پرتگالی فٹبالر کرسٹیانو رونالڈو نے منگل کے روز وائٹ ہاؤس میں امریکی صدر ڈونلڈ ٹرمپ کی جانب سے سعودی ولی عہد محمد بن سلمان کے اعزاز میں رکھے گئے خصوصی عشائیے میں شرکت کی۔

اس عشائیے میں جہاں امریکی سیاسی قیادت موجود تھی وہیں دیگر شعبہ جات سے وابستہ کئی عالمی شخصیات بھی شریک نظر آئیں۔

اس موقع پر کرسٹیانو رونالڈو کی ایک سیلفی دیکھتے ہی دیکھتے انٹرنیٹ پر وائرل ہو گئی ہے۔

اس تصویر میں کرسٹیانو رونالڈو اپنی شریکِ حیات جارجینا روڈریگز کے ساتھ موجود ہیں۔ انکے ہمراہ ٹیسلا کے بانی ایلون مسک اور فیفا کے صدر جیانی انفینٹینو موجود ہیں۔

امریکی سیکریٹری آف کامرس ہاورڈ لٹنک، وائٹ ہاؤس کے اے آئی اور کرپٹو کے ماہر ڈیوڈ ساکس اور اوپن اے آئی کے صدر اور شریک بانی گریگ بروک مین بھی تصویر میں نظر آ رہے ہیں۔

ڈنر کے دوران امریکی صدر ڈونلڈ ٹرمپ نے بھی رونالڈو کی موجودگی کا خصوصی ذکر کیا۔

انہوں نے کہا کہ ’یہ ہال دنیا کے بڑے کاروباری اور اسپورٹس شخصیات سے بھرا ہوا ہے۔ میرا بیٹا رونالڈو کا بہت بڑا فین ہے اور رونالڈو سے ملنے کے بعد وہ والد کی تھوڑی زیادہ عزت کرنے لگا ہے۔‘

کرسٹیانو رونالڈو سعودی پرو لیگ کلب النصر کے ساتھ معاہدے کے تحت 2027 تک وابستہ رہیں گے۔ رونالڈو اب تک اپنے کیریئر میں کلب اور قومی ٹیم کی جانب سے 950 سے زائد گول اسکور کر چکے ہیں۔

دفاعی معاہدہ؛ ٹرمپ نے سعودی عرب کو اہم نان نیٹو اتحادی قرار دے دیا

واضح رہے کہ سعودی ولی عہد منگل کے روز امریکا کے دورے پر پہنچے، جس دوران امریکا اور سعودی عرب کے درمیان ایک اہم اسٹریٹجک دفاعی معاہدے پر باضابطہ طور پر دستخط ہوچکے ہیں۔

صدر ٹرمپ کے مطابق اس معاہدے کے بعد سعودی عرب پہلے سے کہیں زیادہ محفوظ ہو گیا ہے جبکہ دونوں ممالک کے درمیان دفاعی تعاون اب نئی بلندیوں کو چھوئے گا۔

سعودی عرب کے ولی عہد شہزادہ محمد بن سلمان کی امریکی صدر ڈونلڈ ٹرمپ سے وائٹ ہاؤس میں ملاقات میں ولی عہد نے امریکا میں 600 ارب ڈالر کی سرمایہ کاری بڑھا کر تقریباً ایک کھرب ڈالر تک لے جانے کا بھی اعلان کیا ہے۔

سماجی رابطوں کی مختلف ویب سائٹس پر وائرل ہونے والی ویڈیو میں دیکھا جا سکتا ہے کہ ایک چینی خاتون 10ویں منزل کی بالکونی سے ایک ہاتھ کی مدد سے لٹک رہی ہے۔

سوشل میڈیا پر وائرل ہونے والی ویڈیو میں دیکھا جا سکتا ہے کہ ایک چینی خاتون ایک بلند رہائشی عمارت کی دسویں منزل کی بالکونی کے باہر لٹکی ہوئی ہے۔ عینی شاہدین کے مطابق خاتون کئی لمحوں تک خوفناک انداز میں اپنا توازن برقرار رکھنے کی کوشش کرتی رہیں۔ ویڈیو میں ایک نیم برہنہ شخص بھی کھڑکی میں نظر آتا ہے جو خاتون سے بات کرتا ہے اور پھر اندر چلا جاتا ہے۔

فوٹیج کے مطابق خاتون اپنا موبائل فون ہاتھ میں پکڑے آہستہ آہستہ نیچے والی منزل تک اترنے کی کوشش کرتی ہے اور ڈرین پائپ اور تنگ کناروں کا سہارا لیتی ہے۔ ویڈیو میں اسے نیچے والی کھڑکی پر دستک دیتے بھی دیکھا گیا، جس پر رہائشی نے کھڑکی کھول کر اسے اندر کھینچ لیا۔

مقامی رپورٹوں کے مطابق شادی شدہ شخص نے اپنی بیوی کے اچانک گھر لوٹنے پر گھبراہٹ میں اپنی محبوبہ کو بالکونی میں دھکیل دیا، جس کے بعد اس نے عمارت کے باہر سے فرار ہونے کی کوشش کی۔

یہ ویڈیو چین کے سوشل میڈیا پلیٹ فارمز پر تیزی سے پھیل گئی، جہاں صارفین نے اس جوڑے کو ’سوشل ڈیتھ‘ کا شکار قرار دیا اور کہا کہ وہ شدید شرمندگی کا سامنا کریں گے۔

متعدد صارفین نے خبردار کیا کہ بلند عمارتوں کے بیرونی حصے سے چڑھنا نہایت خطرناک ہے اور ذرا سی لغزش موت کا سبب بن سکتی تھی۔

