سلمان خان نے جمعہ کے روز ممبئی میں سلَم ری ہیبلیٹیشن اتھارٹی (ایس آر اے) کے دفتر کا دورہ کیا، جہاں انہوں نے ادارے کے جدید ڈیٹا کلیکشن اینڈ ویریفکیشن سپورٹ سینٹر (آئی ٹی سرور روم) کا افتتاح کیا۔ اس موقع پر انہوں نے مستحق افراد میں گھروں کی چابیاں بھی تقسیم کیں۔

تقریب کی ویڈیوز سوشل میڈیا پر سامنے آئیں تو مداحوں کی بڑی تعداد سلمان خان کی صحت کے حوالے سے فکرمند نظر آئی۔ ایک صارف نے لکھا، ”وہ بیمار لگ رہے ہیں، اللہ انہیں صحت دے۔“ ایک اور مداح نے کہا، ”لگتا ہے انہیں صحت کا کوئی مسئلہ درپیش ہے۔“ جبکہ ایک صارف نے جذباتی انداز میں سوال کیا، ”میرے کنگ کو کیا ہو گیا؟“

بعض مداحوں کو تو ابتدا میں یقین ہی نہیں آیا کہ ویڈیوز میں نظر آنے والی شخصیت سلمان خان ہیں۔ ایک صارف نے لکھا، ”میں نے پہلے پہل انہیں پہچانا ہی نہیں، پھر ان کے محافظ شیرا کو دیکھا تو یقین آیا کہ یہ سلمان خان ہی ہیں۔“ ایک اور مداح نے کہا، ”کیا سلمان خان خیریت سے ہیں؟“

ایک مداح نے لکھا، ”انہیں دیکھ کر دکھ ہوتا ہے، ان کی آنکھوں سے تھکن صاف نظر آ رہی ہے۔ فلموں میں وہ اکیلے پچاس لوگوں کا مقابلہ کرتے دکھائی دیتے ہیں، لیکن اس وقت ان کی صحت ان پر اثر انداز ہوتی محسوس ہو رہی ہے۔“

تاہم سلمان خان کے کئی مداح ان کے دفاع میں بھی سامنے آئے۔ ایک صارف نے لکھا، ”اپنی عمر کو عوامی طور پر قبول کرنا بہت ہمت کی بات ہے۔ رجنی کانت نے بھی ایسا کیا اور سلمان خان بھی اس بات پر احترام کے مستحق ہیں کہ وہ کیمروں کے سامنے اپنی اصل عمر کے ساتھ نظر آ رہے ہیں۔“

ایک اور مداح نے اپنے پیغام میں کہا، ”دنیا کی ہر خوبصورت چیز وقت کے ساتھ بدل جاتی ہے، لیکن انسان کا کردار، اس کی ایمانداری اور اس کے دل کی خوبصورتی کبھی ختم نہیں ہوتی۔ سلمان خان میں مجھے یہی خوبصورتی نظر آتی ہے۔“

دوسری جانب سلمان خان اپنی نئی فلم ”ماتربھومی“ کی تیاریوں میں مصروف ہیں۔ اس فلم کا نام اس سے قبل ”بیٹل آف گلوان“ تھا اور اطلاعات کے مطابق یہ گلوان وادی میں بھارتی اور چینی افواج کے درمیان ہونے والے تصادم سے متاثر تھی، تاہم بعد میں فلم کے عنوان اور اس کے بعض حصوں میں تبدیلیاں کی گئیں۔

سلمان خان فلمز کے بینر تلے بننے والی اس فلم کی پروڈیوسر سلمیٰ خان ہیں جبکہ اس کی ہدایت کاری اپوروا لاکھیا کر رہے ہیں۔ فلم میں سلمان خان بھارتی فوج کے ایک کرنل کا کردار ادا کر رہے ہیں جبکہ اداکارہ چترانگدا سنگھ بھی اس کا حصہ ہیں۔ اگرچہ فلم کی ریلیز کی تاریخ کا اعلان ابھی نہیں کیا گیا، تاہم پروڈکشن ہاؤس نے اس تاثر کی تردید کی ہے کہ فلم کو سینسر بورڈ کی جانب سے کسی قسم کی رکاوٹ کا سامنا ہے۔

اس فلم کے علاوہ سلمان خان نے سال 2027 کی عید کے لیے بھی ساؤتھ کی مشہور اداکارہ نین تارا کے ساتھ ایک نئی فلم کی تیاری شروع کر دی ہے۔

غیر ملکی خبر رساں ادارے رائٹرز کے مطابق امریکی مارشلز سروس نے ہفتے کے روز دونوں بھائیوں کو امریکی ریاست فلوریڈا کے شہر میامی سے گرفتار کیا۔

دوسری جانب برطانیہ کے کراؤن پراسیکیوشن سروس نے کہا ہے کہ تحقیقات کے دوران چار مزید مبینہ متاثرین کی نشاندہی کے بعد اینڈریو اور ٹرسٹن ٹیٹ کے خلاف مزید مقدمات قائم کیے جائیں گے۔ سی پی ایس کے مطابق یہ الزامات جولائی 2010 سے اگست 2017 کے درمیان برطانیہ میں مبینہ طور پر پیش آنے والے واقعات سے متعلق ہیں۔

سی پی ایس کے مطابق 39 سالہ اینڈریو ٹیٹ اور 38 سالہ ٹرسٹن ٹیٹ کو عصمت دری، جنسی استحصال کے لیے انسانی اسمگلنگ کا انتظام یا اس میں معاونت، جسمانی نقصان پہنچانے اور بچوں کی نامناسب تصاویر سے متعلق جرائم کے الزامات کا سامنا کرنا ہوگا۔

برطانیہ کے کراؤن پراسیکیوشن سروس کے اسپیشل کرائم ڈویژن کے سربراہ میلکم میک ہیفی نے اپنے بیان میں کہا، ”ہم نے اینڈریو اور ٹرسٹن ٹیٹ کے خلاف مزید جرائم کے مقدمات چلانے کا فیصلہ کیا ہے، جن میں عصمت دری، جنسی استحصال کے لیے انسانی اسمگلنگ میں معاونت اور بچوں کی نامناسب تصاویر سے متعلق جرائم شامل ہیں۔“

اینڈریو اور ٹرسٹن ٹیٹ امریکا اور برطانیہ دونوں ملکوں کی شہریت رکھتے ہیں اور اس سے قبل بھی مختلف ممالک میں قانونی کارروائیوں کا سامنا کر رہے ہیں۔ دونوں بھائی دسمبر 2022 سے رومانیہ میں بھی تحقیقات کی زد میں ہیں، جہاں ان کے خلاف متعدد الزامات کی تحقیقات جاری ہیں۔

دونوں بھائیوں نے ہمیشہ اپنے خلاف لگائے گئے تمام الزامات کی تردید کی ہے اور مؤقف اختیار کیا ہے کہ انہوں نے کوئی غیر قانونی کام نہیں کیا۔ ان کا کہنا ہے کہ وہ کسی بھی قسم کے جرم میں ملوث نہیں ہیں۔

اینڈریو ٹیٹ نے سوشل میڈیا پر مردانگی، دولت اور کامیابی سے متعلق اپنے خیالات کے باعث دنیا بھر میں کروڑوں مداح بنائے ہیں، تاہم ان کے متعدد بیانات کو خواتین مخالف قرار دیا جاتا رہا ہے۔ خود اینڈریو ٹیٹ ماضی میں اپنے آپ کو ”خواتین مخالف“ قرار دے چکے ہیں، جس پر انہیں شدید تنقید کا سامنا بھی کرنا پڑا۔

دوسری جانب اینڈریو ٹیٹ کو رواں برس برطانیہ میں چار خواتین کی جانب سے دائر کیے گئے ایک دیوانی مقدمے کا بھی سامنا ہے۔ ان خواتین نے الزام عائد کیا ہے کہ انہیں 2013 سے 2015 کے درمیان جسمانی اور جنسی تشدد کا نشانہ بنایا گیا۔ چاروں خواتین کو قانونی طور پر اپنی شناخت خفیہ رکھنے کی اجازت دی گئی ہے۔ تاہم اینڈریو ٹیٹ ان تمام الزامات کو بے بنیاد قرار دیتے ہیں۔

اینڈریو ٹیٹ کے وکلا نے عدالت میں جمع کرائے گئے اپنے تحریری جواب میں مؤقف اختیار کیا ہے کہ ان کے مؤکل کے خلاف لگائے گئے الزامات جھوٹے ہیں اور تمام جنسی تعلقات دونوں فریقین کی رضامندی سے قائم ہوئے تھے۔

امریکی مارشلز سروس نے تاحال اس معاملے پر کوئی باضابطہ تفصیلی بیان جاری نہیں کیا، تاہم متعدد امریکی ذرائع ابلاغ نے دونوں بھائیوں کی میامی سے گرفتاری کی تصدیق کی ہے۔

اب یہ معاملہ امریکی قانونی کارروائی اور برطانیہ کی جانب سے دائر کی جانے والی حوالگی کی درخواست پر ہونے والے عدالتی فیصلوں سے مشروط ہے۔ اگر برطانیہ کی درخواست منظور کر لی جاتی ہے تو اینڈریو اور ٹرسٹن ٹیٹ کو برطانیہ منتقل کرکے ان کے خلاف نئے مقدمات کی سماعت کی جا سکے گی۔

بھارتی میڈیا رپورٹس کے مطابق سوشل میڈیا پر ایک پوسٹ اورآڈیو کلپ شیئر کیا گیا ہے جو ”ٹائسن بشنوئی اور ارجو بشنوئی“ نامی اکاؤنٹ سے جاری کیا گیا ہے۔ اس اکاؤنٹ سے منسلک افراد نے خود کو جیل میں بند گینگسٹر لارنس بشنوئی کا بھائی ہونے کا دعویٰ کیا ہے۔

مبینہ پوسٹ میں عامر خان اور ان کی اہلیہ گوری اسپرٹ کی شادی پر اعتراض اٹھایا گیا ہے اور کہا گیا ہے کہ جو لوگ ہمارے ملک میں ہماری ثقافت کے خلاف لو جہاد کے نام پر ایسی چیزوں کو بڑھاوا دے رہے ہیں، ہم اسے ہرگز برداشت نہیں کریں گے۔ جو لوگ اسٹار ہونے کے نام پر اس چیز کی حوصلہ افزائی کر رہے ہیں، ہم انہیں خاموش کر دیں گے۔

مبینہ پیغام میں یہ بھی دعویٰ کیا گیا ہے کہ ہم اپنے ملک کے لوگوں سے وعدہ کرتے ہیں کہ جو بھی ایسی چیزوں کو فروغ دے گا، ہم اسے اپنے ہی طریقے سے جواب دیں گے۔

رپورٹس کے مطابق ذرائع کا کہنا ہے کہ ممبئی پولیس کو ابھی تک عامر خان یا ان کی ٹیم کی جانب سے کوئی شکایت موصول نہیں ہوئی ہے۔ پولیس کو اس مبینہ دھمکی کی اطلاع میڈیا سے فیس بک اور وائس نوٹ کے ذریعے بھی ملی ہے، پولیس اس کی تصدیق کر رہی ہے۔ عامر خان کی جانب سے شکایت موصول ہونے کے بعد اس معاملے میں مقدمہ درج کیا جا سکتا ہے۔

یہ دھمکی آمیز پیغام ایسے وقت میں سامنے آیا ہے جب عامر خان اور گوری اسپرٹ نے چند روز قبل ممبئی کے علاقے باندرہ میں واقع اپنی رہائش گاہ پر ایک نجی تقریب میں شادی کی تھی۔ اس شادی میں قریبی رشتہ داروں اور دوستوں نے شرکت کی تھی۔

یاد رہے کہ لارنس بشنوئی گینگ اس سے پہلے بھی بولی ووڈ کی نامور شخصیات کو نشانہ بناتا رہا ہے، جن میں سب سے بڑا نام اداکار سلمان خان کا ہے۔ سلمان خان کو ماضی میں کالے ہرن کے شکار کے معاملے پر اسی گینگ کی طرف سے کئی بار جان سے مارنے کی دھمکیاں مل چکی ہیں اور ان کے گھر پر فائرنگ کا واقعہ بھی پیش آ چکا ہے۔

اس کے علاوہ یہ گینگ کئی نامور گلوکاروں اور تاجروں کو بھی بھتے اور دشمنی کی وجہ سے نشانہ بنا چکا ہے، جس کے بعد اب عامر خان کا نام بھی ان کے نشانے پر آ گیا ہے۔

اکثر لوگ سوشل میڈیا پر گردش کرنے والے غیر مصدقہ نسخوں پر عمل کرتے ہوئے ایسی غلطیاں کر بیٹھتے ہیں جو فائدے کے بجائے نقصان کا سبب بن سکتی ہیں۔ ماہرین کے مطابق صرف مہنگا تیل خرید لینا کافی نہیں ہوتا، بلکہ اپنے بالوں کی قسم کو سمجھنا اور صحیح طریقے سے تیل لگانا ہی اصل فائدہ پہنچاتا ہے۔

بالوں کی نوعیت کے مطابق مناسب تیل کا انتخاب

ماہرین کے مطابق سب سے بڑی غلطی اپنی بالوں کی نوعیت کو سمجھے بغیر تیل کا انتخاب کرنا ہے۔ اکثر لوگ سمجھتے ہیں کہ سوشل میڈیا پر جس تیل کی تعریف کی جا رہی ہو، وہ ان کے لیے بھی بہترین ہے، حالانکہ ایسا نہیں ہے۔ ہر انسان کے بالوں کی ساخت الگ ہوتی ہے۔

ہماری سر کی جلد خود ایک قدرتی تیل بناتی ہے جسے ’سیبم‘ کہتے ہیں۔ جن لوگوں کے بال بہت جلدی چکنے ہو جاتے ہیں، ان کے سر کی جلد یہ تیل زیادہ بناتی ہے۔

اگر آپ کے بال باریک یا چکنے ہیں تو بھاری تیل نقصان پہنچا سکتے ہیں، کیونکہ اس سے بالوں کی جڑیں کمزور ہو سکتی ہیں۔ اس کے لیے آرگن اور جوجوبا آئل بہتر انتخاب ہو سکتے ہیں، جو بالوں کو چپچپا نہیں کرتے۔ اس کے برعکس جن لوگوں کے بال گھنے یا بہت زیادہ خشک ہوتے ہیں، انہیں ناریل اور ایووکاڈو جیسے طاقتور اور غذائیت سے بھرپور تیل استعمال کرنے چاہئیں تاکہ بالوں کا روکھا پن ختم ہو سکے۔

بہت زیادہ مقدار میں تیل ہمیشہ زیادہ فائدہ نہیں دیتا

ایک اور بڑی غلطی یہ کی جاتی ہے کہ اکثر لوگ یہ سوچ کر کہ زیادہ تیل سے زیادہ فائدہ ہوگا سر پر بہت زیادہ مقدار میں تیل تھوپ لیتے ہیں۔ ماہرین کا کہنا ہے کہ چند قطرے تیل ہی بالوں کے لیے کافی ہوتا ہے۔ زیادہ تیل لگانے سے بال بھاری ہو جائیں گے اور کھوپڑی پر چربی کی ایک گندی تہہ جم جائے گی جسے دھونا مشکل ہو جاتا ہے اور اس وجہ سے خشکی اور خارش جیسے مسائل بھی پیدا ہو سکتے ہیں۔

تیل کہاں اور کیسے لگانا چاہیے؟

تیل لگانے کا طریقہ بھی بہت اہمیت رکھتا ہے۔ تیل کو پہلے دونوں ہاتھوں کی ہتھیلیوں میں ہلکا سا گرم کریں، پھر اسے بالوں کے درمیانی حصے اور نچلے سِروں پر لگائیں،کیونکہ یہی حصے خشکی اور دو منہ بالوں کا زیادہ شکار ہوتے ہیں۔ جن لوگوں کا سر پہلے ہی چکنا رہتا ہو، انہیں جڑوں میں تیل لگانے سے گریز کرنا چاہیے۔

سر میں تیل کتنی دیر لگا رہنا چاہیے؟

وقت کے حوالے سے بھی لوگ اکثر غلطی کرتے ہیں اور رات بھر سر میں تیل لگا کر سو جاتے ہیں۔ ماہرین کے مطابق رات بھر تیل چھوڑنے کی کوئی ضرورت نہیں ہوتی، بلکہ بال دھونے سے صرف 30 منٹ یا زیادہ سے زیادہ 2 گھنٹے پہلے تیل لگانا ہی کافی ہے۔ اسی طرح نہانے کے بعد بھی بہت معمولی مقدار میں ہلکے گیلے بالوں پر تیل لگایا جا سکتا ہے تاکہ بالوں کی نمی برقرار رہے اور وہ آسانی سے سنوارے جا سکیں۔

بال لمبے کرنے کے دعوے اور سائنسی حقیقت

سوشل میڈیا پر اکثر یہ دعویٰ کیا جاتا ہے کہ تیل لگانے سے بال چند ہی دنوں میں جادوئی طور پر لمبے ہو جاتے ہیں، لیکن سائنسی تحقیقات اس دعوے کی مکمل تائید نہیں کرتی۔

