس ہماری دلہنوں کو متاثر کرتا ہے تو ہم انہیں بتائیں گے کہ ہمارے پاس اس سے ملتے جلتے ڈیزائن موجود ہیں۔“

ٹیلر سوئفٹ کے لباس سے متاثر ہونے کی دوڑ میں قانونی پہلو بھی اہم ہے۔ قانونی ماہرین کے مطابق کسی بھی کپڑے کی کٹائی یا شکل کو کاپی کرنا قانون کے خلاف نہیں ہوتا، لیکن اگر کوئی کمپنی ٹیلر سوئفٹ یا ڈیور کے نام کا غلط استعمال کر کے گاہکوں کو دھوکہ دینے کی کوشش کرے گی تو اس کے خلاف قانونی کارروائی ہو سکتی ہے۔ اسی وجہ سے زیادہ تر کمپنیاں صرف فیشن سے فائدہ اٹھانے کا ارادہ رکھتی ہیں اور کسی کے نام کا استعمال نہیں کریں گی۔

یوں ٹیلر سوئفٹ کی شادی کا لباس صرف مداحوں کے لیے ہی نہیں بلکہ پوری برائیڈل فیشن انڈسٹری کے لیے بھی خاص اہمیت اختیار کرچکا ہے۔ اگر ان کے لباس کی مزید تصاویر سامنے آتی ہیں اور ان میں کوئی منفرد انداز، رنگ یا ڈیزائن نمایاں ہوتا ہے تو ممکن ہے کہ آنے والے برسوں میں ہزاروں دلہنیں اسی طرز کے لباس کو اپنی شادی کے لیے پسند کریں۔

جاوید عالم اوڈھو نے کہا کہ اگر کوئی بھی اس غفلت میں ملوّث پایا گیا تو اسے کسی صورت چھوڑا نہیں جائے گا۔

آئی جی سندھ نے میڈیا سے گفتگو کرتے ہوئے کہا کہ ہم سب ایک ہی کمیونٹی سے تعلق رکھتے ہیں اور جوڈیشل سسٹم میں ایک دوسرے سے منسلک ہیں، اس لیے ہم سب کو اپنی اپنی ذمہ داریوں کو سمجھنا ہوگا اور انہیں سختی کے ساتھ نبھانے کی ضرورت ہے۔

ان کا مزید کہنا تھا کہ پولیس نے اب تک ستائیس ہزار سے زیادہ اہلکاروں کو سزائیں دی ہیں، کیونکہ اگر ہم نے اپنا کام ٹھیک نہیں کیا تو سب کا نقصان ہوگا اور جب ہمارا سسٹم مضبوط ہوگا تو پھر کوئی تھانے کا گھیراؤ نہیں کرے گا۔

دوسری جانب، وزیراعلیٰ سندھ مراد علی شاہ نے بھی کراچی آرٹس کونسل میں میڈیا سے بات کرتے ہوئے یقین دہانی کرائی کہ میر رضا کیس کی منصفانہ تفتیش ہوگی اور تحقیقات کے ہر مرحلے سے مقتول کے اہل خانہ کو آگاہ رکھا جائے گا۔

گزشتہ روز مراد علی شاہ نے واضح کیا کہ جوڈیشل کمیشن کیس کی تفتیش کے لیے نہیں بنایا جا رہا تھا بلکہ اس کا مقصد پولیس اور میڈیکو لیگل کے نظام میں سامنے آنے والی کوتاہیوں کی نشاندہی کرنا تھا، لیکن مقتول کے اہل خانہ نے جوڈیشل کمیشن نہ بنانے کی خواہش ظاہر کی جس پر حکومت نے ان کی رائے کا احترام کیا۔

انہوں نے کہا کہ کیس حل ہونے اور تفتیش مکمل ہونے کے بعد پولیس اور میڈیکو لیگل سے متعلق جو بھی کوتاہیاں سامنے آئیں گی، ان پر سخت کارروائی کرنا ان کی حکومت کی اولین ذمہ داری ہے۔

کیس کی تحقیقات میں ایک بہت بڑی کامیابی بھی سامنے آئی ہے جہاں سندھ فارنزک ڈی این اے اینڈ سیرولوجی ڈپارٹمنٹ میں ڈی این اے شناخت کا عمل مکمل کر لیا گیا ہے۔

فارنزک رپورٹ کے مطابق، گلستانِ جوہر میں ایک گیسٹ ہاؤس کے باہر سے ملنے والی لاش کے ڈی این اے نمونے مقتول میر رضا کے والدین کے ریفرنس سیمپلز سے مکمل طور پر میچ کر گئے ہیں، جس کے بعد سائنسی طور پر یہ تصدیق ہو گئی ہے کہ یہ لاش میر رضا کی ہی تھی۔ اس تصدیق کے ساتھ ہی تفتیش کا دائرہ کار مزید وسیع کر دیا گیا ہے۔

یاد رہے کہ اس سے قبل سابقہ تفتیشی ٹیم کی مبینہ غفلت کے باعث جائے وقوعہ کی جیو فینسنگ، موبائل ڈیٹا ریکارڈ کا حصول اور مقتول کی اسمارٹ واچ کا فرانزک تک نہیں کروایا گیا تھا۔ تاہم، میر رضا کی شرٹ کے کیمیائی تجزیے سے یہ سنسنی خیز انکشاف ہوا ہے کہ اس پر نمک کے تیزاب کے شواہد ملے ہیں، خون میں بے ہوشی کی دوا کے اجزاء پائے گئے ہیں اور گولی بھی کمر کی جانب سے ماری گئی تھی۔

نیوکاسل یونیورسٹی کی جانب سے کی جانے والی اس سائنسی ریسرچ میں 42 ایسے افراد کی غذائی عادتوں کا جائزہ لیا گیا جو پہلے پھلوں اور سبزیوں سے کافی دور رہتے تھے۔ محققین نے ان لوگوں کو مختلف گروہوں میں بانٹ کر چار ہفتوں تک ان کی خوراک اور موڈ میں آنے والی تبدیلیوں پر نظر رکھی۔

پہلے گروپ کو اپنی معمول کی خوراک جاری رکھنے کو کہا گیا۔ دوسرے گروپ کو روزانہ پانچ حصے پھل اور سبزیاں کھانے کی ترغیب دی گئی، جبکہ تیسرے گروپ کو بھی پانچ حصے پھل اور سبزیاں کھانے کے ساتھ روزانہ ایک گلاس پھلوں کا جوس یا اسموتھی استعمال کرنے کو کہا گیا۔

اس تجربے کے حیرت انگیز نتائج سے پتہ چلا کہ جن لوگوں نے اپنی روزمرہ خوراک میں روزانہ ایک گلاس قدرتی جوس شامل کیا، ان کے رویے اور موڈ میں مثبت تبدیلی آئی اور ان کا ذہنی تناؤ واضح طور پر کم ہو گیا۔

کچھ لوگوں کو یہ خدشہ رہتا ہے کہ پھلوں کے رس میں موجود میٹھا صحت کو نقصان پہنچا سکتا ہے، مگر ماہرین نے تسلی دی ہے کہ اس قلیل مدتی تجربے کے دوران کسی بھی شخص کی جسمانی صحت پر کوئی برے اثرات مرتب نہیں ہوئے۔

اس تحقیق سے وابستہ ماہر کورتنی نیل کا کہنا تھا کہ عام طور پر لوگوں کے لیے روزانہ کی بنیاد پر ڈھیر سارے پھل یا سبزیاں کاٹ کر کھانا مشکل لگتا ہے، لیکن روزانہ ایک چھوٹا گلاس خالص جوس پی لینا ایک انتہائی آسان اور سستا طریقہ ہے جس سے انسان اپنے جسمانی غذائی ہدف کے ساتھ ساتھ ذہنی سکون بھی حاصل کر سکتا ہے۔

تتحقیق کے مرکزی محققین میں شامل نیوکاسل یونیورسٹی کے لیکچرار اولیور شینون نے بھی نتائج کو حوصلہ افزا قرار دیا۔ ان کا کہنا تھا کہ روزانہ ایک گلاس پھلوں کا جوس یا اسموتھی مسئلے کے حل کا ایک حصہ ہو سکتا ہے۔

انہوں نے مزید کہا کہ جوس استعمال کرنے والے افراد میں ڈپریشن کی سطح کم ہونا حوصلہ افزا ہے، تاہم خاص طور پر ذہنی صحت کے مسائل کا سامنا کرنے والے افراد میں اس حوالے سے مزید تحقیق کی ضرورت ہے۔

لیکن اس کا مطلب یہ نہیں کہ ہر شخص زیادہ مقدار میں جوس پینا شروع کردے۔ تحقیق میں خاص طور پر 100 فیصد خالص پھلوں کے جوس یا اسموتھی کو غذا کا حصہ بنانے کی بات کی گئی ہے، جبکہ مجموعی طور پر پھل اور سبزیاں کھانا بھی اہم ہے۔

محققین کے مطابق ڈپریشن ایک پیچیدہ ذہنی بیماری ہے اور صرف خوراک کو اس کا علاج قرار نہیں دیا جاسکتا۔ اگر کسی شخص کو مسلسل اداسی، بے دلی یا ذہنی دباؤ کا سامنا ہو تو اسے ماہر ڈاکٹر یا ذہنی صحت کے ماہر سے مشورہ کرنا چاہیے۔

ایسوسی ایٹڈ پریس کے مطابق چین میں پیدا ہونے والی لی چن شیؤ اس بحث کا نمایاں چہرہ بن گئی ہیں۔ وہ فروری میں تائیوان کی قانون ساز اسمبلی کی رکن منتخب ہوئی تھیں۔ اس طرح وہ شادی کے ذریعے تائیوان منتقل ہونے والی اور چین میں پیدا ہونے والی پہلی قانون ساز بنیں۔

تاہم عہدہ سنبھالنے کے فوراً بعد ان کی شہریت اور وفاداری پر سوال اٹھنے لگے۔ تائیوان کی وزارت داخلہ نے مؤقف اختیار کیا کہ لی نے چینی شہریت ترک کرنے سے متعلق مطلوبہ دستاویزات جمع نہیں کرائیں۔ حکام کے مطابق وہ یہ ثبوت بھی بروقت فراہم نہیں کر سکیں کہ گزشتہ 10 سال سے ان کے پاس صرف ایک ہی شہریت رہی ہے۔

لی کا کہنا تھا کہ وہ 1999 سے تائیوان کی شہری ہیں اور اسی وقت چین میں اپنی گھریلو رجسٹریشن ختم کر چکی تھیں۔ ان کے مطابق وہ قانون کی مقررہ شرائط پوری کرتی ہیں۔

اپریل میں معاملہ حل نہ ہونے پر ان کی سیاسی جماعت نے انہیں نکال دیا۔ اس کے بعد حکومت نے چین میں پیدا ہونے والے قانون سازوں کے لیے شرائط مزید سخت کر دیں۔ حکومت نے اس فیصلے کو سیاسی معاملہ قرار دینے سے انکار کیا اور کہا کہ قانون سب کے لیے ہے۔

تاہم بعض ماہرین حکومت کے مؤقف سے متفق نہیں۔ نیشنل چینگچی یونیورسٹی کے قانون کے پروفیسر بروس لیاؤ کا کہنا ہے کہ حالیہ برسوں میں حکومت بعض قوانین کی تشریح ایسے انداز میں کر رہی ہے جو چینی نژاد شریکِ حیات کے خلاف جا رہی ہے۔ دوسری جانب اکیڈمیا سینیکا کے محقق ین ٹو سو کے مطابق حکومت کو قومی سلامتی اور معاشرتی تحفظ کے معاملے میں احتیاط کرنے کا اختیار حاصل ہے۔

تائیوان میں ایسے تقریباً 3 لاکھ 69 ہزار افراد موجود ہیں جنہیں عام طور پر ’’مین لینڈ اسپاؤز‘‘ کہا جاتا ہے۔ یہ ایک متنوع گروہ ہے۔ ان میں وہ خواتین بھی شامل ہیں جو کئی دہائیاں قبل چین سے تائیوان آنے والے سابق فوجیوں سے شادی کر کے یہاں آباد ہوئیں۔ دوسری طرف نئی نسل میں ایسے افراد بھی شامل ہیں جو نسبتاً زیادہ تعلیم یافتہ اور خوشحال ہیں اور سرحدی رابطوں میں آسانی کے بعد تائیوان آئے۔

تائیوان اور چین کے درمیان موجودہ صورتحال کو سمجھنے کے لیے 1949 کی تاریخ اہم ہے۔ چینی خانہ جنگی کے بعد قوم پرست جماعت تائیوان منتقل ہو گئی تھی۔ کئی دہائیوں تک دونوں جانب براہ راست رابطے تقریباً بند رہے۔ 1987 میں تائیوان نے اپنے شہریوں کو چین میں موجود رشتہ داروں سے ملنے کی اجازت دی۔ اس کے بعد دونوں معاشروں کے درمیان تعلقات میں بتدریج اضافہ ہوا۔

تاہم 2016 کے بعد دونوں حکومتوں کے تعلقات دوبارہ کشیدہ ہو گئے۔ چین تائیوان کے قریب باقاعدگی سے فوجی طیارے اور بحری جہاز بھیجتا ہے۔ بیجنگ تائیوان کو عالمی سطح پر سفارتی طور پر الگ تھلگ رکھنے کی کوشش بھی کرتا ہے۔ اس صورتحال میں تائیوان میں قومی سلامتی اور وفاداری کے سوالات زیادہ اہم ہو گئے ہیں۔

اسی ماحول میں چینی نژاد بیویاں بھی زیادہ توجہ کا مرکز بن گئی ہیں۔ حال ہی میں نیو تائی پے کی ایک عدالت نے ایک تنظیم کی سربراہ سو چون یِنگ کو چین کے لیے جاسوسی اور تائیوان کی سیاست میں مداخلت کے الزام میں سات سال قید کی سزا سنائی۔ وہ چینی نژاد شریکِ حیات کے لیے کام کرنے والی تنظیم سے وابستہ تھیں۔ اس مقدمے نے بھی اس بحث کو مزید تقویت دی کہ چین سے آنے والے افراد کو قومی سلامتی کے حوالے سے کس نظر سے دیکھا جانا چاہیے۔

تاہم اس کا مطلب یہ نہیں کہ اس برادری کے تمام افراد چین کے حامی ہیں۔ 72 سالہ می ژنگ رونگ کی کہانی اس کی ایک مثال ہے۔ انہوں نے چین کے صوبے ہوبے میں ایک تائیوانی شخص سے شادی کی تھی۔ ان کے شوہر چین میں طویل عرصے تک رہنے کے بعد تائیوان واپس آنا چاہتے تھے، اس لیے دونوں 2002 میں تائیوان منتقل ہو گئے۔