مقامی میڈیا رپورٹس کے مطابق حادثہ اس وقت پیش آیا جب 55 سالہ ڈرائیور ذیابیطس کے باعث گاڑی پر کنٹرول نہ رکھ سکا اور مرسڈیز انتہائی رفتار سے راؤنڈ اباؤٹ کی جانب بڑھی اور وسط میں بنے ڈیوائیڈر سے ٹکرا کر فضا میں اچھل گئی۔

سی سی ٹی وی فوٹیج میں دیکھا جا سکتا ہے کہ گاڑی نہ صرف راؤنڈ اباؤٹ پر چڑھی بلکہ پوری رفتار کے ساتھ ہوا میں اُڑتے ہوئے دو دیگر گاڑیوں کے اوپر سے گزر گئی۔

ویڈیو میں دکھائی دینے والا یہ منظر بظاہر کسی فلمی سین جیسا لگتا ہے مگر حقیقت میں یہ ایک ہولناک واقعہ تھا۔

رپورٹس کے مطابق گاڑی بال بال ایک بس اور قریب نصب سیکیورٹی کیمرے سے بچی، جبکہ زمین پر واپس آتے ہی شدید ٹکر کا شکار ہوئی۔ حادثہ اتنا خوفناک تھا کہ فوٹیج دیکھنے والے بھی حیران رہ گئے۔

چینی الیکٹرک کار ساز کمپنی کی حیران کن پیش رفت، صرف پانچ منٹ میں 400 کلومیٹر کی چارجنگ

واقعے کی اطلاع ملنے پر امدادی ٹیمیں موقع پر پہنچیں اور زخمی ڈرائیور کو اسپتال منتقل کیا گیا، جہاں ابتدائی معائنے کے بعد اس نے مزید علاج سے انکار کر دیا۔ حکام کے مطابق خوش قسمتی سے دیگر کسی موٹر سوار کو شدید نقصان نہیں پہنچا۔

حادثے کی ویڈیو سوشل میڈیا پر تیزی سے وائرل ہو رہی ہے، جس نے ایک بار پھر توجہ دلائی ہے کہ میڈیکل ایمرجنسی کس طرح لمحوں میں خطرناک صورتحال پیدا کر سکتی ہے۔

بھارتی میڈیا کے مطابق، انسٹاگرام پر وائرل ہونے والی ویڈیو میں 75 سالہ دادی کو مشہور گانے ’’دو گھونٹ پلا دے ساقیا‘‘ پر اس انداز سے ناچتے دیکھا گیا کہ دیکھنے والے حیران رہ گئے۔

شادی کے ایک تقریبب میں ڈانس کے دوران دادی نے ایسا خوبصورت فرنٹ فلپ لگایا کہ پورا مجمع ششدر رہ گیا۔ مہمان اُن کے ارد گرد جمع ہو کر تالیاں بجاتے اور ویڈیو بناتے رہے۔

ویڈیو میں دیکھا جا سکتا ہے کہ دادی نے ایک موقع پر آرام سے گھٹنوں کے بل جھک کر بھی رقص جاری رکھا، لیکن سب سے حیران کن لمحہ آخر میں آیا، جب انہوں نے بغیر کسی ہچکچاہٹ کے صاف اور مہارت سے بھرپور قلابازی کی۔ یہ حرکت اکثر نوجوان رقاص بھی کرنے سے گھبراتے ہیں۔

یہ ویڈیو سوشل میڈیا پر دیکھنے والوں کو بہت متاثر کر گئی اور اب تک 4 کروڑ 67 لاکھ سے زیادہ ویوز اور 20 لاکھ سے زیادہ لائکس حاصل کر چکی ہے۔

صارفین نے دادی کی توانائی، ہمت اور عمر کے باوجود اس کمال کی پھرتی پر حیرت کا اظہار کیا اور بعض نے انہیں ’سپر دادی‘ کا خطاب بھی دیا۔

صرف 14 سال کی عمر میں پراکرتی کی لکھائی اتنی نفیس تھی کہ وہ کسی کمپیوٹر فونٹ جیسی لگتی تھی۔ ان کے ہاتھ سے لکھی تحریر کم اور پرنٹ شدہ عبارت زیادہ محسوس ہوتی تھی۔

اورنگی ٹاؤن کا رائیڈر پاکستان آئیڈل ججز کے دلوں تک کیسے پہنچا؟

اسی بے مثال صفائی اور حسن نے انہیں عالمی سطح پر شہرت دلا دی۔ جب وہ آٹھویں جماعت میں تھیں، تو ان کی ایک اسکول اسائنمنٹ سوشل میڈیا پر وائرل ہوئی اور دیکھتے ہی دیکھتے وہ انٹرنیٹ سینسیشن بن گئیں۔

شوہر نے لاٹری جیت کر لائیو اسٹریمر پر خرچ کر ڈالی، بیوی ہاتھ ملتی رہ گئی

وقت کے ساتھ ان کی مقبولیت مزید بڑھتی گئی اور انہیں مختلف اداروں کی جانب سے متعدد اعزازات سے نوازا گیا۔ خاص طور پر متحدہ عرب امارات ( یو اے ای) کے سفارتخانے نے انہیں اس وقت خراجِ تحسین پیش کیا جب انہوں نے یو اے ای کے 51ویں قومی دن پر ملک کی قیادت اور عوام کے لیے اپنے ہاتھ سے لکھا ہوا مبارکبادی پیغام پیش کیا ، جو اپنی نفاست اور خوبصورتی کے باعث سب کی توجہ کا مرکز بن گیا۔

نیپال میں بھی پراکرتی مالا کی صلاحیت کو بھرپور سراہا گیا۔ نیپالی فوج نے انہیں ان کی شاندار لکھائی کے اعتراف میں خصوصی اعزاز دیا، اسے وقار، نظم و ضبط، اور ثقافتی فخر کی علامت قرار دیا۔