سائنس کے مطابق تیل کا کام بالوں کو جڑ سے تیزی سے اگانا نہیں ہے، بلکہ بالوں کو ٹوٹنے سے بچانا، ان کی پروٹین کو محفوظ رکھنا اور انہیں نرم بنانا ہے۔ جب بال ٹوٹنے سے بچ جاتے ہیں تو وہ اپنی اصل لمبائی برقرار رکھتے ہیں اور گھنے نظر آتے ہیں۔ یہی وجہ ہے کہ بال صحت مند رہتے ہیں اور وقت کے ساتھ زیادہ خوبصورت دکھائی دیتے ہیں۔

تحقیقاتی مطالعہ سے معلوم ہوا ہے کہ ناریل کا تیل بالوں سے پروٹین کے ضیاع کو کم کرنے میں مددگار ثابت ہو سکتا ہے، جبکہ آرگن اور جوجوبا آئل بالوں کی خشکی اور بے ترتیبی کو کم کرنے میں معاون ہوتے ہیں۔ تاہم اب تک ایسے مضبوط سائنسی شواہد دستیاب نہیں جو یہ ثابت کریں کہ تیل براہ راست بالوں کی نشوونما کی رفتار کو بڑھاتا ہے۔

کنڈیشنر اور ہیئر ماسک کی اہمیت

بہت سے لوگ کنڈیشنر یا ہیئر ماسک چھوڑ کر صرف تیل پر بھروسہ کر لیتے ہیں، جو کہ ایک غلط طریقہ ہے۔ تیل کو کنڈیشنر یا ہیئر ماسک کا متبادل نہیں سمجھنا چاہیے۔ کنڈیشنر بالوں کو نرم اور سلجھانے میں مدد دیتا ہے جبکہ ہیئر ماسک انہیں اضافی نمی اور پروٹین فراہم کرتا ہے۔

تیل کا کام بالوں کے گرد ایک حفاظتی تہہ بنانا اور نمی کو برقرار رکھنا ہے۔ اس لیے تیل کو بالوں کی مکمل نگہداشت کے ایک اضافی حصے کے طور پر استعمال کرنا چاہیے

اگر آپ ہیئر ڈرائر، اسٹریٹنر یا ہیئر کلر کا استعمال کرتے ہیں تو بالوں کی مکمل نگہداشت مزید اہم ہوجاتی ہے۔ متوازن غذا، مناسب مقدار میں پانی کا استعمال اور بالوں کی ضرورت کے مطابق نگہداشت کا معمول اپنانا بھی اتنا ہی ضروری ہے جتنا مناسب تیل کا انتخاب۔

ماہرین کا کہنا ہے کہ خوبصورت اور صحت مند بال کسی ایک پروڈکٹ کا نتیجہ نہیں بلکہ درست معلومات، مناسب نگہداشت اور متوازن عادات کا مجموعہ ہوتے ہیں۔

اس سلسلے میں ماہرین کا کہنا ہے کہ یہ سوچ مکمل طور پر درست نہیں ہے ۔ اگر پانی کو پینے سے پہلے صاف کرنا ضروری سمجھا جاتا ہے تو کھانا پکانے کے لیے بھی یہی احتیاط اختیار کرنا بہتر ہے۔

ماہرین کے مطابق پانی کو اُبالنے سے اس میں موجود کئی خطرناک جراثیم، بیکٹیریا، وائرس اور کچھ پیراسائٹس ختم ہو سکتے ہیں، لیکن پانی میں موجود کیمیائی مادے ختم نہیں ہوتے۔ یعنی ایسا پانی جو دیکھنے میں صاف ہو اور جسے اُبالا بھی گیا ہو، اس میں کچھ ایسے اجزا باقی رہ سکتے ہیں جو صحت کے لیے نقصان دہ ہو سکتے ہیں۔

برٹانیکا کے مطابق پانی کو گرم کرنے سے جراثیم تو ختم ہو جاتے ہیں، لیکن بھاری دھاتیں، نمکیات اور دیگر کیمیائی آلودگی جیسے سیسہ، آرسینک، فلورائیڈ، نائٹریٹس اور صنعتی کیمیکل پانی میں موجود رہ سکتے ہیں۔

لوگوں میں یہ بہت عام غلط فہمی پائی جاتی ہے کہ اُبالنے کے بعد پانی مکمل طور پر محفوظ ہو جاتا ہے۔ ان کا کہنا ہے کہ گرمی بیکٹیریا اور وائرس کے خلاف مؤثر ہے، لیکن یہ کیمیائی آلودگی کو ختم نہیں کرتی۔ اس کا مطلب ہے کہ اگر نل کے پانی میں کچھ نقصان دہ کیمیکل موجود ہوں تو صرف اُبالنے سے وہ ختم نہیں ہوں گے۔

ماہرین نے ایک اور اہم پہلو کی طرف بھی توجہ دلائی ہے کہ بعض صورتوں میں پانی کو زیادہ دیر تک اُبالنے سے کچھ آلودہ مادوں کی مقدار بڑھ بھی سکتی ہے۔ جب پانی اُبل کر بھاپ کی شکل میں کم ہوتا ہے تو اس میں موجود تحلیل شدہ کیمیکل باقی پانی میں زیادہ مقدار میں رہ جاتے ہیں، جس سے ان کی تعداد بڑھ سکتی ہے۔

امریکی ادارہ برائے ماحولیاتی تحفظ (ای پی اے) کے مطابق گرم پانی میں سیسے کے گھلنے کا امکان ٹھنڈے پانی کے مقابلے میں زیادہ ہو سکتا ہے، اس لیے بعض حالات میں گرم پانی میں سیسے کی مقدار زیادہ پائی جا سکتی ہے۔

امریکی ارضیاتی سروے (یو ایس جی ایس) کی اس جامع ریسرچ کے مطابق، امریکا جیسے ترقی یافتہ ملک میں نل کے پینے کے پانی کے تقریباً نصف یعنی کم از کم 45 فیصد حصے میں پی ایف اے ایس یا ’فورایور کیمیکلز‘ کی موجودگی کا تخمینہ لگایا گیا ہے، جس کی مقدار نجی کنوؤں اور سرکاری سپلائی دونوں میں یکساں پائی گئی۔

یہ مصنوعی کیمیکلز، جو نان اسٹک برتنوں اور فاسٹ فوڈ کے ڈبوں جیسی روزمرہ اشیاء میں استعمال ہوتے ہیں، ماحول اور انسانی جسم میں بہت آہستہ آہستہ ٹوٹتے ہیں اور ان کا مسلسل استعمال صحت کے سنگین خطرات کا باعث بن سکتا ہے۔ ریسرچ کے مطابق، نل کے پانی کے جن نمونوں میں بھی ان زہریلے کیمیکلز کی شناخت ہوئی، ان میں ان کی مقدار ماحولیاتی تحفظ کے ادارے (ای پی اے) کی مقرر کردہ محفوظ حد سے تجاوز کر چکی تھی، جو خاص طور پر شہری اور صنعتی علاقوں کے نلکوں میں زیادہ دیکھی گئی۔

انہیں فور ایور کیمیکلز کیوں کہا جاتا ہے اس کی وجہ ان میں موجود کاربن اور فلورین کے ایٹموں کا کیمیائی بونڈ ہے جو مضبوط ترین جوڑوں میں سے ایک ہوتا ہے۔ اس غیر معمولی مضبوطی کی وجہ سے یہ کیمیکلز ماحول میں قدرتی طور پر کبھی نہیں ٹوٹتے، بلکہ مٹی، پانی، ہوا اور یہاں تک کہ انسانی جسم اور خون میں داخل ہو کر ہمیشہ کے لیے وہیں جم جاتے ہیں اور وقت گزرنے کے ساتھ ساتھ ان کی مقدار مسلسل بڑھتی رہتی ہے۔

حالیہ برسوں میں پانی میں موجود مائیکرو پلاسٹکس بھی ماہرین کی تشویش کا باعث بنے ہیں۔ یہ پلاسٹک کے انتہائی چھوٹے ذرات ہوتے ہیں جو عام آنکھ سے نظر نہیں آتے اور ذائقے یا بو سے بھی ان کی موجودگی کا اندازہ نہیں لگایا جا سکتا۔ ماہرین کے مطابق تحقیق میں پینے کے پانی میں ایسے ذرات کی موجودگی سامنے آئی ہے، جن کے طویل مدتی اثرات پر مزید تحقیق جاری ہے۔

تاہم ماہرین یہ بھی واضح کرتے ہیں کہ اگر کسی نے ایک بار نل کے پانی سے چاول یا کوئی اور کھانا پکایا ہے تو اس کا مطلب یہ نہیں کہ فوری طور پر کوئی نقصان ہو جائے گا۔ اصل تشویش مسلسل اور طویل عرصے تک آلودہ پانی کے استعمال سے پیدا ہوتی ہے۔ اگر تھوڑی مقدار میں نقصان دہ مادے بار بار جسم میں داخل ہوتے رہیں تو وقت کے ساتھ ان کے اثرات سامنے آ سکتے ہیں۔

خطرہ ایک کھانے سے نہیں بلکہ مسلسل استعمال سے جڑا ہوتا ہے۔ ان کا کہنا ہے کہ کھانا پکانے کے لیے استعمال ہونے والے پانی کو بھی روزمرہ کی غذا کا حصہ سمجھنا چاہیے، کیونکہ پانی میں موجود چیزیں بالآخر جسم کا حصہ بن سکتی ہیں۔

اگرعلاقے کے نل کے پانی کا معیاربہتر نہ ہو پانی آلودہ ہو تو صرف اُبالنے پر انحصار کرنے کے بجائے پانی کو پہلے فلٹر کرنا یا محفوظ ذریعہ اختیار کرنا بہتر ہے، کیونکہ کچھ کیمیائی آلودگیاں اُبالنے سے ختم نہیں ہوتیں لہٰذا ماہرین کے مطابق اگر گھر میں واٹر فلٹر موجود ہے تو پینے کے ساتھ ساتھ کھانا پکانے کے لیے بھی فلٹر شدہ پانی استعمال کریں۔ گھر میں استعمال ہونے والے پانی کے معیار پر توجہ سے روزمرہ زندگی میں صحت کے خطرات کو کم کیا جا سکتا ہے۔

وسیم عباس نے حال ہی میں ایک پوڈکاسٹ میں شرکت کی، جہاں ان سے فہد مصطفیٰ اور رجب بٹ کے درمیان ہونے والی لفظی جنگ کے بارے میں سوال کیا گیا۔

یاد رہے کہ فہد مصطفیٰ نے فیملی وی لاگرز سے متعلق ایک بیان دیا تھا جس میں انہوں نے کہا تھا کہ ”فیملی وی لاگرز اپنے خاندان کو بیچتے ہیں.“ اس بیان کے بعد معروف یوٹیوبر رجب بٹ نے فہد مصطفیٰ کو سخت الفاظ میں جواب دیا تھا، جس کے بعد سوشل میڈیا پر اس معاملے پر طویل بحث جاری ہے۔

انٹرویو کے دوران جب وسیم عباس سے پوچھا گیا کہ فہد مصطفیٰ نے فیملی ویلاگرز کے بارے میں یہ تبصرہ کیا تھا کہ وہ اپنی فیملی کو بیچتے ہیں اور اس کی تشہیر کرتے ہیں۔ اس کے جواب میں رجب بٹ نے سخت ردعمل دیا تھا کہ فہد مصطفیٰ کو کون جانتا ہے؟ اس کے بارے میں آپ کی کیا رائے ہے، تو وسیم عباس نے بڑی صاف گوئی سے اپنا موقف سامنے رکھا۔

وسیم عباس نے کہا، “رجب بٹ کو کون جانتا ہے؟ فہد مصطفیٰ پاکستان کے سب سے بڑے ہیرو ہیں اوران کی کامیابی کی کہانی کسی سے چھپی نہیں ہے۔

وسیم عباس نے اپنی بات جاری رکھتے ہوئے کہا کہ اگررجب بٹ فہد مصطفیٰ کو نہیں جانتے تو وہ شاید کسی جنگل میں رہتے ہوں گے۔

وسیم عباس نے یہاں تک کہا کہ میں نے آج تک رجب بٹ کی کوئی ویڈیو یا کلپ نہیں دیکھا۔ وہ فہد مصطفیٰ کے بارے میں بات کر رہے ہیں جنہیں اپنے گیم شو کی وجہ سے پورا پاکستان جانتا ہے، یہی نہیں انکے کامیاب ڈراموں اور فلموں کی ایک لمبی فہرست ہے وہ واقعی ایک سپر ہیرو ہیں۔

ساتھ ہی وسیم عباس نے اس حقیقت کو بھی تسلیم کیا کہ رجب بٹ یوٹیوب کی دنیا میں ضرور ایک بڑا نام ہوں گے اور وہ اس بات سے انکار نہیں کرتے۔ تاہم، انہوں نے معاملے کے دونوں پہلوؤں پر بات کرتے ہوئے کہا کہ فہد مصطفیٰ کو بھی یہ نہیں کہنا چاہیے تھا کہ فیملی ویلاگرز اپنی فیملی بیچتے ہیں۔

اس کے ساتھ ہی انہوں نے رجب بٹ کو مشورہ دیا کہ اگر فہد مصطفیٰ نے ایسی بات کی بھی تھی، تو رجب بٹ کو اس کا جواب نرم لہجے میں دینا چاہیے تھا نہ کہ تلخ انداز میں۔

وسیم عباس کے اس بیان کو سوشل میڈیا پر کافی سراہا جا رہا ہے۔ مداحوں کا کہنا ہے کہ وسیم عباس نے سچ کہا ہے اور دونوں طرف کا خیال رکھتے ہوئے ایک بہت ہی سمجھداری اور توازن والی بات کی ہے، جس کی تعریف کی جانی چاہیے۔

عام طور پر معلومات نہ ہونے کی وجہ سے کرائے دار جلدی میں معاہدے کی باریک اور اہم تحریر کو پڑھے بغیر ہی دستخط کر دیتے ہیں۔ قانونی ماہرین اور رئیل اسٹیٹ کے شعبے سے وابستہ افراد کا کہنا ہے کہ کرائے کے معاہدے میں لکھی گئی چند اہم شقوں کو نظر انداز کرنے سے بعد میں سکیورٹی ڈپازٹ کی واپسی، دیکھ بھال کے اخراجات یا وقت سے پہلے گھر خالی کرنے پر بھاری جرمانے جیسے سنگین تنازعات کھڑے ہو جاتے ہیں۔

اگرچہ سارا دھیان ماہانہ کرائے پر ہوتا ہے، لیکن اصل خطرات معاہدے کی دیگر شقوں میں چھپے ہوتے ہیں۔ یاد رکھیں کرائے کا معاہدہ صرف ایک رسمی کاغذ نہیں بلکہ آپ کے حقوق اور ذمہ داریوں کی قانونی دستاویز ہے۔

1- سکیورٹی ڈپازٹ کی واپسی

پہلی اہم چیز سکیورٹی ڈپازٹ یعنی ایڈوانس رقم کی واپسی کی شرائط ہیں۔ مکان مالکان اور کرائے داروں کے درمیان سب سے زیادہ جھگڑے اسی رقم پر ہوتے ہیں۔ کرائے داروں کو کبھی بھی یہ فرض نہیں کر لینا چاہیے کہ گھر خالی کرتے ہی انہیں یہ رقم خود بخود واپس مل جائے گی۔ معاہدے میں یہ بات بالکل صاف لکھی ہونی چاہیے کہ مکان مالک کتنے دنوں میں یہ رقم واپس کرنے کا پابند ہوگا اور کن حالات میں اس رقم سے کٹوتی کی جا سکتی ہے۔

اس کے علاوہ معاہدے میں یہ فرق بھی واضح ہونا چاہیے کہ گھر کو پہنچنے والے نقصان اور عام استعمال کے بعد ہونے والی عام فرسودگی، جیسے دیواروں کا رنگ اڑ جانا یا معمولی ٹوٹ پھوٹ، میں کیا فرق ہے۔ بہت سے شہروں میں سکیورٹی ڈپازٹ دو سے چھ ماہ کے کرائے کے برابر ہوتا ہے، اس لیے اگر کٹوتی کے اصول اور واپسی کا وقت پہلے سے طے نہ ہو تو اپنے ہی پیسے واپس لینے کے لیے ایک لمبی اور مہنگی قانونی جنگ لڑنی پڑ سکتی ہے۔

رئیل اسٹیٹ ماہرین کے مطابق کرائے کے زیادہ تر تنازعات سکیورٹی ڈپازٹ، نقصان کے دعووں اور وقت سے پہلے معاہدہ ختم کرنے پر ہی ہوتے ہیں، اس لیے ان کی تفصیلی دستاویز تیار کرنا بہت ضروری ہے۔