شوہر کے انتقال کے بعد می نے تائیوان میں دوبارہ شادی کی۔ ان کے دوسرے شوہر بھی طویل عرصے تک بیمار رہے اور می نے ان کی دیکھ بھال کی۔ اب وہ اپنے مرحوم شوہر کی پنشن حاصل کرنے کی کوشش کر رہی ہیں، لیکن مسئلہ یہ ہے کہ ان کی شادی مقررہ 10 سال مکمل ہونے سے صرف 13 دن پہلے شوہر کا انتقال ہو گیا۔

می کو اس وقت ماہانہ تقریباً 10 ہزار نیو تائیوان ڈالر ملتے ہیں، جس میں سے تقریباً ایک تہائی رقم کرائے میں چلی جاتی ہے۔ اس کے باوجود وہ کہتی ہیں کہ وہ تائیوان میں رہنا پسند کرتی ہیں اور واپس چین جانے کا ارادہ نہیں رکھتیں۔

گزشتہ برسوں میں تائیوان نے چینی نژاد شریکِ حیات کو معاشرے میں شامل کرنے کے لیے کچھ قوانین نرم کیے تھے۔ انہیں شہریت حاصل کرنے اور کام کرنے کے مواقع نسبتاً آسان بنائے گئے۔ تاہم اب حکومت کچھ معاملات میں پالیسی سخت کر رہی ہے۔

گزشتہ موسم بہار میں تائیوان نے تین ایسی خواتین کو ملک بدر کیا جنہوں نے سوشل میڈیا پر چین کے ساتھ طاقت کے ذریعے اتحاد کی حمایت کی تھی۔ حکومت نے کہا کہ ان خواتین کی سرگرمیاں قومی سلامتی اور سماجی استحکام کے لیے مسلسل خطرہ بن رہی تھیں۔

اس کے علاوہ تقریباً 12 ہزار ایسے چینی نژاد شریکِ حیات کو بھی نوٹس بھیجے گئے جو پہلے ہی تائیوانی شہری بن چکے ہیں۔ ان سے چین میں اپنی گھریلو رجسٹریشن ختم کرنے کا ثبوت فراہم کرنے کو کہا گیا ہے۔ مطلوبہ ثبوت نہ دینے کی صورت میں ان کی تائیوانی شہریت متاثر ہو سکتی ہے۔

قانونی طور پر بھی چینی نژاد خواتین اور دوسری غیر ملکی شریکِ حیات کے درمیان فرق موجود ہے۔ چین میں پیدا ہونے والی خاتون یا شریکِ حیات تائیوانی شہریت کے لیے چھ سال بعد درخواست دے سکتے ہیں، جبکہ دوسرے ممالک کے شریکِ حیات کے لیے یہ مدت چار سال ہے۔ اسی طرح چینی نژاد شہریوں کو بعض سرکاری ملازمتوں کے لیے شہریت حاصل کرنے کے بعد 10 سال انتظار کرنا پڑتا ہے۔

تائیوان میں آباد چینی نژاد مصنفہ اور سماجی کارکن شانگ گوان لوان کہتی ہیں کہ انہیں اکثر یہ خدشہ محسوس ہوتا ہے کہ لوگ ان کی وفاداری پر شک کرتے ہیں۔ ان سے یہ سوال بھی کیا جاتا ہے کہ کہیں وہ چینی حکومت کے لیے کام تو نہیں کر رہیں یا جاسوسی تو نہیں کر رہیں۔

وہ مانتی ہیں کہ چین تائیوان میں معلومات حاصل کرنے کی کوشش کر سکتا ہے، لیکن ان کے خیال میں حساس معلومات تک رسائی رکھنے والے افراد جاسوسی کے لیے زیادہ اہم ہدف ہو سکتے ہیں۔ ان کے مطابق دفاعی اداروں، ٹیکنالوجی، کاروبار یا تعلیمی شعبے سے وابستہ افراد کے پاس زیادہ حساس معلومات ہو سکتی ہیں۔

تائیوان میں چینی نژاد خواتین کا معاملہ اسی لیے پیچیدہ ہے۔ ایک طرف حکومت کو چین سے ممکنہ سکیورٹی خطرات کا سامنا ہے اور وہ قومی سلامتی کو ترجیح دینے کا مؤقف رکھتی ہے۔ دوسری طرف اس برادری کے بعض افراد کا کہنا ہے کہ انہیں صرف چین میں پیدا ہونے کی وجہ سے شک کی نظر سے دیکھنا درست نہیں۔

تائیوان اور چین کے درمیان کشیدگی مستقبل میں اس مسئلے کو مزید حساس بنا سکتی ہے۔ اصل چیلنج یہ ہے کہ قومی سلامتی کے تقاضوں کو پورا کرتے ہوئے ایسے لوگوں کے حقوق بھی محفوظ رکھے جائیں جو شادی، خاندان اور بہتر زندگی کی تلاش میں تائیوان منتقل ہوئے ہیں۔

ماہرین نے دماغ کے ایک اہم حصے ہپوکیمپس کا جائزہ لیا۔ ہپوکیمپس وہ حصہ ہے جو ہماری یادداشت اور سیکھنے کی صلاحیت میں اہم کردار ادا کرتا ہے۔ آسان الفاظ میں کہیں تو جو چیزیں ہم یاد رکھتے ہیں اور نئی چیزیں سیکھتے ہیں، ان میں دماغ کا یہ حصہ اہم کردار ادا کرتا ہے۔

یہ تحقیق برطانیہ کے قومی ادارۂ صحت (این آئی ایچ) کی مالی معاونت سے ہونے والی ایک سائنسی تحقیق کے حوالے سے سامنے آئی ہے۔ تحقیق میں 20 سے 95 سال کی عمر کے 40 ایسے افراد کے دماغی ٹشوز کا جائزہ لیا گیا جو اپنی زندگی میں دماغی بیماریوں کا شکار نہیں تھے۔ سائنس دانوں نے جدید ٹیکنالوجی کی مدد سے یہ دیکھنے کی کوشش کی کہ عمر بڑھنے کے ساتھ دماغ کے اندر کیا تبدیلیاں آتی ہیں۔

تحقیق میں خاص طور پر مائیکروگلیا نامی خلیوں کا جائزہ لیا گیا۔ یہ دماغ کے محافظ خلیے سمجھے جاتے ہیں۔ ان کا کام دماغ کو نقصان پہنچانے والی چیزوں سے بچانا اور دماغ کے اندر پیدا ہونے والی سوزش کو قابو میں رکھنا ہے۔

ماہرین کے مطابق تقریباً 50 سال کی عمر کے بعد ان حفاظتی خلیوں میں کمی آنا شروع ہوسکتی ہے اور یہ تبدیلی 75 سال کی عمر تک بتدریج جاری رہ سکتی ہے۔ اسی دوران ایسے خلیوں کی تعداد بڑھ سکتی ہے جن میں سوزش پیدا کرنے والی خصوصیات زیادہ ہوتی ہیں۔

دماغ میں مسلسل سوزش اچھی علامت نہیں سمجھی جاتی، کیونکہ سائنس دان پہلے ہی عمر بڑھنے اور دماغی بیماریوں کے درمیان تعلق پر تحقیق کررہے ہیں۔ تاہم اس تحقیق سے یہ ثابت نہیں ہوا کہ 50 سال کی عمر کے بعد ہر شخص کو الزائمر یا ڈیمینشیا ضرور ہوگا۔

تحقیق میں ایک اور اہم بات بھی سامنے آئی۔ عمر بڑھنے کے ساتھ خون اور دماغ کے درمیان موجود حفاظتی نظام میں بھی تبدیلی آسکتی ہے۔ یہ نظام ایک حفاظتی دیوار کی طرح کام کرتا ہے اور خون میں موجود نقصان دہ چیزوں کو دماغ تک پہنچنے سے روکنے میں مدد دیتا ہے۔

اگر یہ حفاظتی نظام کمزور ہوجائے تو دماغ کے ماحول پر بھی اثر پڑ سکتا ہے۔ سائنس دانوں کا خیال ہے کہ اس تبدیلی کو سمجھنا مستقبل میں دماغی بیماریوں کے بارے میں مزید معلومات حاصل کرنے میں مدد دے سکتا ہے۔

تحقیق کے پہلے مصنف ڈاکٹر ناتھن زیمکی نے کہا، ”جین کا اظہار یہ بتاتا ہے کہ خلیہ اس وقت کیا کررہا ہے، جبکہ ایپی جینیٹک نشانات خلیے کی ابتدا کے بارے میں معلومات محفوظ رکھتے ہیں۔“

سادہ الفاظ میں ان کی بات کا مطلب یہ ہے کہ سائنس دانوں نے صرف یہ نہیں دیکھا کہ دماغ کے خلیے کتنے ہیں، بلکہ یہ بھی جاننے کی کوشش کی کہ وہ کس طرح کام کررہے ہیں اور عمر کے ساتھ ان کے کام میں کیا تبدیلی آ رہی ہے۔

نیویارک جینوم سینٹر کے پروفیسر ڈاکٹر پِنگ رین نے کہا، ”ساخت میں بتدریج پیدا ہونے والی خرابیاں جینز کی تنظیم اور خلیوں کی شناخت میں ہونے والی تبدیلیوں سے گہری طور پر منسلک تھیں۔“

ان کے مطابق عمر بڑھنے کے ساتھ دماغ کے اندر موجود خلیوں اور ان کے کام کرنے کے انداز میں بھی تبدیلی آتی ہے۔ اس تحقیق نے سائنس دانوں کو ان تبدیلیوں کو بہتر انداز میں سمجھنے کا موقع دیا ہے۔

قومی ادارۂ صحت کے نیشنل انسٹی ٹیوٹ آن ایجنگ کے ڈائریکٹر ڈاکٹر رچرڈ ہوڈز نے بھی اس تحقیق کو اہم قرار دیا۔ ان کے مطابق مائیکروگلیا خلیوں میں ہونے والی یہ خاموش تبدیلی عمر رسیدہ دماغ کو سمجھنے کے لیے ایک اہم سراغ ثابت ہوسکتی ہے۔

ماہرین اب یہ جاننے کی کوشش کررہے ہیں کہ دماغ کے حفاظتی خلیے عمر بڑھنے کے ساتھ کیوں کم ہوتے ہیں اور ان کی جگہ دوسرے خلیے کیوں آنے لگتے ہیں۔ وہ یہ بھی جاننا چاہتے ہیں کہ آیا اس تبدیلی کا الزائمر اور ڈیمینشیا جیسی بیماریوں سے براہ راست کوئی تعلق ہے یا نہیں۔

یہ بات یاد رکھنا ضروری ہے کہ اس تحقیق کا مطلب یہ نہیں کہ 50 سال کی عمر کے بعد دماغ خراب ہونا شروع ہوجاتا ہے یا ہر شخص کو یادداشت کی بیماری لاحق ہوگی۔ تحقیق ابھی ابتدائی مرحلے میں ہے اور اس سلسلے میں مزید مطالعات کی ضرورت ہے۔

البتہ سائنس دانوں کے لیے یہ دریافت اہم ضرور ہے، کیونکہ اس سے انہیں یہ سمجھنے میں مدد مل سکتی ہے کہ عمر بڑھنے کے ساتھ دماغ کے اندر کیا تبدیلیاں آتی ہیں اور مستقبل میں دماغ کو عمر سے متعلق بیماریوں سے محفوظ رکھنے کے لیے کیا اقدامات کیے جاسکتے ہیں۔

مختصر طور پر، 50 سال کی عمر کے آس پاس دماغ میں کچھ تبدیلیاں خاموشی سے شروع ہوسکتی ہیں۔ یہ تبدیلیاں خاص طور پر دماغ کے حفاظتی خلیوں اور سوزش سے متعلق ہیں۔ سائنس دان اب یہ معلوم کرنے کی کوشش کررہے ہیں کہ ان تبدیلیوں کو کس طرح قابو میں رکھا جائے اور کیا ایسا کرکے مستقبل میں دماغی بیماریوں کے خطرے کو کم کیا جاسکتا ہے۔

امریکی صدر ڈونلڈ ٹرمپ نے وائٹ ہاؤس میں صحافیوں سے گفتگو کرتے ہوئے دعویٰ کیا کہ ایران اس وقت شدید معاشی افراتفری کا شکار ہے اور امریکا کے پاس اب ایران سے نمٹنے کے لیے تین واضح حکمت عملیاں موجود ہیں۔

انہوں نے مزید تفصیل بتاتے ہوئے کہا کہ ایران سے نمٹنے کے لیے ہماری حکمت عملی یہ ہے کہ اس کی کمزوری کی حد پر نظر رکھی جائے، اس پر شدید ضرب لگائی جائے اور اس پر معاشی دباؤ ڈالا جائے۔

اس سے قبل امریکی صدر نے پیر کے روز اوول آفس میں میڈیا کے نمائندوں سے بات کرتے ہوئے یہ دعویٰ بھی کیا تھا کہ اس وقت آبنائے ہرمز پر مکمل کنٹرول رکھنے والی واحد قوت امریکی بحریہ ہے، اور ہم نے پوری آبنائے ہرمز سے ایرانی بارودی سرنگیں ہٹا دی ہیں۔

صدر ٹرمپ نے ایران کی جانب سے پیش کی جانے والی شرائط کے جواب میں ایک نیا پینڈورا باکس کھولتے ہوئے کہا کہ امریکا اب ایران کے باعث ہونے والے نقصانات کے عوض بھاری رقم اور تاوان کا مطالبہ کرے گا۔

انہوں نے اپنے سوشل میڈیا پلیٹ فارم ’ٹروتھ سوشل‘ پر لکھا کہ وہ ایران سے ان تمام افراد کے لیے معاوضے کا مطالبہ کرتے ہیں جو سڑک کناروں پر نصب بم دھماکوں اور متعدد تنازعات کے ذریعے ہلاک یا شدید زخمی ہوئے۔

انہوں نے واضح کیا کہ وہ مستقبل کے تمام مذاکرات میں لاکھوں ایرانی مظاہرین کے خاندانوں کو تاوان کی ادائیگی کی شرط بھی شامل کریں گے۔

امریکی صدر نے سال 2000 میں یمن میں امریکی بحری جہاز کول پر ہونے والے حملے کے متاثرین کے لیے بھی ایران سے معاوضہ مانگا، حالانکہ اس تاریخی واقعے کا تعلق القاعدہ سے جوڑا جاتا رہا ہے۔

