روپن سچک نے این ڈی ٹی وی کو دیے گئے ایک انٹرویو میں بتایا کہ انہوں نے ڈائریکٹر آدتیہ دھر کے ساتھ مل کر فلم کے سب سے اہم مناظر ڈیزائن کیے۔

سچک پروڈکشن ڈیزائنر سینی ایس جوہری کے جانے کے بعد اس پروجیکٹ میں شامل ہوئے۔

انہوں نے بتایا کہ ’پہلا حصہ کسی اور پروڈکشن ڈیزائنر کے ذریعے مکمل ہوا تھا، لیکن وہ دوسرے حصہ پر کام جاری نہ رکھ سکے۔ ہم نے ہینڈ اوور لے کر دوسرے حصے کی شوٹنگ شروع کی، کیونکہ یہ دونوں حصوں کا مرکب تھا۔‘

فلم، جس پر تقریباً 280 کروڑ بھارتی روپے خرچ ہوئے، بینکاک، تھائی لینڈ اور بھارت کے شہروں ممبئی، چندی گڑھ اور امرتسر میں شوٹ کی گئی۔

فلم میں کراچی کے مشہور علاقے لیاری کے مناظر کے لیے چھ ایکڑ پر محیط سیٹ بنایا گیا، جو فلم کے مہنگے ترین اور سب سے پیچیدہ سیٹوں میں سے ایک تھا۔

اسی طرح ارجن رامپال کے باتھ ٹب والے مناظر اور سنجے دت کے ایمبولینس والے سین بھی فلم سٹی میں خصوصی طور پر تیار کردہ سیٹوں پر فلمائے گئے۔

روپن سچک نے بتایا کہ ابتدائی طور پر ٹیم نے فلم کے کچھ مناظر کسی اور مقام پر شوٹ کرنے کا ارادہ کیا تھا، لیکن تکنیکی اور اجازت سے متعلق مسائل کے باعث وہ وہاں کام جاری نہ رکھ سکے۔ نتیجتاً، پورا سین فلم سٹی، ممبئی میں ترتیب دیا گیا۔

انہوں نے مزید کہا کہ ٹیم نے تاریخی بوہرا بازار، جو چترپتی شیو جی مہاراج ٹرمینس کے قریب واقع ہے، کو پاکستان کی شکل دینے میں کامیابی حاصل کی۔ ’ہم نے کچھ مناظر لائیو لوکیشن پر شوٹ کیے اور لوگ سوشل میڈیا پر کئی ویڈیوز دیکھ چکے ہیں جن میں ٹیم کام کرتے دکھائی دی۔‘

سچک نے بتایا، ’فلم کا سب سے بڑا چیلنج ممبئی کے تاریخی اور انتہائی مصروف علاقے بوہرا بازار (نزد سی ایس ایم ٹی) کو پاکستان کے ایک شہر میں تبدیل کرنا تھا۔‘

انہوں نے کہا، ’چونکہ یہ ایک چلتا پھرتا کاروباری مرکز ہے، اس لیے ٹیم کو صرف اتوار کے دن شوٹنگ کی اجازت ملی۔ چند ہی گھنٹوں میں پورے بازار کا نقشہ بدل کر اسے پاکستانی رنگ روپ دیا گیا۔‘

ان کا کہنا تھا کہ وقت کی کمی نے کام کو مشکل بنایا، لیکن اچھی منصوبہ بندی کے ساتھ ہم نے ہر منظر کو کامیابی سے مکمل کیا اور یہ سب ڈائریکٹر آدتیہ دھَر کے وژن اور ٹیم کی محنت کی بدولت ممکن ہوا۔

دلچسپ بات یہ ہے کہ فلم کے کچھ اہم مناظر ریلیز سے محض چند دن پہلے شوٹ کیے گئے۔

روپن نے بتایا، ’ڈائریکٹر آدتیہ دھر کہانی پر کوئی سمجھوتہ نہیں کرنا چاہتے تھے۔ ان کی ہدایت تھی کہ کچھ مناظر کو دوبارہ یا نئے سرے سے فلمایا جائے تاکہ کہانی مزید جاندار ہو سکے اور ہم نے وقت کے خلاف دوڑ لگا کر اسے مکمل کیا۔‘

روپن سوچک جو اس سے قبل ’پیڈ مین‘ اور ’ڈیئر زندگی‘ جیسی فلموں پر کام کر چکے ہیں، اب رشبھ شیٹی کے ساتھ اپنی اگلی بڑی فلم ’چھترپتی شیواجی مہاراج‘ کی تیاریوں میں مصروف ہیں۔۔

دیواروں اور کیبنٹس کے لیے رنگوں اور فنشز کی وسیع رینج صارفین کو اکثر تذبذب کا شکار کر دیتی ہے کہ کسے منتخب کریں اور کسے نہیں؟ یہی وجہ ہے کہ اکثر لوگ اس فیصلے سے گھبرا جاتے ہیں، کیونکہ یہ ایک طویل مدتی انتخاب ہوتا ہے۔

ماہرینِ ڈیزائن کا کہنا ہے کہ کچھ ایسے رنگ ہیں جو ہر دور میں مقبول رہتے ہیں اور بار بار استعمال کیے جاتے ہیں۔

2026 میں بھی کچھ خاص شیڈز ڈیزائنرز کی پہلی ترجیح بنے ہوئے ہیں۔ ماہرین کے مطابق، اس سال پانچ رنگ کچن ڈیزائننگ پر راج کر رہے ہیں۔

کریمی وائٹ

اگر آپ کو سفید رنگ پسند ہے، لیکن اسے بہت زیادہ چمکدار نہیں دیکھنا چاہتے تو کریمی سفید رنگ بہتر رہے گا۔ اس رنگ سے کچن نہ صرف صاف ستھرا لگتا ہے بلکہ وہاں گرمجوشی کا احساس بھی پیدا کرتا ہے۔ ڈیزائنر اسے اپنی ترجیحات میں سرِفہرست رکھتے ہیں۔

بلیو-گرے

ہلکا نیلا اور سرمئی کا امتزاج اس سال خاص ٹرینڈ میں ہے۔ اس رنگ میں ہلکے سبز کی جھلک بھی ہوتی ہے جو اسے مزید دلکش بناتی ہے اور کچن کو جدید انداز دیتی ہے۔ میساچوسٹس سے لے کر جارجیا تک کے ڈیزائنرز اس موڈی شیڈ کو کیبنٹس کے لیے کثرت سے استعمال کر رہے ہیں۔

سیج گرین

گزشتہ چند سالوں سے سبز رنگ کے کچن مقبول ہیں اور 2026 میں بھی یہ رجحان جاری ہے۔ خاص طور پر ہلکا سبز شیڈ کچن میں قدرتی اور پُرسکون ماحول پیدا کرتا ہے۔

سوئس کافی

ڈیزائنرز کے مطابق یہ رنگ برسوں سے ان کا پسندیدہ ہے۔ یہ ایک ایسا سفید رنگ ہے جس میں زردی مائل ہوئے بغیر ایک خاص قسم کی تپش اور سکون موجود ہے۔ اسے کچن کی چھت، دیواروں اور کیبنٹس پر یکساں طور پر استعمال کیا جا سکتا ہے۔

کلاسک بلیو

گہرے اور دلکش نیلے رنگ بھی اس سال نمایاں ہیں۔ خاص طور پر کیبنٹس پر استعمال ہونے والا نیلا رنگ کچن کو ایک شاہانہ اور منفرد انداز دیتا ہے۔

کوئی بھی رنگ منتخب کرنے سے پہلے اسے کچن کے مختلف حصوں پر لگا کر دیکھیں، کیونکہ صبح کی روشنی اور رات کی مصنوعی روشنی میں پینٹ کے شیڈز مختلف نظر آ سکتے ہیں۔

کچن کے لیے رنگ کا انتخاب کرتے وقت صرف ٹرینڈ کو نہ دیکھیں بلکہ یہ بھی سوچیں کہ کون سا رنگ آپ کو طویل عرصے تک سکون فراہم کرے گا۔ 2026 کے یہ رنگ خوبصورتی اور پائیداری کا بہترین امتزاج پیش کرتے ہیں۔

ماہرین کا کہنا ہے کہ صحیح رنگ کا انتخاب نہ صرف کچن کی خوبصورتی بڑھاتا ہے بلکہ اسے گھر کا سب سے پسندیدہ حصہ بھی بنا دیتا ہے۔ اگر آپ اپنے کچن کو نیا روپ دینا چاہتے ہیں تو ان ٹرینڈنگ رنگوں میں سے کسی ایک کا انتخاب بہترین ثابت ہو سکتا ہے۔

بولی وڈ کے ورسٹائل اداکار راجپال یادو گزشتہ کئی برسوں سے ایک سنگین مالی اور قانونی تنازع کا شکار ہیں، جس کا آغاز 2010 میں ہوا جب انہوں نے اپنی فلم ’اٹا پتا لاپتا‘ کی تیاری کے لیے دہلی کے ایک بزنس مین سے 5 کروڑ بھارتی روپے کا قرض لیا۔

بدقسمتی سے فلم کو باکس آفس ہر سخت ناکامی کا سامنا کرنا پڑا ، جس کے باعث راجپال یادو یہ رقم واپس نہ کر سکے اور ان کی جانب سے دیے گئے چیک باؤنس ہونے اور عدالت میں غلط حلف نامے جمع کروانے پر انہیں 2018 میں دہلی کی تہاڑ جیل میں 3 ماہ قید کی سزا بھی کاٹنی پڑی۔

سود اور جرمانے کے باعث یہ واجب الادا رقم اب بڑھ کر تقریباً 9 کروڑ بھارتی روپے تک جا پہنچی ہے، جس کا ذکر حال ہی میں ایک ایوارڈ شو میں مذاقاً کیا گیا۔

ابتدا میں اس بے مثال اداکار کی مالی مدد کے لیے بولی ووڈ سے کسی نے آگے آنے کی ہمت نہیں کی، تاہم سلمان خان نے سب سے پہلے ان کی 30 سالہ فنی خدمات کو سراہتے ہوئے نہ صرف ان کی بھرپور حمایت کی ہے، بلکہ ممکنہ حد تک مالی معاونت بھی کی تاکہ وہ اپنی محنت کے بل بوتے پران مالی مشکلات سے باہر نکل سکیں۔

5 اپریل 2026 کو ممبئی میں منعقدہ ایک ایوارڈ شو کے دوران، جب راجپال یادو اسٹیج پر عالمی معیشت اور کرنسی کے اتار چڑھاؤ (ڈالر اور روپے) پر بات کر رہے تھے تو شو کے میزبان اور سینئر صحافی سوربھ دویدی نے ایک جملہ کسا۔

انہوں نے کہا، ’راجپال بھائی! ڈالر اور روپیہ کتنا ہی اوپر نیچے ہو جائے، آپ کو اتنے ہی پیسے لوٹانے پڑیں گے جتنے آپ نے ادھار لیے ہیں۔‘

یہ جملہ راجپال یادو کے 9 کروڑ بھارتی روپے کے پرانے قرضے اور چیک باؤنس کیس کی جانب اشارہ اور طنز تھا، جس پر سوشل میڈیا صارفین نے شدید غم و غصے کا اظہار کیا اور اسے ایک فنکار کی تذلیل قرار دیا۔

جب یہ معاملہ سوشل میڈیا پر وائرل ہوا تو سلمان خان خاموش نہ رہ سکے اور راجپال یادو کے دفاع میں میدان میں آ گئے۔

انہوں نے ایک جذباتی اور حوصلہ افزا پیغام شیئرکرتے ہوئے لکھا، ’راجپال بھائی، آپ 30 سال سے کام کر رہے ہیں اور ہم سب نے آپ کو بار بار (ریپیٹ) کیا ہے کیونکہ آپ اپنا کام جانتے ہیں اور ایک قدر (ویلیو) لاتے ہیں۔ کام تو آپ کو بہت ملے گا اور اسی ڈالر ریٹ پر ملے گا اور ملتے رہے گا۔ حقیقت یہ ہے۔

اور یہ یاد رکھنا کہ کبھی کبھی فلو (بات چیت یا موقع) میں کچھ نکل آتا ہے، دینا ہی ہے تو دماغ میں رکھو، دل سے کام کرو، ڈالر اوپر ہو یا نیچے، کیا فرق پڑتا ہے؟ دینا تو انڈیا میں ہی ہے۔‘

سلمان خان کی اس حمایت پر راجپال یادو نے ان کا شکریہ ادا کرتے ہوئے لکھا، ’سلمان بھائی! میرے 30 سالہ سفر کو سراہنے کے لیے بہت شکریہ۔ آپ ہمیشہ ایک بڑے بھائی کی طرح راستہ دکھاتے آئے ہیں۔ لو یو بھائی۔‘

ایک طرف جہاں مداح صحافی سوربھ دویدی کو ٹرول کر رہے تھے، وہیں راجپال یادو نے ایک ویڈیو پیغام جاری کر کے سب کو حیران کر دیا۔

انہوں نے انکشاف کیا کہ انہوں نے ذاکر خان اور سوربھ دویدی کے ساتھ مل کر سیگمنٹ پلان کیا تھا اور ایسا اکثر فلموں کی شوٹنگ کے دوران بھی ہوتا ہے۔

ان کے مطابق بد قسمتی سے صحیح پیغام کوگوں تک نہیں پہنچ سکا۔

انہوں نے مداحوں سے اپیل کی کہ وہ سوربھ دویدی اور ذاکر کو ٹرول نہ کریں کیونکہ وہ ان کے چھوٹے بھائیوں کی طرح ہیں اور انہوں نے ہمیشہ ان کی عزت کی ہے۔

![ . ](

🙏 @saurabhtop #ZakirKhan pic.twitter.com/jPRWjQL9a6

— Rajpal Naurang Yadav (@rajpalofficial) April 7, 2026

)

راجپال یادو نے مزید کہا کہ سوربھ کا دل دکھانے کا مطلب ان کا دل دکھانا ہے اس لیے ان کے متعلق الٹی سیدھی لائنیں لکھ کر انہیں دکھی نہ کریں۔

راجپال یادو اس وقت اپنی پیشہ ورانہ زندگی میں ایک بار پھر عروج پر ہیں اور مالی و قانونی تنازعات کے باوجود فلم انڈسٹری کا ان کی فنکارانہ صلاحیتوں پر بھروسہ برقرار ہے۔ اس کا واضح ثبوت ان کی اکشے کمار کے ساتھ آنے والی نئی فلم ’بھوت بنگلہ‘ ہے، جس کی ہدایت کاری مشہور ڈائریکٹر پریادرشن کر رہے ہیں۔