2- لاک اِن پیریڈ اور نوٹس

دوسری اہم چیز لاک ان پیریڈ یعنی مخصوص مدت تک رہائش کی شرط اور گھر خالی کرنے کا طریقہ کار ہے۔ زندگی میں ملازمت، کاروبار یا شہر تبدیل ہوتے رہتے ہیں، لیکن ہو سکتا ہے کہ آپ کا کرائے کا معاہدہ اتنا لچکدار نہ ہو۔ ہر کرائے دار کو دستخط کرنے سے پہلے اس شرط کو غور سے پڑھنا چاہیے کہ وہ قانوناً کتنے عرصے تک اس گھر میں رہنے کا پابند ہے۔ اگر معاہدے میں یہ شرط موجود ہو تو مقررہ وقت سے پہلے گھر خالی کرنے کی صورت میں اسے معاہدے کی خلاف ورزی مانا جائے گا اور کرائے دار کو بقیہ مہینوں کا کرایہ بھی دینا پڑ سکتا ہے۔

اس لیے کرائے داروں کو چاہیے کہ وہ نوٹس دینے کی مدت، گھر خالی کرنے کے بعد معائنے کا طریقہ اور مرمت کی ذمہ داریوں کو معاہدے میں واضح طور پر لکھوائیں۔ پاکستان میں بڑھتے ہوئے کرایہ داری کے رجحان کی وجہ سے اب یہ معاہدے پیچیدہ ہو چکے ہیں اور مبہم تحریر مالی نقصان اور قانونی تنازعات کا سبب بنتی ہے۔

3- مینٹیننس اور سروس چارجز

تیسری اہم چیز مینٹیننس یعنی دیکھ بھال کے ماہانہ اخراجات ہیں۔ بہت سے کرائے دار یہ سمجھتے ہیں کہ ماہانہ کرائے میں ہی تمام اخراجات شامل ہیں، لیکن جدید رہائشی سوسائٹیوں اور فلیٹس میں یہ اخراجات کافی زیادہ ہو سکتے ہیں۔

معاہدے میں صاف لکھا ہونا چاہیے کہ سوسائٹی یا عمارت کے ماہانہ چارجز کون ادا کرے گا۔ اگر یہ بات واضح نہ ہو تو بعد میں جھگڑا ہونا طے ہے۔ خاص طور پر بڑے رہائشی منصوبوں میں جہاں پارکنگ، لابی اور دیگر مشترکہ سہولیات ہوتی ہیں، وہاں دیکھ بھال کے اخراجات بھی بہت زیادہ ہوتے ہیں، اس لیے یہاں تحریری معاہدہ اور بھی ضروری ہو جاتا ہے۔

زبانی وعدوں پر انحصار نہ کریں

ماہرین کا کہنا ہے کہ زبانی وعدوں کی قانون کی نظر میں کوئی اہمیت نہیں ہوتی، چاہے مکان مالک نے رنگ روغن، پارکنگ یا فرنیچر کا کتنا ہی پکا وعدہ کیوں نہ کیا ہو، جب تک وہ کاغذ پر نہیں لکھا جائے گا، اس کی کوئی حیثیت نہیں ہوگی۔

کاروباری مقاصد کے لیے کرائے پر جگہ لیتے وقت

اس کے علاوہ اگر کوئی کاروباری مقصد یا دفتر کے لیے جگہ کرائے پر لے رہا ہو تو اسے تین مزید چیزوں پر نظر رکھنی چاہیے جن میں ہر سال کرائے میں ہونے والا اضافہ، دیکھ بھال کے چارجز اور بجلی، پانی اور مشترکہ جگہوں کے استعمال کے بل شامل ہیں۔

یاد رکھیں واضح معاہدہ جہاں کرائے دار کو پریشانی سے بچاتا ہے، وہیں یہ مکان مالک کے لیے بھی فائدہ مند ہوتا ہے کیونکہ اس سے کرائے دار کے ساتھ تعلقات اچھے رہتے ہیں اور ماہانہ آمدنی کا سلسلہ بغیر کسی رکاوٹ کے جاری رہتا ہے۔

یہ کہانی قدیم یونانی شاعر ہومر کی مشہور تخلیق ’دی اوڈیسی‘ پر مبنی ہے، جسے دنیا کے قدیم ترین اور عظیم ترین ادبی شاہکاروں میں شمار کیا جاتا ہے۔ فلم میں معروف اداکار میٹ ڈیمن یونان کے افسانوی بادشاہ اوڈیسیئس کا کردار ادا کر رہے ہیں، جو جنگ جیتنے کے بعد اپنے گھر واپس پہنچنے کے لیے ایک طویل اور خطرناک سفر پر نکلتا ہے۔

ہومر کی یہ داستان تقریباً آٹھویں صدی قبل مسیح میں لکھی گئی سمجھی جاتی ہے۔ یہ کتاب قدیم یونانی ادب کی دو بڑی تخلیقات میں شامل ہے، دوسری مشہور تخلیق ’دی الیڈ‘ ہے۔ جہاں ’دی الیڈ‘ ٹرائے کی جنگ اور جنگجو اچیلز کی کہانی بیان کرتی ہے، وہیں ’دی اوڈیسی‘ جنگ کے بعد گھر واپسی کے مشکل سفر کو بیان کرتی ہے۔

کہانی کے مطابق اوڈیسیئس ٹرائے کی جنگ میں فتح کے بعد اپنے وطن جزیرہ ایتھاکا واپس جانا چاہتا ہے، لیکن اس کا سفر آسان نہیں ہوتا۔ وہ 10 سال جنگ میں گزارنے کے بعد مزید 10 سال سمندروں میں بھٹکتا رہتا ہے۔ اس دوران اس کی بیوی پینیلوپ اور بیٹا ٹیلی میکس اس کی واپسی کا انتظار کرتے رہتے ہیں۔

گھر میں موجود لوگ اوڈیسیئس کو مردہ سمجھنے لگتے ہیں اور کئی لوگ اس کی بیوی پینیلوپ سے شادی کرنے کی کوشش کرتے ہیں۔ وہ اس کے محل میں رہ کر دولت خرچ کرتے ہیں، لیکن پینیلوپ اپنے شوہر کی واپسی کی امید نہیں چھوڑتی۔

کہانی میں دیوتاؤں کا بھی اہم کردار ہے۔ عقل اور حکمت کی دیوی ایتھینا اوڈیسیئس کی مدد کرتی ہے جبکہ سمندر کے دیوتا پوسیڈن اس کے راستے میں مشکلات پیدا کرتے ہیں۔ پوسیڈن اس لیے ناراض ہوتا ہے کیونکہ اوڈیسیئس نے اس کے بیٹے سائیکلوپس پولی فیمس کو نقصان پہنچایا تھا۔

اوڈیسیئس کے سفر میں کئی حیرت انگیز واقعات پیش آتے ہیں۔ وہ ایسے جزیرے پر پہنچتا ہے جہاں لوگ لوٹس نامی پھل کھا کر اپنے گھر اور ماضی کو بھول جاتے ہیں۔ پھر اس کا سامنا ایک دیو قامت سائیکلوپس سے ہوتا ہے جسے وہ اپنی طاقت سے نہیں بلکہ ذہانت سے شکست دیتا ہے۔

کہانی کا ایک مشہور حصہ سمندر کی خطرناک مخلوقات اور سائرن کی آوازوں سے متعلق ہے۔ سائرن اپنی خوبصورت آواز سے ملاحوں کو اپنی طرف کھینچ کر تباہ کر دیتے تھے۔ اوڈیسیئس اپنے ساتھیوں کے کانوں میں موم لگوا دیتا ہے اور خود کو کشتی کے کھمبے سے بندھوا لیتا ہے تاکہ وہ آواز سن سکے لیکن اس کے جادو میں گرفتار نہ ہو۔

اس کے علاوہ اوڈیسیئس کو جادوگرنی سرسے، خطرناک سمندری راستوں، چھ سر والے عفریت سکیلا اور خطرناک بھنور چیریبدس جیسے خطرات کا سامنا کرنا پڑتا ہے۔ ایک موقع پر وہ زیر زمین دنیا میں جا کر مستقبل کے بارے میں معلومات بھی حاصل کرتا ہے۔

اس داستان میں اوڈیسیئس کو ایک ایسے ہیرو کے طور پر دکھایا گیا ہے جو صرف طاقت پر نہیں بلکہ عقل، منصوبہ بندی اور حاضر جوابی پر بھروسہ کرتا ہے۔ یہی خوبی اسے دوسرے جنگجوؤں سے مختلف بناتی ہے۔

اس دوران اس کا بیٹا ٹیلی میکس بھی بڑا ہوتا ہے اور اپنے والد کی تلاش میں نکلتا ہے، جبکہ پینیلوپ صبر اور وفاداری کی مثال بن جاتی ہے۔ وہ شادی کے خواہشمند افراد کو روکنے کے لیے ایک چال چلتی ہے اور کہتی ہے کہ وہ اس وقت فیصلہ کرے گی جب وہ کفن بنانے کا کام مکمل کر لے گی، لیکن وہ رات کو اپنا کیا ہوا کام دوبارہ کھول دیتی ہے تاکہ وقت گزرتا رہے۔

آخرکار اوڈیسیئس اپنے وطن واپس پہنچتا ہے، جہاں وہ اپنی شناخت چھپاتے ہوئے حالات کا جائزہ لیتا ہے۔ بعد میں وہ اپنے مشہور کمان کے ذریعے اپنی پہچان ثابت کرتا ہے اور اپنے گھر اور بادشاہت کو واپس حاصل کر لیتا ہے۔

کرسٹوفر نولان کی فلم ’دی اوڈیسی‘ اسی قدیم کہانی کو جدید انداز میں پیش کرنے کی کوشش ہے۔ فلم کے ذریعے ایک بار پھر یہ سوال سامنے آتا ہے کہ انسان کے لیے اصل کامیابی صرف منزل تک پہنچنا نہیں بلکہ مشکل سفر کے دوران اپنے حوصلے اور شناخت کو برقرار رکھنا بھی ہے۔

’دی اوڈیسی‘ کی مقبولیت کی ایک بڑی وجہ یہی ہے کہ اگرچہ اس میں دیو، دیوتا اور افسانوی واقعات شامل ہیں، لیکن اس کے بنیادی جذبات آج بھی عام انسان سے جڑے ہوئے ہیں، جیسے گھر واپس آنے کی خواہش، اپنے پیاروں کی یاد اور مشکل حالات میں امید قائم رکھنا۔

تقریباً تین ہزار سال بعد بھی اوڈیسیئس کی کہانی زندہ ہے اور نولان کی فلم نے ایک بار پھر دنیا کو یاد دلایا ہے کہ کچھ کہانیاں وقت گزرنے کے باوجود کبھی پرانی نہیں ہوتیں۔

ہما سلیم نے انسٹاگرام اسٹوری میں لکھا کہ ان کا گزشتہ دو ماہ سے مذکورہ کرکٹر کے ساتھ کسی بھی قسم کا کوئی رابطہ یا تعلق نہیں ہے اس کے باوجود انہیں مسلسل ہراساں کیا جا رہا ہے۔ دھمکیاں دی جا رہی ہیں اور ذہنی طور پر شدید پریشان کیا جا رہا ہے۔

اداکارہ کا کہنا ہے کہ وہ جب بھی اپنی زندگی اور کام میں آگے بڑھنے کی کوشش کرتی ہیں، انہیں مختلف ہتھکنڈوں کے ذریعے زبردستی پیچھے دھکیلنے اور ہراساں کرنے کی کوشش کی جاتی ہے۔

اداکارہ کا کہنا ہے کہ ان کے اہلِ خانہ، دوستوں اور پیشہ ورانہ ساتھیوں کو بھی نشانہ بنایا جارہا ہے۔ ہما سلیم کے مطابق، مذکورہ کرکٹر نے ان کے پیشہ ورانہ ساتھیوں سے رابطے کر کے ان کے کردار اور ساکھ کو نقصان پہنچانے کی کوشش کی ہے، جس کی وجہ سے ان کے کام سے وابستہ دوسرے بے قصور لوگ بھی اس ذہنی دباؤ اور پریشانی کا شکار ہو رہے ہیں۔

اداکارہ نے واضح الفاظ میں کہا کہ اب ان کے صبر کا پیمانہ لبریز ہو چکا ہے اور وہ مزید خاموش نہیں بیٹھیں گی۔

انہوں نے اپنے بیان میں کہا، ”میں ایک طویل عرصے تک خاموش رہی، لیکن اب میں نے قانونی راستہ اختیار کرنے کا فیصلہ کیا ہے۔ مناسب وقت آنے پر میری قانونی ٹیم اس معاملے سے متعلق تمام حقائق اور دستیاب شواہد پیش کرے گی۔“

ہما سلیم نے یہ بھی عندیہ دیا کہ وہ آئندہ چند روز میں اس معاملے سے متعلق مزید معلومات شیئر کر سکتی ہیں۔ تاہم انہوں نے اپنی کسی بھی پوسٹ میں متعلقہ کرکٹر کا نام ظاہر نہیں کیا اور نہ ہی کسی فرد کی شناخت کے بارے میں کوئی اشارہ دیا ہے۔

سونم وانگ چک پچھلے کچھ دنوں سے دہلی میں احتجاج کر رہے ہیں اور کھانا پینا چھوڑا ہوا ہے، جس کی وجہ سے ان کی طبیعت کافی خراب ہو گئی ہے۔

سونم وانگچک کی مسلسل بھوک ہڑتال کے دوران ان کی صحت کو لے کر تشویش بڑھ رہی ہے۔ ایسے وقت میں کئی معروف شخصیات ان کے حق میں آواز اٹھا رہی ہیں اور ان سے احتجاج ختم کرنے کی درخواست کر رہی ہیں۔ راکھی ساونت بھی ان شخصیات میں شامل ہو گئی ہیں جنہوں نے وانگ چک سے اپنی زندگی کو خطرے میں نہ ڈالنے کی اپیل کی ہے۔

راکھی ساونت نے ممبئی سے سونم وانگ چک کے نام ایک ویڈیو پیغام جاری کیا ہے جس میں انہوں نے جذباتی انداز میں کہا کہ پلیز سونم جی، میں آپ سے گزارش کرتی ہوں۔ میں دہلی کے جنتر منتر آنا چاہتی ہوں۔ پلیز ان فالتو لوگوں کے لیے اپنی جان داؤ پر مت لگائیں، آپ ہمارے لیے بہت قیمتی ہیں۔

جب راکھی ساونت سے پوچھا گیا کہ کیا وہ سچ مچ دہلی جائیں گی، تو انہوں نے کہا کہ میں خود جنتر منتر جاؤں گی اور اپنے ہاتھوں سے ان کی بھوک ہڑتال ختم کراؤں گی۔

سونم وانگ چک کی حمایت میں صرف راکھی ساونت ہی نہیں، بلکہ فلم انڈسٹری کے کئی دوسرے بڑے ستارے بھی سامنے آئے ہیں۔ سینئر اداکارہ شبانہ اعظمی نے بھی سونم وانگچک سے بھوک ہڑتال ختم کرنے کی اپیل کی ہے۔

شبانہ اعظمی کا کہنا ہے کہ ملک کو ناانصافی کے خلاف لڑنے کے لیے سونم وانگچک جیسے لوگوں کی سخت ضرورت ہے، اس لیے انہیں اپنی صحت کا خیال رکھنا چاہیے۔

اس کے علاوہ اداکارہ سوارا بھاسکر نے خود دہلی کے جنتر منتر جا کر سونم وانگ چک سے ملاقات کی اور ان کے ساتھ کھڑے ہونے کا یقین دلایا۔ انہوں نے سوشل میڈیا پر بھی اپنی ملاقات کے بارے میں معلومات شیئر کیں۔

مشہور فلم تھری ایڈیٹس میں چتور کا کردار نبھانے والے اداکار اومی ویدیا نے بھی ایک ویڈیو بنا کر سونم وانگچک کی مدد کی اپیل کی ہے۔ انہوں نے کہا کہ فلم تھری ایڈیٹس میں عامر خان کا کردار پھنسکھ وانگڈو اصل میں سونم وانگ چک کی زندگی پر ہی بنایا گیا تھا، جو کہ بہت سادہ اور کمال کے انسان ہیں۔

اومی ویدیا نے ویڈیو میں کہا کہ میں نہیں چاہتا کہ ہمارے پھنسکھ وانگڈو کو کچھ ہو یا وہ دنیا سے جائیں۔ انہوں نے لوگوں سے کہا کہ وہ سونم وانگ چک کی صحت اور ان کے احتجاج پر دھیان دیں۔

سونم وانگ چک کی حمایت کرنے والی تنظیم ’کاکروچ جنتا پارٹی‘ کے مطابق، بھوک ہڑتال شروع کرنے کے بعد سونم وانگ چک کا وزن لگ بھگ نو کلو کم ہو چکا ہے اور وہ بہت کمزور ہو گئے ہیں۔ یہ احتجاج میڈیکل کالج میں داخلے کے امتحان یعنی نیٹ میں ہونے والی مبینہ گڑبڑیوں کے خلاف کیا جا رہا ہے۔