ملیکا شیراوت نے یہ انکشاف نئے آنے والے ریئلٹی شو ’دی ٹریٹرز سیزن2‘ میں ایک گفتگو کے دوران کیا۔ یہ شو 13 اگست 2026 سے پرائم ویڈیو پر نشر کیا جائے گا۔

اس شو میں جب ان کے ساتھ موجود ایک اور شریک آدتیہ کلشریشٹھا نے ملیکا سے دلچسپ سوال پوچھا کہ کیا آپ کو کبھی کسی پر دل آیا ہے یا پھر ہر کوئی آپ کا ہی دیوانہ رہا ہے؟ تو اس کے جواب میں ملیکا شیراوت نے کہا کہ، ’ہر کسی کو ہی مجھ سے محبت رہی ہے۔ آج کل کے دنوں میں ٹام کروز کو مجھ پر کرش ہے۔ وہ مجھے پسند کرتے ہیں۔‘

انہوں نے مزید کہا، ’میں کوئی جھوٹ نہیں بول رہی، اگر اس وقت میرے پاس میرا فون ہوتا تو میں اپ کو ان کی بھیجی ہوئی ویڈیو بھی دکھاتی۔‘

جب ملیکا سے آگے مزید پوچھا گیا کہ ٹام کروز ان کو کس قسم کی ویڈیو بھیجتے ہیں، تو انہوں نے مسکراتے ہوئے بتایا کہ بس وہ ویڈیوز جب ہم ایک ساتھ پارٹیاں وغیرہ کرتے تھے، وہ واقعی ایک بہترین انسان ہیں۔

تاہم اس پورے معاملے پر ہالی ووڈ اداکار ٹام کروز یا ان کی ٹیم کی طرف سے اب تک کوئی بات یا تصدیق سامنے نہیں آئی ہے اور یہ تمام باتیں فی الحال صرف ملیکا شیراوت کا اپنا ہی ایک دعویٰ ہیں۔

ملیکا شراوت ’دی ٹریٹرز سیزن 2‘ میں شامل معروف شخصیات میں سے ایک ہیں۔ اس سیزن میں ان کے ساتھ منور فاروقی، شویتا تیواری، ریا چکرورتی، رنویر برار، کرسٹل ڈی سوزا، دلیپ تہل، پرول گلٹی، اکا، ابھیشیک ملہان اور دیگر کئی معروف نام بھی شامل ہیں۔

یہ نیا شو انٹرنیٹ پر جاری ہونے والا ہے جس میں فلموں، ڈراموں، موسیقی اور سوشل میڈیا کی دنیا سے تعلق رکھنے والے کئی مشہور افراد حصہ لے رہے ہیں۔ اس شو میں تمام کھلاڑیوں کے درمیان ایک خاص طریقے سے کھیل کھیلا جاتا ہے جہاں ہر کوئی ایک دوسرے سے چالاکی اور حکمت عملی کے ذریعے آگے نکلنے کی کوشش کرتا ہے۔

ملیکا شراوت کا ٹام کروز سے متعلق یہ دعویٰ شو کی ریلیز سے پہلے ہی اس کے دلچسپ لمحات میں شامل ہوگیا ہے۔ البتہ جب تک ٹام کروز یا ان کی ٹیم کی جانب سے اس بارے میں کوئی بیان سامنے نہیں آتا، اسے ملیکا شراوت کا ذاتی دعویٰ ہی سمجھا جائے گا۔

امریکی میڈیا ادارے ’دی ہل‘ کے مطابق پینٹاگون کی 12 صفحات پر مشتمل رپورٹ میں بتایا گیا ہے کہ یہ جانی نقصان اپریل 2025 میں کیے گئے 3 مخصوص فوجی آپریشنز کے دوران ہوا۔

رپورٹ کے مطابق پہلا واقعہ 6 اپریل کو یمن کے دارالحکومت صنعا میں پیش آیا، جہاں امریکی فضائی حملے میں 5 عام شہری ہلاک ہوئے۔

دوسرا اور سب سے زیادہ جانی نقصان 17 اپریل کو راس عیسیٰ کی بندرگاہ پر کیے گئے فضائی حملے میں ہوا، جس میں 80 شہری ہلاک ہوئے۔

پینٹاگون کے مطابق 28 اپریل کو صعدہ کے قریب کیے گئے تیسرے فضائی حملے میں 47 افراد ہلاک ہوئے۔

رپورٹ میں بتایا گیا ہے کہ امریکی فوجی کارروائیوں کے دوران پیش آنے والے مزید 15 واقعات بھی زیرِ تفتیش ہیں اور ان کا جائزہ لیا جا رہا ہے۔

پینٹاگون کی رپورٹ ایسے وقت میں سامنے آئی ہے جب انسانی حقوق کی تنظیمیں جنگ زدہ علاقوں میں عام شہریوں کے تحفظ اور فوجی کارروائیوں کے دوران احتیاطی اقدامات یقینی بنانے کا مطالبہ کر رہی ہیں۔

تفتیشی حکام کے مطابق زیرِ غور واقعات کا تفصیلی جائزہ لیا جا رہا ہے اور تحقیقات مکمل ہونے کے بعد مزید حقائق سامنے لائے جائیں گے۔

ان کا یہ بیان ایسے وقت میں سامنے آیا ہے جب پاکستان کی قیادت کے حوالے سے مختلف قیاس آرائیاں جاری ہیں اور سابق کپتان بابر اعظم کو تمام فارمیٹس میں دوبارہ قیادت سونپنے کی خبریں گردش کر رہی ہیں۔

شاہین آفریدی نے یہ بات نیشنل چیمپئنز کپ کی ٹیمز کے کپتانوں کے ساتھ پریس کانفرنس کے دوران کہی۔ ان سے پوچھا گیا کہ کیا پاکستان کرکٹ بورڈ نے انہیں 2027 کے ون ڈے ورلڈ کپ تک کپتان برقرار رکھنے کی تصدیق کر دی ہے؟ اس پر شاہین نے کہا، ’’ابھی تک تو میں ہی کپتان ہوں۔‘‘

شاہین کا یہ جواب پاکستان کی قیادت کے مستقبل کے بارے میں جاری بحث کے درمیان اہم سمجھا جا رہا ہے۔ پاکستان کرکٹ میں گزشتہ چند برسوں کے دوران کپتانی میں کئی تبدیلیاں ہو چکی ہیں، جس کے باعث ٹیم کی قیادت کا معاملہ مسلسل توجہ کا مرکز رہا ہے۔ شاہین کو اکتوبر 2025 میں محمد رضوان کی جگہ ون ڈے ٹیم کا کپتان مقرر کیا گیا تھا۔

دوسری جانب رپورٹس میں یہ دعویٰ کیا جا رہا ہے کہ بابر اعظم کو مستقبل میں دوبارہ زیادہ ذمہ داریاں دی جا سکتی ہیں، تاہم اس حوالے سے پاکستان کرکٹ بورڈ کی جانب سے کوئی باضابطہ تصدیق سامنے نہیں آئی۔

شاہین آفریدی نے قیادت سے متعلق سوال پر زیادہ گفتگو کرنے کے بجائے اپنی توجہ ورلڈ کپ کی تیاریوں پر مرکوز رکھنے کو ترجیح دی۔ ان کا کہنا تھا کہ نیشنل چیمپئنز کپ پاکستان کے لیے ایسے کھلاڑیوں کو سامنے لانے کا اچھا موقع ہے جو مستقبل میں قومی ٹیم کے لیے کارآمد ثابت ہو سکتے ہیں۔

ان کے مطابق ورلڈ کپ جیسے بڑے ٹورنامنٹ میں کھلاڑیوں کے زخمی ہونے کا امکان رہتا ہے، اس لیے پہلے سے متبادل کھلاڑیوں کی شناخت ضروری ہے۔ شاہین آفریدی نے کہا کہ اگر ورلڈ کپ سے قبل کسی کھلاڑی کو انجری کا سامنا کرنا پڑتا ہے تو اس ڈومیسٹک ٹورنامنٹ سے قومی ٹیم کو فوری متبادل تلاش کرنے میں آسانی ہوگی۔

آفریدی نے اس بات پر بھی زور دیا کہ کھلاڑیوں کو ان کی قدرتی اور مخصوص پوزیشن پر کھیلنے کا موقع ملنا چاہیے۔ ان کے مطابق اس طرح کھلاڑی اپنی صلاحیتوں کا بہتر مظاہرہ کر سکیں گے اور سلیکٹرز کو بھی قومی ٹیم کے لیے دستیاب آپشنز کا اندازہ لگانے میں مدد ملے گی۔

اس کے ساتھ ہی شاہین آفریدی نے کھلاڑیوں کی فٹنس کے حوالے سے کہا کہ نیشنل چیمپئنز کپ میں کھلاڑیوں کی کارکردگی کے ساتھ ساتھ ان کی فٹنس پر بھی نظر رکھی جائے گی۔ ورلڈ کپ کی تیاری صرف انفرادی کارکردگی تک محدود نہیں ہوگی بلکہ ٹیم کے لیے دستیاب تمام کھلاڑیوں کی فارم اور فٹنس کا جائزہ لیا جائے گا۔

صادق آباد میں گھر کی بیٹھک میں نامعلوم مسلح افراد نے فائرنگ کردی، جس کے نتیجے میں کوش قبیلے کے سردار عالمگیر خان کوش سمیت 3 افراد جاں بحق ہوگئے۔

پولیس کے مطابق مقتولین یاسین کوش کے گھر میں مہمان تھے۔ جاں بحق افراد میں سردار عالمگیر خان کوش، ان کے گارڈ معشوق اور ناظم کوش شامل ہیں۔

پولیس کا کہنا ہے کہ فائرنگ کے بعد ملزمان موقع سے فرار ہوگئے، جبکہ واقعے کی تحقیقات شروع کردی گئی ہیں۔

ڈی پی او صادق آباد عرفان سموں نے واقعے کا نوٹس لیتے ہوئے ملزمان کی فوری گرفتاری کا حکم دے دیا ہے۔ پولیس کی جانب سے ملزمان کی تلاش کے لیے کارروائی جاری ہے۔

مشرقِ وسطیٰ کے امور پر نظر رکھنے والی ویب سائٹ ’مڈل ایسٹ آئی‘ کے مطابق، گزشتہ ماہ آٹھ جولائی کو انقرہ کے ایئرپورٹ پر اچانک سیکیورٹی کی غیر معمولی تعیناتی نے سب کو حیران کر دیا تھا جہاں صدر ٹرمپ کا طیارہ ائیر فورس ون کھڑا تھا۔

سیکیورٹی کے ان سخت ترین انتظامات کے دوران امریکی حکام نے ترک حکام کو بتایا کہ انہیں اسرائیل سے ایک خفیہ رپورٹ ملی ہے جس میں کہا گیا ہے کہ ایک ایرانی خفیہ یونٹ کندھے پر رکھ کر مارے جانے والے میزائلوں کی مدد سے ایئرپورٹ کے قریب ٹرمپ کے نئے طیارے کو نشانہ بنا سکتا ہے۔

اس رپورٹ کے بعد امریکی خفیہ ایجنسی ’سیکریٹ سروس‘ نے فوری طور پر حفاظتی اقدامات تبدیل کیے۔ ٹرمپ کی روانگی کو ایک دور دراز سویلین ایئرپورٹ پر منتقل کیا گیا اور نئے طیارے کے بجائے پرانے ائیر فورس ون کو لایا گیا کیونکہ اس میں فضائی دفاعی نظام موجود تھا۔

امریکی اخبار ’واشنگٹن پوسٹ‘ کے مطابق، سیکریٹ سروس نے ٹرمپ کو خفیہ طور پر پرانے ائیر فورس ون سے نکال کر کھانے پینے کا سامان سپلائی کرنے والی گاڑی میں منتقل کیا اور وہاں سے دوسرے امریکی طیارے سی-32 میں پہنچایا۔

مڈل ایسٹ آئی کے مطابق، ایک ترک عہدیدار نے اس بات کی تصدیق کی ہے کہ امریکی حکام نے آخری منٹ پر پروازوں کی اجازت مانگی جس سے انقرہ کو اندازہ ہوا کہ دال میں کچھ کالا ہے۔

اس سے قبل جولائی اور نومبر 2024 میں بھی پاکستانی شہری آصف مرچنٹ اور افغان شہری فرہاد شاکری پر ایران کے لیے ٹرمپ پر حملے کی منصوبہ بندی کے الزامات لگ چکے تھے، تاہم ایران نے ہمیشہ ان الزامات کی سختی سے تردید کی ہے۔

رپورٹ کے مطابق، ترک حکام کا اب ماننا ہے کہ اسرائیل کی یہ رپورٹ ایک سوچی سمجھی چال تھی کیونکہ ڈونلڈ ٹرمپ اس وقت ایران کے ساتھ جنگ ختم کرنے اور آبنائے ہرمز کو دوبارہ کھولنے کے لیے ایک اہم امن معاہدے پر بات چیت کر رہے تھے۔

اجلاس کے دوران ترک صدر رجب طیب اردوان سے ملاقات میں ٹرمپ نے بار بار کہا تھا کہ ایران کے ساتھ جنگ ختم ہو چکی ہے اور وہ مذاکرات کے حوالے سے پرامید ہیں، جو کہ اسرائیلی وزیراعظم بنجمن نیتن یاہو کے ایجنڈے کے بالکل خلاف تھا کیونکہ وہ ایران کی توانائی تنصیبات پر مزید حملوں اور ایرانی رہنماؤں کو نشانہ بنانے کی مہم چلانا چاہتے تھے۔

اس کے علاوہ ٹرمپ نے ترکیہ پر لگی پابندیاں ہٹانے اور ایف-35 طیارے بیچنے کا اشارہ بھی دیا تھا، جس کی اسرائیل ہمیشہ سے مخالفت کرتا رہا ہے۔

ایک ترک عہدیدار نے صورتحال پر تبصرہ کرتے ہوئے مڈل ایسٹ آئی کو بتایا کہ یقیناً ہم نے رپورٹ کو بہت سنجیدگی سے لیا اور اپنے امریکی شراکت داروں کی پوری مدد کی، لیکن ہمارے لیے یہ بالکل واضح تھا کہ یہ رپورٹ کسی صورت سچی نہیں ہو سکتی۔