پریادرشن نے نہ صرف انہیں اپنی فلم میں کاسٹ کیا بلکہ ان کی حمایت میں بیان دیتے ہوئے انہیں بولی وڈ کا ’معصوم ترین اداکار‘ بھی قرار دیا ہے، جو ان کی فنی ساکھ کی بحالی کے لیے ایک اہم سنگِ میل ثابت ہو رہا ہے۔

اگرچہ شو کو تنازع کے بعد ہٹا دیا گیا تھا، سمے نے تصدیق کی کہ وہ اسے واپس لانا چاہتے ہیں اور بتایا کہ سیزن 2 یوٹیوب پر ایک زیادہ کھلا اور بے باک انداز میں آ سکتا ہے۔

منگل کے روز اپنے نئے اسٹینڈ اپ اسپیشل کے دوران، سمے نے شائقین کے اکثر سوالات کا جواب دیا۔

انہوں نے 2025 کے تنازع کی یاد دلائی، جس میں رنویر الہٰ بادیہ اور دیگر شریک تھے اور اس دوران ہونے والے جذباتی دباؤ اور پچھلے فیصلوں پر پشیمانی کا اعتراف بھی کیا۔

انہوں نے کہا، لوگ پوچھتے رہتے ہیں کہ کیا انڈیا گٹ لیٹنٹ واپس آئے گا۔ میں نے اس بارے میں بہت سوچا۔ حقیقت یہ ہے کہ سیزن 1 اپنے عروج پر ختم نہیں ہوا، لیکن مجھے معلوم تھا کہ مجھے اسے واپس لانا ہے۔’

سمے نے بتایا کہ انہیں پہلی سیزن کی میزبانی کرنے میں بہت مزہ آیا اور وہ دوبارہ شروعات کرنے کے لیے پرجوش ہیں۔

انہوں نے مزید کہا، ’میں چاہتا ہوں کہ یہ سیزن مکمل طور پر وائلڈ ہو۔ انٹرنیٹ پر ہم ایک نرم ورژن ڈالیں گے، لیکن شو خود مکمل بے باک ہوگا۔‘

انہوں نے مزاحیہ انداز میں کہا کہ وہ سامعین کے فون لے کر شرارت بھرے سوال بھی کریں گے۔

یہ تنازع فروری 2025 کا ہے جب رنویر الہٰ بادیہ، اپوروا لکھیا اوراشیش چان چلانی جیسے تخلیق کار شو میں شامل ہوئے۔

ایک سوال کے باعث شدید تنقید اور متعدد ایف آئی آرز سامنے آئیں۔ اس کے بعد سمے نے تمام اقساط یوٹیوب سے ہٹا دی تھیں اور دیگر شامل افراد کو بھی تنقید اور دھمکیوں کا سامنا کرنا پڑا۔

اب جب سیزن 2 کی تصدیق ہو گئی ہے، شائقین بے صبری سے انتظار کر رہے ہیں کہ سمے اس بار کتنی حدیں عبور کریں گے۔

کئی ہفتوں سے جاری اس جنگ نے فلم سازی کے عمل، اخراجات اور ریلیز کی حکمتِ عملی پر گہرا اثر ڈالا ہے۔ تازہ ترین رپورٹس کے مطابق ہالی ووڈ کو اس وقت تین بڑے محاذوں پر چیلنجز کا سامنا ہے، مہنگائی، سفری پابندیاں اور عالمی مارکیٹ کا بدلتا ہوا رجحان۔

فلموں کی تیاری پر اخراجات بھی بڑھ گئے ہیں۔ تیل کی قیمتوں میں اضافے کے باعث ایندھن مہنگا ہو گیا ہے، جس سے شوٹنگ، ٹرانسپورٹ، جنریٹرز اور دیگر لاجسٹک امور پر لاگت بڑھ گئی ہے۔

فلم کےلیے استعمال ہونے والا سامان، کپڑے اور دیگر اشیاء کی نقل و حمل بھی مہنگی ہو گئی ہے، جس سے فلموں کے مجموعی بجٹ پر دباؤ بڑھ رہا ہے۔

دوسری جانب بین الاقوامی شوٹنگ شیڈول بھی متاثر ہوئے ہیں۔ مشرقِ وسطیٰ کے کچھ علاقوں میں فضائی حدود کی بندش یا پابندیوں کے باعث فلمی ٹیموں کو سفراور شوٹنگ میں مشکلات کا سامنا ہے۔ اس کے نتیجے میں کئی پروجیکٹس تاخیر کا شکار ہو رہے ہیں۔

فلموں کی ریلیز پر بھی حالات تذبذب کا شکار ہیں۔ اگر شوٹنگ میں تاخیر ہوتی ہے تو فلموں کی ریلیز ڈیٹس میں بھی ردوبدل ہو سکتا ہے۔

ایسے میں پروڈیوسرز سینما گھروں کے بجائے براہ راست ڈیجیٹل پلیٹ فارمز پر ریلیز کرنے پر بھی غور کر رہے ہیں تاکہ غیر یقینی حالات میں ریلیز کو یقینی بنایا جا سکے اور مالی نقصان سے بچا جا سکے۔

اس کے علاوہ، عالمی سطح پر کئی فلمی میلوں اور میوزک ایونٹس کو بھی ملتوی کر دیا گیا ہے، جس سے انڈسٹری کی سرگرمیاں مزید متاثر ہو رہی ہیں۔ ماہرین کے مطابق، اس طرح کی جنگیں نہ صرف معیشت بلکہ تفریحی صنعت کے مستقبل اور حکمت عملی کو بھی بدل دیتی ہیں۔

مجموعی طور پر دیکھا جائے تو امریکا ایران تنازع نے ہالی ووڈ کو ایک نئے امتحان سے دوچار کر دیا ہے، جہاں لاگت، لاجسٹکس اور ریلیز جیسے اہم شعبے شدید دباؤ میں ہیں۔

سوشل میڈیا پر اکثر سوناکشی سنہا اور ان کے شوہر ظہیر اقبال کی تصاویر وائرل ہوتی ہیں، جنہیں دیکھ کر مداح مختلف قیاس آرائیاں شروع کر دیتے ہیں۔

گزشتہ برس ایک ایونٹ میں ریڈ آؤٹ فٹ پہننے کے بعد یہ افواہیں مزید زور پکڑ گئیں اور کچھ لوگوں نے دعویٰ کیا کہ وہ اپنے بے بی بمپ کو چھپانے کی کوشش کر رہی ہیں۔ تاہم سوناکشی اور ان کے شوہر ظہیر اقبال نے ان خبروں کو ہمیشہ مذاق میں اڑایا ہے۔

اداکارہ اکثر سوشل میڈیا پر بھی ان افواہوں کا مزاحیہ انداز میں جواب دیتی رہی ہیں، جس سے واضح ہوتا ہے کہ وہ ان خبروں کو سنجیدگی سے لینے کے بجائے ہنسی میں ٹال دیتی ہیں۔ سوناکشی نے ایک بار انسٹاگرام پر لکھا تھا کہ ”میڈیا کے مطابق میرا حمل انسانی تاریخ کا سب سے طویل حمل ہے جو 16 ماہ سے جاری ہے“۔

ظہیر اقبال بھی اکثر تقریبات میں کیمروں کے سامنے سوناکشی کا ہاتھ پکڑ کر مذاقاً ’سنبھل کے‘ کہہ کر ان افواہوں کا تمسخر اڑاتے نظر آتے ہیں۔

اب ان افواہوں پر اداکارہ کی والدہ پونم سنہا نے بھی دلچسپ ردعمل دیا ہے۔ ایک انٹرویو میں انہوں نے کہا کہ ’لوگ نہ جانے کتنی بار ہمیں نانی بنا چکے ہیں، لیکن خیر ہمیں امید ہے کہ وہ خوشی کی گھڑی بھی ہماری زندگی میں ضرور آئے گی۔‘

پونم سنہا نے بیٹیوں کی اہمیت پر زور دیتے ہوئے کہا کہ ان کی زندگی میں سب سے خوبصورت لمحہ وہ تھا جب ان کے گھر بیٹی کی ولادت ہوئی۔ انہوں نے مزید کہا کہ بیٹیوں کے بغیر زندگی ادھوری ہے۔

دوسری جانب سوناکشی سنہا اور ظہیر اقبال کی محبت کی کہانی بھی کم دلچسپ نہیں۔ دونوں نے کئی سال ایک دوسرے کو ڈیٹ کرنے کے بعد 2024 میں سادہ تقریب میں شادی کی، جس میں صرف قریبی افراد شریک ہوئے، جبکہ بعد میں فلمی دنیا کے دوستوں کے لیے شاندار ریسپشن بھی دیا گیا۔

سوناکشی سنہا نے اپنے کیریئر کا آغاز بطور اداکارہ نہیں بلکہ کاسٹیوم ڈیزائنر کے طور پر کیا تھا۔ انہوں نے 2005 کی فلم ’میرا دل لے کر دیکھو‘ کے لیے ملبوسات تیار کیے تھے۔

بعد ازاں سلمان خان کے اصرار پر انہوں نے وزن کم کیا اور 2010 میں فلم ’دبنگ‘ سے اداکاری کی دنیا میں قدم رکھا۔

سری دیوی کامیاب اداکارہ ہونے کے ساتھ ساتھ ایک مثالی ماں بھی تھیں جواپنی بیٹیوں جھانوی کپور اور خوشی کپور سے بہت محبت کرتی تھیں۔ انہیں جھانوی کی پہلی فلم ’دھڑک‘ کی ریلیز کا شدت سے انتظار تھا لیکن بدقسمتی سے فلم ریلیز ہونے سے پہلے ہی وہ اس دنیا سے رخصت ہوگئیں۔

راج شمانی کے ساتھ پوڈکاسٹ میں گفتگو کرتے ہوئے جھانوی کپور نے لیجنڈری اداکارہ کی زندگی کے مشکل پہلووں پر روشنی ڈالی۔

جھانوی کپورنے بتایا کہ انہوں نے خود دیکھا کہ کس طرح ْان کی والدہ کو اپنے دور میں عوامی تنقید اور سخت رویوں کا سامنا کرنا پڑا، یہاں تک کہ انہیں ”گھر توڑنے والی“ جیسے القابات بھی دیے گئے، جس نے انہیں ذہنی طور پر بہت متاثر کیا تھا اوریہ اثر ان کے اندر بھی منتقل ہوگیا۔

انہوں نے افسوس کا اظہار کرتے ہوئے کہا کہ اگرچہ وقت گزرنے کے ساتھ لوگ مرنے والے کے بارے میں نرم رویہ اختیار کر لیتے ہیں، مگر جیتے جی انہیں شدید تنقید کا سامنا کرنا پڑتا ہے، جس کی تکلیف وہ فرد ہی جان سکتا ہے۔

جھانوی نے کہا کہ 2018 میں اپنی والدہ کو کھونا ان کی زندگی کا سب سے بڑا صدمہ تھا، خاص طور پر اس وقت جب ان کی پہلی فلم ’دھڑک‘ ریلیز ہونے والی تھی۔ اس حادثے کے بعد انہیں کم عمری میں ہی خودمختار بننا پڑا۔

انہوں نے یہ بھی بتایا کہ ان کی پہلی فلم ’دھڑک‘ کی ریلیز سے چند ماہ قبل ہی سری دیوی کا انتقال ہو گیا تھا، جس کی وجہ سے وہ اپنی بیٹی کی کامیابی دیکھ نہ سکیں۔

اداکارہ نے اعتراف کیا کہ ماں کے انتقال کے بعد انہوں نے جلد بازی میں کچھ ایسے فیصلے کیے جنہوں نے ان کی ذہنی اور جسمانی صحت کو متاثر کیا۔ تاہم ان تجربات نے انہیں زندگی کے اہم سبق بھی سکھائے۔

انہوں نے کہا کہ سری دیوی کی وفات کے بعد صرف ماں ہی نہیں بلکہ اپنے والد بونی کپور کی وہ شخصیت بھی کھو دی جو ان کی موجودگی میں تھی۔

ان کے مطابق ان کی والدہ کا مزاج اور خاندان کو جوڑ کر رکھنے کا انداز آج بھی یاد آتا ہے۔

جھانوی کا کہنا تھا کہ اگر زندگی میں انہیں اپنی والدہ سے بات کرنے کا موقع ملے تو وہ ان کی جدوجہد کو نہ سمجھنے پر معافی مانگیں گی۔

انہوں نے بتایا کہ سری دیوی نے کم عمری میں کام شروع کیا اور اپنا کیریئر بنانے کے لیے سخت محنت کی، مگر ہمیشہ بچوں کے سامنے اپنی زندگی کے خوشگوار پہلو ہی رکھے۔

عام طور پر لوگ کمرے کو فوراً ٹھنڈا کرنے کے چکر میں اے سی کو 16 ڈگری سیلسیس پر سیٹ کر دیتے ہیں۔ تکنیکی ماہرین کے مطابق یہ ایک غلط طریقہ ہے۔ ایسا کرنا نہ صرف بجلی کے بل میں اضافہ کرتا ہے بلکہ اے سی کی مشین کے پرزوں پر بھی زیادہ دباؤ ڈال دیتا ہے۔

اے سی کو 24 ڈگری سیلسیس پر چلانا سب سے زیادہ متوازن اور بہترین انتخاب ہے، جو جسمانی صحت کے لیے بھی محفوظ ہے۔

جب آپ اے سی کو 24 ڈگری پر سیٹ کرتے ہیں، تو کمپریسر کو کم محنت کرنی پڑتی ہے۔ ایک اندازے کے مطابق درجہ حرارت میں ہر ایک ڈگری کے اضافے سے آپ تقریباً 6 فیصد تک بجلی بچا سکتے ہیں۔

جب اے سی کو 16 ڈگری پر چلایا جاتا ہے تو مشین کو کمرے کو اس حد تک ٹھنڈا کرنے کے لیے زیادہ محنت کرنی پڑتی ہے جس سے کمپریسر پر مسلسل بوجھ رہتا ہے۔ ساتھ ہی توانائی کی کھپت بڑھ جاتی ہے اور اس کے جلد خراب ہونے کا خدشہ ہوتا ہے۔ 24 ڈگری پر مشین وقفے وقفے سے آرام کرتی ہے، جس سے اس کی کارکردگی برقرار رہتی ہے۔