مظاہرین کا مطالبہ ہے کہ تعلیم کے وزیر اپنے عہدے سے استعفیٰ دیں اور جن بچوں نے اس گڑبڑی سے دلبرداشتہ ہو کر اپنی جانیں دی ہیں، ان کے غریب خاندانوں کو سرکار کی طرف سے معاوضہ دیا جائے۔

سونم وانگ چک کی بھوک ہڑتال اور ان کی صحت کو لے کر بحث جاری ہے، جبکہ راکھی ساونت سمیت کئی شخصیات ان سے احتجاج ختم کرنے اور اپنی صحت کو ترجیح دینے کی اپیل کر رہی ہیں۔

ماہرینِ موسمیات اب بڑی شدومد کے ساتھ خبردار کر رہے ہیں کہ تیزی سے بدلتی ہوئی آب و ہوا ان نایاب پھلوں کی بقا اور پیداوار کے لیے سب سے بڑا خطرہ بن چکی ہے۔

سائنس دانوں کے مطابق درجہ حرارت میں مسلسل اضافہ، بارش کے بدلتے ہوئے انداز اور شدید موسمی واقعات ان پھلوں کی افزائش، پھول آنے کے عمل اور پیداوار پر منفی اثرات ڈال رہے ہیں۔ اگر یہی صورتحال برقرار رہی تو مستقبل میں ان پھلوں کی کاشت مزید مشکل ہو سکتی ہے۔

گرمی کی شدت نے خاص طور پر ڈریگن فروٹ کی کاشت کو متاثر کرنا شروع کر دیا ہے۔ اگرچہ اس پھل کو کم پانی میں اگنے والی اور نسبتاً سخت جان فصل سمجھا جاتا ہے، لیکن یہ بھی شدید گرمی سے محفوظ نہیں۔ باغبانی کے شعبے سے وابستہ محققین کے مطابق جب گرمی کا درجہ حرارت مسلسل 36 سے 40 ڈگری سینٹی گریڈ یا اس سے زیادہ رہے تو ڈریگن فروٹ کے پودے شدید دھوپ سے متاثر ہوتے ہیں۔

تحقیق کے مطابق زیادہ گرمی پودوں کے تنوں اور پھلوں کو نقصان پہنچاتی ہے، پھول آنے کا عمل کمزور پڑ جاتا ہے، پھل بننے کی شرح گھٹ جاتی ہے اور اگر مناسب اقدامات نہ کیے جائیں تو پیداوار میں 30 سے 60 فیصد تک کمی آ سکتی ہے۔

دوسری جانب کیوی کو ایک مختلف چیلنج کا سامنا ہے۔ یہ پھل قدرتی طور پر نسبتاً ٹھنڈے علاقوں میں بہتر نشوونما پاتا ہے۔ حالیہ جائزوں کے مطابق طویل دورانیے کی شدید گرمی کی لہریں پودوں میں فوٹو کمپلیشن کے عمل کو متاثر کرتی ہیں، جس سے نہ صرف پھل کی نشوونما متاثر ہوتی ہے بلکہ اس کی پیداوار اور معیار بھی کم ہو جاتا ہے۔

ماہرین کا کہنا ہے کہ اگر درجہ حرارت میں اضافہ اسی رفتار سے جاری رہا تو کیوی کی روایتی کاشت کے علاقے مستقبل میں کم موزوں ہو سکتے ہیں۔ ایسی صورتحال میں گرمی برداشت کرنے والی نئی اقسام متعارف کرانے اور موسمیاتی تبدیلی سے ہم آہنگ باغبانی کے طریقوں کو اپنانا ضروری ہوگا۔

صرف ڈریگن فروٹ اور کیوی ہی نہیں بلکہ پیشن فروٹ بھی موسمیاتی تبدیلی کے اثرات سے محفوظ نہیں۔ اس پھل کی بہتر پیداوار کے لیے معتدل درجہ حرارت اور زمین میں مناسب نمی ضروری ہوتی ہے، لیکن بڑھتی ہوئی گرمی اور بے ترتیب بارشیں اس کے پھول آنے، پھل بننے اور مجموعی پیداوار کو متاثر کر رہی ہیں۔ اسی لیے ماہرین آبپاشی اور پانی کے مؤثر انتظام کو پہلے سے زیادہ اہم قرار دے رہے ہیں۔

ماہرین کے مطابق مسئلہ صرف گرمی میں اضافے تک محدود نہیں بلکہ شدید موسمی واقعات کی بڑھتی ہوئی تعداد بھی باغبانی کے شعبے کے لیے بڑا خطرہ بن رہی ہے۔ موسمیاتی تبدیلی کے باعث ہیٹ ویوز، غیر معمولی بارشوں اور طویل خشک سالی جیسے واقعات میں اضافہ دیکھا جا رہا ہے، جو پھلوں کے باغات کو شدید نقصان پہنچا سکتے ہیں۔

اگر پھول آنے کے موسم میں بے وقت بارش ہو جائے تو پولینیشن کا عمل متاثر ہوتا ہے، جبکہ شدید بارشیں پھپھوندی سے ہونے والی بیماریوں کے امکانات بڑھا دیتی ہیں۔ دوسری جانب طویل خشک موسم خاص طور پر نئے لگائے گئے باغات میں پانی کی شدید کمی پیدا کر دیتا ہے کیونکہ ان کے پودوں کی جڑیں ابھی پوری طرح مضبوط نہیں ہوتیں۔

ماہرین کا کہنا ہے کہ پھلوں کے باغات سالانہ فصلوں کی طرح نہیں ہوتے بلکہ انہیں تیار ہونے میں کئی برس لگتے ہیں۔ ایسے میں ایک ہی موسم کی شدید موسمی تباہی نہ صرف اس سال کی پیداوار کو متاثر کرتی ہے بلکہ آنے والے برسوں میں بھی درختوں اور بیلوں کی پیداوار پر اس کے اثرات باقی رہ سکتے ہیں۔

سائنس دانوں کا کہنا ہے کہ مستقبل میں غیر ملکی پھلوں کی کامیاب کاشت کا انحصار صرف نئی اقسام متعارف کرانے پر نہیں ہوگا بلکہ انہیں بدلتے ہوئے موسم کے مطابق زیادہ مضبوط اور موافق بنانے پر ہوگا۔ گرمی برداشت کرنے والی اقسام، سایہ فراہم کرنے کے مؤثر انتظامات، بہتر آبپاشی اور جدید باغبانی کے طریقے اب ان پھلوں کی کامیاب پیداوار کے لیے ناگزیر بنتے جا رہے ہیں۔

اگرچہ سپر مارکیٹوں میں سجے رنگ برنگے غیر ملکی پھل آج بھی عام صارف کو پہلے جیسے ہی دکھائی دیتے ہیں، لیکن ان پھلوں کو اگانے والے کسانوں کے لیے موسمیاتی تبدیلی خاموشی سے ایک ایسا چیلنج بن چکی ہے جو باغ سے دسترخوان تک کے پورے سفر کو متاثر کر رہی ہے۔

ان کا کہنا ہے کہ یہ شادی اسلامی قانون یعنی شریعت کے مطابق جائز نہیں ہے۔ عامر خان نے 5 جولائی کو گوری اسپرٹ سے کورٹ میرج کی تھی۔ مسلم پرسنل دارالافتاء کے مفتی اعظم مولانا چودھری ابراہیم حسین نے اس شادی پر اعتراض کرتے ہوئے باقاعدہ فتویٰ جاری کیا ہے۔

انٹرنیٹ پر سامنے آنے والی ایک ویڈیو میں انہوں نے کہا کہ اسلام میں کسی مسلمان مرد کے لیے کسی ایسی عورت سے شادی کرنا جائز نہیں ہے جو مسلمان نہ ہو، جب تک کہ وہ عورت اسلام قبول نہ کرلے۔ انہوں نے مزید کہا کہ ایسی شادی کرنا گناہ کے زمرے میں آتا ہے اور جو لوگ اسے گناہ نہیں سمجھتے انہیں اللہ کو جواب دینا پڑے گا۔

انہوں نے مزید کہا کہ ایسے شخص کو توبہ کرتے ہوئے واپس آجانا چاہیے یہی ہماری شریعت میں ہے۔

مفتی صاحب نے عامر خان کی اس تیسری شادی پر سخت غصے کا اظہار کرتے ہوئے کہا کہ اس طرح کی شادیاں شریعت اور اسلام کے نام کو نقصان پہنچاتی ہیں۔

اس فتوے کے سامنے آنے کے بعد سوشل میڈیا پر لوگوں کے درمیان ایک نئی بحث چھڑ گئی ہے اور لوگ اس پر طرح طرح کے تبصرے کر رہے ہیں۔ یہ بیان ایک ایسے وقت میں سامنے آیا ہے جب عامر خان نے خود پر لگنے والے لو جہاد کے الزامات پر وضاحت دی تھی۔

عامر خان نے کہا تھا کہ ان کا خاندان ہمیشہ سے دوسرے مذاہب کے لوگوں کو گلے لگاتا آیا ہے اور ان کی کسی بھی بیوی یعنی رینا دتہ، کرن راؤ یا گوری سپریٹ نے شادی کے لیے اپنا مذہب نہیں بدلا کیونکہ یہ سب شادیاں قانون کے مطابق کورٹ میرج کے ذریعے ہوئی تھیں۔

عامر خان کی نئی دلہن گوری اسپرٹ بنگلور کی رہنے والی ہیں اور بیوٹی و ویلنس انڈسٹری سے وابستہ ہیں۔ ان کا پہلی شادی سے ایک بیٹا بھی ہے۔

دوسری طرف عامر خان کی یہ تیسری شادی ہے۔ انہوں نے پہلی شادی رینا دتہ سے کی تھی جن سے ان کے دو بچے جنید اور ایرا ہیں۔ رینا سے طلاق کے بعد انہوں نے کرن راؤ سے شادی کی جن سے ان کا ایک بیٹا آزاد ہے اور 2021 میں ان دونوں کے درمیان بھی علیحدگی ہو گئی تھی۔

عامر خان نے 5 جولائی کو ممبئی میں اپنی پرانی دوست گوری اسپرٹ کے ساتھ ایک سادہ اور نجی تقریب میں شادی کی تھی۔ اس شادی کے بعد سوشل میڈیا پر بعض حلقوں کی جانب سے انہیں ’لو جہاد کا برانڈ ایمبیسیڈر‘ قرار دیا گیا، جس پر اداکار نے پہلی بار کھل کر اپنا مؤقف پیش کیا ہے۔

ایک انٹرویو میں عامر خان نے ان الزامات کا جواب دیتے ہوئے کہا، ’حقیقت یہ ہے کہ ہمارا خاندان بہت کشادہ دل ہے۔ میری دونوں بہنوں کی شادیاں ہندو خاندانوں میں ہوئی ہیں، میری بیٹی نے بھی ایک ہندو سے شادی کی ہے جبکہ میرے کزن منصور کی اہلیہ عیسائی ہیں۔‘

انہوں نے اپنی شادیوں کے بارے میں وضاحت کرتے ہوئے مزید کہا کہ، ’نہ گوری، نہ کرن اور نہ ہی رینا نے اپنا مذہب تبدیل کیا کیونکہ ہماری شادیاں سول میرج کے تحت ہوئیں۔ گوری تو ہندو بھی نہیں ہیں بلکہ عیسائی ہیں اور وہ بھی اپنے مذہب کی بہت زیادہ پابند نہیں ہیں۔ وقت گزرنے کے ساتھ زندگی مزید دلچسپ اور مزاحیہ ہوتی جا رہی ہے۔‘

عامر خان کی پہلی شادی 1986 میں رینا دتہ سے ہوئی تھی جو 2002 میں ختم ہوگئی۔ اس کے بعد انہوں نے 2005 میں فلم ساز کرن راؤ سے دوسری شادی کی، تاہم دونوں نے 2021 میں علیحدگی کا اعلان کر دیا تھا۔ اگرچہ ان کی ازدواجی زندگی ختم ہو گئی، لیکن دونوں آج بھی ایک دوسرے کے ساتھ پیشہ ورانہ اور خاندانی تعلقات برقرار رکھے ہوئے ہیں۔

اب انہوں نے گوری سپریٹ سے شادی کی ہے جنہیں وہ پچھلے تقریباً 25 برس سے جانتے تھے، تاہم دو سال قبل بنگلورو میں عامر کی کزن نزہت خان کے ذریعے دونوں کا دوبارہ رابطہ ہوا۔ یہ دوستی آہستہ آہستہ محبت میں بدل گئی اور دونوں نے دو سال سے زائد عرصے تک ایک دوسرے کو جاننے کے بعد شادی کا فیصلہ کیا۔

عامر خان نے گزشتہ برس مارچ میں اپنی 60 ویں سالگرہ کی تقریبات کے دوران پہلی بار گوری اسپرٹ کو میڈیا سے متعارف کرایا تھا۔ اس موقع پر بھی انہوں نے اپنی خوشی کا اظہار کرتے ہوئے گوری کے بارے میں مثبت خیالات کا اظہار کیا تھا۔

5 جولائی کو ہونے والی شادی کی تقریب کو انتہائی سادہ اور نجی رکھا گیا، جس میں تقریباً 150 مہمانوں نے شرکت کی۔ تقریب میں عامر خان کے اہل خانہ، قریبی دوستوں اور فلمی دنیا سے تعلق رکھنے والی چند معروف شخصیات کو مدعو کیا گیا تھا۔

اس موقع پر عامر خان کے صاحبزادے جنید خان، صاحبزادی ایرا خان اور ان کے شوہر نوپور شکھرے بھی موجود تھے۔ شادی میں شریک دیگر معروف شخصیات میں صنعت کار مکیش امبانی، سیاست دان راج ٹھاکرے، فلم ساز آشوتوش گواریکر، سابق کرکٹر عرفان پٹھان، کامیڈین ویر داس اور اداکارہ ایلی آوررام شامل تھے۔

عامر خان کے حالیہ بیان کے بعد سوشل میڈیا پر ایک نئی بحث چھڑ گئی ہے، تاہم اداکار نے واضح کر دیا ہے کہ ان کی تمام شادیاں باہمی احترام اور ذاتی پسند کی بنیاد پر ہوئیں اور ان میں کبھی بھی مذہب کی تبدیلی کو شرط نہیں بنایا گیا۔

پاکستانی فلمیں اور ڈرامے پوری دنیا میں اپنی بہترین کہانیوں اور جاندار اداکاری کی وجہ سے بے حد پسند کیے جاتے ہیں، لیکن ایک بڑا سوال جو اکثر ناظرین کے ذہنوں میں اٹھتا ہے وہ یہ ہے کہ ہمارا یہ بہترین مواد عالمی اسٹریمنگ پلیٹ فارم نیٹ فلکس پر کیوں نظر نہیں آتا۔

اس اہم موضوع پر حال ہی میں اداکار فیصل قریشی نے ایک پوڈ کاسٹ میں کھل کر بات کی ہے اور اس کے پیچھے چھپی وجوہات سے پردہ اٹھایا ہے۔

جب میزبان نے ان سے پوچھا کہ پاکستانی ڈرامے اور فلمیں نیٹ فلکس پر کب آئیں گی، تو انہوں نے جواب دیتے ہوئے کہا کہ اگر سچ بولوں تو بھارتی نہیں چاہتے کہ پاکستانی مواد نیٹ فلکس پر آئے۔

انہوں نے اس کی دوسری بڑی وجہ بتاتے ہوئے کہا کہ دوسری بات یہ ہے کہ ہم سچ نہیں بولتے جبکہ نیٹ فلکس کے لیے حقیقت دکھانا ضروری ہوتا ہے۔ فیصل قریشی کے مطابق نیٹ فلکس یہ چاہتا ہے کہ ہر ملک اپنے معاشرے کی خامیاں اور تاریک پہلو بھی دنیا کو دکھائے، لیکن پاکستان میں سب کچھ دکھانا آسان نہیں ہے۔ کیونکہ جو فلم ساز ملک کی اصل تصویر پیش کرے گا شاید وہ بعد میں پاکستان میں رہ بھی نہ سکے۔

انہوں نے یہ بھی کہا کہ ہمارے ملک میں زیادہ تر لوگ نیٹ فلکس کا اکاؤنٹ خریدنے کے بجائے دوستوں اور رشتہ داروں کا اکاؤنٹ استعمال کرتے ہیں یا ایک ہی سبسکرپشن کئی لوگ مل کر چلاتے ہیں۔ اس لیے نیٹ فلکس کو پاکستان سے وہ آمدنی نہیں ملتی جو بھارت سے حاصل ہوتی ہے، اسی وجہ سے بھارتی مارکیٹ کا اثر زیادہ ہے۔“ انہوں نے ہنستے ہوئے کہا کہ ہمارے ہاں تو فلم ریلیز ہوتے ہی پہلا سوال یہ ہوتا ہے کہ یہ یوٹیوب پر کب آئے گی۔

دوسری جانب حکومت پاکستان بھی اس مسئلے کو حل کرنے کے لیے متحرک نظر آتی ہے۔ وفاقی وزیر برائے منصوبہ بندی و ترقی احسن اقبال نے سماجی رابطے کی ویب سائٹ ایکس پر جاری بیان میں کہا کہ پاکستانی فلمیں اور ڈرامے معیار کے اعتبار سے کسی سے کم نہیں اور دنیا بھر میں انہیں بے حد پسند کیا جاتا ہے۔