ترک حکام کا کہنا ہے کہ انقرہ جیسے سخت سیکیورٹی والے دارالحکومت میں اتنے بڑے میزائل پہنچانا اور ایسا حملہ کرنا ممکن ہی نہیں تھا، اور ایران کبھی بھی ترکیہ کے ساتھ اپنے پرامن تعلقات خراب کرنے کا خطرہ نہیں مول لے سکتا۔

انقرہ کے ایک اندرونی ذرائع نے طنز کرتے ہوئے مڈل ایسٹ آئی کو کہا کہ حیرت کی بات ہے ایک ماہ بعد اس آپریشن کی تفصیلات میڈیا پر لیک کی جا رہی ہیں، میرا خیال ہے کہ انہیں ایک ایسے حملے کے لیے ہیرو چاہیے جو کبھی ہوا ہی نہیں اور جس کی غالباً کبھی منصوبہ بندی بھی نہیں کی گئی تھی۔

رونالڈو اور جورجینا نے 11 اگست کو پرتگال کے شہر کاسکائس میں ایک نجی سول تقریب میں شادی کی۔

جوڑے نے شادی کی بڑی تقریب یا تفصیلی اعلان کرنے کے بجائے صرف اپنی شادی کی انگوٹھیوں کی تصویر سوشل میڈیا پر شیئر کرکے مداحوں کو خوشخبری سنائی اور اسی ایک تصویر نے پوری دنیا میں دھوم مچا دی۔

رونالڈو اور جورجینا کی لو سٹوری بھی کسی فلمی کہانی سے کم نہیں۔ تقریباً ایک دہائی پہلے دونوں کی ملاقات 2016 میں ہوئی تھی، جب جورجینا ایک معروف فیشن برانڈ کے اسٹور میں کام کرتی تھیں۔

رونالڈو نے بعد میں ایک انٹرویو میں کھل کر بتایا تھا کہ سچ کہوں تو مجھے شروع میں بالکل اندازہ نہیں تھا کہ مجھے ان سے اتنی شدید محبت ہو جائے گی، لیکن پھر وقت کے ساتھ مجھے لگا کہ یہی میری سچی زندگی ہیں۔

اس جوڑے نے 2025 میں اپنی منگنی کا اعلان کیا تھا۔ جورجینا نے اس وقت اپنی منگنی کی انگوٹھی کی تصویر شیئر کرتے ہوئے لکھا تھا کہ، میں ان کے ساتھ اس زندگی میں بھی ہوں اور اپنی آنے والی ہر زندگی میں بھی ان کا ساتھ چاہتی ہوں۔

شادی سے پہلے بھی دونوں کے رشتے اور شادی کے حوالے سے کئی بار خبریں سامنے آتی رہیں۔ اس حوالے سے شادی کے چند روز قبل ایک دلچسپ واقعہ بھی پیش آیا جب افواہ اڑ گئی کہ رونالڈو اپنے آبائی شہر کے ایک بڑے چرچ میں شادی کر رہے ہیں۔ یہ سنتے ہی سینکڑوں شائقین کی بھیڑ چرچ کے باہر جمع ہو گئی تاکہ اپنے ہیرو کی شادی دیکھ سکیں۔ تاہم وہاں پہنچنے والی دلہن جورجینا نہیں بلکہ نکول نامی خاتون تھیں، جو اپنے ساتھی فابیو سے شادی کرنے آئی تھیں۔

اس دلچسپ غلط فہمی پر رونالڈو بھی اپنی ہنسی نہ روک سکے اور سوشل میڈیا پر ہنستے ہوئے آنسوؤں والے ایموجیز کے ذریعے ردعمل دیا۔

اب بالآخر برسوں سے جاری قیاس آرائیوں کا خاتمہ ہوگیا ہے۔ رونالڈو اور جورجینا نے اپنی محبت کے رشتے کو شادی میں بدل دیا ہے اور ان کے بچے بھی اس خاص موقع پر ان کے ساتھ موجود تھے۔

جوڑے کی دو بیٹیاں الانا اور بیلا ہیں، جبکہ وہ رونالڈو کے بڑے بیٹے کرسٹیانو جونیئر اور جڑواں بچوں ایوا ماریا اور میٹیو کی بھی پرورش کر رہے ہیں۔ تاہم ان کے خاندان کو 2022 میں ایک بڑے صدمے کا سامنا کرنا پڑا تھا، جب جورجینا کے جڑواں بچوں میں سے بیٹا اینجل پیدائش کے کچھ ہی دیر بعد انتقال کرگیا تھا۔

آج یہ دونوں اپنے بچوں کے ساتھ ایک خوشحال زندگی گزار رہے ہیں۔ برسوں کی افواہوں، مداحوں کی بے تابی اور ایک دلچسپ غلط فہمی کے بعد، آخر کار اس سپر اسٹار جوڑے نے ایک دوسرے کا ہاتھ ہمیشہ کے لیے تھام لیا ہے۔

ماہرین کے مطابق اس فلکیاتی مظہر کے دوران چاند، سورج اور زمین کے درمیان آ جائے گا، جس کے باعث سورج کی روشنی کچھ دیر کے لیے مکمل یا جزوی طور پر زمین تک پہنچنے سے رک جائے گی۔

مکمل سورج گرہن کے راستے میں موجود علاقوں میں دن کے وقت سورج مکمل طور پر چاند کے پیچھے چھپ جائے گا، جس سے چند لمحوں کے لیے غیر معمولی تاریکی کا منظر پیدا ہوگا۔

یورپ کے وقت کے مطابق رات 8 بجکر 27 منٹ پرمکمل گرہن کا آغاز ہوگا۔ جبکہ جی ایم ٹی ٹائم شام 6 بجکر 27 منٹ پر مکمل گرہن شروع ہوگا۔یہ یورپ میں گزشتہ 30 سالوں کے دوران دیکھا جانے والا پہلا مکمل سورج گرہن ہے۔

پاکستان میں اس سورج گرہن کا مشاہدہ ممکن نہیں ہوگا، کیونکہ گرہن کے اوقات پاکستان میں رات کے وقت ہوں گے۔

یورپ میں مکمل سورج گرہن کا یہ نظارہ خصوصی اہمیت کا حامل ہے، کیونکہ خطے کے بعض حصوں میں 1999 کے بعد پہلی مرتبہ مکمل سورج گرہن دیکھا جاسکے گا۔ فلکیات میں دلچسپی رکھنے والے افراد اور ماہرین اس نایاب منظر کے مشاہدے کے لیے خصوصی انتظامات کر رہے ہیں۔

ماہرین نے سورج گرہن کا مشاہدہ کرتے وقت آنکھوں کی حفاظت کے لیے مخصوص سولر سیفٹی گلاسز یا مستند حفاظتی آلات استعمال کرنے کی ہدایت کی ہے۔ عام دھوپ کے چشمے یا بغیر حفاظتی آلات کے براہِ راست سورج کی جانب دیکھنا آنکھوں کے لیے نقصان دہ ہوسکتا ہے۔

یہ سورج گرہن رواں سال ہونے والا دوسرا سورج گرہن ہے۔

وزیر دفاع خواجہ آصف نے امریکی خبر رساں ادارے ’بلومبرگ‘ کو انٹرویو دیتے ہوئے بتایا کہ دونوں ممالک کے سخت ترین اور غیر لچکدار موقف کے باوجود، پاکستان اس بحران کو ٹالنے کے لیے اپنے علاقائی شراکت داروں کے ساتھ مل کر مسلسل اور فعال طور پر کام کر رہا ہے کیونکہ آبنائے ہرمز کا تنازع خلیج میں کسی بھی وسیع امن معاہدے کی راہ میں سب سے بڑی رکاوٹ بنا ہوا ہے۔

انہوں نے کہا کہ واشنگٹن اور تہران اس وقت تقریباً بند بحری گزرگاہ کے معاملے پر کسی نہ کسی طرح کے انتظام یا معاہدے کے بہت قریب پہنچ چکے ہیں، جو کہ اب تک دونوں فریقین کے درمیان بات چیت کو روکنے کی سب سے بڑی وجہ تھی۔

انہوں نے مزید امید کا اظہار کرتے ہوئے کہا کہ حالات اب امن کے حق میں جا رہے ہیں، اور پچھلے دو یا تین دنوں میں ملنے والے اشارے بتاتے ہیں کہ ہم کسی نہ کسی سمجھوتے کے بالکل قریب ہیں۔

اگرچہ انہوں نے کسی حتمی کامیابی کی تفصیلی معلومات شیئر نہیں کیں، لیکن ان کا یہ بیان خطے میں بڑی تبدیلی کا پیش خیمہ دکھائی دیتا ہے۔

خواجہ آصف کا یہ اہم بیان ایک ایسے وقت میں سامنے آیا ہے جب پاکستان کے وفاقی وزیر داخلہ محسن نقوی تہران کے دورے پر ہیں، جہاں وہ آبنائے ہرمز کے تعطل کو ختم کرنے اور روک دی جانے والی بات چیت کو دوبارہ شروع کرنے کی نئی کوششوں کے تحت ایرانی قیادت سے ملاقاتیں کر رہے ہیں۔

ایران کی سرکاری خبر رساں ایجنسی ’ارنا‘ کے مطابق، محسن نقوی نے تہران میں ایرانی صدر مسعود پزشکیان، وزیر خارجہ عباس عراقچی اور اپنے ایرانی ہم منصب کے ساتھ اہم سفارتی اور دوطرفہ امور پر تفصیلی گفتگو کی ہے۔

اس ثالثی کے عمل میں پاکستان کے وزیر اعظم شہباز شریف اور چیف آف ڈیفنس فورسز و آرمی چیف فیلڈ مارشل عاصم منیر بھی مسلسل اور براہِ راست حصہ لے رہے ہیں۔

ترک خبر رساں ادارے ’اناطولو‘ نے اپنی رپورٹ میں دعویٰ کیا ہے کہ وزیر داخلہ محسن نقوی نے اس تعطل کو دور کرنے کے لیے ایرانی قیادت کے ساتھ کچھ نئی تجاویز شیئر کی ہیں۔

اس سفارتی مہم کے دوران قطر کی وزارتِ خارجہ کے ترجمان نے بھی میڈیا کو بتایا کہ ایران اور عمان کے درمیان آبنائے ہرمز کو دوبارہ کچھ تجارتی بحری جہازوں کے لیے کھولنے کے حوالے سے ہونے والے مذاکرات اب انتہائی اعلیٰ اور جدید مرحلے میں داخل ہو چکے ہیں۔

یاد رہے کہ امریکا اور ایران نے رواں سال 17 جون کو ایک مفاہمتی یادداشت پر دستخط کیے تھے جس کے بعد حتمی معاہدے کے لیے مذاکرات کا آغاز ہوا تھا، لیکن بعد میں سیکیورٹی ضمانتوں اور آبنائے ہرمز میں بحری جہازوں کی آزادانہ آمد و رفت پر اختلافات کے باعث یہ عمل رک گیا تھا۔

اسی دوران 8 سے 24 جولائی کے درمیان دونوں ممالک کے درمیان براہِ راست فوجی حملوں کا تبادلہ بھی ہوا تھا، جہاں واشنگٹن نے ایران کے اندر اہداف کو نشانہ بنایا اور تہران نے جواب میں اردن، بحرین اور کویت سمیت کئی عرب ممالک میں امریکی فوجی تنصیبات پر حملے کیے تھے، تاہم اب پاکستان کی کوششوں سے امن کی راہیں ہموار ہوتی دکھائی دے رہی ہیں۔

امریکی سینٹرل کمانڈ (سینٹ کام) کی جانب سے جاری کردہ ایک آفیشل بیان کے مطابق، منگل کے روز امریکی ایم ایچ-60 ہیلی کاپٹر نے پاناما کے پرچم بردار جہاز ’ایم وی ویلا نووا‘ نامی تجارتی جہاز کے انجن روم پر دو ہیلفائر میزائل فائر کیے۔

سینٹ کام کا کہنا ہے کہ یہ کارروائی اس وقت کی گئی جب جہاز کے سویلین عملے نے امریکی افواج کی طرف سے دی جانے والی بار بار کی وارننگ کو نظر انداز کیا۔

امریکی فوج نے مزید بتایا کہ یہ بحری جہاز اب ایران کی طرف سفر نہیں کر رہا، تاہم بیان میں کسی جانی نقصان یا زخمیوں کے بارے میں کوئی معلومات فراہم نہیں کی گئیں۔

دوسری جانب ایران نے اس واقعے پر اب تک کوئی باقاعدہ تبصرہ نہیں کیا ہے۔

واضح رہے کہ امریکا 28 فروری کو اپنے اور اسرائیل کی جانب سے شروع کی جانے والی جنگ کو ختم کرنے کی ناکام کوششوں کے بعد سے ایرانی بندرگاہوں کی سخت ناکہ بندی کر رہا ہے۔ اس کے جواب میں تہران نے اسرائیل اور خلیج میں امریکی اتحادی ممالک پر جوابی حملے کیے اور دنیا میں تیل کی ترسیل کے لیے انتہائی اہم سمندری راستے، آبنائے ہرمز کو بھی عملی طور پر بند کر دیا ہے۔

اس جنگ سے پہلے دنیا بھر کے تیل اور مائع قدرتی گیس کا پانچواں حصہ اسی آبنائے سے گزرتا تھا، اور اس کی بندش کے بعد سے عالمی مارکیٹ میں تیل کی قیمتوں میں شدید اتار چڑھاؤ دیکھا جا رہا ہے۔

ثالثی کرنے والے ممالک اب تک آبنائے ہرمز کو دوبارہ کھولنے کے لیے فریقین کو کسی معاہدے پر راضی کرنے میں ناکام رہے ہیں، اور جون میں آخری جنگ بندی کے خاتمے کے بعد سے امریکہ اور ایران کے درمیان وقتاً فوقتاً فائرنگ کا تبادلہ ہو رہا ہے۔

سوشل میڈیا پلیٹ فارم ’ایکس‘ پر جاری اپنے بیان میں سینٹ کام نے واضح کیا کہ امریکی ناکہ بندی پوری طرح سے نافذ العمل ہے اور 11 اگست تک امریکی فوج ناکہ بندی توڑنے کی کوشش کرنے والے 55 تجارتی جہازوں کا رخ موڑ چکی ہے، جبکہ بات نہ ماننے والے تین جہازوں کو ناکارہ بنایا گیا ہے اور دو جہازوں پر امریکی اہلکار معائنے کے لیے سوار ہوئے ہیں۔