مزید یہ کہ زیادہ تر جدید اے سی میں ایکو موڈ یا سیور موڈ کا فیچر موجود ہوتا ہے، جو خود بخود درجہ حرارت کو تقریباً 24 ڈگری سیلسیس پر برقرار رکھتا ہے۔ یہ نہ صرف بجلی کی بچت کرتا ہے بلکہ کمرے میں یکساں ٹھنڈک فراہم کرتا ہے اور جسم کو کسی قسم کا جھٹکا نہیں لگتا۔

ماہرین صحت کا کہنا ہے کہ انسانی جسم کے لیے 24 سے 26 ڈگری کا درجہ حرارت سب سے زیادہ آرام دہ ہوتا ہے۔ بہت زیادہ ٹھنڈک سر درد، جوڑوں کے درد اور نزلہ زکام کا باعث بن سکتی ہے۔

بجلی بچانے کے اضافی اسمارٹ طریقے

اے سی کے ساتھ ہلکی رفتار پر چھت والا پنکھا چلانے سے ٹھنڈی ہوا پورے کمرے میں تیزی سے پھیلتی ہے۔ اس طرح آپ کو کم درجہ حرارت پر بھی زیادہ ٹھنڈک کا احساس ہوتا ہے۔

اس بات کو یقینی بنائیں کہ کمرے کے دروازے اور کھڑکیاں اچھی طرح بند ہوں اور کہیں سے بھی ہوا کا اخراج نہ ہو رہا ہو۔ کھڑکیوں پر موٹے پردے ڈالنے سے سورج کی تپش اندر نہیں آتی اور اے سی جلدی کولنگ کر لیتا ہے۔

اگر اے سی کے فلٹر گندے ہوں تو اسے ٹھنڈک پیدا کرنے کے لیے زیادہ بجلی صرف کرنی پڑتی ہے۔ ہر 15 دن بعد فلٹر خود صاف کریں اور سیزن کے شروع میں ماہر ٹیکنیشن سے سروس کروائیں۔

اگر آپ چاہتے ہیں کہ گرمی میں راحت بھی ملے اور بجلی کا بل بھی کنٹرول میں رہے تو آج ہی سے اپنے اے سی کو 24 ڈگری پر سیٹ کرنے کی عادت ڈالیں۔ یہ آپ کی صحت، بجلی کے بل اور ماحول، سب کے لیے بہترین ہے۔

اس کی وجوہات جاننے کے لیے جب وہاں کے طرزِ زندگی کا گہرا مشاہدہ کیا گیا تو چند حیران کن حقائق سامنے آئے۔ اس ملک کی خوشی کا ایک بڑا راز ان کی ”کافی“ سے والہانہ محبت میں چھپا ہے۔

فن لینڈ دنیا میں کافی کا سب سے بڑا صارف ہے، جہاں ایک فرد سالانہ اوسطاً 12 کلوگرام کافی پی جاتا ہے۔ وہاں کافی محض ایک مشروب نہیں بلکہ سماجی میل جول اور ذہنی سکون کا ایک لازمی ذریعہ ہے۔

اس معاشرے کی ایک خاص بات یہ ہے کہ وہاں کام کے دوران ”کافی کے وقفے“ کو قانونی حیثیت حاصل ہے۔

فن لینڈ دنیا کا واحد ملک ہے جہاں اگر کوئی ملازم چھ گھنٹے کام کرتا ہے، تو اسے 15 منٹ کے دو وقفے دینا آجر کی قانونی ذمہ داری ہے۔ یہ روایت اس بات کی علامت ہے کہ وہاں انسانی فلاح اور ذہنی تازگی کو کام کے بوجھ پر فوقیت دی جاتی ہے۔

وہاں کے لوگ اپنی خوشی کا سہرا اسی ”کافی کلچر“ کو دیتے ہیں جو انہیں روزمرہ کی تھکن سے نکال کر دوبارہ توانا کر دیتا ہے۔

تاہم، کافی کے علاوہ وہاں ایک خاص فکری نظریہ بھی پایا جاتا ہے جسے فن لینڈ کی زبان میں ”سِیسو“ (Sisu) کہا جاتا ہے۔ یہ ایک ایسی داخلی قوت، خاموش ہمت اور غیر متزلزل استقامت کا نام ہے جو فن لینڈ کے باسیوں کو قطب شمالی کی طویل اور کٹھن سرد راتوں اور زندگی کے بڑے بحرانوں میں بھی سہارا دیتی ہے۔ یہ ”سِیسو“ محض کافی کی میز تک محدود کوئی رسم نہیں، بلکہ یہ اس ملک کے اداروں کے کام کرنے کے انداز اور قومی ڈھانچے کی بنیادوں میں رچا ہوا ہے۔

یہ جذبہ انہیں سکھاتا ہے کہ جب حالات قابو سے باہر ہوں تو ہمت ہارنے کے بجائے ثابت قدمی سے ان کا مقابلہ کیسے کرنا ہے۔ یہی وجہ ہے کہ وہاں کے لوگ بحرانوں کے باوجود ایک مطمئن زندگی گزارنے کا فن جانتے ہیں۔

فن لینڈ کی خوشی کا ایک اور اہم ستون ان کا فطرت سے گہرا لگاؤ ہے۔ وہاں کے باشندے ”آکسیجن جمپنگ“ یعنی تازہ ہوا میں تیز چہل قدمی کو اپنی زندگی کا لازمی حصہ سمجھتے ہیں۔ وہاں کے گھنے جنگلات، جھیلیں اور صاف ستھرا ماحول شہریوں کو ذہنی تناؤ سے دور رکھتا ہے۔

جب آپ ایک ایسے ملک میں ہوں جہاں ریاست بہترین سہولیات فراہم کرے، عوام کا ایک دوسرے پر بھرپور اعتماد ہو اور فطرت کے ساتھ جینے کا سلیقہ معلوم ہو، تو خوشی وہاں کا مستقل ٹھکانہ بن جاتی ہے۔

فن لینڈ اگر خوش رہنے والوں میں پہلے نمبر پر ہے تو اس کی خوشی کسی اتفاق کا نتیجہ نہیں بلکہ یہ طرزِ زندگی ہمیں سکھاتا ہے کہ حقیقی خوشی سادگی، سماجی جڑوں کی مضبوطی اور ایک پُرسکون اعصابی نظام کے ساتھ زندگی گزارنے کا ایک خوبصورت فن ہے۔

بھارتی میڈیا کے مطابق کمیشن نے اگلی سماعت کی تاریخ 27 اپریل 2026 مقرر کر دی ہے۔ جبکہ معروف اداکار سنجے دت کو 8 اپریل کو پیش ہونے کا حکم دیا گیا ہے۔

یہ تنازع اس وقت شروع ہوا جب نیشنل کمیشن فار ویمن نے گانے کے مواد کو سماجی اقدار کے منافی قرار دیتے ہوئے اسے جنسی طور پر اشتعال انگیز قرار دیا۔

کمیشن نے نورا فتحی اور سنجے دت کے ساتھ ساتھ گانے کے شاعر رقیب عالم، پروڈیوسر وینکٹ کے نارائن اور ہدایت کار کرن کمار کو بھی نوٹس جاری کیے ہیں۔

ان تمام افراد کو 24 مارچ کو کمیشن کے روبرو پیش ہونے کی ہدایت کی گئی ہے اور خبردار کیا گیا ہے کہ عدم تعمیل کی صورت میں قانونی کارروائی کی جائے گی۔

رپورٹس کے مطابق حکومتی سطح پر بھی اس گانے پر پابندی عائد کردی گئی ہے۔ جس کی تصدیق بھارتی وفاقی وزیر برائے اطلاعات و نشریات، اشونی ویشنو نے لوک سبھا میں کی۔

ان کا کہنا تھا کہ اظہارِ رائے کی آزادی کا مطلب یہ نہیں کہ معاشرتی اور ثقافتی حدود کو پامال کیا جائے۔ انہوں نے واضح کیا کہ دستورِ ہند کے تحت دی گئی آزادی کچھ معقول پابندیوں کے ساتھ مشروط ہے جن کا احترام لازمی ہے۔

کمیشن کے مطابق گانے کے بول اور عکس بندی مختلف دفعات کے تحت جرائم کے زمرے میں آ سکتے ہیں۔ اس سے قبل قومی انسانی حقوق کمیشن (این ایچ آر سی) نے بھی گانے میں استعمال ہونے والی ”دوہری معنی“ کی زبان پر اعتراض اٹھایا تھا۔

گانے کے خلاف دہلی پولیس کے سائبر سیل میں بھی شکایات درج کروائی گئی ہیں، جن میں یہ موقف اختیار کیا گیا ہے کہ ایسا مواد ڈیجیٹل پلیٹ فارمز پر کھلے عام دستیاب ہونا نوجوان نسل اور عوامی اخلاقیات کے لیے نقصان دہ ہے۔

سوشل میڈیا پر بھی اس گانے کو شدید تنقید کا نشانہ بنایا جا رہا ہے، جس کی وجہ سے یہ معاملہ اب ایک بڑے قانونی بحران کی شکل اختیار کر چکا ہے۔

یہ گانا آنے والی فلم ’کے ڈی دی ڈیول‘ کا حصہ تھا۔ فلم میں سنجے دت کے علاوہ شلپا شیٹھی، نورا فتیحی، رمیش اروند، وی روی چندرن اور دھرو سرجا نے اہم کردار ادا کیے ہیں۔ تنازع کے بعد گانے کو یوٹیوب سے ہٹا دیا گیا ہے۔

فلم کی ریلیز 30 اپریل کو متوقع ہے، تاہم اس تنازع نے اس کی تشہیر کو بھی متاثر کیا ہے۔

امریکی میگزین فوربز کے مطابق یہ پروگرام دراصل نئی ہیري پوٹر سیریز کے پیچھے ہونے والی محنت اور تیاری کو قریب سے دکھاتا ہے۔ اس میں بتایا گیا ہے کہ سیریز کے لیے اداکاروں کا انتخاب کیسے کیا گیا، سیٹ کیسے تیار کیے گئے، ملبوسات کیسے ڈیزائن ہوئے اور اسپیشل ایفیکٹس پر کس طرح کام کیا گیا۔

پروگرام میں خاص طور پر ہیري پوٹر، ہرماینی گرینجر اور رون ویزلی کے کرداروں کے لیے نئے اداکاروں کے انتخاب کا عمل دکھایا گیا ہے، جنہیں بالترتیب ڈومینک میک لاگلِن، عربیلا اسٹینٹن اور الاسٹیر اسٹاؤٹ نے ادا کیا ہے۔ اس کے علاوہ مختلف شعبوں سے تعلق رکھنے والی ٹیم جیسے کاسٹنگ، پروڈکشن ڈیزائن اور ایفیکٹس ٹیم کے انٹرویوز بھی شامل ہیں۔

مزید یہ کہ مشہور اداکاروں کے انٹرویوز بھی اس پروگرام کا حصہ ہیں، جنہوں نے سیریز میں اہم کردار ادا کیے ہیں۔ پروگرام کی کہانی بھی ایک معروف اداکار نے بیان کی ہے، جس سے اسے مزید دلچسپ بنایا گیا ہے۔

یاد رہے کہ ہیري پوٹر کی نئی ٹی وی سیریز کا پہلا سیزن دسمبر میں جاری کیا جائے گا، جس میں کل 8 اقساط شامل ہوں گی۔ یہ سیریز پہلی ہیري پوٹر فلم کے 25 سال بعد پیش کی جا رہی ہے، جس کا نام ہیري پوٹر اینڈ دی سورسررز اسٹون تھا، فلم نے دنیا بھر میں بے حد مقبولیت حاصل کی تھی۔

اس فلم میں ڈینیئل ریڈکلف، ایما واٹسن اور روپرٹ گرنٹ نے بالترتیب ہیري، رون اور ہرماینی کے کردار ادا کیے تھے۔ ہیري پوٹر فلموں کی سیریز 2011 میں ہیری پوٹر اینڈ دی ڈیتھلی ہیلوز پارٹ 2 کے ساتھ اختتام پذیر ہوئی تھی۔

یہ خصوصی پروگرام اتوار کو HBO Max پر دوپہر 3 بجے نشر ہونا شروع ہوا اور اسی روز رات 8 بجے HBO کیبل چینل پر بھی دکھایا گیا تاکہ زیادہ سے زیادہ ناظرین اسے دیکھ سکیں۔

غیرملکی میڈیا رپورٹس کے مطابق جیجی حدید اور ان کی بہن بیلا حدید کا ذکر دسمبر 2015 کی ایک ای میل گفتگو میں سامنے آیا، جو ایپسٹین اور ایک نامعلوم فرد کے درمیان ہوئی تھی۔ اس ای میل میں نامعلوم شخص نے حدید بہنوں کی کامیابی پر سوال اٹھاتے ہوئے ان کے ماڈل بننے اور زیادہ کمائی کرنے کی وجوہات پوچھی تھیں۔

ایپسٹین نے اس سوال کا مختصر جواب دیا، جب کہ گفتگو میں یہ دعویٰ بھی سامنے آیا کہ ان کے والد نے ایجنسی کو ادائیگی کی، جس کی ایپسٹین نے تردید کی اور کہا کہ ان کی کامیابی کی وجہ ہدایات پر عمل کرنا ہے۔

یہ ای میلز ان لاکھوں دستاویزات کا حصہ ہیں جو رواں سال امریکی محکمۂ انصاف نے اپنی تحقیقات کے سلسلے میں جاری کیں۔ یاد رہے کہ ایپسٹین 2019 میں جنسی اسمگلنگ کے الزامات کے دوران جیل میں ہلاک ہو گیا تھا۔

جیجی حدید نے حال ہی میں انسٹاگرام پر ایک مداح کے تبصرے کے جواب میں اس معاملے پر وضاحت دی۔ انہوں نے کہا کہ اس ای میل کو پڑھ کر انہیں شدید ناگواری محسوس ہوئی کیونکہ ایک ایسا شخص، جس سے وہ کبھی نہیں ملیں، ان کے بارے میں اس انداز میں بات کر رہا تھا۔