آج پراکرتی مالا نہ صرف اپنی تحریر سے پہچانی جاتی ہیں بلکہ وہ اس بات کی زندہ مثال ہیں کہ محنت اور لگن کے ساتھ کوئی بھی فن ایک عالمی پہچان بن سکتا ہے، چاہے وہ صرف ایک قلم کی نوک سے ہی کیوں نہ ہو۔

جنوبی کوریا میں جمعرات کو کالج میں داخلے کے سب سے اہم اور مشکل سمجھے جانے والے امتحان ’سنیونگ‘ کا انعقاد کیا گیا، جس میں ملک بھر سے 5 لاکھ 50 ہزار سے زائد طلبہ شریک ہوئے۔

اس امتحان کو اعلیٰ یونیورسٹیوں میں داخلے کے لیے ناگزیر سمجھا جاتا ہے اور جنوبی کوریا میں اسے سماجی ترقی، مالی استحکام اور حتیٰ کہ شادی کے بہتر مواقع کے حصول کی کنجی قرار دیا جاتا ہے۔

امتحان کی حساسیت کے باعث حکومت نے ملک بھر میں خصوصی انتظامات کیے۔ خاص طور پر انگلش لسننگ ٹیسٹ کے 35 منٹ کے دوران تمام پروازیں عارضی طور پر معطل رہیں تاکہ کوئی شور طلبہ کی توجہ نہ بھٹکا سکے۔ وزارتِ اراضی کے مطابق 140 پروازوں کا شیڈول تبدیل کیا گیا، جن میں 75 بین الاقوامی پروازیں بھی شامل ہیں۔

بینکوں اور سرکاری دفاتر نے بھی اپنے اوقات کار ایک گھنٹہ آگے بڑھا دیے تاکہ سڑکوں پر رش کم ہو اور طلبہ با آسانی امتحانی مراکز پہنچ سکیں۔ سیئول سمیت مختلف شہروں میں پولیس کی بھاری نفری تعینات رہی اور ہر سال کی طرح اس بار بھی پولیس اہلکار دیر سے پہنچنے والے طلبہ کو تیزی سے امتحانی ہالز تک پہنچاتے دکھائی دیے۔

سیئول کے یونگسان ہائی اسکول کے باہر میڈیا کے نمائندوں کی بڑی تعداد موجود تھی، جب کہ اسکول کے جونیئر طلبہ اپنے سینیئرز کی حوصلہ افزائی کے لیے بینرز اٹھائے نعرے لگا رہے تھے: ”سنیونگ میں 100 نمبر لاؤ!“

16 سالہ کانگ ڈونگ وو نے کہا کہ وہ اپنے سینیئرز کی حوصلہ افزائی کے لیے آیا ہے اور اس ماحول کو دیکھ کر اسے بھی مزید محنت کی ترغیب ملتی ہے تاکہ وہ آئندہ برسوں میں سنیونگ کی اچھی تیاری کر سکے۔

امتحان دینے والے طلبہ میں سے ایک 18 سالہ کم من جے نے بتایا کہ وہ گھبراہٹ کا شکار ہے لیکن اچھی تیاری کی وجہ سے پُراعتماد بھی ہے۔ ان کے مطابق ان کے والدین ان سے کہیں زیادہ پریشان ہیں اور گھر سے نکلنے سے پہلے بار بار ہر چیز چیک کرتے رہے۔

جنوبی کوریا میں امتحان کے دن صرف انتظامی اقدامات ہی نہیں بلکہ روایات بھی اپنا کردار ادا کرتی ہیں۔ بہت سے والدین مندروں اور عبادت گاہوں کا رخ کرتے ہیں اور بچے امتحان سے پہلے وہ کھانے بھی نہیں کھاتے جنہیں بدقسمتی سے جوڑا جاتا ہے، جیسے سی ویڈ سوپ۔

اس سال ایک نیا پہلو یہ بھی شامل ہوا ہے کہ ملک کی تمام چار سالہ یونیورسٹیاں طلبہ کے اسکول میں تشدد یا بدمعاشی کے ریکارڈ کو بھی داخلے کا لازمی حصہ بنائیں گی۔ پہلے یہ اختیاری تھا لیکن اب داخلے کے فیصلے میں اس ریکارڈ کی حیثیت لازمی ہوگی۔

سخت دباؤ کے باوجود طلبہ اپنی بھرپور کوششوں کے ساتھ امتحان میں شریک ہوئے، جب کہ خاندانوں اور کمیونٹی کی جانب سے ملنے والا ساتھ اس بات کی نشاندہی کرتا ہے کہ جنوبی کوریا میں ’سنیونگ‘ صرف ایک امتحان نہیں بلکہ ایک قومی واقعہ بن چکا ہے۔

غیر ملکی میڈیا کے مطابق کولمبیا کی ایک 82 سالہ خاتون کچھ عرصے سے پیٹ درد میں مبتلا تھیں اور جب وہ معائنے کے لیے اسپتال گئیں تو ڈاکٹروں نے ایم آر آئی اسکین کے بعد حیران کن انکشاف کیا کہ ان کے پیٹ میں ایک مردہ بچہ موجود ہے جو گزشتہ 40 برسوں سے ان کے جسم کے اندر محفوظ ہے۔

ماہرین کے مطابق یہ ایک نایاب طبی کیفیت ہے جسے ”لیتھوپیڈین“ یا ”پتھریلا بچہ“ کہا جاتا ہے۔ یہ تب ہوتا ہے جب حمل بچہ دانی کے بجائے پیٹ کے اندر ٹھہر جائے۔ اس دوران جنین کو مناسب خون نہیں مل پاتا جس کے باعث وہ زندہ نہیں رہتا۔