انہوں نے بتایا کہ حکومت تفریحی صنعت کو ملک کی برآمدات بڑھانے کا ایک اہم ذریعہ سمجھتی ہے اور اس سلسلے میں کام کر رہی ہے۔ علاقائی سیاست کے اثرات پر بات کرتے ہوئے انہوں نے کہا کہ بدقسمتی سے علاقائی سیاست کے باعث طویل عرصے سے ان پلیٹ فارمز کو استعمال کرتے ہوئے پاکستانی مواد کو اس کا جائز مقام نہیں دیا جا رہا۔

احسن اقبال نے امید دلائی کہ حکومت نیٹ فلکس اور دیگر اسٹریمنگ کمپنیوں کے ساتھ بات چیت کر رہی ہے تاکہ اس علاقائی نظام کو بدلا جا سکے اور ہمارے تخلیق کاروں کو منصفانہ مواقع ملے۔

انہوں نے یہ بھی اعلان کیا کہ حکومت ایک مقامی اسٹریمنگ پلیٹ فارم یعنی اپنا او ٹی ٹی بنانے پر بھی کام کر رہی ہے تاکہ پاکستانی مواد کو کسی کے سہارے کے بغیر دنیا بھر میں پہنچایا جا سکے۔

ان کے مطابق یہ منصوبہ ”اڑان پاکستان“ پروگرام کے تحت قومی برآمدی حکمت عملی کا اہم حصہ ہے اور اس سے ملک کی تخلیقی صنعت کو عالمی منڈی تک رسائی حاصل ہوگی۔

اس سے قبل معروف فلم ساز مہرین جبار بھی اسی طرح کے خدشات کا اظہار کر چکی ہیں کہ ایک ہمسایہ ملک اپنے سیاسی اثر و رسوخ کو استعمال کرتے ہوئے عالمی پلیٹ فارمز پر پاکستانی مواد کو پس منظر میں دھکیل رہا ہے۔

تاہم انہوں نے امید ظاہر کی کہ مستقبل قریب میں حالات بہتر ہوں گے، خصوصاً اس لیے کیونکہ پاکستان کی پہلی نیٹ فلکس سیریز اگلے ایک سال کے اندر ریلیز ہونے کی امید ہے، جو پاکستانی ڈراموں اور فلموں کے لیے عالمی سطح پر کامیابی کے نئے دروازے کھول سکتی ہے۔

بشریٰ انصاری حال ہی میں نجی ٹی وی کے مارننگ شو میں شریک ہوئیں، جہاں انہوں نے اپنی بیٹیوں کی پرورش، ان پر عائد پابندیوں اور شادی کے معاملے میں اختیار کیے گئے اپنے انداز پر کھل کر بات کی۔

ادا کارہ نے اپنے دل کا حال بیان کرتے ہوئے بتایا کہ ان کی بیٹی کی شادی کا تجربہ بہت برا رہا۔ انہوں نے کہا کہ میں پہلے ہی اس معاملے میں زخم کھا چکی ہوں اور میری بیٹی کی شادی کا تجربہ کافی تکلیف دہ رہا ہے۔

انہوں نے اپنے پرانے وقتوں کو یاد کرتے ہوئے کہا کہ ہمارے دور میں لڑکیوں پر بہت پابندیاں ہوتی تھیں، ہمیں لڑکوں سے دوستی کرنے کی اجازت نہیں تھی اور نہ ہی ہم لڑکوں کے ساتھ پڑھتے تھے۔

بشریٰ انصاری نے بتایا کہ اس سخت ماحول کے ردعمل میں ہم نے سوچا کہ ہم اپنی بیٹیوں پر ایسی پابندیاں نہیں لگائیں گے اور انہیں کھلی چھٹی دیں گے تاکہ وہ ہم سے جھوٹ نہ بولیں اور اگر انہیں کوئی پسند ہو تو ہمیں کھل کر بتا دیں۔

بشریٰ انصاری نے ایک پرانا قصہ سناتے ہوئے کہا کہ ایک بار ہماری بیٹی کو گھر کے فون پر کسی دوست کا فون آیا تو ان کے والد انصاری صاحب ناراض ہو گئے اور انہوں نے کہا کہ میں نہیں چاہتا کہ کوئی لڑکا میری بیٹیوں کو فون کرے۔ اس پر بشریٰ انصاری نے اپنے شوہر کو سمجھایا اور کہا کہ بچی کو تھوڑی آزادی دیں تاکہ وہ ہم سے جھوٹ بولنے پر مجبور نہ ہو۔

انہوں نے مزید کہا کہ، میں نے انصاری صاحب سے کہا کہ یہ لڑکے اس کے ساتھ پڑھتے ہیں اور اس کے دوست ہیں، وہ فون تو کریں گے ہی، اگر ہم نے روکا تو وہ چھپ کر باتیں کرے گی۔ بعد میں ہم نے اس کا درمیانی راستہ نکالا کہ اگر وہ لڑکوں کے گھروں نہیں جا سکتیں تو ان کے دوست ہمارے گھر آ سکتے ہیں، وہ سب خوش آمدید ہیں۔ تاکہ سب ہمارے سامنے ہوں۔

شادی کے فیصلے پر بات کرتے ہوئے انہوں نے کہا کہ ہم ایک متوسط گھرانے سے تعلق رکھتے ہیں جہاں بیٹیوں کو کبھی یہ نہیں سکھایا جاتا تھا کہ وہ صرف امیر شوہر تلاش کریں۔ ہم یہ کبھی سوچ بھی نہیں سکتے تھے کہ بیٹی کے لیے ایسا رشتہ ڈھونڈیں جس کے پاس بڑا گھر یا بہت زیادہ جائیداد ہو۔ ہمارے لیے پیسے سے زیادہ خاندان اور تربیت اہم تھی۔ ہم یہی سوچتے تھے کہ میاں بیوی مل کر بھی گھر بنا سکتے ہیں چاہے شوہر کی آمدنی شروع میں کم ہی کیوں نہ ہو۔

بشریٰ انصاری نے اعتراف کیا کہ اسی سوچ کی وجہ سے وہ اپنی بیٹی کے لیے رشتہ منتخب کرتے وقت ایک اہم بات کو نظر انداز کر گئیں۔

انہوں نے کہا، ”ہم نے اپنی بیٹی کے لیے مناسب رشتہ تلاش کرتے ہوئے غلطی کی۔ میں لڑکے کو اس کے خاندان یا مالی حالات کی بنیاد پر جانچ نہ سکی۔ میں نے سوچا کہ وہ اچھی گفتگو کرتا ہے، اس کا خاندان پڑھا لکھا ہے، اس لیے وہ اچھا لڑکا ہوگا۔“

انہوں نے مزید انکشاف کیا، ”میری بیٹی نریمان نے بھی مجھے بتایا تھا کہ جب میں اس لڑکے سے اس کی مالی حالت کے بارے میں پوچھتی تھی تو وہ ناراض ہو جاتا تھا۔ حقیقت میں یہ ایک بڑا خطرے کا اشارہ تھا، لیکن ہم نے اسے نظر انداز کر دیا کیونکہ ہمیں ڈر تھا کہ کہیں یہ رشتہ ختم نہ ہو جائے اور یہی ہماری سب سے بڑی بھول ثابت ہوئی۔“

حال ہی میں سوشل میڈیا پر یہ خبریں گردش کر رہی تھیں کہ شو سے جیٹھا لال کے کردار کو ختم کیا جا رہا ہے، جس کے بعد مداحوں میں تشویش پھیل گئی۔ تاہم میکرز نے بھارتی میڈیا سے گفتگو کرتے ہوئے ان تمام خبروں کو بے بنیاد قرار دیا۔

میکرز نے کہا، ”جیٹھا لال کے کردار کو آف ٹریک نہیں کیا جا رہا۔ شو کی موجودہ کہانی بھی انہی کے گرد گھوم رہی ہے اور اس کا نیا پرومو بھی جاری کیا جا چکا ہے۔ 28 جولائی کو ’تارک مہتا کا الٹا چشمہ‘ اپنے 18 سال مکمل کرنے جا رہا ہے، جس کا خصوصی جشن بھی منایا جائے گا۔ جیٹھا لال کا کردار ختم نہیں ہو رہا۔“

یہ وضاحت سامنے آنے کے بعد مداحوں نے بھی سکھ کا سانس لیا، کیونکہ جیٹھا لال کو اس کامیاب شو کی پہچان سمجھا جاتا ہے۔ دلیپ جوشی کئی برسوں سے اس کردار کو نبھا رہے ہیں اور ان کی مزاحیہ اداکاری نے انہیں گھر گھر میں مقبول بنا دیا ہے۔ بھارتی میڈیا رپورٹس کے مطابق وہ اس شو کے سب سے زیادہ معاوضہ لینے والے اداکار بھی ہیں۔

گزشتہ چند برسوں کے دوران ”تارک مہتا کا الٹا چشمہ“ کے کئی پرانے اداکار شو کو خیرباد کہہ چکے ہیں اور ان کی جگہ نئے چہرے شامل کیے گئے ہیں، تاہم کچھ فنکار ایسے بھی ہیں جو ابتدا سے ہی اس شو کا حصہ ہیں، جن میں دلیپ جوشی نمایاں ہیں۔

دوسری جانب شو میں دایابین کا کردار ادا کرنے والی دیشا واکانی کئی سال سے اسکرین پر نظر نہیں آئیں۔ وہ زچگی کی چھٹی پر گئی تھیں لیکن پھر واپس نہ آ سکیں۔ مداحوں نے ان کی واپسی کا طویل عرصے تک انتظار کیا اور میکرز نے بھی متعدد بار انہیں شو میں واپس لانے کی کوشش کی، تاہم وہ اپنی ذاتی زندگی اور بچوں کی دیکھ بھال میں مصروف رہیں۔

اس حوالے سے شو کے پروڈیوسر اسیت کمار مودی نے ماضی میں کہا تھا، ”شادی کے بعد خواتین کی زندگی بہت بدل جاتی ہے۔ چھوٹے بچوں کے ساتھ گھر اور کام دونوں کو سنبھالنا آسان نہیں ہوتا۔ لیکن میں اب بھی پُرامید ہوں۔ اگر خدا نے چاہا اور کوئی معجزہ ہوا تو دیشا واکانی واپس آ سکتی ہیں۔ اگر وہ واپس نہ آئیں تو ہمیں نئی دایابین لانا پڑے گی۔“

گزشتہ چند برسوں میں نئی دایابین کے لیے کئی اداکاراؤں کے نام بھی سامنے آئے، لیکن اب تک اس کردار کے لیے کسی نئی اداکارہ کا باضابطہ اعلان نہیں کیا گیا۔ اسی وجہ سے مداحوں کی بڑی تعداد اب بھی دیشا واکانی کی واپسی کی امید لگائے بیٹھی ہے، اگرچہ اس کے امکانات پہلے کے مقابلے میں کم دکھائی دیتے ہیں۔

میکرز کے حالیہ بیان کے بعد یہ واضح ہو گیا ہے کہ جیٹھا لال کے کردار کے خاتمے کی خبریں محض افواہیں تھیں اور دلیپ جوشی بدستور ”تارک مہتا کا الٹا چشمہ“ کی جان سمجھے جانے والے اپنے مشہور کردار میں مداحوں کو ہنسانے کا سلسلہ جاری رکھیں گے۔

خاندان کی جانب سے جاری بیان میں کہا گیا کہ سیم نیل کا انتقال اچانک اور غیر متوقع ہے۔ انہوں نے پوری زندگی وقار اور حوصلے کے ساتھ گزاری اور آخری لمحات میں بھی اسی وقار کے ساتھ دنیا سے رخصت ہوئے۔ تاہم وہ اپنی زندگی کے آخری وقت تک کینسر سے بالکل صحتیاب ہوچکے تھے۔ اہل خانہ نے سڈنی کے سینٹ ونسنٹ پرائیویٹ اسپتال کے ڈاکٹروں اور طبی عملے کا شکریہ ادا کیا۔ انہوں نے عوام اور میڈیا سے درخواست کی کہ غم کی اس گھڑی میں خاندان کی نجی زندگی اور رازداری کا احترام کیا جائے۔

ان کی موت کی باضابطہ وجہ نہیں بتائی گئی۔ تاہم سیم نیل نے 2023 میں اپنی یادداشتوں پر مبنی کتاب میں بتایا تھا کہ انہیں 2022 میں خون کے ایک نایاب سرطان، اسٹیج تھری اینجیو امیونوبلاسٹک ٹی سیل لمفوما، کی تشخیص ہوئی تھی اور وہ اس کا علاج کروا رہے تھے۔ بعد ازاں بیماری قابو میں آ گئی تھی، اگرچہ وہ ہر ماہ علاج جاری رکھے ہوئے تھے۔

آسٹریلیا کے وزیر اعظم انتھونی البانیز نے بھی سیم نیل کو خراجِ عقیدت پیش کیا۔ انہوں نے کہا کہ سیم نیل نے آسٹریلوی فلمی دنیا کو کئی یادگار کردار دیے اور اپنی سنجیدہ شخصیت، مزاح اور وقار کی وجہ سے لوگوں کے دلوں میں خاص مقام بنایا۔ ان کے مطابق سیم نیل نے بیماری کا مقابلہ بھی اسی حوصلے اور وقار کے ساتھ کیا جس نے ان کی اداکاری کو منفرد بنایا، اور انہیں طویل عرصے تک یاد رکھا جائے گا۔

سرسیم نیل 14 ستمبر 1947 کو شمالی آئرلینڈ کے شہر اوما میں پیدا ہوئے تھے۔ 1954 میں اپنے خاندان کے ساتھ نیوزی لینڈ منتقل ہو گئے، جہاں انہوں نے تعلیم حاصل کی۔ ابتدا میں انہوں نے قانون کی تعلیم شروع کی، لیکن بعد میں اداکاری کو اپنا پیشہ بنانے کا فیصلہ کیا اور تھیٹر سے اپنے فنی سفر کا آغاز کیا۔

فلمی دنیا میں انہیں پہلی بڑی کامیابی 1977 کی نیوزی لینڈ کی فلم ”سلیپنگ ڈاگز“ سے ملی، جو امریکا میں سینما گھروں میں ریلیز ہونے والی پہلی نیوزی لینڈ فلم بھی تھی۔

اس کے بعد انہوں نے متعدد کامیاب فلموں میں کام کیا، جن میں ”مائی برلینٹ کیریئر“، ”اومن تھری: دی فائنل کانفلکٹ“، ”دی ہنٹ فار ریڈ اکتوبر“، ”ڈیڈ کالم“، ”دی جنگل بک“، ”ایونٹ ہورائزن“، ”بائی سینٹینیئل مین“، ”پیٹر ریبٹ“ اور ”ہنٹ فار دی وائلڈرپیپل“ شامل ہیں۔

بین الاقوامی شہرت انہیں 1993 میں اس وقت ملی جب انہوں نے جین کیمپین کی آسکر ایوارڈ یافتہ فلم ”دی پیانو“ اور اسٹیون اسپیلبرگ کی بلاک بسٹر فلم ”جراسک پارک“ میں اداکاری کی۔

ان کا ’ڈاکٹر ایلن گرانٹ‘ کا کردار فلمی تاریخ کے یادگار کرداروں میں شمار ہوتا ہے۔ انہوں نے بعد میں ”جراسک پارک تھری“ اور تقریباً تین دہائیوں بعد ”جراسک ورلڈ: ڈومینین“ میں بھی اسی کردار کو دوبارہ نبھایا۔

پانچ دہائیوں سے زیادہ عرصے پر محیط اپنے کیریئر میں سیم نیل نے 150 سے زیادہ فلموں اور ٹیلی وژن پروگرامز میں کام کیا۔ ٹی وی پر بھی وہ ”پیکی بلائنڈرز“، ”دی ٹیوڈرز“، ”دی ٹویلو“، ”دی سمپسنز“ اور ”رک اینڈ مورٹی“ جیسے معروف پروگراموں میں نظر آئے۔ انہیں منی سیریز ”ریلی، ایس آف اسپائیز“ کے لیے گولڈن گلوب ایوارڈ کی نامزدگی بھی ملی۔

اداکاری کے علاوہ سیم نیل کو انگور کی کاشت اور وائن میکنگ کا بھی شوق تھا۔ وہ نیوزی لینڈ کے سینٹرل اوٹاگو علاقے میں ”ٹو پیڈاکس“ کے نام سے اپنا انگور کا باغ چلاتے تھے اور اکثر اپنی فارم کی زندگی کی جھلکیاں مداحوں کے ساتھ شیئر کرتے تھے۔

2023 میں شائع ہونے والی اپنی یادداشتوں کی کتاب “ڈِڈ آئی ایور ٹیل یو دِس؟“میں انہوں نے اپنی بیماری، علاج اور ذاتی زندگی کے بارے میں کھل کر لکھا تھا۔ ان کے مطابق کیموتھراپی کے دوران اس کتاب کی تحریر نے انہیں زندگی میں مقصد اور حوصلہ فراہم کیا۔