ایک الگ واقعے میں، یمن کی بین الاقوامی طور پر تسلیم شدہ حکومت نے منگل کو بتایا کہ بحیرہ احمر میں ایران نواز حوثی باغیوں کی جانب سے ایک کارگو جہاز پر کیے گئے حملوں میں چھ افراد ہلاک اور دس زخمی ہوئے ہیں۔

اس حملے کی ذمہ داری قبول کرتے ہوئے حوثیوں کا کہنا ہے کہ انہوں نے سعودی عرب کا فوجی ساز و سامان لے جانے والے ایک جہاز کو نشانہ بنایا ہے۔

مہم جوئی اور جنگ کے آغاز کے بعد سے کسی بحری جہاز پر حوثی گروپ کا یہ پہلا ہلاکت خیز حملہ دکھائی دیتا ہے۔

پاکستان کے وفاقی وزیر داخلہ محسن نقوی منگل کے روز ایران کے دارالحکومت تہران پہنچے، جہاں ہوائی اڈے پر ایرانی وزیر داخلہ اسکندر مومنی نے ان کا پرتپاک استقبال کیا۔

تہران پہنچنے کے بعد وزیر داخلہ محسن نقوی نے ایرانی صدر مسعود پزشکیان سے ملاقات کی، جس کے بعد دونوں ممالک کے حکام کے درمیان تفصیلی مذاکرات ہوئے جس میں ایرانی وزیر داخلہ اسکندر مومنی اور وزیر خارجہ عباس عراقچی بھی شریک ہوئے۔

ایرانی صدر مسعود پزشکیان نے پاکستانی وزیر داخلہ سے ملاقات کے بعد اپنے ایک اہم بیان میں کہا کہ پاکستان کے ساتھ مضبوط تعلقات علاقائی سیکیورٹی میں اضافے کا سبب بن سکتے ہیں اور تہران سیاسی، اقتصادی، تجارتی، ثقافتی اور سیکیورٹی کے شعبوں میں پاکستان کے ساتھ تعلقات کو مزید گہرا کرنے کے لیے پوری طرح تیار ہے۔

دوسری جانب پاکستانی وزیر داخلہ محسن نقوی نے دونوں ممالک کے تاریخی رشتوں پر روشنی ڈالتے ہوئے کہا کہ ایران اور پاکستان کے تعلقات مضبوط اور نہ ٹوٹنے والے ہیں اور پاکستان ایران سے تعلقات بڑھانے کے لیے انتہائی سنجیدہ عزم کے ساتھ عملی اقدامات کر رہا ہے۔

ان ملاقاتوں کے دوران بالواسطہ مذاکرات اور بحری گزرگاہ آبنائے ہرمز کی تازہ ترین صورتحال پر بھی تفصیلی گفتگو کی گئی۔

ایرانی میڈیا کے مطابق، پاکستان نے قطر کے ساتھ مل کر امریکا اور ایران کے مابین جاری شدید تنازع میں ثالثی کے حوالے سے انتہائی اہم اور کلیدی کردار ادا کیا ہے۔

ایرانی میڈیا کا کہنا ہے کہ پاکستان اور قطر کی حالیہ سفارتی کوششوں سے اب خطے میں اس امید کو بڑی تقویت ملی ہے کہ فریقین کے درمیان کوئی ایسا معاہدہ طے پا سکتا ہے جس کے نتیجے میں آبنائے ہرمز تک دنیا کی رسائی دوبارہ بحال ہو سکے گی۔

واضح رہے کہ پاکستان نے حالیہ عرصے میں ایران اور امریکا کے مابین کشیدگی کم کرنے کے لیے بھرپور سفارتی کوششیں کی ہیں، جس کے تحت پاکستان اور قطر نے رواں سال جون میں ایران اور امریکہ کے درمیان ایک مفاہمتی یادداشت کے قیام میں بڑا کردار ادا کیا تھا۔

تاہم، تہران کا موقف ہے کہ واشنگٹن کی جانب سے اس مفاہمتی یادداشت کی خلاف ورزی کی گئی جس کے بعد ایران نے آبنائے ہرمز کو دوبارہ بند کر دیا۔

ایرانی حکام کا اصرار ہے کہ جب تک امریکا کی جانب سے مفاہمتی یادداشت کی خلاف ورزیاں ختم نہیں ہوتیں اور نقصانات کا ازالہ نہیں کیا جاتا، تب تک اس بحری راستے کو کھولنا ممکن نہیں ہوگا۔

تہران میں ہونے والی ان حالیہ بیٹھکوں سے اب خطے میں امن و استحکام کی نئی راہیں تلاش کی جا رہی ہیں۔

حکومت کی جانب سے جاری کردہ نوٹیفکیشن کے مطابق، پیٹرول کی قیمت میں 1 روپے 70 پیسے اور ہائی اسپیڈ ڈیزل کی فی لیٹر قیمت میں 1 روپے 39 پیسے اضافہ کیا گیا ہے۔

واضح رہے کہ گزشتہ روز قیمتوں میں کوئی تبدیلی نہیں کی گئی تھی اور پرانی قیمتیں برقرار رکھی گئی تھیں۔

اگر 20 جولائی سے لے کر اب تک پیٹرول اور ڈیزل کی قیمتوں کے مجموعی اعداد و شمار کا جائزہ لیا جائے تو معلوم ہوتا ہے کہ پیٹرول کی قیمت میں اس عرصے کے دوران مجموعی طور پر نو بار کمی کی گئی اور سات بار اضافہ کیا گیا۔

اس کے برعکس ہائی اسپیڈ ڈیزل کی قیمتوں میں اس پورے عرصے کے دوران چھ بار کمی کی گئی جبکہ نو بار اس کی قیمت میں مسلسل اضافہ دیکھنے میں آیا۔

میر رضا کیس کی منصفانہ تفتیش ہوگی اور تحقیقات کے ہر مرحلے سے مقتول کے اہل خانہ کو آگاہ رکھا جائے گا۔ ان کا کہنا ہے کہ کیس حل ہونے کے بعد پولیس اور میڈیکو لیگل کی کوتاہیوں پر کارروائی کرنا ان کی ذمہ داری ہے۔

منگل کو کراچی آرٹس کونسل میں میڈیا سے گفتگو کرتے ہوئے وزیراعلیٰ سندھ مراد علی شاہ نے کہا کہ میر رضا کیس کی تفتیش پولیس کی ذمہ داری ہے اور کیس کی تحقیقات میں کسی قسم کی کوتاہی برداشت نہیں کی جائے گی۔

مراد علی شاہ نے واضح کیا کہ جوڈیشل کمیشن کیس کی تفتیش کے لیے نہیں بنایا جا رہا تھا بلکہ اس کا مقصد پولیس اور میڈیکو لیگل کے نظام میں سامنے آنے والی کوتاہیوں کی نشاندہی کرنا تھا۔

وزیراعلیٰ سندھ نے بتایا کہ میر رضا کے اہل خانہ نے جوڈیشل کمیشن نہ بنانے کی خواہش ظاہر کی، جس پر حکومت نے ان کی رائے کا احترام کیا۔ انہوں نے مزید کہا کہ کیس کی تفتیش مکمل ہونے اور معاملہ حل ہونے کے بعد پولیس اور میڈیکو لیگل سے متعلق جو بھی کوتاہیاں سامنے آئیں گی، ان پر کارروائی کرنا ان کی ذمہ داری ہے۔

نئے صوبوں کے قیام سے متعلق سوال پر وزیراعلیٰ سندھ نے کہا کہ انہیں نہیں لگتا کہ موجودہ یا مستقبل کی کسی اسمبلی میں نیا صوبہ بنانے کے لیے دو تہائی اکثریت حاصل ہوسکے گی۔

مراد علی شاہ نے مزید کہا کہ سندھ کے عوام ان پر اعتماد کرتے ہیں اور میڈیا کو بھی ان پر اعتماد رکھنا چاہیے۔ انہوں نے پنجاب میں نئے صوبے کے مطالبے کا حوالہ دیتے ہوئے کہا کہ پنجاب میں نئے صوبے کی بات اس لیے کی جاتی ہے کیوں کہ پنجاب اسمبلی نیا صوبہ بنانے کے لیے قراردادیں منظور کرچکی ہے۔

وزیراعلیٰ سندھ نے کہا کہ اگر پنجاب کے لوگوں کو سندھ کی اتنی ہی فکر ہے تو وہ آئینی طریقہ کار اختیار کریں، سندھ میں آکر انتخابات لڑیں اور اگر سندھ کے عوام انہیں حمایت دیں تو وہ صوبے کے عوام کی خدمت کریں۔

ان کا مزید کہنا تھا کہ اگر عوام نے انہیں سپورٹ نہ کیا تو اپنی سیاسی جماعت سے کہیں کہ وفاقی حکومت کے ذریعے سندھ کے عوام کی خدمت کریں۔

مشترکہ مفادات کونسل (سی سی آئی) کا اجلاس نہ بلائے جانے سے متعلق سوال پر وزیراعلیٰ سندھ نے کہا کہ 90 روز میں اجلاس بلانا آئینی تقاضا ہے۔

مراد علی شاہ نے صحافیوں سے کہا کہ اب وفاقی حکومت سے سوال کیا جائے کہ سندھ کے مطالبے کے باوجود مشترکہ مفادات کونسل کا اجلاس کیوں نہیں بلایا جارہا۔

لاپتہ بچی پریا کماری کی بازیابی سے متعلق سوال پر وزیراعلیٰ سندھ نے اعتراف کیا کہ اب تک اس معاملے میں کوئی کامیابی حاصل نہیں ہوسکی۔

مراد علی شاہ نے بتایا کہ ایک دو مرتبہ پریا کماری سے متعلق اطلاعات موصول ہوئیں تاہم ان اطلاعات سے کوئی نتیجہ حاصل نہیں ہوسکا۔ انہوں نے مزید کہا کہ پریا کماری کی بازیابی کے لیے کوششیں جاری ہیں۔

یاد رہے کہ میر رضا علی 28 جولائی کو فیروز آباد سے لاپتہ ہوئے تھے اور اگلے روز ان کی لاش گلستانِ جوہر میں ایک گیسٹ ہاؤس کے پاس سے ملی تھی۔ پولیس نے ابتداء میں اسے خودکشی قرار دینے کی کوشش کی تھی، تاہم عدالت کے حکم پر ہونے والی قبر کشائی اور دوسرے پوسٹ مارٹم کی رپورٹ نے سچائی اگل دی۔

میڈیکل بورڈ کی رپورٹ میں تصدیق ہوئی کہ مقتول کے جسم پر بدترین تشدد کیا گیا تھا، ان کی پسلیاں، دانت اور کھوپڑی ٹوٹی ہوئی تھی اور گولی بھی پیچھے سے ماری گئی تھی، جس کے بعد مقدمے میں قتل کی دفعہ شامل کی گئی۔

تفتیشی ٹیم اب میر رضا کے موبائل فون کے ریکارڈ کی بھی جانچ کر رہی ہے جس کے مطابق انہوں نے موت سے قبل علی اور اپنے ایک دوست عبداللہ سے بات کی تھی، جبکہ ان کے فون پر آخری آٹھ پیغامات ایسے ملے جن کا کوئی جواب نہیں دیا گیا تھا۔

آئل اینڈ گیس ریگولیٹری اتھارٹی (اوگرا) نے 12 اگست کے لیے پیٹرولیم مصنوعات کی نئی قیمتوں کا نوٹیفکیشن بھی جاری کر دیا ہے۔

نوٹیکفیشن کے مطابق پیٹرول کی فی لیٹر قیمت میں 1 روپے 70 پیسے کی معمولی کمی کردی گئی ہے، جس کے بعد پیٹرول کی نئی قیمت 325 روپے 92 پیسے فی لیٹر مقرر ہوگئی ہے۔

دوسری طرف ہائی اسپیڈ ڈیزل کی فی لیٹر قیمت میں 1 روپے 39 پیسے اضافہ کیا گیا ہے، جس کے بعد ہائی اسپیڈ ڈیزل کی نئی قیمت 382 روپے 25 پیسے فی لیٹر کی سطح پر پہنچ گئی ہے۔

نوٹیفکیشن کے مطابق پیٹرولیم مصنوعات کی نئی قیمتوں کا اطلاق آج رات 12 بجے سے ہوگا اور نئی قیمتیں 12 اگست تک لاگو رہیں گی۔

اوگرا نے وفاقی حکومت کے نظرثانی شدہ پیٹرولیم پرائسنگ میکنزم کے تحت پیٹرولیم مصنوعات کی نئی ایکس ڈپو قیمتیں جاری کی ہیں۔

واضح رہے کہ گزشتہ روز قیمتوں میں کوئی تبدیلی نہیں کی گئی تھی اور پرانی قیمتیں برقرار رکھی گئی تھیں۔

یاد رہے کہ مشرق وسطیٰ کی موجودہ صورت حال کے باعث حکومت نے پیٹرولیم مصنوعات کی قیمتوں کے روزانہ کی بنیاد پر تعین کا فیصلہ کیا ہے تاہم ہفتہ اور اتوار کو قیمتوں میں کوئی تبدیلی نہیں کی جاتی اور قیمتیں برقرار رہتی ہیں۔

یومیہ تعین کے تحت پیٹرولیم قیمتیں کب بڑھیں اور کم ہوئیں؟

یاد رہے کہ 17 جولائی کو وفاقی وزیر پیٹرولیم علی پرویز ملک نے اعلان کیا تھا کہ پیٹرولیم مصنوعات کی قیمتوں کا تعین اب روزانہ کی بنیاد پر کیا جائے گا، اوگرا روزانہ پیٹرولیم مصنوعات کی قیمتوں کا تعین کرکے ویب سائٹ پر لگایا کرے گی۔

بعد ازاں اسی روز حکومت نے پیٹرولیم منصوعات کی قیمتوں میں اگلے 3 روز کے لیے اضافہ کیا تھا، پیٹرول کی قیمت میں 5 روپے 44 پیسے فی لیٹر اضافہ کیا گیا تھا، جس کے بعد پیٹرول کی نئی قیمت 316 روپے 15 پیسے فی لیٹر مقرر ہوگئی تھی۔ اسی طرح ہائی اسپیڈ ڈیزل کی قیمت میں 31 روپے 05 پیسے فی لیٹر کا بڑا اضافہ کیا گیا تھا، جس کے بعد ڈیزل کی نئی قیمت 354 روپے 35 پیسے فی لیٹر مقرر ہوگئی تھی۔