’خلائی مخلوق کا کہنا ہے کہ زمین کے گرد ایک رکاوٹ کے جو ہمیں وہاں تک پہنچنے سے روکتی ہے‘

جب جسم اس مردہ جنین کو قدرتی طور پر خارج نہیں کر پاتا تو ایک دفاعی نظام کے تحت اسے کیلشیم کی تہہ میں لپیٹ دیتا ہے تاکہ انفیکشن نہ پھیلے، وقت کے ساتھ یہی تہہ سخت ہو کر پتھر کی مانند ہو جاتی ہے۔

رپورٹس کے مطابق خاتون کے پیٹ میں موجود یہ کیلشیم زدہ جنین تقریباً چار پاؤنڈ وزنی تھا جو دہائیوں تک ان کے جسم کے اندر چھپا رہا۔ بالآخر ایکس رے اور ایم آر آئی اسکین کے ذریعے اس کی موجودگی کا پتہ چلا۔

ماہرین کا کہنا ہے کہ دنیا بھر میں لیتھوپیڈین کے ایسے کیسز انتہائی کم دیکھے گئے ہیں، اب تک صرف چند سو واقعات ہی ریکارڈ پر آئے ہیں۔ بیشتر مریضوں کو اس کیفیت کا علم اس وقت ہوتا ہے جب وہ کسی دوسرے طبی معائنے یا آپریشن کے لیے جاتے ہیں۔

امریکی ریاست نارتھ کیرولائنا کے علاقے ہوپ مِلز کی رہائشی باربرا منفرڈ نے چھ سال تک ایک ہی لاٹری نمبر کھیلنے کا سلسلہ جاری رکھا، اور بالآخر اسی مستقل مزاجی نے انہیں بڑا انعام دلا دیا۔

بھارت کے ساتھ کون سے ممالک امریکا کے گرین کارڈ لاٹری ویزا سے محروم؟

باربرا منفرڈ نے نارتھ کیرولائنا ایجوکیشن لاٹری کے حکام کو بتایا کہ انہوں نے چھ سال قبل ’کیش 5‘ لاٹری کے لیے ایک مخصوص نمبروں کا سیٹ منتخب کیا تھا، جسے وہ ہر ڈرا میں استعمال کرتی رہیں۔

باربرا کے مطابق یہ ان کے اصرار پر نہیں بلکہ ان کی بہن کے مشورے پر تھا۔ انہوں نے بتایا “میری بہن نے کہا تھا انہی نمبروں پر کھیلتی رہو، ایک دن تم ضرور جیتو گی۔”

خاص نمبروں کا چناؤ، بھارتی شہری نے ابوظہبی میں 10 کروڑ درہم کا جیک پاٹ کیسے جیتا؟

پیر کے روز وہی پیش گوئی سچ ثابت ہوگئی جب ’لکی اسٹاپ‘ نامی اسٹور سے خریدا گیا ایک ڈالر کا ٹکٹ ایک لاکھ 54 ہزار 168 ڈالر کے جیک پاٹ کا حق دار ٹھہرا۔

باربرا منفرڈ نے بتایا کہ جب انہوں نے جیتنے والے نمبر چیک کیے تو وہ خوشی سے چیخ اٹھیں۔ ان کے الفاظ میں “میں چیخنے لگی، اوہ میرے خدا! یہ میں ہی ہوں، میں جیت گئی!”

انہوں نے مزید بتایا کہ وہ خوشی اور حیرت کے ملے جلے جذبات سے بے قابو ہو گئیں۔ “میں لاؤنج میں بیٹھی رو رہی تھی، یقین نہیں آ رہا تھا کہ واقعی میں جیت گئی ہوں۔”

باربرا نے کہا کہ وہ اپنی جیت کی رقم سے سب سے پہلے بلز ادا کریں گی۔ انہوں نے مسکراتے ہوئے کہا، “اب تو مجھے ’کیش 5‘ سے محبت ہو گئی ہے۔”

تاہم سوشل میڈیا پر ایک ویڈیو تیزی سے وائرل ہورہی ہے، جس میں ایک خاتون کی حرکت سے دُلہن کی انٹری خراب ہوگئی، جسے لوگ تنقید کا نشانہ بنا رہے ہیں۔

دُلہن نے اپنی شادی میں ہونے والے اس انوکھے واقعے کی ویڈیو سوشل میڈیا پر شیئر کردی ہے، ہوا کچھ یوں کہ شادی کی تقریب میں دُلہن اپنے والد کے ہمراہ ہال میں داخل ہورہی تھی، سب مہمان انہیں دیکھ رہے تھے کہ اس دوران ایک خاتون کی حرکت نے سب کو حیران و پریشان کردیا۔

نیویارک پوسٹ کے مطابق دلہن نے اپنی شادی میں ہونے والے اس انوکھے واقعے کی ویڈیو سوشل میڈیا پر شیئر کردی ہے، ہوا کچھ یوں کہ شادی کی تقریب میں دلہن اپنے والد کے ہمراہ ہال میں داخل ہورہی تھی، سب مہمان انہیں دیکھ رہے تھے کہ اس دوران ایک خاتون کی حرکت نے سب کو حیران و پریشان کردیا۔

دلہن کے ہال میں داخل ہونے کے جذباتی مناظر کی مووی بن رہی ہوتی ہے اور دلہن اپنے والد کے ساتھ مہمانوں کے درمیان تقریب میں انٹری دیتی ہے کہ اسی دوران خاتون ان کے پیچھے سیڑھیوں کی ریلنگ کے ذریعے پھسلتے ہوئے نیچے آتی ہے جسے کیمرے میں محفوظ کرلیا گیا۔