سر سیم نیل اپنے پیچھے نصف صدی سے زائد عرصے پر محیط ایک کامیاب فلمی ورثہ چھوڑ گئے ہیں۔ نیوزی لینڈ سے ہالی ووڈ تک ان کی خدمات کو سراہا جاتا رہا، جبکہ دنیا بھر میں فلموں کے شائقین انہیں ان کے یادگار کرداروں کی وجہ سے ہمیشہ یاد رکھیں گے۔

امریکی جریدے فوربز کے تازہ تخمینے کے مطابق رونالڈو کے خالص اثاثوں کی مالیت تقریباً 1.2 ارب ڈالر تک پہنچ چکی ہے، جبکہ وہ گزشتہ مسلسل تیسرے سال دنیا کے سب سے زیادہ آمدنی حاصل کرنے والے کھلاڑی بھی قرار پائے ہیں۔

رپورٹ کے مطابق گزشتہ 12 ماہ کے دوران رونالڈو نے تقریباً 300 ملین ڈالر کمائے، جس کا مطلب ہے کہ ان کی دولت میں اوسطاً ہر منٹ 570 ڈالر سے زائد کا اضافہ ہوا۔ مالیاتی ماہرین کے مطابق یہ اعداد و شمار اس بات کی عکاسی کرتے ہیں کہ کھیل کے ساتھ ساتھ تجارتی سرگرمیوں میں بھی رونالڈو کی کامیابی غیر معمولی رہی ہے۔

رونالڈو کی آمدنی میں سب سے بڑا اضافہ 2023 میں سعودی عرب کے کلب النصر میں شمولیت کے بعد دیکھنے میں آیا۔ بعد ازاں 2025 میں انہوں نے کلب کے ساتھ اپنے معاہدے میں توسیع کی، جس کے بعد فوربز کے مطابق ان کی سالانہ آمدنی 200 ملین ڈالر سے تجاوز کر گئی۔ یہ رقم یورپ میں ان کے آخری برسوں کی کمائی سے کہیں زیادہ ہے۔

دلچسپ بات یہ ہے کہ 2022 کے قطر ورلڈ کپ سے قبل رونالڈو کا کیریئر غیر یقینی صورتحال سے دوچار تھا۔ مانچسٹر یونائیٹڈ کے اس وقت کے کوچ ایرک ٹین ہیگ کے ساتھ اختلافات کے بعد انہوں نے ایک متنازع انٹرویو میں کہا تھا، ”مجھے محسوس ہوتا ہے کہ کلب نے میرے ساتھ دھوکہ کیا ہے۔“ اس بیان کے چند روز بعد دونوں فریق باہمی رضامندی سے الگ ہوگئے اور رونالڈو فری ایجنٹ بن گئے۔

اگرچہ اس وقت بہت سے مبصرین نے ان کے مستقبل پر سوالات اٹھائے، لیکن سعودی لیگ میں منتقلی نے ان کے کیریئر کو نئی سمت دے دی۔ النصر میں شمولیت کے بعد نہ صرف ان کی آمدنی میں ریکارڈ اضافہ ہوا بلکہ مشرق وسطیٰ میں فٹبال کی مقبولیت بھی نئی بلندیوں تک پہنچ گئی۔

رونالڈو کی کمائی صرف فٹبال تک محدود نہیں۔ نائیکی، بائنانس، ہربالائف اور دیگر عالمی کمپنیوں کے ساتھ اسپانسرشپ معاہدے، ذاتی برانڈ ، ہوٹلز، فیشن، فٹنس اور دیگر کاروباری منصوبے بھی ان کی دولت میں مسلسل اضافہ کر رہے ہیں۔

سوشل میڈیا پر ان کے تقریباً ایک ارب فالوورز انہیں دنیا کے سب سے بااثر کھلاڑیوں میں شمار کرتے ہیں، جس کے باعث عالمی برانڈز انہیں اپنی تشہیری مہمات کے لیے پہلی ترجیح دیتے ہیں۔

فوربز کے مطابق رونالڈو کھیلوں کی تاریخ کے پہلے کھلاڑی بن گئے ہیں جن کی مجموعی پیشہ ورانہ آمدنی، ٹیکس اور ایجنٹس کے کمیشن کی کٹوتی سے پہلے، دو ارب ڈالر سے تجاوز کر چکی ہے۔ اس کامیابی کے ساتھ وہ اپنے روایتی حریف لیونل میسی کی طرح ارب پتی کھلاڑیوں کی فہرست میں شامل ہو گئے ہیں۔

اگرچہ پرتگال حالیہ فیفا ورلڈ کپ 2026 میں اسپین کے ہاتھوں ناک آؤٹ مرحلے میں شکست کے بعد ٹائٹل کی دوڑ سے باہر ہو گیا اور رونالڈو کا ورلڈ کپ جیتنے کا خواب ادھورا رہ گیا، تاہم 41 سالہ اسٹار نے تاحال ریٹائرمنٹ کا اعلان نہیں کیا۔

فٹبال ماہرین کا خیال ہے کہ اگر ان کی فٹنس برقرار رہی تو وہ 2030 کے ورلڈ کپ تک بھی کھیل سکتے ہیں اور مزید ریکارڈ اپنے نام کر سکتے ہیں۔

یہ انکشاف فیفا ورلڈ کپ 2026 کے کوارٹر فائنل میں فرانس کی مراکش کے خلاف 0-2 کی کامیابی کے بعد سامنے آیا۔ بوسٹن کے جیلیٹ اسٹیڈیم میں کھیلے گئے اس میچ میں کلیان ایمباپے نے ایک گول کیا اور عثمان ڈیمبیلے کے گول میں معاونت فراہم کی، جس پر انہیں ”مین آف دی میچ“ قرار دیا گیا۔

میچ سے قبل شکیرا نے ایک خصوصی پیغام میں ایمباپے کا شکریہ ادا کرتے ہوئے کہا، ”کیا آپ جانتے ہیں کہ میرے گانے ’دائی دائی‘ کی ویڈیو میں شامل ہونے کے لیے سب سے پہلے کلیان ایمباپے نے ہاں کی تھی؟ کلیان، میں اس محبت اور تعاون کے لیے ہمیشہ آپ کی شکر گزار رہوں گی۔ بہت بہت شکریہ۔“

شکیرا نے بتایا کہ ایمباپے نے میوزک ویڈیو کے آغاز میں ”ہم تیار ہیں“ کا مشہور جملہ استعمال کرنے کی بھی اجازت دی، جو فیفا ورلڈ کپ 2026 کی تشہیری مہم کا حصہ تھا۔

گلوکارہ کے مطابق اس میوزک ویڈیو میں دنیا کے کئی معروف فٹبالرز نے بھی ان کی دعوت قبول کی، جن میں انگلینڈ کے ہیری کین، ارجنٹینا کے لیونل میسی، جرمنی کے جمال موسیالا، کولمبیا کے لوئس ڈیاز اور برازیل کے وینیسیئس جونیئر شامل ہیں۔ ان تمام ستاروں کی موجودگی نے ویڈیو کو شائقین کے لیے مزید یادگار بنا دیا۔

فرانس اور مراکش کے درمیان کھیلے گئے میچ کے دوران شکیرا اپنے اہلِ خانہ کے ہمراہ اسٹیڈیم میں موجود تھیں اور انہوں نے فرانسیسی ٹیم کے کپتان کے والد ولفریڈ ایمباپے سے بھی ملاقات کی۔ بعد ازاں انہوں نے ان کے ساتھ لی گئی سیلفی سوشل میڈیا پر ”مسٹر ایمباپے کے ساتھ“ کے عنوان سے شیئر کی، جسے مداحوں کی جانب سے خوب پسند کیا گیا۔

شکیرا کا یہ انکشاف سوشل میڈیا پر بھی تیزی سے وائرل ہو رہا ہے، جہاں مداح میوزک اور فٹبال کی اس منفرد شراکت داری کو دلچسپ قرار دے رہے ہیں۔

رجب بٹ اور ایمان فاطمہ کی شادی بڑے دھوم دھام سے ہوئی تھی جس کی ویڈیوز اور تصاویر سوشل میڈیا پر بہت زیادہ پسند کی گئی تھیں۔ شادی کے بعد دونوں کو سوشل میڈیا پر ایک مقبول جوڑے کے طور پر دیکھا جاتا تھا، تاہم کچھ عرصے بعد ان کے درمیان اختلافات کی خبریں سامنے آنے لگیں۔

شادی کے پہلے ہی سال ان کے ہاں ایک بیٹے کی پیدائش ہوئی جس کا نام کیوان رکھا گیا۔ لیکن اس دوران بھی ان کے تعلقات میں کشیدگی برقرار رہی۔

وقت کے ساتھ جھگڑے اتنے بڑھ گئے کہ رجب بٹ نے ایمان فاطمہ کو طلاق دینے کا اعلان کر دیا اور باقاعدہ قانونی کارروائی کے لیے نوٹس بھی بھیج دیا۔

اس مشکل وقت میں ایمان فاطمہ کے بھائی عون شیخ اپنی بہن کی مدد کے لیے سامنے آئے تھے اور مختلف مواقع پر اس معاملے پر اپنے خیالات کا اظہار کرتے رہے۔

اب ایمان فاطمہ کے بھائی عون شیخ نے سوشل میڈیا پر ایک ویڈیو کے ذریعے اس پورے معاملے پر نئی اور بڑی معلومات شیئر کی ہیں۔

عون شیخ کا کہنا ہے کہ میری بہن اور رجب بٹ کے درمیان اب صلح ہو چکی ہے اور معاملہ حل ہو گیا ہے۔

انہوں نے بتایا کہ میری والدہ نے بھی مجھے سمجھایا کہ تم گھر کے مرد ہو اس لیے اس لڑائی کو مزید لمبا مت کرو۔ اس لیے میں نے بھی یہی بہتر سمجھا کہ جھگڑا ختم ہونا چاہیے۔عون شیخ کے اس اعلان کے بعد دونوں کے مداحوں نے سکھ کا سانس لیا ہے۔

دوسری طرف اس صلح پر سوشل میڈیا کے صارفین ملی جلی رائے کا اظہار کر رہے ہیں۔ کچھ لوگ اس فیصلے پر تنقید کر رہے ہیں تو کچھ اسے ڈراما قرار دے رہے ہیں۔

ایک صارف نے طنز کرتے ہوئے لکھا کہ تو کیا یہ صلح ان کروڑوں روپے کے لیے ہوئی ہے؟

ایک اور صارف نے عون شیخ کی بات پر تبصرہ کرتے ہوئے لکھا کہ آپ کی والدہ کو یہ بات پہلے کیوں سمجھ نہیں آئی؟

ایک اور صارف نے مایوسی کا اظہار کرتے ہوئے لکھا کہ اب کسی کو اس بات سے کوئی فرق نہیں پڑتا۔

24 سالہ انستاشیہ کوسٹرومیٹینا ایک پیشہ ور روسی ماڈل اور سوشل میڈیا انفلوئنسر ہیں، جو اس سے قبل بھی مختلف معروف برانڈز کے ساتھ کام کر چکی ہیں۔ تاہم انہیں عالمی شہرت اس وقت ملی جب ان کی والدہ ماریہ کوسٹرومیٹینا نے سوشل میڈیا پر ایک ویڈیو شیئر کی، جس میں انستاشیہ ارلنگ ہالینڈ کے مخصوص انداز، چہرے کے تاثرات اور باڈی لینگویج کی نقل کرتی نظر آئیں۔

ویڈیو میں انستاشیہ نے اپنے سنہرے بال بھی بالکل اسی انداز میں پیچھے باندھے ہوئے تھے، جیسے ارلنگ ہالینڈ میچز کے دوران اکثر دکھائی دیتے ہیں۔ ان کے چہرے کے خدوخال، آنکھوں، ناک، مسکراہٹ اور منہ بنانے کے انداز نے صارفین کو اس قدر حیران کیا کہ پہلی نظر میں بہت سے لوگوں کو یقین ہی نہیں آیا کہ وہ ہالینڈ نہیں بلکہ ایک روسی ماڈل ہیں۔

یہ ویڈیو دیکھتے ہی دیکھتے وائرل ہوگئی اور مختلف سوشل میڈیا پلیٹ فارمز، خصوصاً ٹک ٹاک اور انسٹاگرام پر تیزی سے پھیل گئی۔ رپورٹس کے مطابق ویڈیو کو 11 کروڑ سے زائد مرتبہ دیکھا جا چکا ہے، جبکہ اسے 50 لاکھ سے زیادہ افراد پسند کر چکے ہیں، جس کے بعد انستاشیہ راتوں رات عالمی شہرت حاصل کرنے میں کامیاب ہو گئیں۔

ویڈیو کے وائرل ہونے کے بعد سوشل میڈیا صارفین نے دلچسپ تبصروں کا سلسلہ بھی شروع کر دیا۔ ایک صارف نے لکھا، ”یہ ارلنگ ہالینڈ نہیں بلکہ ان کی جڑواں بہن ارلینا ہالینڈ ہیں۔“

ایک اور مداح نے مزاحیہ انداز میں تبصرہ کیا، ”اگر ہالینڈ کبھی میچ کے دوران زخمی ہو جائیں تو مانچسٹر سٹی انستاشیہ کو میدان میں اتار دے، شاید کسی کو فرق بھی محسوس نہ ہو۔“

کئی صارفین نے انہیں ”ہالینڈ کی گمشدہ بہن“ اور ”خاتون ہالینڈ“ جیسے القابات بھی دیے۔

انستاشیہ کا کہنا ہے کہ ابتدا میں انہوں نے اپنی اس مشابہت کو زیادہ اہمیت نہیں دی، لیکن وقت گزرنے کے ساتھ انہوں نے اسے ایک دلچسپ تعریف کے طور پر قبول کر لیا۔ ان کے بقول، ”لوگ کئی برسوں سے مجھے ارلنگ ہالینڈ سے ملتی جلتی شکل کی وجہ سے پہچانتے ہیں، اب میں اسے مثبت انداز میں لیتی ہوں۔“

مداحوں کے مطابق دونوں کے درمیان صرف چہرے کی ہی نہیں بلکہ تاثرات، مسکراہٹ، آنکھوں کی حرکت اور چہرے کے زاویوں تک میں غیر معمولی مماثلت پائی جاتی ہے، جس کی وجہ سے ان کی تصاویر اور ویڈیوز دنیا بھر میں تیزی سے شیئر کی جا رہی ہیں۔

یہ دلچسپ واقعہ ایسے وقت میں سامنے آیا ہے جب ارلنگ ہالینڈ اپنی شاندار فٹبال کارکردگی کی بدولت مسلسل خبروں میں موجود ہیں۔ فٹبال اسٹار کی عالمی مقبولیت اور انستاشیہ کی وائرل ویڈیوز نے مل کر اس حیرت انگیز مشابہت کو دنیا بھر میں موضوعِ بحث بنا دیا ہے۔

اگرچہ انستاشیہ کوسٹرومیٹینا اور ارلنگ ہالینڈ کے درمیان کسی قسم کا خاندانی تعلق موجود نہیں، تاہم ان کی غیر معمولی ظاہری مشابہت نے انٹرنیٹ صارفین کو حیرت میں مبتلا کر دیا ہے۔ فٹبال اور فیشن کی دنیا میں اس مماثلت کو حالیہ عرصے کے سب سے دلچسپ اتفاقات میں شمار کیا جا رہا ہے، جبکہ انستاشیہ کے سوشل میڈیا فالوورز کی تعداد بھی تیزی سے بڑھ رہی ہے۔

اس شادی کو اس قدر چھپا کر رکھا گیا کہ ہال کے اندر کی ایک بھی تصویر یا دلہن کے لباس کی جھلک باہر نہیں آسکی۔ تمام مہمانوں اور کام کرنے والوں سے سخت معاہدے دستخط کروائے گئے تھے اور ان کے موبائل فون بھی باہر ہی رکھوا لیے گئے تھے۔

رپورٹس کے مطابق شادی کو عوام کی نظروں سے اوجھل رکھنے کے لیے سڑکیں بند کی گئیں اور مقام کے گرد بڑے بڑے خیمے لگا دیے گئے تھے۔

امریکی خبر رساں ایجنسی اے پی کے مطابق اس شدید رازداری کی وجہ سے باہر کھڑے مداحوں میں اندر کی ایک جھلک دیکھنے کی ایسی دیوانگی پیدا ہوئی کہ انہوں نے شادی کے باہر سڑک پر گرے کچرے کو ہی ٹیلر سوئفٹ کی نشانی سمجھ کر خریدنا شروع کر دیا۔

گزشتہ ایک ہفتے کے دوران مداح نیویارک کے مین ہیٹن کی سڑکوں اور انٹرنیٹ پر ٹیلر سوئفٹ کی اس شادی سے جڑی چھوٹی چھوٹی چیزیں تلاش کرتے رہے، جسے بعض لوگوں نے ”امریکہ کی شاہی شادی“ قرار دیا۔ لیکن ٹیلر سوِفٹ نے تقریباً ایک ہزار افراد پر مشتمل اس بڑی تقریب کو تقریباً مکمل طور پر خفیہ رکھنے میں کامیابی حاصل کی۔