20 جولائی کو وفاقی حکومت نے عوام کو معمولی ریلیف دیتے ہوئے پیٹرول کی قیمت میں 35 پیسے فی لیٹر کمی کی تھی، اس کمی کے بعد پیٹرول کی نئی قیمت 315 روپے 80 پیسے فی لیٹر مقرر ہوگئی تھی جب کہ ڈیزل کی قیمت 5 روپے 71 پیسے فی لیٹر اضافے کے بعد 360 روپے 6 پیسے فی لیٹر مقرر ہوگئی تھی۔

پھر 21 جولائی کو حکومت نے پیٹرول 4 روپے 93 پیسے جب کہ ہائی اسپیڈ ڈیزل 7 روپے 15 پیسے فی لیٹر مہنگا کیا تھا، جس کے بعد پیٹرول کی نئی قیمت 320 روپے 73 پیسے جب کہ ہائی اسپیڈ ڈیزل کی نئی قیمت 367 روپے 21 پیسے فی لیٹر مقرر ہوئی تھی۔

اس کے اگلے روز 22 جولائی کو بھی پیٹرولیم منصوعات کی قیمتوں میں بڑا اضافہ دیکھنے میں آیا تھا، حکومت نے پیٹرول کی قیمت میں 6 روپے 39 پیسے اضافہ کیا تھا، جس کے بعد پیٹرول کی نئی قیمت 327 روپے 12 پیسے فی لیٹر مقرر ہوگئی تھی جب کہ ہائی اسپیڈ ڈیزل کی قیمت میں بھی 7 روپے 83 پیسے کا اضافہ ہوا تھا، جس کے بعد ہائی اسپیڈ ڈیزل کی نئی قیمت 375 روپے 4 پیسے فی لیٹر ہوگئی تھی۔

23 جولائی کو بھی حکومت کی جانب سے پیٹرول کی فی لیٹر قیمت میں 4 روپے 40 پیسے جب کہ ہائی اسپیڈ ڈیزل کی قیمت میں 3 روپے 62 پیسے بڑھائے گئے، جس کے بعد پیٹرول کی نئی قیمت 331 روپے 52 پیسے فی لیٹر جب کہ ہائی اسپیڈ ڈیزل کی نئی قیمت 378 روپے 66 پیسے مقرر ہوگئی تھی۔

اس کے بعد 24 جولائی کو بھی پیٹرول کی فی لیٹر قیمت میں 3 روپے 66 پیسے جب کہ ہائی اسپیڈ ڈیزل کی فی لیٹر قیمت میں 4 روپے 80 پیسے کا اضافہ کیا گیا تھا، اس اضافے کے بعد پیٹرول کی نئی قیمت 335 روپے 18 پیسے اور ڈیزل کی نئی قیمت 383 روپے 46 پیسے فی لیٹر مقرر ہو گئی تھی تاہم 25 جولائی کو حکومت کی جانب سے پیٹرولیم مصنوعات کی قیمتیں برقرار رکھی گئی تھیں۔

27 جولائی کو حکومت نے پیٹرولیم مصنوعات کی قیمتوں میں رد و بدل کرتے ہوئے پیٹرول ایک روپے سستا کیا تھا، اس کمی کے بعد پیٹرول کی نئی قیمت 334 روپے 18 پیسے فی لیٹر ہوگئی تھی جب کہ ہائی اسپیڈ ڈیزل 3 روپے 37 پیسے فی لیٹر مہنگا کردیا گیا تھا، اس اضافے کے بعد ہائی اسپیڈ ڈیزل کی نئی قیمت 386 روپے 83 پیسے فی لیٹر تک پہنچ گئی تھی۔

حکومت نے 28 جولائی کو پیٹرول کی قیمت میں ایک روپے 63 پیسے اور ہائی اسپیڈ ڈیزل کی قیمت میں ایک روپے 55 پیسے فی لیٹر اضافہ کیا تھا، جس کے بعد پیٹرول 335 روپے 81 پیسے اور ڈیزل 388 روپے 38 پیسے فی لیٹر پر پہنچ گیا تھا۔

29 جولائی کو پیٹرول کی فی لیٹر قیمت 75 پیسے کی معمولی کمی کے بعد 335 روپے 6 پیسے مقرر ہوگئی تھی جب کہ ہائی اسپیڈ ڈیزل 2 روپے 24 پیسے فی لیٹر مہنگا کردیا گیا تھا، جس کی نئی قیمت 390 روپے 62 پیسے فی لیٹر ہوگئی تھی۔

اس کے بعد 30 جولائی کو حکومت نے پیٹرول ایک روپے 9 پیسے فی لیٹر مہنگا کرکے نئی قیمت 336 روپے 15 پیسے فی لیٹر کردی تھی جب کہ ہائی اسپیڈ ڈیزل کی فی لیٹر قیمت بھی 2 روپے 42 پیسے اضافے کے بعد 393 روپے 04 پیسے کی سطح پر پہنچ گئی تھی۔

31 جولائی کو حکومت کی جانب سے پیٹرول کی قیمت میں 12 پیسے جب کہ ہائی اسپیڈ ڈیزل کی قیمت میں 66 پیسے فی لیٹر کی معمولی کمی کی گئی تھی، جس کے بعد پیٹرول نئی قیمت 336 روپے 3 پیسے اور ہائی اسپیڈ ڈیزل کی نئی قیمت 392 روپے 38 پیسے فی لیٹر ہوگئی تھی اور یہ قیمتیں 3 اگست تک برقرار رہی تھیں۔

3 اگست کو بھی پیٹرولیم مصنوعات کی قیمتوں کمی کی گئی تھی، پیٹرول کی فی لیٹر قیمت 4 روپے 08 پیسے کمی کے بعد 331 روپے 95 پیسے ہوگئی تھی۔ اسی طرح ہائی اسپیڈ ڈیزل کی فی لیٹر قیمت بھی 2 روپے 45 پیسے کمی کے بعد 389 روپے 93 پیسے کی سطح پر پہنچ گئی تھی۔

اس کے بعد 4 اگست کو بھی حکومت نے مسلسل دوسرے روز پیٹرول 3 روپے 39 پیسے اور ہائی اسپیڈ ڈیزل 4 روپے 07 پیسے فی لیٹر سستا کیا تھا، اس کمی کے ساتھ پیٹرول کی قیمت 328 روپے 56 پیسے فی لیٹر اور ہائی اسپیڈ ڈیزل کی قیمت 385 روپے 86 پیسے فی لیٹر ہوگئی تھی۔

حکومت کی جانب سے 5 اگست کو پیٹرول کی فی لیٹر قیمت میں 4 روپے 45 پیسے فی لیٹر اضافہ کیا گیا تھا جب کہ ہائی اسپیڈ ڈیزل کی قیمت میں 2 روپے فی لیٹر کمی کی گئی تھی۔ جس کے بعد پیٹرول کی نئی قیمت 333 روپے 01 پیسے فی لیٹر اور ہائی اسپیڈ ڈیزل کی نئی قیمت 383 روپے 86 پیسے فی لیٹر کی سطح پر پہنچ گئی تھی۔

6 اگست کو حکومت نے پیٹرولیم مصنوعات کی قیمتوں میں ایک بار پھر رد و بدل کرتے ہوئے پیٹرول 3 روپے 19 پیسے فی لیٹر سستا کیا تھا، جس کے بعد پیٹرول کی نئی قیمت 329 روپے 82 پیسے فی لیٹر مقرر ہوگئی تھی۔ اسی طرح ہائی اسپیڈ ڈیزل کی قیمت میں بھی ایک روپے 50 پیسے فی لیٹر کی کمی ہوئی تھی، جس کے بعد ہائی اسپیڈ ڈیزل کی نئی قیمت 382 روپے 36 پیسے فی لیٹر کی سطح پر پہنچ گئی تھی۔

7 اگست کو اوگرا کی جانب سے پیٹرولیم مصنوعات کی قیمتوں میں کمی کا 10 اگست کی رات تک کے لیے اعلان کیا تھا، جس کے تحت پیٹرول کی فی لیٹر قیمت میں 2 روپے 20 پیسے کمی کی گئی تھی جب کہ ہائی اسپیڈ ڈیزل ایک روپے 50 پیسے فی لیٹر سستا کیا گیا تھا۔ اس کمی کے بعد پیٹرول کی نئی قیمت 327 روپے 62 پیسے فی لیٹر اور ہائی اسپیڈ ڈیزل نئی قیمت 380 روپے 86 پیسے فی لیٹر ہو گئی تھی جب کہ 10 اگست کو پیٹرول اور ڈیزل کی قیمتیں برقرار رکھی گئی تھیں۔

امریکی فاسٹ فوڈ چینز نے گزشتہ 2 سال کے دوران مہنگائی سے متاثرہ صارفین کو اپنی جانب متوجہ کرنے کے لیے سستی ڈیلز اور مختلف پروموشنز پر زیادہ انحصار کیا تاہم دوسری سہ ماہی کے نتائج نے ظاہر کیا ہے کہ صرف رعایتی قیمتیں صارفین کو مستقل طور پر ریسٹورنٹس تک لانے کے لیے کافی نہیں رہیں۔

رپورٹ کے مطابق وہ فاسٹ فوڈ چینز بہتر کارکردگی دکھانے میں کامیاب رہیں جنہوں نے سستی ڈیلز کے ساتھ مینو میں نئے کھانے، معیار میں بہتری اور صارفین کے لیے خریداری کا زیادہ آسان تجربہ بھی فراہم کیا۔

ٹیکو بیل کی بہتر کارکردگی

یَم برانڈز کی فاسٹ فوڈ چین ٹیکو بیل نے قیمتوں کے حوالے سے صارفین کو متوجہ کرنے کے لیے ہر چیز پر بڑی رعایت دینے کے بجائے مخصوص اور واضح ڈیلز متعارف کرائیں۔

ٹیکو بیل کے 5، 7 اور 9 ڈالر کے میل باکس صارفین میں مقبول رہے جب کہ کمپنی نے مینیو میں نئے کھانے بھی شامل کیے، جس سے صارفین کو ابتدائی سستی ڈیل کے علاوہ مزید اشیا خریدنے کی ترغیب ملی۔

فوڈ سروس کنسلٹنسی فرم ’کنکشنز‘ کی اسٹریٹجک پلاننگ اینڈ انوویشن کی ڈائریکٹر ریچل روئسٹر کے مطابق ویلیو ڈیل اس وقت کامیاب ہوتی ہے جب وہ صارف کے لیے بالکل واضح اور آسان ہو اور اسے ایسا محسوس نہ ہو کہ سستی ڈیل دکھا کر بعد میں زیادہ قیمت وصول کی جارہی ہے۔

ٹیکو بیل کی رواں سہ ماہی میں ایک ہی مقام پر قائم ریسٹورنٹس کی فروخت میں 7 فیصد اضافہ ہوا جب کہ میک ڈونلڈز کی عالمی سطح پر موازنہ کی بنیاد پر فروخت میں 1.3 فیصد اضافہ ریکارڈ کیا گیا۔

میک ڈونلڈز کو مشکلات کا سامنا

میک ڈونلڈز نے صارفین کے لیے 3 ڈالر سے کم قیمت کا مینیو اور 4 ڈالر کا ناشتے کا میل متعارف کرایا تاہم اس کے باوجود کمپنی کی کارکردگی توقعات کے مطابق نہیں رہی۔

میک ڈونلڈز کے چیف ایگزیکٹو کرس کیمپچنسکی نے بتایا کہ کمپنی کی ٹریفک میں کمی کا تقریباً 2 تہائی حصہ ایسے صارفین سے متعلق تھا جو پہلے سے میک ڈونلڈز کے وفادار گاہک تھے۔ انہوں نے فروخت میں کمی کی وجہ حکمت عملی کے بجائے اس پر عمل درآمد میں مسائل کو قرار دیا۔

کم آمدنی والے صارفین پر دباؤ برقرار

دیگر فاسٹ فوڈ چینز کے نتائج سے بھی ظاہر ہوا کہ پروموشنز اور رعایتی ڈیلز کم آمدنی والے صارفین پر بڑھتے مالی دباؤ کو مکمل طور پر ختم نہیں کرسکیں۔

وینڈیز نے 5 ڈالر سے شروع ہونے والی ’بِگی بیگ‘ ویلیو ڈیلز پیش کیں تاہم امریکا میں ایک ہی ریسٹورنٹ پر موازنے کی بنیاد پر فروخت میں 7 فیصد کمی ہوئی جب کہ کمپنی نے اپنی سالانہ مالی پیش گوئی بھی واپس لے لی۔

ونگ اسٹاپ کو بھی پروموشنز کے باوجود مشکلات کا سامنا کرنا پڑا۔ کمپنی نے ایک ڈالر میں چکن ونگز سمیت مختلف رعایتی آفرز پیش کیں لیکن امریکا میں اس کے ایک ہی اسٹور کی موازنے کی بنیاد پر فروخت میں 7.5 فیصد کمی ہوئی۔

ونگ اسٹاپ کے چیف ایگزیکٹو مائیکل اسکیپ ورتھ کے مطابق شہری علاقوں میں کمپنی کی فروخت میں کمی آئی، جہاں عام طور پر گھرانوں کو زیادہ مالی دباؤ کا سامنا ہوتا ہے۔ دوسری جانب زیادہ آمدنی والے علاقوں میں ریسٹورنٹس کے دوروں میں 9 فیصد تک اضافہ دیکھا گیا۔

رپورٹ کے مطابق گزشتہ 6 ماہ کے دوران ونگ اسٹاپ کے حصص کی قیمت میں 3 چوتھائی سے زیادہ کمی ہوئی ہے۔

ڈی اے ڈیوڈسن کے تجزیہ کار میٹ کرٹس کے مطابق مختلف فاسٹ فوڈ چینز کی جانب سے مسلسل پروموشنز کے باعث صارفین کے لیے مختلف پیشکشوں میں فرق کرنا مشکل ہوا تاہم صارفین اب مختلف ڈیلز کا موازنہ کرنے اور اپنے لیے بہتر انتخاب کرنے میں پہلے سے زیادہ محتاط ہوگئے ہیں۔

صرف سب سے سستا ہونا کامیابی کی ضمانت نہیں

دوسری سہ ماہی کے نتائج سے یہ بھی سامنے آیا کہ کسی ریسٹورنٹ کے لیے کامیاب ہونے کے لیے مارکیٹ میں سب سے سستا آپشن ہونا ضروری نہیں۔

ریسٹورنٹ برانڈز کی ملکیت برگر کنگ ان فاسٹ فوڈ چینز میں شامل رہا، جس نے بہتر کارکردگی دکھائی۔ کمپنی کے حکام نے امریکا میں مضبوط فروخت کا کریڈٹ ’2 فار 5 ڈالر‘ اور ’3 فار 7 ڈالر‘ جیسی پروموشنز کے ساتھ ساتھ آپریشنز اور مینیو کے معیار میں وسیع بہتری کو دیا۔