خاتون کی اس غیر متوقع حرکت نے تمام مہمانوں کی توجہ دلہن سے ہٹاکر اس کی جانب مبذول کروالی، تاہم اس حوالے سے دلہن نے اپنے پیغام میں لکھا کہ اس نے کام تو اچھا کیا ہے، مگر یہ لمحہ دیکھ کر ہنسی چھوٹ گئی۔

یہ محض ایک واردات نہیں تھی بلکہ ایک ایسا واقعہ جو لمحوں میں خبروں سے نکل کر سوشل میڈیا، میمز اور تجسس کا حصہ بن گیا۔ مصنفہ سلون کراسلی اس چوری کو کس طرح دیکھتی ہیں اپنے ایک حالیہ مضمون میں اس کا اظہار کر رہی ہیں۔

انہوں نے نیویارک ٹائمز میں شائع ہونے والے اپنے مضمون ”وائے ایوری ون اِز اوبسیسڈ وِد دی لوور ہیسٹ“ جسے اردو میں یوں کہا جاسکتا ہے کہ ’کیوں لوور کی چوری نے سب کو اپنے سحر میں جکڑ لیا ہے؟‘ میں اس واردات کو ایک ایسی کہانی قرار دیا ہے جو جرم سے زیادہ انسانی تجسس، احساس اور ڈیجیٹل دنیا کے تیز ردعمل کی نمائندہ ہے۔

کراسلی اس واقعے کو انٹرنیٹ کے دور کا ایک ”پریشیئس اسٹون“ کہتی ہیں۔ ایک ایسا واقعہ جس نے لوگوں کو مجرمانہ حقیقت اور فکشن کے سنگم میں باندھ دیا۔

دن کے وقت نقاب پوش افراد کا کرین کے ذریعے شیشے توڑ کر شاہی زیورات چرا لینا ایک سینمائی منظرنامہ تخلیق کرتا ہے۔ یہ واقعہ حقیقت میں پیش آیا، مگر اس کا اثر کسی فلمی کہانی سے کم نہیں۔

مصنفہ کے مطابق، لوور ہیسٹ نے آن لائن دنیا میں ایک عجیب کشش پیدا کر دی ہے۔ سوشل میڈیا پر لطیفے، میمز اور ویڈیوز کے ذریعے اس واقعے کو نہ صرف سنجیدگی سے بلکہ مزاحیہ انداز میں بھی لیا گیا۔

ایک بلی جو چور کے لباس میں دکھائی دیتی ہے، یا ”لوور ہیسٹ چیلنج“ یعنی پیرس کے لوور میوزیم کی چوری سے متاثر سوشل میڈیا پر اظہار جیسے رجحانات اس بات کی علامت ہیں کہ کہ لوگ اس چوری کو سنجیدہ جرم نہیں بلکہ ایک دل چسپ منظر کے طور پر دیکھ رہے ہیں، جیسے ان کے دل میں اس کے لیے ایک نرم سا گوشہ ہو۔

ایک اجتماعی فرار کی کہانی

کراسلی اپنے مضمون میں لکھتی ہیں کہ یہ واقعہ دراصل امریکی سماج کے ذہنی بوجھ اور سیاسی دباؤ سے فرار کا ایک راستہ بن گیا۔ ان کے مطابق، لوگ حقیقی بحرانوں، جیسے سیاسی تقسیم، مہنگائی یا جنگی تنازعات سے زیادہ ایسی کہانیوں میں دلچسپی لیتے ہیں جو سمجھ میں آنے والی، مگر غیر معمولی ہوں۔

وہ بات کر رہی ہیں کہ عوام شہری طبقات، سیاسی کشمکش، معاشی دباؤ، اور خبروں کے شور سے ذہنی طور پر تھک چکے ہیں۔ لہٰذا شاہی زیورات کی چوری جیسی کہانیاں ان کے لیے ایک مینٹل اسکیپ یا ذہنی فرار کا ذریعہ بن جاتی ہیں۔

یہی وجہ ہے کہ وہ لوور ہیسٹ یا فرانسیسی شاہی خاندان کے جواہرات اور دنیا کے نایاب ترین ہیروں کی چوری کی وردات کو ایک جذباتی نکاس کا ذریعہ قرار دیتی ہیں۔ ایسا واقعہ جو بوجھل روزمرہ زندگی سے فرار یا آزادی دیتا ہے۔

نیویارک کی زندگی اور ایک نفسیاتی مماثلت

مصنفہ کراسلی اپنی نیویارک کی زندگی کا حوالہ دیتے ہوئے کہتی ہیں کہ ایسے واقعات شہری زندگی میں موسمِ خزاں کی پہلی ہوا کی مانند محسوس ہوتے ہیں۔ تازگی، حیرت اور تھوڑی سی بے چینی کا امتزاج۔ ان کے مطابق، یہ کہانیاں ہمیں یاد دلاتی ہیں کہ روزمرہ کے دباؤ کے بیچ بھی حیرت کا احساس زندہ ہے۔

فرانس، رومانویت اور لوور کی نئی علامت

مصنفہ مضمون کے اختتام پر کہتی ہیں کہ لوور میوزیم کا فرانس کے ساتھ ’تاریخی اور رومانوی تعلق‘ اس چوری کے ذریعے ایک نئے انداز میں زندہ ہو گیا ہے۔ یہ واقعہ نہ صرف سیکیورٹی کی ناکامی کی کہانی ہے بلکہ ایک ’ثقافتی علامت‘ بھی بن چکا ہے۔ ایک ایسا منظر جس نے فن، تاریخ، اور موجودہ دور کے تیز رفتار میڈیا کو ایک لڑی میں جوڑ دیا ہے۔