انہوں نے مزید کہا کہ وہ اس لیے خاموش رہیں تاکہ حقیقی متاثرین کی کہانیوں سے توجہ نہ ہٹے، تاہم اب وضاحت ضروری سمجھتی ہیں۔ جیجی نے تسلیم کیا کہ وہ ایک مراعات یافتہ پس منظر میں پلی بڑھیں اور ان کے والدین، یولانڈا حدید اور محمد حدید، نے انہیں ماڈلنگ ایجنسیوں تک رسائی دلانے میں مدد دی، مگر انہوں نے اپنی کامیابی کے لیے مسلسل محنت کی۔

اپنے بیان کے اختتام پر انہوں نے واضح کیا کہ ایپسٹین فائلز میں نام آنا ان کے لیے نہایت تشویش ناک ہے اور وہ اس بات کی دوٹوک تردید کرتی ہیں کہ ان کا اس شخص سے کبھی کوئی تعلق رہا ہو۔

اس بیماری کی سب سے بڑی وجہ ہمارا بدلتا ہوا طرزِ زندگی ہے، جس میں موبائل فون اور لیپ ٹاپ کا بے جا استعمال سرِ فہرست ہے۔ جب ہم گھنٹوں گردن جھکا کر اسکرین کی طرف دیکھتے ہیں، تو اسے ’ٹیک نیک‘ کہا جاتا ہے، جو مہروں پر غیر ضروری دباؤ ڈال کر ان کی قدرتی ساخت کو متاثر کرتا ہے۔

ماہرینِ صحت کے مطابق جب ہم موبائل فون دیکھنے کے لیے گردن کو 60 ڈگری تک آگے جھکاتے ہیں، تو طبیعیات کے اصولوں کے تحت گردن کی مہروں پر پڑنے والا بوجھ تقریباً 60 پاؤنڈ (تقریباً 27 کلوگرام) تک پہنچ جاتا ہے، جبکہ سر کا اصل وزن صرف 10 سے 12 پاؤنڈ ہوتا ہے۔ اس خیال کو نیویارک کے مشہور ری ہیبلیٹیشن میڈیسن کے ماہر اور اسپائن سرجن ڈاکٹر کینتھ ہنسراج کی ایک تحقیق میں واضح کیا گیا ہے، جس کے مطابق آگے جھکنے کے ساتھ ساتھ گردن پر پڑنے والا بوجھ نمایاں طور پر بڑھ جاتا ہے۔

اس کے علاوہ عمر بڑھنے کے ساتھ مہروں کے درمیان موجود کشن نما ڈسک کا خشک ہونا یا گھسنا بھی ایک فطری عمل ہے، جو درد اور اکڑن کا باعث بنتا ہے۔

سوتے وقت بہت اونچے تکیے کا استعمال یا اچانک بھاری وزن اٹھانا بھی مہروں کے درمیان جگہ کم ہونے کا سبب بن سکتا ہے، جسے لوگ عام طور پر مہروں میں گیپ آجانا بھی کہتے ہیں۔

اہم بات یہ ہے کہ سروائیکل کی علامات صرف گردن کے درد تک محدود نہیں رہتیں بلکہ یہ کافی پیچیدہ ہو سکتی ہیں۔

متاثرہ فرد کو گردن میں شدید کھنچاؤ کے ساتھ ساتھ سر کے پچھلے حصے میں درد، چکر آنا اور بعض اوقات ہاتھوں یا انگلیوں کا سن ہونا محسوس ہوتا ہے۔

جدید طبی تحقیق کے مطابق، گردن کے مہروں کی ساخت میں خرابی براہِ راست دل کے افعال پر اثر انداز ہو سکتی ہے۔ جب مہروں میں ہڈی کے غیر معمولی ابھار پیدا ہوتے ہیں، تو یہ اس خودکار اعصابی نظام میں مداخلت کرتے ہیں جو دل کی رفتار کو کنٹرول کرتا ہے۔ اس معیار کو طبی زبان میں ’سروائیکو جینک کارڈیک ڈس رِدھمیا‘ کہا جاتا ہے، جس میں مہروں پر دباؤ آنے سے دل کی دھڑکن اچانک غیر معمولی طور پر کم ہو جاتی ہے اور مریض بے ہوشی محسوس کرنے لگتا ہے جسے اکثر لوگ غلطی سے دل کا عارضہ سمجھ لیتے ہیں۔ اس لیے ان علامات کو نظر انداز کرنا اعصابی پیچیدگیوں کا پیش خیمہ ثابت ہو سکتا ہے۔

تشخیص کے عمل میں ڈاکٹروں نے جدید امیجنگ اور مانیٹرنگ کے ذریعے یہ ثابت کیا ہے کہ بعض اوقات دل کی تکلیف کی اصل وجہ دل کے والوز میں نہیں، بلکہ گردن کے مہروں کی خرابی میں چھپی ہوتی ہے۔

یہ انکشاف اس بات کی اہمیت اجاگر کرتا ہے کہ سینے میں درد یا دھڑکن کی بے ترتیبی کی صورت میں ریڑھ کی ہڈی کے اوپری حصے کا معائنہ کرنا بھی ناگزیر ہے، تاکہ اعصابی پیچیدگیوں کا بروقت سدِباب کیا جا سکے لہٰذا سروائیکل کی علامات کو پہچاننا انتہائی ضروری ہے۔

اس تکلیف سے بچاؤ اور اس پر قابو پانے کے لیے احتیاطی تدابیر اختیار کرنا سب سے اہم اور بہترین حکمت عملی ہے۔

سب سے پہلے اپنے بیٹھنے اور کھڑے ہونے کے انداز یا پوسچر کو درست کرنا ضروری ہے، یعنی کام کے دوران اسکرین کو آنکھوں کی سیدھ میں رکھیں تاکہ گردن پر بوجھ نہ پڑے۔

سوتے وقت ایسا تکیہ استعمال کریں جو گردن کے قدرتی خم کو سہارا دے، نہ کہ اسے غیر ضروری اونچائی پر لے جائے لہٰذا سوتے وقت گردن کی قدرتی ساخت کو برقرار رکھنے والے نرم اور مناسب اونچائی کے تکیے کا استعمال کریں۔

کام کے دوران اپنی اسکرین کو آنکھوں کی سطح پر رکھیں اور ہر آدھے گھنٹے بعد گردن کی ہلکی ورزش کریں تاکہ پٹھوں میں خون کی گردش برقرار رہے۔

طویل وقت تک ایک ہی پوزیشن میں بیٹھنے سے گریز کریں۔ روزانہ کی بنیاد پر گردن کی ہلکی ورزشیں پٹھوں کو مضبوط بناتی ہیں اور مہروں کو اپنی جگہ برقرار رکھنے میں مدد دیتی ہیں۔ ان عوامل کو خاص اہمیت دیں۔

اگر درد کی شدت بڑھ جائے یا مسلسل درد یا بازوؤں میں کمزوری محسوس ہو، تو مستند فزیو تھراپسٹ یا ہڈیوں کے ماہر سے رجوع کریں، کیونکہ بروقت تشخیص اور طرزِ زندگی میں تبدیلی ہی آپ کو اس تکلیف دہ عارضے سے محفوظ رکھ سکتی ہے۔

یہ مضمون صرف عام آگاہی کے لیے ہے، کسی بھی طبی تشخیص یا علاج کے لیے اپنے ڈاکٹر سے رجوع کریں۔

آم ایک ایسا پھل ہے جو ٹوٹنے کے بعد بھی پکنے کا عمل جاری رکھتا ہے۔ اس عمل کے دوران آم سے ’ایتھیلین گیس‘ خارج ہوتی ہے۔ جب ہم آم کو کاغذ کے تھیلے میں رکھتے ہیں، تو یہ گیس تھیلے کے اندر ہی قید ہو جاتی ہے لیکن مکمل طور پر بند نہیں ہوتی۔ یہ گیس آم کو قدرتی طور پر، یکساں اور تیزی سے پکنے میں مدد دیتی ہے، جس سے اس کی مٹھاس میں اضافہ ہوتا ہے۔

پلاسٹک کے برعکس، کاغذ کا مواد مسام دار ہوتا ہے۔ یہ خصوصیت ہوا کی سرکولیشن کو برقرار رکھتی ہے۔ اگر آموں کو ہوا نہ ملے، تو وہ اندرونی حرارت کی وجہ سے بہت جلد گلنا شروع ہو جاتے ہیں۔ کاغذ کے تھیلے اس بات کو یقینی بناتے ہیں کہ پھل کو سانس لینے کا موقع ملے اور وہ حبس کا شکار نہ ہو۔

گرمیوں میں نمی یا موئسچر پھلوں کے جلد خراب ہونے کی سب سے بڑی وجہ بنتا ہے۔ کاغذ کے تھیلے آم کی سطح پر آنے والی اضافی نمی کو جذب کر لیتے ہیں۔ اس سے پھپھوندی لگنے کا خطرہ کم ہو جاتا ہے اور آم کی جلد تازہ اور صاف رہتی ہے۔

مارکیٹ میں آموں کو مصنوعی طریقوں سے پکانے کے لیے اکثر کیمیکلز کا استعمال کیا جاتا ہے جو صحت کے لیے مضر ہو سکتے ہیں۔ گھر میں کاغذ کے تھیلے کا استعمال ایک مکمل طور پر قدرتی اور محفوظ طریقہ ہے، جو کسی بھی قسم کے بیرونی کیمیکل کے بغیر پھل کو کھانے کے قابل بناتا ہے۔

آموں کو کاغذ کے تھیلے میں رکھنا محض ایک روایتی طریقہ نہیں بلکہ ایک سائنسی ضرورت ہے۔ یہ نہ صرف آموں کو جلد پکنے میں مدد دیتا ہے بلکہ ان کے اصل ذائقے، خوشبو اور غذائیت کو بھی برقرار رکھتا ہے۔ لہٰذا، اس موسمِ گرما میں اپنے آموں کو پلاسٹک یا فریج کی ٹھنڈک کے بجائے کاغذ کے تھیلوں کی قدرتی پناہ میں رکھیں تاکہ آپ اس کے بھرپور ذائقے سے لطف اندوز ہو سکیں۔

امریکی میڈیا پلیٹ فارم سی این بی سی کی ایک رپورٹ کے مطابق بچے کی خود اعتمادی اور ذہنی مضبوطی اسی وقت پروان چڑھتی ہے جب وہ خود کو محفوظ محسوس کرے اور اپنے جذبات کا کھل کر اظہار کر سکے۔

ماہرِ نفسیات ریم روضہ کے مطابق بہت سے بچے اپنے جذبات اور ضروریات کو بیان کرنے میں اس لیے ہچکچاتے ہیں کیونکہ انہیں شروع سے یہ موقع نہیں دیا جاتا۔ یہی وجہ ہے کہ بچپن میں ملنے والا احساسِ تحفظ مستقبل میں شخصیت سازی میں اہم کردار ادا کرتا ہے اور جو بچے اپنے جذبات کا آزادانہ اظہار نہیں کر پاتے، وہ مستقبل میں خود اعتمادی کی کمی اور ذہنی مسائل کا شکار ہو سکتے ہیں۔

بچوں میں جذباتی تحفظ پیدا کرنے کے مؤثر طریقے

ماہرین نے والدین کے لیے 6 ایسے طریقے بتائے ہیں جن پر عمل کر کے وہ اپنے بچے کی شخصیت کو مضبوط بنا سکتے ہیں۔

جذبات کے اظہار میں جلد بازی نہ کریں

اکثر والدین فوراً مسئلہ حل کرنے کی کوشش کرتے ہیں، لیکن بچے کو صرف حل نہیں بلکہ ساتھ اور سمجھ کی ضرورت ہوتی ہے۔ والدین بچے کو وقت دیں۔ جب بچہ پریشان ہو، تو فوراً مشورے دینے کے بجائے صرف اس کے پاس رہیں۔ اسے احساس دلائیں کہ آپ اس کے دکھ میں شریک ہیں۔ آپ کا یہ جملہ کہ ”میں یہاں ہوں، اپنا وقت لو“ بچے کے لیے کسی دوا سے کم نہیں ہے۔

بچے کے احساسات کو تسلیم کریں

اکثر والدین کہتے ہیں ”تمہیں بھوک نہیں لگی ہوگی ابھی تو کھایا ہے“ یا ”تم تھکے ہوئے نہیں ہو سکتے“۔ یہ جملے بچے کو اپنے ہی احساسات پر شک کرنا سکھاتے ہیں۔

بچے کے جذبات کو رد کرنے کے بجائے اس سے پوچھیں کہ وہ کیا محسوس کر رہا ہے۔ تحقیق سے معلوم ہوا ہے کہ جن بچوں کے جذبات کو نظرانداز کیا جاتا ہے، وہ بڑے ہو کر فیصلوں میں اعتماد کھو دیتے ہیں۔

فرمانبرداری اور جذباتی صحت میں فرق سمجھیں

ایک دلچسپ انکشاف یہ ہوا ہے کہ بہت زیادہ ”اچھے“ بچے دراصل والدین کو خوش کرنے کے لیے اپنے جذبات دبا رہے ہوتے ہیں، اس کے برعکس وہ بچے جو اپنی رائے دیتے ہیں، ذہنی طور پر زیادہ محفوظ اور پُراعتماد ہوتے ہیں۔

ہر وقت تنقید یا تعریف سے گریز کریں

مسلسل “شاباش” یا تنقید کرنے سے بچے کو لگتا ہے کہ وہ ہر وقت جانچا جا رہا ہے۔ نتیجے میں وہ صرف وہی کام کرتا ہے جس پر اسے داد ملے۔ بہتر یہ ہے کہ اس کی کوشش کو سراہا جائے اور اس کے احساسات کو سمجھا جائے۔

غیر ضروری ردعمل کم کریں

ہر بات پر فوری ردعمل دینے سے بچہ اپنی سوچنے کی صلاحیت کھو دیتا ہے۔ والدین کو چاہیے کہ وہ رہنمائی کے ساتھ ساتھ بچے کو خود سمجھنے کا وقت بھی دیں۔

خلوص کے ساتھ جذباتی تعلق بنائیں

بچے آسانی سے پہچان لیتے ہیں کہ والدین واقعی ان کو سمجھ رہے ہیں یا صرف دکھاوا کر رہے ہیں۔ اس لیے ضروری ہے کہ والدین سچے دل سے بچے کے جذبات کو اہمیت دیں۔

عالمی ادارہ صحت (ڈبلیو ایچ او) کی ایک رپورٹ کے مطابق، جن بچوں کو بچپن میں جذباتی تحفظ نہیں ملتا، ان میں بڑے ہو کر بے چینی اور ڈپریشن کے امکانات 40 فیصد زیادہ ہوتے ہیں۔