آزاد ریسٹورنٹ کنسلٹنٹ جان گورڈن کے مطابق برگر کنگ رعایتیں دے رہا ہے لیکن ہر وقت نہیں جب کہ اس کی پروموشنز میں نئے انداز اختیار کیے گئے ہیں۔ ان کے مطابق کمپنی ہر روز انتہائی گہری رعایت دینے کی پالیسی پر عمل نہیں کررہی۔

ڈومینوز اور چیپوٹلے بھی بہتر کارکردگی دکھانے میں کامیاب

ڈومینوز پیزا نے بھی ویلیو فوکسڈ پیشکشوں اور صارفین کے لیے لائلٹی پروگرامز سے فائدہ اٹھایا، ان اقدامات سے صارفین کی آمد بڑھانے اور فروخت کو سہارا دینے میں مدد ملی۔

چیپوٹلے میکسیکن گرِل نے بھی مضبوط نتائج دیے جب کہ کمپنی نے قیمتوں میں اضافہ تقریباً 1 سے 2 فیصد تک محدود رکھا۔

چیپوٹلے کے چیف ایگزیکٹو اسکاٹ بوٹ رائٹ نے کہا کہ ویلیو کا مطلب صرف رعایت یا کم قیمت نہیں بلکہ اس میں سہولت، بہتر سروس اور مینو میں نئے کھانے بھی شامل ہیں۔

امریکی فاسٹ فوڈ مارکیٹ کی دوسری سہ ماہی کے نتائج سے ظاہر ہوتا ہے کہ صارفین کو متوجہ کرنے کے لیے کمپنیاں اب صرف کم قیمتوں پر انحصار کرنے کے بجائے سستی ڈیلز کے ساتھ کھانے کے معیار، مینو میں جدت، سہولت اور بہتر آپریشنز پر بھی توجہ دے رہی ہیں۔

ایران کی سرکاری خبر رساں ایجنسی ’ارنا‘ کے مطابق تہران پہنچنے کے بعد محسن نقوی نے منگل کی شام ایرانی وزیر خارجہ عباس عراقچی سے ملاقات کی، ملاقات کے دوران علاقائی اور بین الاقوامی پیش رفت، خطے کی بدلتی ہوئی صورتِ حال اور امن و استحکام کے لیے جاری کوششوں پر تبادلہ خیال کیا گیا۔

ملاقات میں دونوں رہنماؤں نے دو طرفہ تعلقات اور باہمی دل چسپی کے امور پر بھی گفتگو کی۔

دورۂ ایران کے دوران پاکستانی وزیر داخلہ کی ایرانی حکام سے مزید ملاقاتیں بھی متوقع ہیں، جن میں دو طرفہ امور اور باہمی دل چسپی کے معاملات زیرِ بحث آئیں گے۔

محسن نقوی کا دورۂ ایران ایک ماہ بعد ہو رہا ہے۔ گزشتہ ماہ ایرانی وزیر داخلہ اسکندر مومنی نے اسلام آباد کا دورہ کیا تھا، جہاں انہوں نے اپنے پاکستانی ہم منصب سے ملاقات کی تھی۔

پاکستان نے حالیہ عرصے میں ایران اور امریکا کے درمیان کشیدگی کم کرنے کی سفارتی کوششوں میں بھی اہم کردار ادا کیا ہے۔ پاکستان نے قطر کے ساتھ مل کر جون میں ایران اور امریکا کے درمیان مفاہمتی یادداشت کے قیام میں کردار ادا کیا تھا۔

تاہم تہران کا کہنا ہے کہ واشنگٹن کی جانب سے مفاہمتی یادداشت کی خلاف ورزی کے بعد ایران نے آبنائے ہرمز کو دوبارہ بند کر دیا ہے۔

ایران کا مؤقف ہے کہ امریکا کی جانب سے مفاہمتی یادداشت کی خلاف ورزیاں ختم ہونے اور ان خلاف ورزیوں کے نتیجے میں ہونے والے نقصانات کا ازالہ کیے جانے کے بعد آبنائے ہرمز کو دوبارہ کھولا جائے گا۔

پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق سیکیورٹی فورسز کے بلوچستان میں ’فتنہ الہندوستان‘ سے تعلق رکھنے والے دہشت گردوں کے خلاف انیٹلی جنس بیسڈ آپریشنز جاری ہیں۔

آئی ایس پی آر کے مطابق 10 اگست 2026 کو سیکیورٹی فورسز نے بلوچستان کے ضلع پنجگور میں دہشت گردوں کی موجودگی کی خفیہ اطلاع پر آپریشن کرتے ہوئے فتنہ الہندوستان سے تعلق رکھنے والے دہشت گردوں کے ٹھکانے کا سے صفایا کردیا اور اس آپریشن کے دوران 5 دہشت گرد مارے گئے۔

آئی ایس پی آر کے مطابق یہ آپریشن سیکیورٹی فورسز نے بھارتی حمایت یافتہ آلہ کاروں کے خاتمے اور خطے میں دیرپا امن کی بحالی کے لیے جاری انسدادِ دہشت گردی کی مہم کے سلسلے میں کیا جب کہ آپریشن کے دوران سیکیورٹی فورسز نے ہلاک دہشت گردوں کے قبضے سے بڑی مقدار میں اسلحہ، گولہ بارود اور دیسی ساختہ بم برآمد کیے، جنہیں موقع پر ہی تباہ کردیا گیا۔

ترجمان پاک فوج نے نے بتایا کہ آپریشن کے فوراً بعد علاقے میں کلیئرنس اورسینیٹائزیشن آپریشن بھی کیا گیا تاکہ باقی ماندہ خطرات کا خاتمہ یقینی بنایا جاسکے۔

ترجمان نے مزید کہا کہ ملک سے غیر ملکی سرپرستی اور حمایت یافتہ دہشت گردی کی لعنت کو جڑ سے اکھاڑ پھینکنے کے لیے سیکیورٹی فورسز اور قانون نافذ کرنے والے اداروں کی جانب سے ”عزمِ استحکام“ وژن کے تحت انسدادِ دہشت گردی کی یہ بھرپور مہم پوری رفتار سے جاری رہے گی۔

یاد رہے کہ گزشتہ روز بھی سیکیورٹی فورسز نے آپریشن ردالفتنہ 3 کے تحت پنجگور میں فتنہ الہندوستان کے اہم سرغنہ سمیت 5 دہشت گردوں کو ہلاک کر دیا تھا اور دہشت گردوں کے قبضے سے 4 موٹر سائیکلیں، مشین گنز اور بھاری اسلحہ و گولہ بارود بھی برآمد کیا گیا تھا۔

صدر، وزیراعظم اور وزیر داخلہ کا خراج تحسین

صدر مملکت آصف علی زرداری نے پنجگور میں فتنہ الہندوستان کے 5 دہشت گردوں کو ہلاک کرنے پر سیکیورٹی فورسز کو خراج تحسین پیش کرتے ہوئے کہا کہ غیر ملکی پشت پناہی میں سرگرم دہشت گرد عناصر کے خلاف کارروائیاں دہشت گردی کے مکمل خاتمے تک جاری رہیں گی۔

انہوں نے کہا کہ دہشت گردی کے خلاف سیکیورٹی فورسز کا عزم قابل تحسین ہے اور بیرونی سرپرستی میں سرگرم پاکستان دشمن دہشت گرد عناصر کے مذموم عزائم ہر قیمت پر ناکام بنائے جائیں گے۔

وزیر اعظم شہباز شریف نے ضلع پنجگور میں فتنتہ الہندوستان کے دہشت گردوں کے خلاف کامیاب کارروائی پر سیکیورٹی فورسز کو خراج تحسین کیا اور آپریشنز میں فتنتہ الہندوستان کے 5 دہشت گردوں کو ہلاک کرنے پر سیکیورٹی فورسز کی ستائش کی۔

انہوں نے کہا کہ عزم استحکام کے ویژن کے تحت دہشت گردی کے خلاف سیکیورٹی فورسز شاندار کامیابیاں حاصل کر رہی ہیں اور ملک سے ہر قسم کی دہشت گردی کے مکمل خاتمے کے لیے پر عزم ہیں۔

وفاقی وزیر داخلہ محسن نقوی نے پنجگور میں فتنہ الہندوستان کے دہشت گردوں کے خلاف کامیاب انٹیلی جنس بیسڈ آپریشن پر سیکیورٹی فورسز کو خراج تحسین کرتے ہوئے ان کی پیشہ وارانہ صلاحیتوں اور جرات کو سراہا۔

محسن نقوی نے کہا کہ سیکیورٹی فورسز نے بروقت کارروائی کر کے فتنہ الہندوستان کے دہشت گردوں کے ناپاک عزائم کو ناکام بنایا، سیکیورٹی فورسز کی بلوچستان میں امن دشمنوں کے خلاف کامیاب کارروائیاں قابل تحسین ہیں۔

انہوں نے مزید کہا کہ فتنہ الہندوستان کے دہشت گردوں کو کہیں چھپنے کی جگہ نہیں ملے گی، قوم دہشت گردی کے خلاف یکجان ہے اور سیکیورٹی فورسز کے ساتھ کھڑی ہے۔

ذرائع کے مطابق منگل کے روز میر رضا کیس میں سندھ فارنزک ڈی این اے اینڈ سیرولوجی ڈپارٹمنٹ میں ڈی این اے شناخت کا عمل مکمل کرلیا گیا ہے۔

فارنزک رپورٹ کے مطابق کرائم سین سے ملنے والی لاش کے ڈی این اے نمونے میر رضا کے والدین کے ریفرنس سیمپلز سے میچ کر گئے ہیں، جس کے بعد لاش کی شناخت میر رضا کے طور پر تصدیق ہوگئی ہے۔

فارنزک رپورٹ میں بتایا گیا ہے کہ جائے وقوعہ سے ملنے والے گملے پر موجود خون کے نمونے بھی لاش کے خون سے میچ کر گئے ہیں، جس کے بعد فارنزک شواہد نے کرائم سین اور میر رضا کے درمیان تعلق کی تصدیق کردی ہے۔

ذرائع کا کہنا ہے کہ میڈیکل بورڈ نے اپنی رپورٹ سندھ پولیس کے حوالے کردی ہے جب کہ میر رضا کیس میں ابتدائی پوسٹ مارٹم کے بعد میڈیکل بورڈ کی جانب سے تیار کی گئی تیسری رپورٹ بھی تفتیشی ٹیم کے حوالے کردی گئی ہے۔

میر رضا قتل کیس کی تحقیقات میں فارنزک اور میڈیکل رپورٹس کو اہم شواہد کے طور پر تفتیش کا حصہ بنایا جا رہا ہے جب کہ تفتیشی ٹیم کیس کے دیگر پہلوؤں کا بھی جائزہ لے رہی ہے۔

تفتیشی ٹیم میں مزید دو ممبران کا اضافہ

دوسری جانب میر رضا کیس کی تحقیقات مزید مؤثر بنانے کے لیے تفتیشی ٹیم میں 2 نئے افسران کا اضافہ کردیا گیا ہے۔

نوٹیفکیشن کے مطابق ڈی ایس پی سراج الدین اور انسپکٹر محمد علی تفتیشی ٹیم میں شامل کیے گئے ہیں، جس کے بعد تحقیقاتی ٹیم کے ارکان کی تعداد 7 ہو گئی ہے۔

تاجر میر رضا کی قبرکشائی کے بعد تحقیقات کے لیے 5 رکنی کمیٹی قائم کی گئی تھی، جس کی سربراہی ڈی آئی جی عامر فاروقی کررہے ہیں، کمیٹی کے سیکرٹری ایس ایس پی آر آر ایف علی رضا جب کہ ٹیم ممبران میں ایس پی انویسٹی گیشن کورنگی قیص خان، ایس پی انویسٹی گیشن سینٹرل انعم تجمل اور ایس آئی او زمان ٹاون چوہدری غضنفر ٹیم میں شامل ہیں۔

میر رضا کیس میں ایک اور اہم پہلو سامنے آ گیا

ادھر میر رضا کیس میں ایک اور اہم پہلو سامنے آ گیا، کرائم سین سے 5 روز قبل ملنے والے خول کی تاحال فرانزک سائنس لیبارٹری سے میچنگ نہیں ہو سکی، جس کے بعد ہائی پروفائل کیس میں پولیس کی سستی پر نئے سوالات اٹھنے لگے ہیں۔

تفتیشی ذرائع کا کہنا ہے کہ جمعرات کو ملنے والے خول کا ریکارڈ اب تک میچ نہیں کیا جا سکا حالانکہ خول کا ریکارڈ میچ ہونے سے تحقیقات میں اہم پیشرفت متوقع تھی۔

ذرائع کے مطابق میر رضا کے زیر استعمال پستول سیکیورٹی گارڈ کا تھا جو دکان سے اٹھایا گیا تھا جب کہ سیکیورٹی کمپنی نے یہ پستول لکی اسٹار کے قریب واقع دکان سے خریدا تھا۔

ذرائع کے مطابق اسلحہ فروخت کرنے والے دکاندار نے فروخت کا ریکارڈ بھی پیش کر دیا ہے اور تفتیشی ٹیم خول ملنے کے بعد دکاندار تک پہنچ چکی ہے۔ مزید بتایا گیا ہے کہ خول سے متعلق اضافی ریکارڈ گارڈن پولیس ہیڈ کوارٹر میں موجود ہے، جس کی میچنگ مکمل ہونے کے بعد کیس میں اہم پیشرفت سامنے آ سکتی ہے۔

پرانے تفتیشی افسر نے رپورٹ جمع کروانے کے لیے مہلت مانگ لی

علاوہ ازیں نوجوان تاجر میر رضا کیس کے پرانے تفتیشی افسر نے عدالت میں پہنچ کر رپورٹ جمع کروانے کے لیے مہلت مانگ لی۔

جوڈیشل مجسٹریٹ شرقی کی عدالت میں میر رضا قتل کیس کی سماعت ہوئی، جہاں پرانے تفتیشی افسر عدالت میں پیش ہوئے اور مزید مہلت طلب کی۔

عدالت میں تفتیشی افسر کا کہنا تھا کہ کیس کی تحقیقات جاری ہیں، اعلیٰ حکام نے مقدمے کے تفتیشی افسر کو تبدیل کردیا ہے، نئے تفتیشی افسر آئندہ سماعت پر پیش ہوں گے۔