نیویارک میں پچھلے پچیس سالوں سے کچرے کو فن پاروں میں تبدیل کرنے والے آرٹسٹ جسٹن گگناک نے اس صورتحال کا فائدہ اٹھایا۔ وہ دولہے کا کوٹ پینٹ پہن کر، ہاتھ میں کچرا اٹھانے والا اوزار اور پلاسٹک کا تھیلا لے کر ان مداحوں کے بیچ پہنچ گئے جو گھنٹوں سے باہر کھڑے تھے۔

وہ ٹیلر سوئفٹ کے مداحوں کی دوستی کی علامت سمجھے جانے والے ٹوٹے ہوئے فرینڈ شپ بریسلٹس کے موتی ڈھونڈ رہے تھے، لیکن انہیں موتی تو نہیں ملے، البتہ کسی کا گرا ہوا ایک ائیر پاڈ، بچوں کی انگوٹھی والی ٹافی، ایک پرانا میڈیکل ٹیسٹ کارڈ اور ایک رنگ برنگا پنکھا اور دیگر چھوٹی موٹی چیزیں ہاتھ لگ گئیں۔

جسٹن نے ان تمام چیزوں کو ایک ایک انچ کے چھوٹے ڈبوں میں بند کر کے انٹرنیٹ پر بیچنا شروع کر دیا اور حیرت کی بات یہ ہے کہ آسٹریلیا، جرمنی اور برطانیہ تک کے مداحوں نے کچرے کے یہ پچاس ٹکڑے ہاتھوں ہاتھ خرید لیے۔

جسٹن گگناک نے مسکراتے ہوئے بتایا کہ لوگ اب بھی مجھ سے پوچھ رہے ہیں کہ کیا کچھ اور کچرا بچا ہے؟ کیا کچھ اور سامان ہے؟

انہوں نے یہ بھی کہا کہ کیا آپ کی زندگی میں کبھی کوئی ایسا گانا نہیں رہا جس نے آپ کی زندگی بدل دی ہو اور وہ گلوکار آپ کی روزمرہ زندگی کا حصہ بن گیا ہو؟ جب کوئی آپ کی زندگی میں اتنا بڑا مقام رکھتا ہو، تو اس سے جڑی کوئی بھی چیز اپنے پاس رکھنا اچھا لگتا ہے۔

ان کا کہنا تھا کہ شادی کے مقام کے باہر غیر معمولی صفائی تھی، تاہم انہیں اتنا سامان ضرور مل گیا کہ وہ اپنی محدود تعداد میں تیار کی گئی یادگاری کلیکشن مکمل کر سکیں۔ انہوں نے شادی کے موضوع کو نمایاں کرنے کے لیے پھینکی گئی اسٹرا کو گرہ لگا کر بھی محفوظ کیا۔

اگرچہ اس دوران سخت سیکیورٹی اور ٹریفک پابندیوں پر بعض مقامی شہریوں نے ناراضی کا اظہار کیا، لیکن اس کے باوجود بڑی تعداد میں مداح رکاوٹوں کے پیچھے کھڑے رہے اور سیاہ رنگ کی گاڑیوں کو تقریب کے مقام میں داخل ہوتے دیکھتے رہے۔

رات گئے ایک بیکری کی گاڑی وہاں پہنچی تو کیٹرنگ کے ایک ملازم نے سیب اور شہد سے تیار کی گئی پیسٹریوں کا ڈبہ پولیس اہلکار کے حوالے کیا، جس نے وہ انتظار کرنے والے مداحوں میں تقسیم کر دیں۔

شادی کی اصل تصاویر نہ آنے کی وجہ سے انٹرنیٹ پر کمپیوٹر سے بنائی گئی نقلی تصاویر کی بھر مار ہو گئی، جن میں جوڑے کو شادی کے جوڑوں میں دکھایا گیا تھا۔ جبکہ کچھ تصاویر میں مبینہ ”خفیہ باغ“ کی جھلک بھی دکھائی گئی، جہاں مبینہ طور پر ہال کو درختوں، پودوں اور پھولوں سے سجایا گیا تھا۔

کچھ تصاویر واضح طور پر مذاق کے لیے بنائی گئی تھیں، جن میں لوگوں نے خود کو شادی میں شامل دکھایا یا یہ ظاہر کیا کہ وہ تقریب کی فوٹوگرافی کے لیے مقرر کیے گئے تھے۔ لیکن کچھ تصاویر ایسی بھی تھیں جو حقیقت کے قریب دکھائی دیتی تھیں، جیسے دھندلی اور کم معیار کی خفیہ طور پر لی گئی تصاویر ہوں۔

لیکن ٹیلر سوئفٹ کی پرانی مداح الیکسا وولینڈ نے بتایا کہ ٹیلر کے مداحوں کو گانوں میں چھپے اشارے ڈھونڈنے کی پرانی عادت ہے، اسی لیے انہوں نے نقلی تصاویر میں چہرے کی بناوٹ اور کپڑوں کی غلطیوں کو دیکھ کر فوراً پہچان لیا کہ یہ سب جھوٹ ہے۔

الیکسا وولینڈ نے کہا کہ ایک مداح ہونے کے ناطے میں چاہوں گی کہ شادی کی پہلی جھلک خود ٹیلر کی طرف سے آئے۔ مجھے معلوم ہے کہ وہ آگے چل کر ہمیں کوئی ایسا گانا ضرور دیں گی جو کسی بھی اے آئی تصویر سے زیادہ سچ بیان کرے گا۔

بوسٹن سے تعلق رکھنے والی ایک اور مداح مارگریٹ ولیسن مارگریٹ ولیسن، جو ٹیلر سوئفٹ کی موسیقی اور مداحوں پر ورکشاپس بھی کر چکی ہیں، کا کہنا تھا کہ ٹیلر ہمیشہ اپنی زندگی کے عام سے لمحات کو بھی غیر معمولی اہمیت دے دیتی ہیں۔

انہوں نے کہا، ”ہم ایسی کوئی چیز نہیں چاہتے جو ان سے چرا کر سامنے لائی گئی ہو۔“

اگرچہ شادی کی اندرونی تفصیلات اب بھی راز بنی ہوئی ہیں، لیکن مداحوں کو امید ہے کہ ٹیلر سوئفٹ مناسب وقت آنے پر اپنی زندگی کے اس اہم باب کی کہانی خود اپنے انداز میں دنیا کے سامنے ضرور لائیں گی۔

3 جولائی کو نیویارک کے مشہور میڈیسن اسکوائر گارڈن میں شاندار تقریب کے دوران شادی کے بندھن میں بندھنے والے ٹیلر سوئفٹ اور ٹریوس کیلسی چند ہی دن بعد ٹریوس کے سابق ساتھی اور کنساس سٹی چیفس کے کھلاڑی جوجو اسمتھ-شوسٹر اور فٹنس انفلوئنسر لورا کروک کی شادی میں شریک ہوئے۔

10 جولائی کو ہونے والی اس تقریب کی تصاویر سامنے آتے ہی سوشل میڈیا پر تیزی سے وائرل ہو گئیں۔ یہ پہلا موقع تھا جب مداحوں نے شادی کے بعد ٹیلر سوئفٹ اور ٹریوس کیلسی کو میاں بیوی کی حیثیت سے ایک ساتھ دیکھا۔

تقریب میں ٹیلر سوئفٹ گلابی رنگ کے خوبصورت سلیو لیس گاؤن میں ملبوس تھیں، جبکہ ان کی مخصوص سرخ لپ اسٹک نے ان کی شخصیت کو مزید نمایاں کر دیا۔ دوسری جانب ٹریوس کیلسی سیاہ رنگ کے خوبصورت سوٹ میں نظر آئے۔

دونوں ہاتھوں میں ہاتھ ڈالے مسکراتے ہوئے تقریب میں داخل ہوئے۔ تصاویر میں ان کی شادی کی انگوٹھیاں بھی واضح طور پر دیکھی جا سکتی تھیں۔

تقریب کے دوران ٹیلر سوئفٹ خوشگوار موڈ میں دکھائی دیں اور دونوں زیادہ تر وقت ایک دوسرے کا ہاتھ تھامے بیٹھے رہے۔

وہ دلہا دلہن کو مبارک باد دیتے رہے اور ایک نئے شادی شدہ جوڑے کی خوشی ان کے چہروں سے نمایاں تھی۔

غیر ملکی میڈیا کے مطابق یہ عوامی شرکت ان کے نجی ہنی مون سے واپسی کے فوراً بعد سامنے آئی۔ رپورٹس میں بتایا گیا ہے کہ شادی کے بعد دونوں نے اپنا ہنی مون امریکہ کے مشہور سیاحتی مقام ییلو اسٹون کے ایک پرتعیش ریزورٹ میں گزارا اور جوجو اسمتھ-شوسٹر کی شادی سے قبل انہیں واپس گھر پہنچتے ہوئے بھی دیکھا گیا۔

واضح رہے کہ ٹیلر سوئفٹ اور ٹریوس کیلسی نے 3 جولائی کو نیویارک کے میڈیسن اسکوائر گارڈن میں ایک انتہائی شاندار اور نجی تقریب میں شادی کی تھی۔ اس موقع پر اس تاریخی کھیلوں کے میدان کو خوبصورت خفیہ باغ کی شکل دی گئی تھی۔

تقریب میں تقریباً ایک ہزار مہمان شریک ہوئے تھے، جن میں ہالی ووڈ کے معروف اداکار، موسیقار، کھیلوں کی دنیا کی شخصیات اور دونوں کے قریبی دوست اور اہل خانہ شامل تھے۔ شادی کے بعد اسٹیڈیم کے باہر نصب بڑی ڈیجیٹل اسکرینوں پر بھی ان کی شادی کا اعلان کیا گیا، جس کے بعد یہ تقریب دنیا بھر کے میڈیا اور سوشل میڈیا پر موضوعِ گفتگو بن گئی۔

بھارتی عدالت نے اس قانونی لڑائی کا فیصلہ سناتے ہوئے راجپال یادو کو سات الگ الگ مقدمات میں تین تین مہینے کی قید کی سزا سنائی ہے۔ تاہم یہ تمام سزائیں ایک ساتھ چلیں گی، جس کا مطلب ہے کہ انہیں کل ملا کر تین مہینے ہی جیل میں گزارنے ہوں گے۔

بھارتی میڈیا رپورٹس کے مطابق اس مقدمے کی سماعت کرنے والی جج جسٹس سورنا کانتا شرما نے ایم/ایس مرلی پروجیکٹس پرائیویٹ لمیٹڈ کی جانب سے دائر کیے گئے سات مقدمات کا فیصلہ سنایا۔ عدالت نے راجپال یادو کو ہر مقدمے میں شکایت کنندہ کو ایک کروڑ پانچ لاکھ روپے ادا کرنے کا حکم بھی دیا۔

اس کے علاوہ انہیں ایک لاکھ چار ہزار روپے، پچھتر ہزار روپے اضافی رقم اور ریاست کو 25 ہزار روپے بھی ادا کرنے کی ہدایت کی گئی۔

عدالت نے راجپال یادو کی اہلیہ رادھا راجپال یادو پر بھی ہر مقدمے میں پانچ کروڑ روپے سے زائد جرمانہ عائد کیا۔

فیصلہ سناتے ہوئے جسٹس سورنا کانتا شرما نے کہا، ”راجپال یادو کو معاملہ طے کرنے اور اپنے وعدے پورے کرنے کے لیے کئی مواقع دیے گئے، لیکن وہ ایسا کرنے میں ناکام رہے۔“

انہوں نے مزید کہا، ”راجپال یادو اور ان کے وکیل نے عدالت میں متعدد بار بیانات دیے اور یقین دہانیاں کرائیں، مگر بار بار موقع ملنے کے باوجود انہوں نے اپنے وعدوں کی پاسداری نہیں کی۔“

عدالت نے راجپال یادو کو یہ سہولت بھی دی ہے کہ وہ دو ماہ کے اندر اگر چاہیں تو اس فیصلے کو کسی اعلیٰ عدالت میں چیلنج کر سکتے ہیں۔

واضح رہے کہ یہ مقدمات چیک باؤنس سے متعلق ہیں، جبکہ اس معاملے میں مزید قانونی کارروائی بھی متوقع ہے۔

اسٹیڈیم کے باہر بدترین ٹریفک جام کی وجہ سے ان کی گاڑی پھنس گئی۔ چونکہ میچ شروع ہونے میں چند منٹ باقی تھے اور نورا اپنی ٹیم کا حوصلہ بڑھانے کے لیے قومی ترانے کے وقت ہر صورت اسٹیڈیم میں موجود رہنا چاہتی تھیں، اس لیے انہوں نے گاڑی وہیں چھوڑی اور اسٹیڈیم کی طرف دوڑ لگا دی۔

نورا فتیحی اسٹیڈیم کے وی آئی پی باکس میں موجود تھیں اور پورے میچ کے دوران وہ مراکش کی ٹیم کی بھرپور حمایت اور ہر اچھے موو پر داد دیتی رہیں۔ اس کے ساتھ ساتھ میچ کی کچھ ویڈیوز بھی اپنے انسٹاگرام اکاؤنٹ پر اسٹوریز میں شیئر کرتی رہیں۔

وہ ٹیم کی کامیابی کے لیے بے حد پُرامید تھیں، تاہم جیسے ہی فرانس نے میچ کے آخری لمحات میں دوسرا گول کر کے مراکش کی شکست یقینی بنائی، تو نورا فتحی شدید مایوسی کا شکار ہو گئیں اور اپنے جذبات پر قابو نہ رکھ پائیں۔

میچ کے اختتام کے بعد نورا فتیحی نے ’انسٹاگرام‘ پر اپنے دکھ اور افسوس کا اظہار کرتے ہوئے ایک جذباتی پیغام شیئر کیا۔

انہوں نے کہا کہ کہ آج میرا دل ٹوٹ گیا ہے، لیکن میرا سر فخر سے بلند ہے۔ ہماری ٹیم نے آخری سیکنڈ تک ہار نہیں مانی اور میدان میں جان لڑا دی۔ مراکش نے دنیا کو دکھا دیا ہے کہ ہم میں کتنا دم ہے۔ ہماری ٹیم کے کھلاڑی ہی ہمارے اصل ہیرو ہیں۔

اگرچہ مراکش اس شکست کے بعد ٹورنامنٹ سے باہر ہو گیا، لیکن انہوں نے مسلسل عمدہ کارکردگی کا مظاہرہ کرتے ہوئے ایک بار پھر عالمی سطح پر اپنی صلاحیتوں کا لوہا منوا لیا ہے۔

احسن خان نے اپنے والد کے انتقال کی یہ انتہائی افسوس ناک خبر سوشل میڈیا ایپ انسٹاگرام پر اپنے مداحوں کے ساتھ شیئر کی ہے۔ احسن خان نے اپنے والد کے ساتھ گزارے لمحوں کی کچھ پرانی تصاویر پوسٹ کیں اور ساتھ ہی ایک بہت جذباتی پیغام بھی لکھا۔

انہوں نے لکھا کہ بعض جدائیاں ہمیں زندگی کی سب سے بڑی سچائی یاد دلاتی ہیں کہ اس دنیا میں کوئی بھی چیز ہمیشہ رہنے والی نہیں ہے اور ہر چیز اللہ ہی کی امانت ہے، میرے والد ایک بہت ہی اچھے انسان تھے اور آج میں جو کچھ بھی ہوں انہی کی وجہ سے ہوں۔

انہوں نے مزید لکھا کہ میں ان تمام لوگوں کا دل سے شکر گزار ہوں جنہوں نے اس مشکل وقت میں مجھ سے رابطہ کیا، مجھ سے محبت کا اظہار کیا اور میرے ساتھ کھڑے رہے، آپ سب کی اس ہمدردی نے مجھے یہ احساس دلایا کہ میں اس دکھ میں اکیلا نہیں ہوں۔ آپ کا یہ ساتھ میرے لیے بہت معنی رکھتا ہے اور یہ میرے لیے الفاظ سے کہیں بڑھ کر اہم ہے۔

احسن خان کے والد کے انتقال کی خبر سامنے آتے ہی شوبز سے وابستہ شخصیات، ان کے دوستوں اور مداحوں کی بڑی تعداد نے گہرے دکھ کا اظہار کیا ہے۔ متعدد افراد نے مرحوم کے لیے دعائے مغفرت اور اہلِ خانہ کے لیے صبر جمیل کی دعا کرتے ہوئے تعزیتی پیغامات شیئر کیے۔

ماہرین کے مطابق ناریل کا تیل دونوں طریقوں سے استعمال کیا جاسکتا ہے، لیکن اس کے فوائد مختلف ہوسکتے ہیں۔