نیورو سائنس کے مطابق جب بچہ اپنے جذبات کو خود پہچانتا ہے، تو اس کے دماغ کا ’پری فرنٹل کورٹیکس‘ مضبوط ہوتا ہے، جو اسے مستقبل میں بہتر فیصلے کرنے کے قابل بناتا ہے۔

ماہرین کا کہنا ہے کہ تربیت صرف بچے کی نہیں بلکہ والدین کی بھی ہوتی ہے۔ بچے کو بدلنے سے پہلے والدین کو اپنے ’ردعمل دینے کے انداز‘ کو بدلنا ہوگا۔

ماہرین کے مطابق ایک کامیاب انسان وہ نہیں جو صرف اچھے نمبر لائے، بلکہ وہ ہے جو اپنے جذبات کو سمجھتا ہو اور مشکل وقت میں ٹوٹنے کے بجائے دوبارہ کھڑا ہونے کی لچک رکھتا ہو۔

ماہ نور نےایک نجی پوڈ کاسٹ میں گفتگو کرتے ہوئے انکشاف کیا کہ وہ اور علی رضا تقریباً 5 ماہ تک ایک دوسرے کے قریب رہے ہیں۔

ماہ نور کے مطابق، ان کی دوستی کا آغاز سوشل میڈیا سے ہوا جس کے بعد وہ مختلف تقریبات میں ایک ساتھ دیکھے گئے۔

انہوں نے بتایا کہ جب علی رضا ایک ڈرامہ میں کام کر رہے تھے، تب وہ اکثر ملاقاتیں کیا کرتے تھے، سوشل میڈیا پر بات چیت کرتے تھے اور مختلف ایونٹس میں بھی اکٹھے نظر آتے تھے۔ انہیں علی رضا دنیا کے بہترین انسان لگتے تھے۔

ماہ نور مرزا کا کہنا ہے کہ جیسے ہی علی رضا کو ملک گیر شہرت ملی، ان کے رویے میں تبدیلی آگئی۔

انفلوئنسر نے الزام لگایا کہ اداکار نے اچانک رابطہ ختم کر دیا اور پیغامات کا جواب دینا بند کر دیا۔

ماہ نور کے مطابق علی رضا اس وقت شادی شدہ نہیں تھے۔ ابتدا میں علی رضا کا رویہ بہت اچھا تھا، لیکن وقت کے ساتھ سب کچھ بدل گیا۔

انہوں نے یہ بھی اشارہ دیا کہ اب اداکار کسی اور کے ساتھ تعلق میں ہو سکتے ہیں، جن کے ساتھ ان کی آن اسکرین جوڑی کو مداح بے حد پسند کر رہے ہیں۔

ماہ نور مرزا کے اس کے بعد انٹرنیٹ صارفین کی جانب سے ملا جلا ردِعمل سامنے آ رہا ہے۔ کچھ لوگ اس معاملے کو نجی رکھنے کا مشورہ دے رہے ہیں جبکہ کچھ صارفین اسے صرف توجہ حاصل کرنے کا ذریعہ قرار دے رہے ہیں۔

واضح رہے کہ اداکار علی رضا نے اپنے کامیاب ڈراموں کے بعد خوب شہرت حاصل کی۔ اس وقت وہ نئے پراجیکٹ میں کام کر رہے ہیں اور ان کے مداح انہیں ساتھی اداکارہ کے ساتھ خوب پسند کررہے ہیں۔

’دھُرندھر‘ نے بھارت میں باکس آفس کے تمام سابقہ ریکارڈ توڑ دیے ہیں۔ فلم نے بھارت میں تقریباً 959 کروڑ بھارتی روپے اور دنیا بھر میں 1,523 کروڑ بھارتی روپے کی کمائی کی، جس نے آدتیہ دھر کے کیریئر کو آسمان کی بلندیوں پر پہنچا دیا۔

اس شاندار کامیابی کے بعد جہاں آدتیہ ایک مختصر وقفے کی تیاری کر رہے ہیں، وہی ان کے مستقبل کے تین بڑے پروجیکٹس کی خبروں نے مداحوں میں جوش و خروش پیدا کر دیا ہے۔

بھارتی میڈیا رپورٹس کے مطابق، آدتیہ دھر ایک بار پھر رنویر سنگھ کے ساتھ ہاتھ ملانے جا رہے ہیں۔ اس بار وہ کسی ایکشن فلم کے بجائے ’موریا سلطنت‘ کے بانی چندر گپت موریا کی زندگی پر مبنی ایک بڑے پیمانے کی تاریخی فلم بنانے کا ارادہ رکھتے ہیں۔

رنویر سنگھ، جو پہلے ہی ’پدماوت‘ اور ’باجی راؤ مستانی‘ جیسی فلموں میں اپنی اداکاری کا لوہا منوا چکے ہیں، اس کردار کے لیے آدتیہ کی پہلی پسند ہیں۔

آدتیہ دھر کا پروجیکٹ ”دی ام مورٹل آشوواتھما“ ( جو بجٹ کی کمی کے باعث روک دیا گیا تھا، اب دوبارہ شروع ہونے کے قریب ہے۔

”دھُرندھر“ فرنچائز سے ہونے والے بھاری منافع کے بعد پروڈیوسرز اب اس بڑے بجٹ کی فلم پر سرمایہ کاری کے لیے تیار ہیں۔

اس کے علاوہ آدتیہ ایک اسپورٹس ڈرامہ فلم پر بھی کام کر رہے ہیں، جس کی تفصیلات ابھی خفیہ رکھی گئی ہیں۔

ہدایتکار اگلی فلم شروع کرنے سے پہلے ایک چھوٹا سا وقفہ لیں گے تاکہ نئے منصوبوں پر بھرپور توجہ دے سکیں۔

دھُرندھر 2 کی کامیابی کے بعد، ان کا اگلا پروجیکٹ پہلے سے بھی بڑا اور شاندار ہونے کی توقع ہے۔

”دھُرندھر 2“ کی مقبولیت کے طوفان کو دیکھتے ہوئے اکشے کمار کی آنے والی فلم ”بھوت بنگلہ“ کی ریلیز کی تاریخ بھی آگے بڑھا دی گئی ہے۔

پروڈیوسر ایکتا کپور اور ڈسٹری بیوٹرز کا ماننا ہے کہ ’دھُرندھر 2“’ کو اپنا پورا موقع ملنا چاہیے، جس کے باعث اب ’بھوت بنگلہ‘ 10 اپریل کے بجائے 16 اپریل کو سینما گھروں کی زینت بنے گی۔

خواتین کے لیے چہرے کے بال ایک بڑی پریشانی اور شرمندگی کا سبب بنتے ہیں۔ باریک اور ہلکے بال تو عام بات ہے، لیکن اگر بال موٹے اور گہرے رنگ کے ہوں تو یہ کسی اندرونی طبی مسئلے کی نشاندہی بھی کر سکتے ہیں۔

مثال کے طور پر، ہرسوٹزم ، پولی سسٹک اووری سنڈروم کی عام علامات میں سے ایک ہے۔ اس میں مردوں جیسے حصوں (جیسے جبڑا، ٹھوڑی اور اوپری ہونٹ) پر گھنے بال اگتے ہیں۔ یہ جسم میں مردانہ ہارمون (اینڈروجن) کی زیادتی کی وجہ سے ہوتا ہے۔

ماہرینِ جلد کے مشوروں نے روایتی طریقوں جیسے ویکسنگ اور تھریڈنگ کے مقابلے میں ’فیشل شیونگ‘ کو ایک محفوظ اور سائنسی متبادل کے طور پر متعارف کرایا ہے۔

دہلی کی معروف ڈرماٹولوجسٹ ڈاکٹر گروین وریچ نے چہرے کے بال ہٹانے کے لیے شیو کو سب سے آسان اور محفوظ ترین طریقہ قرار دیا ہے۔

ڈاکٹر گروین وریچ کے مطابق، چہرے کی شیو کرنا نہ صرف وقت کی بچت ہے بلکہ یہ جلد کے لیے سب سے کم تکلیف دہ عمل بھی ہے۔

ماہرین کے مطابق شیو صرف بال ہی نہیں ہٹاتی بلکہ جلد کی بالائی مردہ تہہ کو بھی صاف کرتی ہے۔ اسے ’فزیکل ایکسفولی ایشن‘ کہتے ہیں۔ اس سے اسکن کیئر مصنوعات جلد میں بہتر طریقے سے جذب ہوتی ہیں اور میک اپ زیادہ ہموار نظر آتا ہے۔

ایک عام خیال ہے کہ شیونگ سے خواتین کے بال بھی مردوں کی طرح سخت اور تیزی سے اگنے لگتے ہیں، ڈاکٹر گروین انہوں نےاس غلط فہمی کو مسترد کرتے ہوئے کہا کہ شیو کرنے سے بال نہ تیزی سے بڑھتے ہیں اور نہ ہی سخت آتے ہیں۔ ساتھ ہی انہوں نے چہرہ شیو کرنے کا درست طریقہ بھی بتایا تاکہ جلن، کٹ اورسرخی سے بچا جا سکے۔

خشک چہرے پر کبھی شیو نہ کریں

ڈاکٹر کے مطابق کبھی بھی خشک جلد پر شیو نہیں کرنی چاہیے۔ اگرچہ آپ کو لگ سکتا ہے کہ اس سے صاف شیو ملے گی، لیکن جلد پر براہِ راست بلیڈ رگڑنے سے سرخی، سوزش اور خراشیں پڑ سکتی ہیں۔

اس لیے شیو سے پہلے جیل، شیونگ فوم یا موئسچرائزر استعمال کریں تاکہ ریزر آسانی سے چلے اور جلد نرم و ملائم رہے۔ آپ ایلو ویرا بھی استعمال کر سکتی ہیں جو ٹھنڈک اور سکون فراہم کرتا ہے۔

بالوں کی نیچرل سمت میں شیو کریں

اکثر خواتین جلدی یا بہتر صفائی کے چکر میں بالوں کی مخالف سمت میں شیو کرتے ہیں، جو کہ سراسر غلط ہے۔ ڈاکٹر وریچ کے مطابق ہمیشہ بالوں کے اگنے کی سمت میں شیو کریں۔

اس سے نہ صرف جلن کم ہوتی ہے بلکہ کٹ لگنے، ریزر برن، جلد کے اندر اگنے والے بال اور دانوں کے بننے کا خطرہ بھی ختم ہو جاتا ہے۔ جو تکلیف دہ ہو سکتے ہیں اور جلد پر نشان چھوڑ سکتے ہیں۔

شیو کے دن ایکٹو اسکن کیئر سے پرہیز کریں

ماہر نے مشورہ دیا کہ شیو یا ویکس کے دن ایکٹو اجزاء والی سکن کیئر مصنوعات استعمال نہ کریں۔

جس دن آپ چہرے کے بال صاف کریں، اس دن ریٹینول یا اے ایچ اے/بی ایچ اے جیسے تیز اجزاء والی کریموں کے استعمال سے مکمل گریز کریں۔

شیو کے بعد جلد کے مسام کھل جاتے ہیں اور وہ انتہائی حساس ہو جاتی ہے، اس لیے صرف سادہ موئسچرائزر لگائیں۔ کیمیائی مصنوعات کا استعمال اگلے دن سے شروع کیا جا سکتا ہے۔ جبکہ ویکس کی صورت میں چند دن انتظار کرنا بہتر ہے۔

ضروری احتیاطی تدابیر

خواتین کو چہرے کے لیے چہرے کے لیے مردوں والے عام ریزر کی بجائے مخصوص ’فیشل ریزر‘ یا ’ٹِنکل ریزر‘ استعمال کرنا چاہیے۔ اس کا بلیڈ چھوٹا اور یک طرفہ ہوتا ہے جو خاص طور پر چہرے کی نازک جلد اور باریک بالوں کے لیے ڈیزائن کیا جاتا ہے۔

ماہرینِ جلد اکثر مشورہ دیتے ہیں کہ شیو شام یا رات کے وقت کرنی چاہیے۔ اس کی وجہ یہ ہے کہ شیو کے بعد جلد کو آرام کے لیے 7 سے 8 گھنٹے مل جاتے ہیں اور سورج کی روشنی یا پسینہ جلد کو فوری طور پر متاثر نہیں کرتا۔

چونکہ شیو کے بعد جلد کی نئی تہہ اوپر آتی ہے، اس لیے وہ سورج کی شعاعوں کے لیے زیادہ حساس ہو جاتی ہے۔ اگلے دن ایس پی ایف 30 یا اس سے زیادہ کا سن اسکرین لگانا لازمی ہے تاکہ پگمنٹیشن یا دھبوں سے بچا جا سکے۔

ایک ہی ریزر کو بار بار استعمال کرنا انفیکشن اور دانوں کا باعث بنتا ہے۔ ہر 3 سے 4 بار کے استعمال کے بعد ریزر تبدیل کر دینا چاہیے اور ہر استعمال کے بعد اسے الکحل سے صاف کرنا چاہیے۔

اگر آپ مہنگے بیوٹی پارلرز اور ویکسنگ کے درد سے چھٹکارا پانا چاہتی ہیں تو ان طبی اصولوں کے ساتھ فیشل شیونگ ایک جدید اور سائنسی انتخاب ہے۔

جہاں پہلے صارفین پلاسٹک بوتلوں میں موجود عام صابن اور باڈی واش خریدتے تھے، وہیں اب ان کا رحجان چھوٹے پیمانے پر تیار کیے گئے کاغذ میں لپٹے ہینڈ میڈ صابن اور قدرتی اجزاء سے بنے پروڈکٹس کی طرف بڑھ چکا ہے جو شفافیت اور جلد کی حفاظت کا وعدہ کرتے ہیں۔

2026 کے آغاز میں آن لائن سرچ ٹرینڈز میں بھی ”ہینڈ میڈ صابن“ اور ”ایسنشل آئل صابن“ جیسے الفاظ کی مقبولیت میں نمایاں اضافہ دیکھا گیا، جو اس بات کی نشاندہی کرتا ہے کہ لوگ اب اپنی جلد پر لگنے والی چیزوں کے بارے میں زیادہ محتاط ہو گئے ہیں۔

ماہرین کے مطابق یہ رجحان صرف فیشن یا خوبصورتی تک محدود نہیں بلکہ اس کے پیچھے شعور کی بیداری کارفرما ہے۔