آئس لینڈ، جو طویل عرصے سے ان چند ممالک میں شامل تھا جہاں مچھر کبھی نہیں پائے گئے، اب اس فہرست سے خارج ہو چکا ہے۔ حال ہی میں ملک میں پہلی بار مچھر دیکھے جانے کا واقعہ سامنے آیا ہے، جسے ماہرین نے ماحولیاتی تبدیلی کا واضح اشارہ قرار دیا ہے۔ اب دنیا میں صرف انٹارکٹیکا ہی واحد خطہ بچا ہے جہاں تاحال مچھر موجود نہیں۔

مچھر کیسے دریافت ہوئے؟

یہ انکشاف 16 اکتوبر کی شام کو آئس لینڈ کے علاقے کیڈافیل میں ہوا، جب ایک شہری سائنس دان بیورن ہیالٹا سون نے اپنے باغ میں عجیب و غریب کیڑا دیکھا۔ انہوں نے فیس بک گروپ Insects in Iceland میں پوسٹ کرتے ہوئے لکھا کہ ’میں نے ایک عجیب مکھی کو سرخ شراب کے ربن (جو عموماً پتنگوں کو متوجہ کرنے کے لیے استعمال ہوتا ہے) پر دیکھا۔ مجھے شک ہوا کہ یہ مچھر ہو سکتا ہے اور وہ واقعی ایک مادہ مچھر تھی۔“

ہیالٹا سون کے مطابق انہوں نے اپنے باغ میں تین مچھر دیکھے، جبکہ امکان ہے کہ ان کی تعداد اس سے زیادہ ہو سکتی ہے۔

بعد ازاں انہوں نے ان مچھروں کو نیشنل سائنس انسٹیٹیوٹ آف آئس لینڈ کے ماہر حشرات کے پاس بھیجا، جنہوں نے تصدیق کی کہ یہ مچھر Culiseta annulata نسل سے تعلق رکھتے ہیں۔ یہ نسل سرد موسم میں زندہ رہنے کی صلاحیت رکھتی ہے اور یورپ، شمالی ایشیا اور شمالی افریقا کے علاقوں میں بھی پائی جاتی ہے۔

یہ واقعہ کیوں اہم ہے؟

آئس لینڈ کا سخت سرد موسم مچھروں کے لیے ہمیشہ ناقابل برداشت سمجھا جاتا رہا ہے، لیکن اب ماہرین اس بات پر تشویش کا اظہار کر رہے ہیں کہ ملک میں جھیلوں، دلدلی زمینوں اور مرطوب علاقوں کی کثرت مچھروں کی افزائش کے لیے سازگار ماحول فراہم کر سکتی ہے۔

آئس لینڈ میں درجہ حرارت تیزی سے بڑھ رہا ہے یہاں موسم گرم ہونے کی رفتار کرہ شمالی سے چار گنا زیادہ ہے۔ اس صورتحال میں اگر مچھر یہاں مستقل سکونت اختیار کر لیں، تو ڈینگی، چکن گونیا جیسی خطرناک بیماریاں پھیلنے کا خدشہ بڑھ جائے گا۔

عالمی تناظر میں بڑھتا ہوا خطرہ

ماہرین کا کہنا ہے کہ حالیہ برسوں میں موسمیاتی تبدیلیوں کے باعث دنیا بھر میں مچھر نئی جگہوں پر پہنچ رہے ہیں۔ گزشتہ ہفتے امریکا کی ریاست نیویارک کے علاقے ناساؤ کاؤنٹی میں چکن گونیا وائرس کا پہلا مقامی طور پر منتقل ہونے والا کیس سامنے آیا، جو اس بات کی علامت ہے کہ بیماری پھیلانے والے مچھر اب نئے خطوں میں بسنے لگے ہیں۔

اگرچہ یہ واضح نہیں کہ مچھر آئس لینڈ کیسے پہنچے، لیکن ماہرین کا خیال ہے کہ وہ آئس لینڈ آنے والے کسی جہاز یا کنٹینرز کے ذریعے یہاں پہنچے ہوں گے۔

دنیا بھر کی تقریباً تمام ایئرلائنز میں یہ ایک مستقل اصول ہے کہ جہاز پر سوار ہونے کا راستہ ہمیشہ بائیں جانب سے ہوتا ہے، دایاں حصہ مسافروں کے لیے کبھی استعمال نہیں ہوتا ہے۔

ہوائی جہاز کی سب سے آرام دہ سیٹ جس کا فائدہ کم ہی لوگ جانتے ہیں

لیکن آخر ایسا کیوں ہے؟ یہ صرف روایت نہیں بلکہ اس کے پیچھے کئی دلچسپ اور سائنسی وجوہات پوشیدہ ہیں، جو ہوائی سفر کو محفوظ اور مؤثر بناتی ہیں۔ آئیے جانتے ہیں وہ 5 وجوہات جنہوں نے اس اصول کو عالمی معیار بنا دیا۔

بحری روایات سے متاثر اصول

ابتدائی ہوابازی کے دور میں پائلٹوں نے بہت سے اصول سمندری جہازوں سے اپنائے تھے۔ ان جہازوں میں مسافروں کو سوار ہونے کا راستہ ہمیشہ بائیں طرف ہوتا تھا اور یہی روایت بعد میں ہوائی جہازوں میں منتقل ہوئی۔ اس سے پائلٹوں اور عملے کے لیے ایک مانوس اور منظم نظام برقرار رہا۔

ٹیک آف سے قبل ہوائی جہاز کے اے سی بند کیوں رکھے جاتے ہیں؟

حفاظتی نکتہ نظر

جہاز کے دائیں جانب زیادہ تر فیول ٹینک، کارگو دروازے اور تکنیکی آلات نصب ہوتے ہیں۔ بائیں جانب سے سوار ہونے سے مسافروں کو ان حساس حصوں سے دور رکھا جاتا ہے، جس سے کسی بھی ممکنہ حادثے یا خطرے کے امکانات کم ہو جاتے ہیں۔