بعدازاں عدالت نے تفتیشی افسر کی استدعا منظور کرتے ہوئے 15 اگست تک رپورٹ جمع کروانے کا حکم دے دیا۔

اس سے قبل میر رضا علی قتل کیس میں شدید تاخیر اور مبینہ غفلت کی خبروں کے بعد بالآخر جامعہ کراچی کی فرانزک لیبارٹری کو ڈی این اے ٹیسٹ کے لیے 6 نمونے موصول ہوئے تھے۔

پولیس ذرائع کا کہنا تھا کہ ان موصول ہونے والے نمونوں میں سے 6 مقتول کی لاش سے حاصل کیے گئے ہیں جب کہ 2 نمونے ان کے والدین کے ہیں جو شناخت کی تصدیق کے لیے بطور ریفرنس استعمال ہوں گے۔

ذرائع کے مطابق ان ٹیسٹ کی رپورٹ جلد از جلد جاری ہونے کا امکان ہے، جس سے سائنسی طور پر یہ معلوم ہو سکے گا کہ قبر کشائی کے بعد حاصل کی گئی لاش میر رضا کی ہی ہے یا نہیں۔

اس پیش رفت سے قبل، کیس کی تفتیش میں پولیس کی شدید غفلت اس وقت بے نقاب ہوئی جب یہ معلوم ہوا کہ ہفتے کے روز ہونے والی قبر کشائی کے دوران مجموعی طور پر 17 اہم فرانزک نمونے حاصل کیے گئے تھے، لیکن کئی روز گزرنے کے باوجود انہیں لیب نہیں پہنچایا گیا تھا۔

اس حوالے سے پولیس سرجن ڈاکٹر سمعیہ سید نے وضاحت کرتے ہوئے کہا کہ تمام نمونے تفتیشی افسر کے حوالے کر دیے گئے تھے اور ان سیمپلز کو لیبارٹری تک بروقت پہنچانا مکمل طور پر کیس کے تفتیشی افسر کی ہی ذمہ داری ہے۔

دوسری طرف کیس کے موجودہ تفتیشی افسر غضنفر علی نے اپنا موقف پیش کرتے ہوئے بتایا تھا کہ انہیں حال ہی میں تفتیشی کمیٹی کا حصہ بنایا گیا ہے اور وہ سابقہ ٹیم میں شامل نہیں تھے، اس لیے وہ نمونوں میں ہونے والی تاخیر پر فی الحال کچھ نہیں کہہ سکتے، البتہ نئی ٹیم نے باقاعدہ کام شروع کر دیا ہے۔

اس سنگین تاخیر پر مقتول کے اہلِ خانہ کے وکیل جبران ناصر نے میڈیا سے گفتگو کرتے ہوئے گہری تشویش کا اظہار کیا تھا اور سخت وارننگ دیتے ہوئے کہا تھا کہ ڈی این اے اور دیگر اہم نمونوں کے لیب نہ پہنچنے کی اطلاعات انتہائی تشویش ناک ہیں اور اس تاخیر پر متعلقہ تفتیشی افسران کو جواب دینا ہوگا۔

انہوں نے خبردار کیا تھا کہ اگر فرانزک نمونوں کے تحفظ میں کسی بھی قسم کی غفلت یا بدنیتی ثابت ہوئی تو اس کے سنگین نتائج برآمد ہوں گے کیونکہ کیس میں کوئی بھی کوتاہی برداشت نہیں کی جائے گی۔

جبران ناصر نے یہ بھی بتایا تھا کہ انہوں نے اور خود پولیس سرجن نے پہلی پوسٹ مارٹم رپورٹ میں موجود بڑی غلطیوں کی نشاندہی کی تھی۔

جبران ناصر نے نئی تفتیشی ٹیم کی تشکیل کا خیرمقدم کرتے ہوئے کہا تھا کہ حکومت نے اب یہ تسلیم کر لیا ہے کہ میر رضا کا معاملہ خودکشی نہیں بلکہ قتل کا کیس ہے۔

انہوں نے کہا تھا کہ خودکشی کے موقف پر اصرار کرنے سے سابقہ ٹیم کی ساکھ بری طرح متاثر ہوئی تھی، اور اگر نئی ٹیم بھی ناکام رہی تو وہ عدالت سے رجوع کریں گے۔

مقتول کے وکیل نے واضح کیا تھا کہ پولیس کو تمام مشتبہ افراد اور اہم نکات سے آگاہ کر دیا گیا ہے اور اگلے تین سے چار روز میں تفتیش کی سمت بالکل واضح ہو جائے گی۔

یاد رہے کہ میر رضا علی 28 جولائی کو فیروز آباد سے لاپتہ ہوئے تھے اور اگلے روز ان کی لاش گلستانِ جوہر میں ایک گیسٹ ہاؤس کے پاس سے ملی تھی۔ پولیس نے ابتداء میں اسے خودکشی قرار دینے کی کوشش کی تھی، تاہم عدالت کے حکم پر ہونے والی قبر کشائی اور دوسرے پوسٹ مارٹم کی رپورٹ نے سچائی اگل دی۔

میڈیکل بورڈ کی رپورٹ میں تصدیق ہوئی کہ مقتول کے جسم پر بدترین تشدد کیا گیا تھا، ان کی پسلیاں، دانت اور کھوپڑی ٹوٹی ہوئی تھی اور گولی بھی پیچھے سے ماری گئی تھی، جس کے بعد مقدمے میں قتل کی دفعہ شامل کی گئی۔

تفتیشی ٹیم اب میر رضا کے موبائل فون کے ریکارڈ کی بھی جانچ کر رہی ہے جس کے مطابق انہوں نے موت سے قبل علی اور اپنے ایک دوست عبداللہ سے بات کی تھی، جبکہ ان کے فون پر آخری آٹھ پیغامات ایسے ملے جن کا کوئی جواب نہیں دیا گیا تھا۔

منگل کو پاکستان پیٹرولیم ڈیلرز ایسوسی ایشن کے چیئرمین ملک خدا بخش نے پریس کانفرنس کرتے ہوئے خبردار کیا کہ اگر حکومت نے مقررہ مدت میں مطالبات تسلیم نہ کیے تو 15 اگست کی صبح 6 بجے سے ملک بھر میں تمام پیٹرول پمپس غیرمعینہ مدت کے لیے بند کردیئے جائیں گے۔

ملک خدا بخش نے کہا کہ حکومت نے 15 روز گزرنے کے باوجود ڈیلرز کے مطالبات پر کوئی پیش رفت نہیں کی، جس کے باعث پیٹرول پمپس کی ملک گیر بندش کا فیصلہ کرنے کی نوبت آئی ہے۔

چیئرمین پاکستان پیٹرولیم ڈیلرز ایسوسی ایشن نے مزید کہا کہ پیٹرولیم مصنوعات کی قیمتوں میں روزانہ کی بنیاد پر رد و بدل کے باعث ڈیلرز کو مالی نقصان کا سامنا ہے۔ ان کے مطابق موجودہ طریقہ کار میں قیمتوں میں بار بار تبدیلی سے پیٹرول پمپس چلانے والے ڈیلرز کے لیے کاروباری مشکلات پیدا ہورہی ہیں۔

انہوں نے حکومت سے مطالبہ کیا کہ پیٹرولیم ڈیلرز کا مارجن بڑھا کر 8 فیصد کیا جائے جب کہ پیٹرولیم مصنوعات کی روزانہ قیمتوں کے تعین کے نظام پر بھی نظرثانی کی جائے۔

واضح رہے کہ پیٹرولیم ڈیلرز کے احتجاج کی بنیادی وجہ ڈیلرز مارجن اور پیٹرولیم مصنوعات کی قیمتوں کے تعین کا نیا نظام ہے۔ ڈیلرز کا مؤقف ہے کہ موجودہ مارجن ان کے اخراجات اور کاروباری ضروریات کے مقابلے میں ناکافی ہے، اس لیے مارجن میں اضافہ کیا جائے۔

رواں سال مارچ میں بھی پاکستان پیٹرولیم ڈیلرز ایسوسی ایشن نے ڈیلرز مارجن 8 فیصد کرنے کا مطالبہ کرتے ہوئے ملک گیر ہڑتال کی دھمکی دی تھی۔ اس وقت ایسوسی ایشن نے مؤقف اختیار کیا تھا کہ پیٹرول اور ڈیزل کی قیمتوں میں نمایاں اضافے کے باوجود ڈیلرز کا مارجن اسی سطح پر برقرار ہے، جس سے ان کے اخراجات بڑھ گئے ہیں۔

بعدازاں مارچ میں اعلان کردہ ہڑتال مشرق وسطیٰ کی جنگ کے باعث پیدا ہونے والی صورت حال اور تیل کی سپلائی میں ممکنہ مشکلات کے پیش نظر مؤخر کردی گئی تھی۔ اس وقت ڈیلرز نے مارجن 8 فیصد کرنے کا مطالبہ برقرار رکھا تھا۔

حکومت نے گزشتہ ماہ جولائی میں پیٹرولیم مصنوعات کی قیمتیں روزانہ کی بنیاد پر طے کرنے کا نیا نظام متعارف کرانے کرایا تھا۔ پیٹرولیم وزیر علی پرویز ملک نے بتایا تھا کہ روزانہ قیمتوں کا نظام 7 روزہ رولنگ ایوریج کی بنیاد پر ہوگا اور اس کا مقصد قیمتوں کے تعین میں شفافیت لانا اور مارکیٹ میں بگاڑ کو روکنا ہے۔

20 جولائی کو پاکستان پیٹرولیم ڈیلرز ایسوسی ایشن کے وفد نے حکومت کے روزانہ قیمتوں کے طریقہ کار کی حمایت بھی کی تھی تاہم اسی ملاقات میں ڈیلرز نے اپنا مارجن 8 فیصد کرنے کا مطالبہ کیا تھا۔ پیٹرولیم وزیر نے مارجن کے معاملے پر غور کی یقین دہانی کرائی تھی جب کہ ڈیلرز کے مارجن اور دیگر معاملات پر اوگرا کے ساتھ ملاقات بھی طے کی گئی تھی۔

بعدازاں پیٹرولیم شعبے میں روزانہ قیمتوں کے نظام پر اختلافات سامنے آئے اور بعض پیٹرول پمپ مالکان کی تنظیموں نے اس نظام کی مخالفت کرتے ہوئے مارجن میں کمی اور اضافی لاجسٹک اخراجات کے خدشات ظاہر کیے تھے۔

اب پاکستان پیٹرولیم ڈیلرز ایسوسی ایشن نے حکومت کو 72 گھنٹے کی مہلت دیتے ہوئے واضح کیا ہے کہ مطالبات تسلیم نہ ہونے کی صورت میں 15 اگست کی صبح 6 بجے سے ملک بھر کے پیٹرول پمپس غیرمعینہ مدت کے لیے بند کردیے جائیں گے۔

برطانوی نشریاتی ادارے ’رائٹرز‘ کے مطابق یمن کی وزارتِ نقل و حمل نے بتایا ہے کہ باب المندب آبنائے میں حوثیوں کے حملے میں چھوٹے مال بردار جہاز پر سوار 4 افراد جاں بحق ہوئے، جن میں تین پاکستانی اور ایک انڈونیشین شہری شامل ہیں۔

یمنی وزارت کے مطابق حملے کے بعد جہاز کے عملے نے اس کا کنٹرول کھو دیا، جبکہ عملے کو بچانے کی کوشش کرنے والے تین ساحلی محافظ بھی ڈرون حملے میں زخمی ہوئے۔ برطانوی بحریہ سے وابستہ ادارے ’یو کے میری ٹائم ٹریڈ آپریشنز‘ کو موصول ہونے والی رپورٹ کے مطابق جہاز کو ایک نامعلوم شے سے نشانہ بنایا گیا۔

بحری سلامتی کے ادارے ’ایمبری‘ کے مطابق واقعہ یمن کے جزیرے پیریم کے شمال مشرق میں اس وقت پیش آیا جب جہاز لنگر انداز تھا۔ ذرائع کے مطابق نشانہ بننے والا جہاز مصری ملکیت کا ’تہامہ‘ تھا، تاہم حوثیوں نے تاحال اس حملے کی ذمہ داری قبول نہیں کی۔

’رائٹرز‘ کے مطابق اگر حملے میں ہلاکتوں کی تصدیق ہوتی ہے تو 28 فروری کو ایران جنگ شروع ہونے کے بعد بحری جہاز رانی کے خلاف حوثیوں کے کسی حملے میں یہ پہلی ہلاکتیں ہوں گی۔

اس سے قبل الجمہوریہ ٹی وی نے جاں بحق ہونے والے افراد کی قومیت کے حوالے سے بتایا کہ ابتدائی معلومات کے مطابق دو پاکستانی اور ایک انڈونیشین شہری جان کی بازی ہارے ہیں۔ تاہم ان افراد کے نام یا ان کی ملازمت سے متعلق تفصیلات فراہم نہیں کی گئیں۔

دوسری جانب حوثی گروپ کی طرف سے اس حملے کے بارے میں فوری طور پر کوئی بیان یا تبصرہ سامنے نہیں آیا، اس لیے حملے کی ذمہ داری اور اس سے متعلق دیگر تفصیلات کی آزادانہ طور پر تصدیق نہیں ہوسکی۔

باب المندب عالمی تجارت کے لیے انتہائی اہم سمندری راستہ ہے۔ یہ بحیرہ احمر کا داخلی راستہ ہے اور جزیرہ نما عرب کے دوسری جانب واقع آبنائے ہرمز کے مقابل ایک اہم بحری گزرگاہ سمجھی جاتی ہے۔

آبنائے باب المندب سے گزرنے والے تجارتی جہاز بحیرہ احمر کے ذریعے نہر سویز اور پھر یورپ کی جانب جانے والے اہم راستے سے منسلک ہوتے ہیں۔

اس علاقے میں ماضی میں بھی حوثیوں کی جانب سے تجارتی اور بحری جہازوں کو نشانہ بنایا جاتا رہا ہے، جس کے باعث بین الاقوامی جہاز رانی کو مشکلات کا سامنا کرنا پڑا ہے۔

تجزیہ کاروں کے مطابق باب المندب میں کسی بھی نئے حملے سے نہ صرف بحری جہازوں کی سلامتی کے خدشات میں اضافہ ہوسکتا ہے بلکہ عالمی تجارت اور خطے میں پہلے سے موجود کشیدگی بھی مزید متاثر ہوسکتی ہے۔