اب لوگ یہ جاننا چاہتے ہیں کہ ان کی جلد پر استعمال ہونے والی مصنوعات میں کون سے اجزاء شامل ہیں اور ان کے جسم اور ماحول پر کیا اثرات مرتب ہوتے ہیں۔

کیلیفورنیا میں قائم ایک زیتون فارم کے مالک اور ہینڈ میڈ صابن بنانے والے ماہر، پیٹرک مارٹن کے مطابق صارفین اب لیبل پڑھنے لگے ہیں اور سوال اٹھا رہے ہیں کہ صابن میں موجود کیمیکلز، مصنوعی خوشبوئیں اور رنگ واقعی ضروری ہیں یا نہیں۔ ان مصنوعی رنگ اور ’پرفیوم‘ کے نام پر چھپے کیمیکلز جلد پر کیا اثرات مرتب کر رہے ہیں۔

زیادہ تر بڑے برانڈز کے صابن میں مصنوعی خوشبو، سلفیٹس اور کیمیکلز شامل ہوتے ہیں، جو جلد کی قدرتی نمی ختم کر دیتے ہیں اور خشک یا حساس کر سکتے ہیں۔ اس کے علاوہ پلاسٹک کی بوتلیں بھی ہر خریداری کے ساتھ فضلے میں شامل ہو جاتی ہیں۔

اس کے برعکس، ہاتھ سے بنے صابن قدرتی تیل، پودوں کے اجزاء اور ایسنشل آئلز سے تیار کیے جاتے ہیں۔

اکثر یہ کاغذ میں لپٹے ہوتے ہیں یا بغیر پیکج کے فروخت کیے جاتے ہیں، جس سے پلاسٹک کے استعمال میں کمی آتی ہے۔ ان کے اجزاء اکثر ماحول دوست طریقے سے حاصل کیے جاتے ہیں۔

بہترین ہینڈ میڈ صابن کیسے منتخب کریں؟

کمرشل صابن سے ہاتھ سے بنے صابن پر منتقل ہونا آسان ہے، لیکن یہ جاننا ضروری ہے کہ کون سا صابن آپ کی جلد کے لیے بہتر ہے۔

سب سے پہلے اجزاء کی فہرست دیکھیں۔ ایسے صابن کو ترجیح دیں جس میں قدرتی تیل شامل ہوں یہ جلد کی قدرتی نمی ختم کیے بغیر اسے نمی اور غذائیت فراہم کرتے ہیں ۔

خوشبو کے لیے ایسنشل آئل استعمال کریں جیسے لیونڈر (راحت کے لیے)، پودینے کا تیل (تازگی کے لیے) یا سنترہ (چمک کے لیے)، جو مصنوعی خوشبو کی طرح جلد کو حساس نہیں کرتے۔

پیٹرک مارٹن کے مطابق، ”زیتون کا تیل خاص طور پر نرم ہوتا ہے اور وٹامنز اور اینٹی آکسیڈنٹس سے بھرپور ہوتا ہے۔ یہی وجہ ہے کہ ہم اپنے صابن میں اپنے فارم سے حاصل شدہ زیتون کا تیل استعمال کرتے ہیں۔ یہ صابن کریمی جھاگ دیتا ہے اور جلد کو خشک یا کھچکچا محسوس نہیں ہونے دیتا۔“

صابن منتخب کرتے وقت سلفیٹس (جیسے سوڈیم لورل سلفیٹ)، مصنوعی خوشبو اور مصنوعی رنگوں سے پرہیز کریں، کیونکہ یہ صرف صابن کی شکل یا شیلف لائف کے لیے ہوتے ہیں اور جلد کے لیے نقصان دہ ہو سکتے ہیں۔

اپنی جلد کی قسم کے مطابق صابن کا انتخاب کریں۔ خشک جلد کے لیے زیتون، ایووکاڈو یا شیا بٹر والے صابن، چکنی یا مہاسوں والی جلد لے لیے ٹی ٹری آئل یا ایکٹیویٹڈ چارکول والے صابن اور حساس جلد میں بغیر خوشبو یا ہلکی خوشبو والے صابن کااستعمال مناسب ہوتا ہے۔

استعمال کے بعد اگر جلد میں کھنچاؤ، سرخی یا خارش محسوس ہو تو اس کا مطلب ہے کہ صابن بہت ہارڈ ہے۔ اچھا ہینڈ میڈ صابن جلد کو صاف، نرم اور آرام دہ رکھتا ہے۔

ماہرین کا ماننا ہے کہ قدرتی اور ہاتھ سے تیار کردہ صابن کی بڑھتی ہوئی مقبولیت اس بات کا ثبوت ہے کہ لوگ اب اپنی جلد کے ساتھ ساتھ ماحول کی حفاظت کو بھی اہمیت دے رہے ہیں اور یہی رجحان مستقبل میں مزید مضبوط ہوتا دکھائی دے رہا ہے۔

باڈوانجن ایک روایتی چینی ورزش ہے جو آٹھ مخصوص حرکات پر مشتمل ہے۔ اس ورزش کی خاص بات یہ ہے کہ اس میں جسمانی لچک، گہرے سانس لینے کی مشقیں اور ذہنی توجہ کا ایک خوبصورت امتزاج پایا جاتا ہے۔ یہ دیگر ورزشوں کے مقابلے میں انتہائی دھیمی رفتار سے کی جاتی ہے، جس میں کسی قسم کے مہنگے سامان یا جم جانے کی ضرورت نہیں ہوتی۔ آپ اسے گھر کے کسی بھی کونے میں صرف 10 سے 15 منٹ دے کر آسانی سے انجام دے سکتے ہیں۔

جدید طبی تحقیق اور اس کے نتائج

جرنل آف دی امریکن کالج آف کارڈیالوجی میں شائع ہونے والی ایک انتہائی اہم اور جدید طبی تحقیق ان مشقوں کی اہمیت کو اجاگر کرتی ہے۔ یہ دنیا کے معتبر ترین طبی رسائل میں سے ایک ہے، جو خاص طور پر دل کی صحت اور امراضِ قلب سے متعلق جدید ترین تحقیقات شائع کرتا ہے۔

اس حالیہ جامع کلینیکل ٹرائل میں 40 سال سے زائد عمر کے ایسے افراد کو شامل کیا گیا جن کا بلڈ پریشر خطرے کی حد کے قریب تھا۔ تحقیق کے نتائج نے طبی ماہرین کو حیران کر دیا کیونکہ باڈوانجن کرنے والے افراد کے بلڈ پریشر میں ویسی ہی کمی دیکھی گئی جو عام طور پر تیز چہل قدمی یا بعض صورتوں میں ہائی بلڈ پریشر کی ابتدائی ادویات کے استعمال سے حاصل ہوتی ہے۔ تین ماہ سے ایک سال تک اس مشق کو جاری رکھنے والے افراد کے بلڈ پریشر کے اعداد و شمار میں نمایاں بہتری ریکارڈ کی گئی۔

یہ ورزش جسم پر کیسے اثر انداز ہوتی ہے؟

ماہرین کا کہنا ہے کہ باڈوانجن کی افادیت اس کے کثیر الجہتی اثرات میں چھپی ہے۔ جب انسان دھیمی حرکات کے ساتھ اپنے سانس کو قابو میں رکھتا ہے، تو اس سے جسم میں خون کی گردش بہتر ہوتی ہے اور اسٹریس پیدا کرنے والے ہارمونز کی سطح گر جاتی ہے۔ یہ عمل نہ صرف دل کے پٹھوں کو مضبوط بناتا ہے بلکہ اعصابی نظام کو بھی سکون فراہم کرتا ہے، جو بلڈ پریشر کو قابو میں رکھنے کے لیے بنیادی اہمیت رکھتا ہے۔

اکثر لوگ سخت ورزشیں شروع تو کر دیتے ہیں لیکن وقت کی کمی یا تھکن کی وجہ سے انہیں برقرار نہیں رکھ پاتے۔ باڈوانجن کی سب سے بڑی خوبی اس کا سادہ ہونا ہے، جس کی وجہ سے لوگ اسے طویل عرصے تک اپنی روزمرہ زندگی کا حصہ بنائے رکھتے ہیں۔

یہ ورزش خاص طور پر ان عمر رسیدہ افراد یا مصروف لوگوں کے لیے بہترین ہے جو جم کی بھاری ورزشیں نہیں کر سکتے۔ اسے سیکھنا انتہائی آسان ہے اور ایک بار سیکھ لینے کے بعد اسے کسی نگرانی کے بغیر بھی گھر پر کیا جا سکتا ہے۔

باڈوانجن کی بنیاد ان آٹھ مخصوص اور متوازن حرکات پر ہے جو انسانی جسم، سانس اور ذہن کو ایک لڑی میں پرو دیتی ہیں۔ اس قدیم چینی ورزش کا آغاز بالکل سیدھا کھڑا ہو کر کیا جاتا ہے، جس میں دونوں پاؤں کے درمیان کندھوں جتنا فاصلہ رکھنا ضروری ہے تاکہ جسمانی توازن برقرار رہے۔ اس مشق کی اصل روح ان آٹھ موومنٹس میں پوشیدہ ہے جنہیں انتہائی دھیمی رفتار اور نرمی کے ساتھ انجام دیا جاتا ہے، جس میں کسی بھی قسم کی جلد بازی یا جسمانی جھٹکے سے مکمل گریز کیا جاتا ہے۔

اس ورزش کا سب سے اہم اور فکری پہلو سانس کی ہم آہنگی ہے، جہاں ہر جسمانی حرکت کو ڈیپ بریتھنگ یعنی گہرے سانسوں کے ساتھ جوڑا جاتا ہے۔ یہ عمل نہ صرف پھیپھڑوں کی کارکردگی بہتر بناتا ہے بلکہ اعصابی نظام کو بھی سکون فراہم کرتا ہے۔

مشق کے دوران تمام تر توجہ (مینٹل فوکَس) توازن اور جسم کو ڈھیلا چھوڑنے پر مرکوز رکھی جاتی ہے، جو ذہنی تناؤ کو کم کرنے میں کلیدی کردار ادا کرتی ہے۔ اگر روزانہ کسی پرسکون ماحول میں محض 10 سے 15 منٹ اس ترتیب پر عمل کیا جائے، تو یہ سادہ سی عادت ہائی بلڈ پریشر کو قدرتی طور پر قابو کرنے کا ایک مستقل اور پائیدار ذریعہ بن سکتی ہے۔

گھر پر آغاز کرنے کا طریقہ

اس قدیم مشق کو شروع کرنے کے لیے کسی خاص تیاری کی ضرورت نہیں ہوتی۔ آپ سیدھے کھڑے ہو کر، اپنے پاؤں کے درمیان کندھوں جتنا فاصلہ رکھ کر دھیمی اور نرم حرکات کا آغاز کر سکتے ہیں۔ ہر حرکت کو گہرے اور متوازن سانس کے ساتھ جوڑنا ضروری ہے تاکہ جسم اور ذہن ایک ہی سمت میں کام کریں۔ روزانہ صرف 10 سے 15 منٹ کا پرسکون ماحول میں کیا گیا یہ عمل آپ کی دل کی صحت کو بہتر بنانے میں ادویات کا ایک بہترین معاون ثابت ہو سکتا ہے۔

ریما خان ان دنوں امریکہ میں مقیم ہیں۔ انہوں نے حال ہی میں سوشل میڈیا پر اپنی ایک ویڈیو میں ”خاموشی“ کو سب سے بڑا ہتھیار قرار دیا ہے۔

سوشل میڈیا صارفین کا دعویٰ ہے کہ یہ مشورہ براہِ راست اداکارہ ریشم کے لیے ہے، جو ان دنوں دیدار کے الزامات کا جواب دینے میں مصروف ہیں۔

ریما خان نے اپنی ویڈیو میں زندگی کے تلخ تجربات کا نچوڑ پیش کرتے ہوئے کہا: ’زندگی نے مجھے بہت کچھ سکھایا ہے، مگر ایک سبق خاص طور پر یادگار رہا کہ ہر لڑائی لڑنے کے قابل نہیں، ہر بحث عزت نہیں بڑھاتی اور ہر شخص توجہ کے قابل نہیں ہوتا۔‘

انہوں نے مزید کہا کہ ’زندگی سے یہ سیکھیں کہ کب خاموش رہنا سب سے طاقتور فیصلہ ہوتا ہے۔ کچھ فیصلے وقت پر چھوڑ دیں اور اپنی توانائیاں غلط لوگوں پر ضائع نہ کریں۔ کیونکہ کبھی کبھی خاموشی ہی سب سے طاقت ور جواب ہوتا ہے۔‘

ریما نے اپنی پوسٹ میں لکھا، ’خاموشی کمزوری نہیں ہوتی، یہ طاقت، حکمت اور کنٹرول سے بھری ہوتی ہے۔ یہ وہاں جیتتی ہے جہاں شور ناکام ہو جاتا ہے۔‘

یہ ویڈیو سوشل میڈیا پر خاص طور پر اس وقت زیرِ بحث آئی ہے جب اداکارہ ریشم اور دیدار کے درمیان تنقیدی پیغامات اور جوابی تبصرے سامنے آئے۔

اداکارہ دیدار نے ایک ٹی وی شو میں ریشم پر سنگین الزامات عائد کرتے ہوئے انہیں حقیقی زندگی میں ایک ”منفی انسان“ قرار دیا اور دعویٰ کیا کہ انہوں نے کئی گھر برباد کیے۔

ان الزامات کے جواب میں ریشم نے بھی سخت ردِعمل دیتے ہوئے کہا کہ لوگ ان کے فلاحی کاموں، خاص طور پر لنگر کے کام، سے حسد کرتے ہیں۔ انہوں نے کہا کہ بعض افراد کی اپنی شناخت نہیں ہوتی اور دوسروں کے نام کے سہارے پہچانے جاتے ہیں۔

سوشل میڈیا صارفین کے خیال میں ریما خان کا مشورہ بالواسطہ طور پر ریشم کے لیے تھا، جبکہ دیگر نے کہا کہ یہ مشورہ واقعی بہت لوگوں کے لیے قیمتی اور سبق آموز ہے۔

اکثر ایسا ہوتا ہے کہ صبح خریدا گیا تازہ دودھ چند گھنٹوں میں ہی پھٹ جاتا ہے، جس سے اس مہنگائی کے دور میں مالی نقصان بھی اٹھانا پڑتا ہے۔