گراؤنڈ آپریشنز میں سہولت

جب دنیا بھر میں ایک ہی جانب سے بورڈنگ کا اصول طے کر دیا گیا تو ایئرپورٹ عملے کے لیے کام آسان ہو گیا۔

سامان لوڈ کرنا، ایندھن بھروانا اور دیکھ بھال کے کام ایک ہی جانب کیے جاتے ہیں، جبکہ مسافر دوسری جانب سے داخل ہوتے ہیں۔ اس سے وقت کی بچت اور کارکردگی میں اضافہ ہوتا ہے۔

پائلٹ سے تعاون اور ہم آہنگی

جہازوں کے ابتدائی زمانے میں پائلٹ ہمیشہ کاک پٹ کے بائیں طرف بیٹھتے تھے۔ لہٰذا بائیں جانب سے بورڈنگ ہونے سے پائلٹ آسانی سے مسافروں کی آمد و رفت پر نظر رکھ سکتے تھے۔ آج بھی یہی ترتیب عملے کے درمیان بہتر ہم آہنگی پیدا کرتی ہے۔

روایت اور بین الاقوامی معیاری نظام

جب ایک اصول عالمی سطح پر اپنایا گیا تو اسے تبدیل کرنا غیر ضروری سمجھا گیا۔ اب یہ طریقہ کار ایئرلائنز، گراؤنڈ اسٹاف اور مسافروں کے لیے ایک معیاری نظام بن چکا ہے۔

اس روایت کو برقرار رکھنا سیکیورٹی اور کارکردگی دونوں کے لیے فائدہ مند ثابت ہوا ہے۔

اس بار سب کی توجہ کا مرکز ایک ننھی سی ہتھنی تُلاتُو تھی۔ اب ظاہر ہے، تُلا تُو ابھی اتنی بڑی نہیں ہوئی کہ ان دیوہیکل کدّوؤں کو توڑ سکے۔ اس کا وزن خود تقریباً 775 پاؤنڈ ہے، یعنی لگ بھگ ایک بڑے کدو جتنا۔ اس لیے منتظمین نے اُسے کھیلنے کے لیے ایک چھوٹا سا کدو دیا۔ ویڈیو میں دیکھا جا سکتا ہے کہ تُلا تُو نے اسے بال کی طرح ادھر اُدھر لڑھکایا، ٹھوکر ماری، اور ایسے کھیلتی رہی جیسے کوئی شرارتی بچہ اپنے نئے کھلونا گیند سے کھیل رہا ہو۔

ادھر تُلا تُو کے خاندان کے بڑے ہاتھیوں نے وہی کیا جس کے لیے سب جمع ہوئے تھے۔ چڑیا گھر کے منتظمین ان دیوہیکل کدّوؤں کو تُلا تُو کے والد اور بھائی جیسے طاقتور ہاتھیوں کے سامنے رکھا جن کا وزن ایک ہزار پاؤنڈ سے بھی زیادہ ہوتا ہے وہ نہایت نرمی سے اپنے ایک پاؤں سے کدو پر دباؤ ڈالا اور پھر ایک زور دار پھٹ کی آواز کے ساتھ کدو کے چھلکے اور بیج چاروں طرف بکھر گئے۔

تقریب میں شریک لوگ اس منظر پر خوشی سے جھوم اٹھے۔ بعد میں ہاتھیوں کے پورے خاندان نے ان کچلے گئے کدّوؤں سے خوب دعوت اڑائی۔

یہ دلچسپ روایت 1999 سے جاری ہے، جب پہلی بار ایک کسان نے 828 پاؤنڈ وزنی کدو چڑیا گھر کو تحفے میں دیا تھا۔ تب سے ہر سال “اسکویشنگ آف دی اسکویش” مزید شاندار ہوتا جا رہا ہے، وقت کے ساتھ ساتھ یہ کدّو اور بھی بڑے ہونے لگے ہیں، اور اس بار تو کدّو ایک ہزار پاؤنڈ تک جا پہنچے۔

پورٹ لینڈ چڑیا گھر کے مطابق، تُلا تُو اور اس کے خاندان کی نسل ’ایشیائی ہاتھی‘ شدید خطرے سے دوچار ہے۔ ان کی تعداد جنگلوں میں صرف 40 سے 50 ہزار کے درمیان رہ گئی ہے، جو بھارت سے لے کر جزیرہ بورنیو تک پھیلے ہوئے علاقوں میں بکھری ہوئی ہے۔ تاہم، حالیہ برسوں میں ان کی افزائش اور تحفظ کے لیے کیے گئے اقدامات سے امید کی نئی کرن پیدا ہوئی ہے۔

اگر کوئی آپ سے کہے کہ ساٹھ برس پہلے ایک ٹی وی سیریز میں آج کی دنیا، انٹرنیٹ، سوشل میڈیا، مصنوعی ذہانت اور دیگر جدید ٹیکنالوجیز اور ان کے ممکنہ اثرات کی پیش گوئی کر دی گئی تھی، تو شاید آپ یقین نہ کریں۔ مگر بی بی سی کی سائنس فکشن سیریز (Out of the Unknown) نے بالکل یہی کیا۔ جو اس دور میں فکشن ہی تھا مگر آج حقیقت بن چکا ہے۔

اس سیریز کا بنیادی مقصد سائنس فکشن کو ایک سنجیدہ ڈرامے کے طور پر پیش کرنا تھا۔ آئیزک ایسی موف (Isaac Asimov) اور ایم فورسٹر (E. M. Forster) جیسے مشہور سائنس فکشن مصنفین کی کہانیوں پر مبنی یہ ڈرامے اُس دور میں بنائے گئے جب کمپیوٹر بھی عام لوگوں کی زندگی کا حصہ نہیں تھے۔