2003 میں“جرنل آف کاسمیٹک سائنس“ میں شائع ہونے والی ایک تحقیق سے ثابت ہوا ہے کہ ناریل کا تیل صحت مند اور خراب دونوں طرح کے بالوں میں پروٹین کے نقصان کو کم کرنے میں مدد دے سکتا ہے، جس سے بالوں کی مضبوطی برقرار رہتی ہے۔ یہی وجہ ہے کہ ناریل کا تیل بالوں کو لمبا اور گھنا کرنے کے لیے سب سے بہترین مانا جاتا ہے۔

شیمپو سے پہلے ناریل کا تیل لگانے کے فائدے

تحقیق کے مطابق شیمپو کرنے سے پہلے بالوں میں ناریل کا تیل لگانا سب سے زیادہ فائدہ مند ثابت ہوتا ہے۔ ہمارے بال بنیادی طور پر کیراٹن نامی پروٹین سے بنتے ہیں اور جب بھی ہم بال دھوتے ہیں تو بالوں سے تھوڑی مقدار میں یہ پروٹین نکل جاتا ہے۔

اگر شیمپو سے پہلے ناریل کا تیل لگا لیا جائے تو یہ بالوں پر ایک حفاظتی تہہ بنا دیتا ہے اور بالوں کے اندر تک پہنچ کر اس پروٹین کی حفاظت کرتا ہے۔

یہ طریقہ ان لوگوں کے لیے بہت اچھا ہے جن کے بال خشک ہیں، جنہوں نے بالوں میں رنگ یا کیمیکل لگوایا ہوا ہے، یا جن کے بال گھنگریالے ہیں۔

اس کے علاوہ جب بھی بالوں میں پانی لگتا ہے تو بال پھولتے ہیں اور پھر سوکھنے پر سکڑتے ہیں۔ بار بار بالوں کا پھولنا اور سکڑنا انہیں کمزور کر دیتا ہے۔ ناریل کا تیل بالوں میں زیادہ پانی جذب نہیں ہونے دیتا جس سے بال دھونے کے دوران خراب ہونے سے بچ جاتے ہیں۔

شیمپو بالوں سے مٹی اور اضافی چکنائی تو صاف کردیتا ہے لیکن اس کے ساتھ ہی وہ بالوں کی قدرتی نمی اور تیل بھی چھین لیتا ہے۔ شیمپو سے پہلے تیل لگانے سے بال دھونے کے عمل کے لیے تیار ہو جاتے ہیں اور شیمپو بالوں کو زیادہ نقصان نہیں پہنچا پاتا۔

بال دھونے کے بعد بھی ناریل کا تیل لگایا جاسکتا ہے؟

اکثر لوگ یہ سوال کرتے ہیں کہ کیا بال دھونے کے بعد ناریل کا تیل لگایا جا سکتا ہے؟ ماہرین کا کہنا ہے کہ بالکل لگایا جا سکتا ہے لیکن اس کا طریقہ بالکل الگ ہے۔ بال دھونے کے بعد ناریل کا تیل بہت دھیان سے تھوڑی مقدار میں اور صرف ہلکے گیلے بالوں پر لگانا چاہیے۔

یہ طریقہ بالوں میں چمک لاتا ہے، بالوں کا اڑنا اور روکھا پن کم کرتا ہے، بالوں میں نمی کو بند کرتا ہے اور بالوں کے آخری سروں کو خراب ہونے سے بچاتا ہے۔

چونکہ بال دھونے کے بعد ان کے اندر پہلے ہی پانی بھرا ہوتا ہے، اس لیے یہ بالوں کے اندر تک اتنی اچھی طرح نہیں جا پاتا۔ اس کے علاوہ جن لوگوں کے بال بہت پتلے ہیں، اگر وہ بال دھونے کے بعد زیادہ تیل لگا لیں گے تو ان کے بال بہت زیادہ چِپکے ہوئے اور تیل والے نظر آنے لگیں گے۔

ناریل کا تیل صحیح طریقے سے کیسے استعمال کریں؟

سب سے پہلے تھوڑا سا خالص ناریل کا تیل لے کر اسے ہلکا سا گرم کر لیں اور پھر اسے انگلیوں کی مدد سے نرمی سے اپنے سر کی جلد یعنی جڑوں پر اس کی مالش کریں اور پھر باقی تیل کو پورے بالوں پر اچھی طرح لگا لیں اور کم از کم دو گھنٹے کے لیے ایسے ہی چھوڑ دیں۔ اس کے بعد کسی ہلکے شیمپو سے بالوں کو دھو لیں اورعام دنوں کی طرح کنڈیشنر استعمال کریں۔

اگر بالوں میں چمک اور نرمی کے لیے سیرم استعمال کرتی ہیں تو اس کی جگہ ہلکی سی مقدار میں ناریل کا تیل بھی لگایا جاسکتا ہے۔ البتہ سر کی جلد اور بالوں کی جڑوں پر زیادہ تیل لگانے سے گریز کریں، کیونکہ اس سے بال چکنے دکھائی دے سکتے ہیں۔

اگر آپ کا مقصد بالوں کو مضبوط، صحت مند بنانا اور انہیں ٹوٹنے سے بچانا ہے، تو شیمپو سے پہلے ناریل کا تیل لگانا ہی سب سے بہترین حل ہے۔ یہ بالوں کا پروٹین بچاتا ہے، پانی سے ہونے والے نقصان سے روکتا ہے اور شیمپو کے خشک اثرات سے بالوں کی حفاظت کرتا ہے۔

لیکن اگر مقصد بالوں کا روکھا پن دور کرنے اور انہیں ٹوٹنے سے روکنے پر ہے، تو بال دھونے کے بعد ہلکا سا تیل لگانا بہتر ہے۔

زیادہ تر لوگوں کے لیے سب سے اچھا طریقہ یہ ہے کہ وہ شیمپو سے پہلے بھی تیل لگائیں اور بال دھونے کے بعد بھی بالکل معمولی سی مقدار میں اسے استعمال کر نے کا بہترین طریقہ ہو سکتا ہے۔

ہر گھر میں روزانہ استعمال ہونے والے اس ہرے دھنیے کی ڈنڈیوں میں وٹامن اے، وٹامن سی اور وٹامن کے بھاری مقدار میں پائے جاتے ہیں۔ اس کے علاوہ ان میں فائبر یعنی ریشہ بھی ہوتا ہے جو ہمارے معدے اور نظامِ ہضم کو درست رکھتا ہے۔ یہ ڈنڈیاں ہائی بلڈ پریشر کو کنٹرول کرنے اور جسم سے زہریلے مادوں کو باہر نکالنے میں بھی مددگار ثابت ہوتی ہیں۔

ان ڈنڈیوں کو ضائع کرنے کے بجائے روزمرہ کے کھانوں میں استعمال کرنے کے پانچ آسان اور بہترین طریقے درج ذیل ہیں۔

سالن کی گریوی کو مزیدار بنائیں

جب بھی آپ گھر میں کسی سبزی یا گوشت کا سالن بنائیں، تو دھنیا کے ڈنٹھل کو باریک کاٹ کر پیاز، لہسن اور مسالوں کے ساتھ تیل میں بھون لیں۔ پکنے کے دوران یہ ڈنڈیاں نرم ہو کر مصالحے میں اچھی طرح گھل مل جاتی ہیں، جس سے سالن کا ذائقہ گہرا اور خوشبودار ہو جاتا ہے۔

سوپ اور یخنی کا ذائقہ بڑھائیں

سوپ اور یخنی میں بھی دھنیا کے ڈنٹھل بہترین ذائقہ پیدا کرتے ہیں۔ اگر آپ سبزیوں اور چکن کا سوپ یا یخنی بنا رہی ہیں، تو ان ڈنڈیوں کو اچھی طرح دھو کر ثابت یا باریک کاٹ کر ابلتے ہوئے پانی میں ڈال دیں۔ اس سے سوپ میں غذائیت اور بہترین مہک پیدا ہو جائے گی۔

دال اور سبزی کے تڑکے میں استعمال کریں

دال یا سبزی کے تڑکے میں بھی دھنیا کے ڈنٹھل استعمال کیے جا سکتے ہیں۔ اگلی بار جب آپ دال یا کسی سبزی کو تڑکا لگانے لگیں، تو زیرے، لہسن اور ہینگ کے ساتھ دھنیے کی باریک کٹی ہوئی ڈنڈیاں بھی تیل میں ڈال دیں اور چند سیکنڈ کے لیے فرائی کریں۔ یہ چھوٹا سا طریقہ آپ کی دال کے ذائقے کو دگنا کر دے گا۔

گوشت اور پنیر کو مصالحہ لگانے کے لیے

چکن، گوشت، مچھلی یا پنیر کو میرینیٹ کرتے وقت بھی دھنیا کے ڈنٹھل مفید ثابت ہوتے ہیں۔ انہیں ادرک، لہسن، دہی اور مصالحوں کے ساتھ پیس کر میرینیڈ میں شامل کریں۔ اس سے گوشت میں تازہ جڑی بوٹیوں جیسی خوشبو اور ذائقہ بہتر انداز میں جذب ہو جاتا ہے۔

چٹنی اور دہی کے رائتے میں شامل کریں

عام طور پر چٹنی صرف پتوں سے بنائی جاتی ہے، لیکن اگر آپ دھنیے کے ڈنٹھل کو دہی، پودینے، لہسن یا چنے کے ساتھ ملا کر بلینڈر میں پیس لیں، تو ایک بہترین، گاڑھی اور خوشبودار چٹنی تیار ہو جائے گی جسے آپ پکوڑوں، سموسوں یا چپس کے ساتھ شوق سے کھا سکتی ہیں۔

دھنیے کی ڈنڈیوں کو محفوظ کیسے رکھیں؟

اگر آپ کے پاس دھنیے کی ڈنڈیاں زیادہ مقدار میں بچ جائیں، تو انہیں پھینکنے کے بجائے اچھی طرح دھو کر سکھا لیں۔ پھر انہیں باریک کاٹ کر ایک صاف پلاسٹک کے ڈبے یا تھیلی میں بند کر کے فریزر میں رکھ دیں۔ یہ ڈنڈیاں کئی ہفتوں تک خراب نہیں ہوتیں اور ضرورت کے وقت آپ انہیں فریزر سے نکال کر سیدھا اپنے سالن یا دال میں استعمال کر سکتے ہیں۔

لہذا، آئندہ کچن میں کام کرتے ہوئے دھنیے کی ان قیمتی ڈنڈیوں کو ضائع مت کیجیے، بلکہ انہیں اپنے کھانوں کا حصہ بنا کر اپنے کچن کے بجٹ کی بچت بھی کریں اور اپنے گھر والوں کو صحت بخش اور خوشبودار کھانے بھی کھلائیں۔

اپنے مختصر وی لاگز اور شارٹ ویڈیوز کی بدولت سوشل میڈیا پر مقبول ہونے والے اذان کے انسٹاگرام پر تقریباً 65 ہزار فالوورز ہیں۔

اذان نے اپنے نکاح اور مہندی کی خوبصورت ویڈیوز سوشل میڈیا پر شیئر کی ہیں جنہیں لاکھوں لوگ دیکھ چکے ہیں۔ ان کی شادی کی سب سے زیادہ توجہ حاصل کرنے والی ہونے والی بات یہ ہے کہ ان کی طرح ان کی دلہن بھی کم عمر ہے۔

ان تصاویر اور ویڈیوز میں اذان اپنی دلہن کے ساتھ خوشگوار انداز میں نظر آئے۔ نکاح کی تقریب میں دونوں نے سفید رنگ کے روایتی لباس زیب تن کیے، جبکہ دلہن نے سرخ رنگ کا خصوصی نکاح کا دوپٹہ اوڑھا ہوا تھا، جس نے لوگوں کی توجہ حاصل کی۔

اذان کی شادی کے بعد سوشل میڈیا پر مختلف قسم کے ردعمل سامنے آئے۔ کئی صارفین نے ان دونوں کی کم عمری میں شادی پر تنقید کی اور مذاق بھی اڑایا۔

بعض لوگوں کا کہنا تھا کہ اتنی کم عمر میں شادی کرنا درست فیصلہ نہیں، جبکہ دوسرے صارفین نے اس جوڑے کو نیک خواہشات اور دعاؤں کے ساتھ نئی زندگی کی مبارک باد دی۔

اذان نے سوشل میڈیا پر ملنے والی نیک تمناؤں کا شکریہ ادا کیا اور منفی تبصروں کو نظر انداز کرنے کا فیصلہ کیا، بلکہ وہ اپنی زندگی کے اس نئے اور خوشگوار سفر پر پوری طرح خوش اور مطمئن دکھائی دیتے ہیں۔ انہوں نے اپنے پیغام میں کہا، ”میں اپنے تمام چاہنے والوں کی دعاؤں اور محبت کا دل سے شکر گزار ہوں۔“

اگرچہ اس شادی پر سوشل میڈیا پر بحث جاری ہے، تاہم اذان اور ان کی اہلیہ کی جانب سے اپنی نئی زندگی کا آغاز خوشی اور سادگی کے ساتھ کیا گیا ہے، جبکہ ان کی نکاح کی تصاویر اور ویڈیوز اب بھی مختلف پلیٹ فارمز پر زیرِ بحث ہیں۔

شادی کی تقریب میں عامر خان اور گوری اسپرٹ نے روایتی لباس کا انتخاب کیا۔ عامر خان نے ہاتھی دانت کے رنگ کا دھوتی کرتا پہنا ہوا تھا، جس کے بائیں جانب ایک خوبصورت بروچ لگا ہوا تھا۔ دوسری جانب گوری اسپرٹ نے ہلکے رنگ کا لہنگا، خوبصورت ہار اور تازہ پھولوں سے سجے بالوں کے ساتھ اپنی شخصیت کو منفرد انداز دیا۔

تاہم شادی کے بعد سب سے زیادہ چرچا گوری اسپرٹ کی روبی والی انگوٹھی کا ہوا، جسے ایک لگژری جیولری برانڈ ’کوین‘ نے خاص طور پر ڈیزائن کیا ہے۔ اس انگوٹھی کے مرکز میں مڈغاسکر سے حاصل کیا گیا انتہائی نایاب قدرتی روبی لگایا گیا ہے۔

بھارتی میڈیا کے مطابق زیور تیار کرنے والی کمپنی کا کہنا ہے کہ یہ روبی عام قیمتی پتھروں جیسا نہیں بلکہ ایک انتہائی نایاب پتھر ہے، جسے تلاش کرنے میں کئی ماہ لگے۔

کوین کے شریک بانی اور چیف ایگزیکٹو افسر امیت کمار نے انگوٹھی کی تیاری کے بارے میں بتایا کہ صرف روبی تلاش کرنے کے عمل میں تین ماہ سے زیادہ وقت لگا۔

انہوں نے مزید کہا، کاریگروں نے 256 گھنٹے کام کیا اور 131 ماہر ہاتھوں نے مل کر اس انگوٹھی کو تیار کیا۔ یہ مڈغاسکر کا روبی ہے، جو ایک ملین میں ایک سے بھی زیادہ نایاب قرار دیا جا سکتا ہے۔ یہ شادی کی انگوٹھی لفظی طور پر شاہی انداز میں تیار کی گئی ہے۔

امیت کمار نے مزید بتایا کہ انگوٹھی کی تیاری میں صرف پتھر لگانا ہی شامل نہیں تھا بلکہ اس کے ڈیزائن، تیاری، فنشنگ اور باریک کام پر بھی خاص توجہ دی گئی۔

انہوں نے بتایا کہ شروع سے ہی مقصد ایک عام شادی کی انگوٹھی بنانے کے بجائے ایسا زیور تیار کرنا تھا جو آنے والی نسلوں تک محفوظ رکھا جا سکے۔

اس انگوٹھی کا ڈیزائن بھی اسے خاص بناتا ہے۔ عام قیمتی پتھروں والی انگوٹھیوں کے برعکس اس میں روبی کو سادہ بینڈ پر رکھنے کے بجائے سونے کے ایسے ڈھانچے میں لگایا گیا ہے جو تاج جیسا دکھائی دیتا ہے۔

روبی کو کیبوچون کٹ دیا گیا ہے، یعنی اسے ہموار اور ابھری ہوئی شکل میں پالش کیا گیا ہے، جس سے اس کا رنگ زیادہ نمایاں اور چمکدار نظر آتا ہے۔ اس کے گرد سونے کا باریک کام کیا گیا ہے، جس میں پرانے شاہی زیورات جیسی جھلک نظر آتی ہے۔

واضح رہے کہ روبی کو صدیوں سے شاہی خاندانوں، طاقت اور خاص مواقع کی علامت سمجھا جاتا رہا ہے۔ عام طور پر شادی کی انگوٹھیوں میں ہیروں کا استعمال زیادہ عام ہے، لیکن روبی کا انتخاب اسے منفرد بناتا ہے۔

عامر خان اور گوری اسپرٹ کی شادی کی تقریب سادگی کے باوجود خاص توجہ حاصل کر رہی ہے۔ دونوں نے بڑے پیمانے پر تقریب منعقد کرنے کے بجائے قریبی لوگوں کے درمیان نئی زندگی کا آغاز کیا، جبکہ گوری کی نایاب روبی انگوٹھی اس خاص موقع کی یادگار بن گئی ہے۔