ماہرین کے مطابق زیادہ درجہ حرارت میں بیکٹیریا تیزی سے بڑھتے ہیں، جو دودھ کو خراب کرنے کی بڑی وجہ بنتے ہیں۔ اگر دودھ کو زیادہ دیر تک کھلا چھوڑ دیا جائے یا صاف برتن میں محفوظ نہ کیا جائے تب بھی یہ جلدی خراب ہوسکتا ہے۔

دودھ کو زیادہ دیر تک محفوظ رکھنے کے لیے ضروری ہے کہ اسے اچھی طرح ابالا جائے۔ ابالنے کے فوراً بعد اسے ٹھنڈا کر کے فریج میں رکھ دینا چاہیے۔ کئی لوگ یہ غلطی کرتے ہیں کہ دودھ کو ابالنے کے بعد باہر ہی چھوڑ دیتے ہیں، جس سے وہ جلد خراب ہو جاتا ہے۔

اس کے علاوہ دودھ کو ہمیشہ ڈھک کر رکھیں اور نکالتے وقت صاف چمچ یا برتن کا استعمال کریں۔ معمولی سی گندگی بھی دودھ کے خراب ہونے کا سبب بن سکتی ہے۔

ایک آسان گھریلو نسخہ بھی اس مسئلے کا حل بن سکتا ہے۔ دودھ ابالتے وقت اگر اس میں ایک چمچ چینی شامل کر دی جائے تو یہ زیادہ دیر تک تازہ رہتا ہے اور جلد خراب نہیں ہوتا، جبکہ اس کے ذائقے میں بھی خاص فرق نہیں پڑتا۔

اگر ان سادہ احتیاطی تدابیر پر عمل کیا جائے تو گرمیوں میں بھی دودھ کو طویل وقت تک محفوظ رکھا جا سکتا ہے اور روزمرہ کے نقصان سے بچا جا سکتا ہے۔

گزشتہ چند سالوں سے پاکستانی شوبز انڈسٹری میں جاری ہتکِ عزت اور ہراسانی کے ہائی پروفائل کیس کا ڈراپ سین ہوگیا۔ 31 مارچ کو سیشن کورٹ کی جانب سے سنائے گئے فیصلے میں گلوکار علی ظفر کو الزامات سے بری کر دیا گیا، جبکہ میشا شفیع پر بھاری جرمانہ عائد کیا گیا ہے۔

عدالت کے مطابق میشا شفیع اپنے دعوؤں کے حق میں ٹھوس شواہد پیش کرنے میں ناکام رہیں اور متعدد مواقع کے باوجود عدالت میں پیش بھی نہ ہوئیں۔ دوسری جانب علی ظفر نے اپنے گواہان اور شواہد مکمل طور پر عدالت کے سامنے پیش کیے۔

عدالتی فیصلے میں میشا شفیع پر علی ظفر کی ساکھ کو نقصان پہنچانے کے الزام میں 50 لاکھ روپے جرمانہ بھی عائد کیا گیا۔

فیصلے کے بعد علی ظفر نے سوشل میڈیا پلیٹ فارم انسٹاگرام پر اپنا پہلا ردِعمل دیتے ہوئے کہا کہ وہ اس مشکل وقت میں سچ کا ساتھ دینے والوں کے شکر گزار ہیں۔ بالآخر انصاف کی جیت ہوئی۔

ان کا کہنا تھا کہ ا س وقت ان کے دل میں جیت کا غرور نہیں بلکہ صرف عاجزی اور شکر گزاری کے جذبات ہیں۔

گلوکار نے مزید واضح کیا کہ وہ کسی کے لیے بھی دل میں کینہ یا برے جذبات نہیں رکھتے اور اب اس معاملے کو ختم سمجھتے ہیں۔

یا درہے کہ میشا شفیع نے 2018 میں علی ظفر پر ایک سے زائد بار جنسی ہراسانی کے الزامات عائد کیے تھے، جنہیں علی ظفر نے مسترد کرتے ہوئے ہتکِ عزت کا دعویٰ دائر کیا۔

سوشل میڈیا سے شروع ہونے والا یہ کیس طویل عدالتی کارروائی سے گزرا، جس میں متعدد ججز کی تبدیلی اور سینکڑوں پیشیاں ہوئیں، جس کے بعد عدالت نے بالاخراس کیس کا فیصلہ سنا دیا۔

سوشل میڈیا پر بھی اس فیصلے کے بعد علی ظفر کے حق میں بڑی تعداد میں صارفین نے حمایت کا اظہار کیا، جبکہ اس کیس پر مختلف آراء کا سلسلہ تاحال جاری ہے۔

ماضی میں ہیروں کی قیمت اس لیے زیادہ تھی کہ ان کی سپلائی چند مخصوص کمپنیوں کے قبضے میں تھی، جو مارکیٹ میں ہیروں کی کمی برقرار رکھتی تھیں۔ اب ٹیکنالوجی کی بدولت ہیرے بنانا کسی قدرتی کان کنی کا محتاج نہیں رہا، جس سے ہیروں کی ”نایابی“ کا تصور ختم ہو رہا ہے۔

جب آپ ہیرے خریدتے ہیں تو صرف پتھر کی قیمت نہیں ادا کرتے۔ اس میں برانڈ کا نام، مارکیٹنگ، دکاندار کا منافع اور جیولری بنانے کی فیس بھی شامل ہوتی ہے۔

سونے کی عالمی قیمت روزانہ کی بنیاد پر طے ہوتی ہے اور اسے کہیں بھی آسانی سے فروخت کیا جا سکتا ہے، اس کے برعکس ہیرے کی کوئی روزانہ کی قیمت نہیں ہوتی، اس لیے دو بالکل ایک جیسے ہیرے مختلف دکانوں پر مختلف قیمت پر مل سکتے ہیں۔

سب سے بڑا مسئلہ یہ ہے کہ ہیرے بیچنا مشکل ہوتا ہے اور دوبارہ بیچنے پر کم قیمت ملتی ہے۔ زیادہ تر دکاندار ہیرے واپس نہیں لیتے اور اگر لیتے بھی ہیں تو خریداری کی قیمت سے بہت کم دیتے ہیں۔ اس فرق کی وجہ سے ہیرے سرمایہ کاری کے لیے اچھے نہیں ہیں۔

اب لیب میں بنائے گئے ہیرے بھی مارکیٹ میں دستیاب ہیں، جو قدرتی ہیرے کی طرح دکھتے اور محسوس ہوتے ہیں، لیکن انہیں بنانے میں صرف چند گھنٹے لگتے ہیں جبکہ قدرتی ہیرے بننے میں لاکھوں سال لگتے ہیں۔

ان کی پیداوار کی قیمت بھی بہت کم ہے، اس لیے یہ مارکیٹ میں زیادہ سستے ہیں۔ امریکہ میں اب تقریباً 45 فیصد منگنی کی انگوٹھیوں میں لیب میں بنائے گئے ہیرے استعمال ہو رہے ہیں۔

مارکیٹ میں ایک نیا رجحان ’ری سائیکل ڈائمنڈز‘ کا ہے۔ پرانے زیورات سے نکالے گئے ہیرے اب دوبارہ پالش کر کے نئی پیکنگ میں فروخت کیے جا رہے ہیں۔ اس سے نئے نکلنے والے ہیروں کی طلب میں واضح کمی آئی ہے۔

سونا آج بھی سرمایہ کاری کے لیے محفوظ ہے۔ سونے کا ایک واضح ریٹ ہوتا ہے، جبکہ دو ایک جیسے نظر آنے والے ہیروں کی قیمت مختلف دکانوں پر الگ الگ ہو سکتی ہے۔ اس شفافیت کی کمی کی وجہ سے خریدار اکثر مہنگے داموں ہیرا خرید تو لیتا ہے، لیکن اسے اثاثے کے طور پر برقرار نہیں رکھ پاتا۔

حالیہ رپورٹ کے مطابق، سونے کی قیمتوں میں گزشتہ دو سالوں کے دوران 100 فیصد سے زائد اضافہ دیکھا گیا ہے، جبکہ ہیرے کی قیمتیں مسلسل نیچے جا رہی ہیں۔

سونا ایک ’لیکویڈ اثاثہ‘ ہے جسے ضرورت پڑنے پر فوری نقد رقم میں بدلا جا سکتا ہے، جبکہ ہیرا صرف زیور کی حد تک محدود رہ گیا ہے۔

ہیروں کی صنعت اب ایک ایسی تبدیلی سے گزر رہی ہے جہاں اسے ”محفوظ سرمایہ کاری“ کے بجائے صرف ایک ”لگژری کنزیومر پروڈکٹ“ کے طور پر دیکھا جا رہا ہے، اس لیے جو لوگ ہیرے خریدیں، انہیں اسے مالی فائدے کے بجائے اپنی خوشی یا زیورات کے طور پر سمجھنا چاہیے۔

اگر آپ خوبصورتی اور جذبات کے لیے ہیرا خرید رہے ہیں تو یہ بہترین ہے، لیکن اگر آپ کا مقصد مستقبل میں منافع کمانا ہے، تو سونا یا دیگر مالیاتی اثاثے بہتر انتخاب ثابت ہو سکتے ہیں۔

ایسے میں اگر فون چوری ہو جائے تو نہ صرف مالی نقصان ہوتا ہے بلکہ ذاتی معلومات کے غلط استعمال کا خطرہ بھی پیدا ہو جاتا ہےتاہم، جدید ٹیکنالوجی نے اب اس مشکل کو کافی حد تک آسان بنا دیا ہے۔

چوری کے بعد فوری اقدامات

ماہرین کے مطابق جیسے ہی فون چوری یا گم ہونے کا علم ہو، فوری کارروائی کرنا نہایت ضروری ہے۔

سب سے پہلے اپنے موبائل کو ریموٹ طریقے سے لاک یا بلاک کریں تاکہ کوئی بھی آپ کے ڈیٹا تک رسائی حاصل نہ کر سکے۔ اس کے ساتھ ساتھ اپنے موبائل سے منسلک اکاؤنٹس جیسے ای میل، بینکنگ ایپس اور سوشل میڈیا کے پاس ورڈ بھی فوراً تبدیل کریں۔

آئی ایم ای آئی نمبر اور ٹریکنگ سسٹم

ہر موبائل فون کا ایک منفرد آئی ایم ای آئی نمبر ہوتا ہے جو اس کی شناخت کے لیے استعمال ہوتا ہے۔

ماہرین کا کہنا ہے کہ اسی نمبر کے ذریعے چوری شدہ فون کو ٹریک کیا جا سکتا ہے۔ اگر یہ نمبر پولیس یا متعلقہ اداروں کو فراہم کیا جائے تو فون کی بازیابی کے امکانات کافی بڑھ جاتے ہیں۔

پولیس اور سائبر سیل کا کردار

ماہرین اس بات پر زور دیتے ہیں کہ قریبی پولیس اسٹیشن میں فوری رپورٹ درج کروانا ضروری ہے۔ سائبرسیل پولیس کی مدد سے ہی ٹیکنالوجی کا استعمال کرتے ہوئے مجرموں تک پہنچتا ہے۔

عالمی ٹیلی کمیونیکیشن رپورٹس اور مستند ذرائع کے مطابق موبائل فونز کی چوری روکنے کے لیے ’ آئی ایم ای آئی نمبر’ کو بلاک کرنا سب سے مؤثر ہتھیار ثابت ہو رہا ہے۔

اگر آپ کا ہینڈ سیٹ بلیک لسٹ ہو جائے تو چور اسے کسی بھی موبائل آپریٹر پر استعمال نہیں کر سکے گا، جس سے فون کی چھین جھپٹ کی حوصلہ شکنی ہوتی ہے۔ بعض کیسز میں بروقت رپورٹنگ سے چند گھنٹوں یا دنوں میں فون برآمد بھی ہو جاتا ہے۔

جدید اسمارٹ فونز کے حفاظتی فیچرز اور ’ای سم‘ کا کردار

ماہرین کا کہنا ہے کہ آئی فون اور سیم سنگ جیسے جدید اسمارٹ فونز میں اب سیکیورٹی کے ایسے فیچرز موجود ہیں جو انٹرنیٹ کے بغیر بھی کام کرتے ہیں۔

مثال کے طور پر آئی فون میں موجود ای سم سسٹم کی بدولت اگر چور فون کو ری سیٹ بھی کر دے اور اس میں کوئی نئی سم ڈالنے کی کوشش کرے تو فوری طور پر فون کی لوکیشن ٹریس ہو جاتی ہے۔

اس کے علاوہ ’فائنڈ مائی ڈیوائس‘ اور کلاؤڈ آئی ڈی جیسے سسٹمز فون کو مالک کی اصل شناخت کے بغیر کھلنے نہیں دیتے۔ لیکن ان تمام فیچرز کا فائدہ تب ہی ممکن ہے جب صارف نے انہیں پہلے سے ایکٹیویٹ کر رکھا ہو۔

احتیاطی تدابیر
یاد رہے کہ فون خریدتے وقت اس کا ڈبہ اور رسید ہمیشہ محفوظ رکھیں، کیونکہ یہی وہ واحد شناخت ہے جو مشکل وقت میں آپ کے قیمتی فون کی واپسی کا ذریعہ بن سکتی ہے۔

ماہرین کا مشورہ ہے کہ پبلک مقامات پر فون استعمال کرتے وقت انتہائی محتاط رہیں۔

ہمیشہ مضبوط بائیو میٹرک لاک (فنگر پرنٹ یا فیس لاک) کا استعمال کریں اور اپنا ڈیٹا باقاعدگی سے کلاؤڈ پر بیک اپ کرتے رہیں تاکہ فون کھو جانے کی صورت میں آپ کی معلومات محفوظ رہیں۔

اپنے فون کا آئی ایم ای آئی نمبر کسی محفوظ جگہ پر لکھ کر رکھیں۔

فون چوری ہونا ایک مشکل صورتحال ضرور ہے، لیکن جدید ٹیکنالوجی، حکومتی اقدامات اور بروقت کارروائی کے ذریعے نہ صرف نقصان کو کم کیا جا سکتا ہے بلکہ فون واپس حاصل کرنے کے امکانات بھی بڑھائے جا سکتے ہیں۔

عید الفطر کے موقع پر اپنی تیسری شادی کا اعلان کرنے والی اداکارہ کی اپنے شوہر کے ساتھ حالیہ ویڈیوز نے انٹرنیٹ پر ایک نئی بحث چھیڑ دی ہے۔

عیدالفطر پر فضا علی نے انسٹاگرام پر اپنی تیسری شادی کا اعلان کیا اور شوہر اور بیٹی فرال کے ساتھ فیملی فوٹو شیئر کی۔ اس کے بعد وہ اکثر اپنے شوہر کے ساتھ رومانوی ویڈیوز اور تصاویر پوسٹ کرتی رہتی ہیں۔

معاملہ اس وقت سنجیدہ ہوگیا جب حال ہی میں فضا علی کی ایک دوست نے پارک میں بنائی گئی ویڈیو شیئر کی، جس میں فضا علی اور ان کے شوہر رومانوی انداز میں نظر آئے۔

ویڈیو کے ساتھ مزاحیہ کیپشن تھا: ”سکون کے لیے پارک گئی تھی مگر یہ سب دیکھنا پڑ گیا۔“

اگرچہ یہ ویڈیو ایک مذاق کے طور پر شیئر کی گئی تھی، لیکن سوشل میڈیا صارفین نے اسے ’سستی شہرت‘ حاصل کرنے کا ذریعہ قرار دے دیا۔

سوشل میڈیا صارفین کی جانب سے سخت ردعمل آیا۔ کئی افراد نے فضا علی پر تنقید کی کہ وہ اپنے شوہر کے ساتھ اس طرح کی رومانوی ویڈیوز پوسٹ کر کے توجہ حاصل کر رہی ہیں۔

کچھ نے لکھا: ”اب وہ دل کی باتیں دکھا رہی ہیں جو برسوں دل میں تھیں۔“ جبکہ کچھ نے طنزاً کہا: ”فضا علی پاگل ہو گئی ہیں۔“

ایک صارف نے لکھا کہ ”فضا علی دوسروں کو سرِ عام رومانس کرنے پر لیکچر دیتی ہیں اور اب خود وہی کچھ کر رہی ہیں۔“ ایک اور تبصرے میں کہا گیا کہ ”شوہر کی اتنی نمائش کی جا رہی ہے کہ کل کو شاید انہی کے خلاف بولتی نظر آئیں۔“

کچھ صارفین نے لکھا کہ شوہر کو اتنی زیادہ نمائش دینے سے مستقبل میں مسائل پیدا ہو سکتے ہیں اور کچھ نے اس بات کی طرف اشارہ کیا کہ فضا علی پہلے دوسروں کو عوامی رومانوی حرکات پر تنقید کا نشانہ بناتی رہی ہیں۔

اس سب کے باوجود، فضا علی نے اپنی ذاتی زندگی کے بارے میں پوسٹنگ جاری رکھی اور یہ واضح کر دیا کہ وہ بغیر کسی جھجک کے اپنی زندگی کا ہر لمحہ سوشل میڈیا پر شیئر کرنا چاہتی ہیں۔

دلچسپ بات یہ ہے کہ 2005 میں جس دور کو گھڑیوں کے زوال کا وقت کہا جا رہا تھا، آج وہی گھڑیاں نوجوانوں کے لیے محض ضرورت نہیں بلکہ ایک ’مقدس فن پارے‘ کی حیثیت اختیار کر چکی ہیں۔

یوٹاہ سے تعلق رکھنے والے 22 سالہ یوٹیوبر ایون فرائی اس بدلتے ہوئے رجحان کی ایک جیتی جاگتی مثال ہیں۔

سی این این کی ایک رپورٹ کے مطابق 2003 میں پیدا ہونے والے ایون کے پاس اب تک 35 سے زائد قیمتی گھڑیاں موجود ہیں۔ ان کے مجموعے کا سب سے بیش قیمت شاہکار ’ٹیگ ہیور کیریرا‘ ہے، جو انہوں نے ہالی ووڈ اسٹار ریان گوسلنگ سے متاثر ہو کر خریدا۔

ایون کا کہنا ہے کہ ”گھڑیاں کسی انسان کی زندگی کی سچی ساتھی ہوتی ہیں، ان میں تاریخ اور یادیں سانس لیتی ہیں۔“

لگژری گھڑیوں کے ری سیل پلیٹ فارم ’بیزل‘ کے مطابق کمپنی کی کل فروخت کا ایک تہائی حصہ (33%) 30 سال سے کم عمر افراد پر مشتمل ہے۔

یہ طبقہ نہ صرف گھڑیاں خرید رہا ہے بلکہ ایک ہی گھڑی پر سب سے زیادہ رقم خرچ کرنے والا گروپ بن چکا ہے۔

’کرونو 24‘ کے ڈیٹا کے مطابق، کلاسک ڈریس واچز (سادہ اور نفیس ڈیزائن) کی خریداری میں 2018 سے اب تک 44 فیصد اضافہ ہوا ہے۔

ماہرین کا ماننا ہے کہ چونکہ یہ نسل مکمل طور پر ڈیجیٹل ماحول میں پلی بڑھی ہے، اس لیے ان میں ایسی چیزوں کی تڑپ زیادہ ہے جنہیں چھوا جا سکے اور جو پائیدار ہوں۔

’ٹیا کلیکٹو‘ کی مالکہ ڈاہین لی کا کہنا ہے کہ نوجوان اکثر ایسی گھڑیاں تلاش کرتے ہیں جو ان کی دادی یا نانی پہنا کرتی تھیں۔ یہ ان کے لیے ایک ایسی ماضی کی یاد ہے جس کا وہ خود حصہ نہیں رہے، لیکن وہ اس احساس سے جڑنا چاہتے ہیں۔

آج کل کی گھڑیوں کی دنیا میں ’مردانہ‘ اور ’زنانہ‘ کی تفریق ختم ہوتی جا رہی ہے۔

ایون فرائی بتاتے ہیں کہ انہوں نے چھوٹی اور نازک گھڑیاں پہننا تب شروع کیا جب معروف اداکار ’تیموتھی شالامے‘ کو کارٹئیر پینتھر پہنے دیکھا۔

آسکرز اور دیگر تقریبات میں جب بڑے ستارے خواتین کے ڈیزائن والی گھڑیاں پہن کر جلوہ گر ہوتے ہیں، تو اگلے ہی دن دکانوں پر ان ڈیزائنز کی مانگ میں اضافہ ہو جاتا ہے۔

حیران کن طور پر، اس نسل کے لیے گھڑی کا بنیادی مقصد وقت بتانا نہیں رہا۔ ڈاہین لی کے مطابق، کچھ نوجوان ایسی گھڑیاں بھی خرید لیتے ہیں جو کام نہیں کرتیں، کیونکہ وہ اسے ایک خوبصورت ’بریسلٹ‘ یا زیور کے طور پر پہننا چاہتے ہیں۔

بہت سے 14-15 سالہ نوجوان گھڑی تو خرید لیتے ہیں لیکن فخر سے کہتے ہیں، ”ہمیں تو سوئیوں والی گھڑی سے وقت دیکھنا ہی نہیں آتا۔“

گھڑیوں کی یہ نئی لہر ثابت کرتی ہے کہ اسمارٹ واچز اور اسمارٹ فونز کے اس دور میں بھی، مکینیکل اور کلاسک ڈیزائنز کی اپنی ایک الگ کشش ہے جو نسلوں کے فرق کو مٹا رہی ہے۔

بھارتی پولیس ذرائع کے مطابق یہ کارروائی ایک خاتون اداکارہ کی شکایت پر عمل میں لائی گئی، جس میں الزام عائد کیا گیا کہ ڈائریکٹر نے فلم کی شوٹنگ کے دوران انہیں ہراساں کرنے اور زیادتی کی کوشش کی۔

متاثرہ اداکارہ کے مطابق ڈائریکٹر نے شوٹنگ کے دوران انہیں ایک کارواں میں بلایا، جہاں ان کے ساتھ نامناسب رویہ اختیار کیا گیا۔

خاتون اداکارہ کا بیان پیر کے روز ویمن پولیس اسٹیشن میں ریکارڈ کیا گیا، جس کے بعد پولیس کی فوری کارروائی سے گرفتاری عمل میں لائی گئی۔ حکام کے مطابق مقدمے کا اندراج اور اس سے متعلقہ کارروائیاں مکمل رازداری کے ساتھ انجام دی گئیں۔

یہ مقدمہ کوچی سٹی پولیس نے درج کیا، جبکہ رنجیت اس وقت تھوڈوپوزھا میں پولیس تحویل میں ہیں اور امکان ہے کہ انہیں جلد کوچی منتقل کر دیا جائے گا۔ جہاں ان سے مزید تفتیش کی جائے گی۔

واضح رہے کہ رنجیت اس سے قبل بھی جنسی ہراسانی کے الزامات کا سامنا کر چکے ہیں۔ جسٹس کے ہیمہ کمیٹی کی رپورٹ میں ملیالم فلم انڈسٹری میں ہراسانی اور استحصال کے انکشافات کے بعد ان کا نام بھی سامنے آیا تھا۔

مزید برآں، 2024 میں ایک بنگالی اداکارہ نے بھی ان کے خلاف شکایت درج کروائی تھی، جس میں الزام لگایا گیا کہ 2009 میں ایک فلم میں کام کی پیشکش کے دوران ہدایت کار نے ان کے ساتھ نازیبا سلوک کیا تھا۔ یہ شکایت ای میل کے ذریعے کوچی سٹی پولیس کمشنر کو بھیجی گئی تھی۔

بعد ازاں کیرالہ ہائی کورٹ نے ان کی پیشگی ضمانت کی درخواست نمٹا دی تھی، کیونکہ پولیس اس معاملے کو قابلِ ضمانت جرم کے طور پر دیکھنے پر غور کر رہی تھی۔

کانٹینٹ کریئیٹر نوین گری کے ساتھ ایک حالیہ انٹرویو میں نبیل گبول نے راکیش بیدی کے لیے احترام ظاہر کیا اور کہا کہ ’راکیش بیدی ایک آرٹسٹ ہیں۔ ہمارا دل، ہمارا خون، ہمارا چہرہ ایک جیسا ہوسکتا ہے، میں ان کے ساتھ پرسنل نہیں ہونا چاہتا۔‘

نبیل گبول کا کہنا تھا کہ، راکیش نے ایک انٹرویومیں کہا تھا کہ میں نہیں جانتا کہ نبیل گبول کون ہیں؟ میں نے پاکستان کے سب سیاسی کیریکٹرز کو اپنے ذہن میں رکھا اور پھر ان کی ایکٹنگ کی تو میں ان سے صرف اتنا کہوں گا کہ انہوں کے میرا جو رول پلے کیا ہے اس میں کہیں کہیں سچائی تھی جو میرے ساتھ ہوا ہے۔ لیکن یہ رول پلے کرنے کے بعد آپ یہ نہیں کہہ سکتے کہ 2007 میں لیاری کا ایم این اے میں نہیں کوئی اور تھا۔‘

انہوں نے راکیش بیدی کے لیے مزید کہا کہ۔’ میرا پیغام راکیش بیدی تک پہنچائیں کہ میں انہیں بطور سینئر اداکار بہت عزت دیتا ہوں اور میں ان سے محبت کرتا ہوں۔ لیکن میں اتنا ضرور کہوں گا کہ نبیل گبول چاپلوسی نہیں کرتا تھا، بلکہ وہ بڑا دبنگ اور مضبوط تھا، اس لیے آپ دبنگ رول ادا کرتے تو اچھا لگتا۔’

واضح رہے کہ راکیش بیدی نے وضاحت کی تھی کہ جمیل جمالی کا کردار صرف نبیل گبول کی بنیاد پر نہیں بنایا گیا۔

انہوں نے کہا، “میں نے پاکستانی سیاستدانوں کا عمومی خاکہ بنایا، صرف نبیل گبول کے بارے میں نہیں۔ تاہم، شائقین اکثر اس کردار کو گبول کے ساتھ جوڑ دیتے ہیں، خاص طور پر چونکہ وہ 2007 میں لیاری کے رکن قومی اسمبلی تھے۔

جہاں تنازعات جاری ہیں، دھرندھر 2 باکس آفس پر ریکارڈ توڑ رہی ہے اور صرف 11 دنوں میں پہلے حصے کی کل کمائی سے زیادہ کما چکی ہے۔ فلم میں حقیقت اور خیالی کہانی کے امتزاج نے ناظرین کو خوب کیا ہے۔

حال ہی میں ایک عید اسپیشل شو میں دیدار نے ریشم پر سنگین الزامات عائد کیے تھے۔ انہوں نے دعویٰ کیا تھا کہ ریشم ایک منفی شخصیت کی مالک ہیں اور انہوں نے کئی لوگوں کی زندگیاں برباد کی ہیں۔

دیدار نے یہاں تک کہا کہ ان کا ریشم کے ساتھ تجربہ اچھا نہیں رہا اور لوگوں کو خاص طور پر ان کے دوستوں کو بھی ان سے بچ کر رہنا چاہیے۔

دوسری جانب ریشم نے بھی ایک پروگرام میں ان الزامات کا سخت جواب دیا۔ انہوں نے کہا کہ لوگ ان سے حسد کرتے ہیں اور ان کا وقت ابھی ختم نہیں ہوا۔

ریشم کا کہنا تھا کہ ان کی فلاحی سرگرمیاں، خاص طور پر لنگر، دوسروں کے لیے حسد کا باعث ہیں کیونکہ ہر کوئی یہ کام نہیں کر سکتا۔

ریشم نے دیدار پر تنقید کرتے ہوئے کہا کہ ان کی پہچان ان کی اپنی نہیں بلکہ ان کے خاندان سے جڑی ہوئی ہے اور یہ افسوسناک بات ہے۔

انہوں نے مزید کہا کہ جو فنکار 30 سال سے مسلسل دن رات ڈانس کرتی رہی ہو، مگر اپنی کوئی شناخت نہ بنا سکے اور جب لوگ انہیں ان کی بہن کے حوالے سے پہچانتے ہوں گے تو وہ روز حسد کی آگ میں جلتی ہوں گی۔

انہوں نے مزید کہا کہ اچھا انسان ہمیشہ دوسروں کے بارے میں اچھا ہی بولتا ہے، جبکہ منفی سوچ رکھنے والے لوگ صرف تنقید کرتے ہیں۔

یہ تنازع شوبز انڈسٹری میں ایک نئی بحث کو جنم دے رہا ہے، جہاں دونوں فنکاراؤں کے مداح اپنی اپنی پسندیدہ فنکار کا دفاع کر رہے ہیں۔