وہ تصورات جو آج حقیقت بن چکے ہیں

بی بی سی کی یہ سیریز 4 سیزن اور 49 اقساط پر مشتمل ہے تھی، جو 1965 سے 1971 کے دوران نشر ہوئی تھی۔ تاہم بی بی سی کی ریکارڈنگز کو مٹانے کی پالیسی کی وجہ سے اس سریز کی بیشتر اقساط بھی ضائع ہو چکی ہیں۔ صرف 20 اقساط مکمل طور پر محفوظ ہیں، جبکہ کچھ دیگر قسطوں کے ٹکڑے یا آڈیو ریکارڈنگز موجود ہیں۔

سوشل میڈیا اور سماجی تنہائی

سیریز کی سب سے مشہور قسط ”The Machine Stops“ میں ایک ایسی دنیا دکھائی گئی تھی جہاں لوگ ایک دوسرے سے ملنا ملانا چھوڑ چکے ہیں۔ ہر انسان اپنے کمرے میں بند ہے اور ایک بڑی مشین کے ذریعے دوسروں سے رابطہ رکھتا ہے۔

اس قسط میں یہ سوال اٹھایا گیا کہ اگر انسان مشینوں پر مکمل انحصار کرنے لگے تو کیا ہم سچ مچ جینے کے قابل رہیں گے؟ آج، جب لوگ سوشل میڈیا پر ہزاروں “دوست” رکھتے ہیں مگر حقیقی دنیا میں تنہائی محسوس کرتے ہیں، تو اس کہانی کی پیش گوئی درست معلوم ہوتی ہے۔

ڈیٹا، پرائیویسی اور نگرانی کا نظام

اس سیریز کی کئی قسطوں میں ایک ایسی دنیا دکھائی گئی جہاں معلومات (data) کو طاقت کے طور پر دکھایا گیا۔ اس زمانے میں ڈیجیٹل ڈیٹا کا کوئی تصور نہیں تھا، لیکن سیریز میں یہ دکھا دیا گیا تھا کہ جب معلومات ایک بڑے نظام کے ہاتھوں میں آجائیں، تو فرد کی آزادی خطرے میں پڑ سکتی ہے۔

آج، بڑی ٹیکنالوجی کمپنیاں ہماری سرگرمیوں، پسند، ناپسند اور بات چیت کے ڈیٹا کو محفوظ کرتی ہیں، اور اسی بنیاد پر مخصوص سسٹم (algorithm) کے ذریعے اشتہارات، فیصلے اور خبریں ہمارے سامنے لاتی ہیں۔ اسی خدشے کا اظہار، اس سیریز میں نصف صدی پہلے ظاہر کردیا گیا تھا۔

مصنوعی ذہانت اور انسان

اس سیریز کی کئی اقساط میں خودکار مشینوں اور انسانوں پر ان کے ممکنہ کنٹرول کو موضوع بنایا گیا۔ اس وقت یہ ایک خیالی تصور تھا، مگر آج ChatGPT، روبوٹکس اور خودکار نظاموں کے دور میں یہ بحث حقیقت کا روپ دھار چکی ہے۔

سیریز میں دکھایا گیا کہ اگر مشینیں خود سوچنے لگیں تو وہ انسانوں سے بہتر فیصلے بھی کر سکتی ہیں۔ مگر سوال اٹھایا گیا کہ کیا وہ ہمدردی، اخلاق اور احساس جیسی صفات میں انسانوں کی جگہ لے سکیں گی؟ یہی سوال آج ہم مصنوعی ذہانت کے بارے میں پوچھ رہے ہیں۔

ٹیکنالوجی پر مستقل انحصار

بی بی سی کی اس مشہور سیریز میں اس خطرے کو بھی دکھایا گیا کہ جس ٹیکنالوجی کو ہم سہولت سمجھتے ہیں، وہی ہمیں اپنی گرفت میں لے سکتی ہے۔ آج ہمارا دن اسمارٹ فون سے شروع ہوتا ہے اور اسی پر ختم ہوتا ہے۔ ہم راستے، خبریں، تفریح، حتیٰ کہ اپنی یادیں بھی مشینوں کے سپرد کر چکے ہیں۔

سیریز نے خبردار کیا تھا کہ اگر ہم نے ٹیکنالوجی پر اندھا اعتماد کر لیا، تو ہم خود اپنے فیصلے کرنے کی صلاحیت کھو دیں گے۔ ایک ایسا خیال جو آج پہلے سے کہیں زیادہ سچ لگتا ہے۔

یادداشت کی منتقلی

ایک اور دلچسپ قسط “The Last Lonely Man” میں انسانی یادداشت کو ایک شخص سے دوسرے میں منتقل کرنے کا تصور پیش کیا گیا۔

اگرچہ یہ اب تک ممکن نہیں ہوا، لیکن نیوروسائنس اور ڈیجیٹل بایولوجی کے میدان میں سائنسدان انسانی دماغ کے ڈیٹا کو سمجھنے اور شاید مستقبل میں اسے “محفوظ” یا “منتقل” کرنے پر کام کر رہے ہیں۔

یہ وہی خیال ہے جو آج Brain–Computer Interfaces اور نیورل لنک جیسے پروجیکٹس میں جھلکتا ہے۔

لوور میوزیم (فرانس):

فرانس کے دارالحکومت پیرس میں واقع لوور میوزیم کو دنیا کے بڑے اور تاریخی عجائب گھروں میں شمار کیا جاتا ہے، جہاں لاکھوں کی تعداد میں فن پارے، مجسمے اور نوادرات موجود ہیں۔ 19 اکتوبر کو یہاں ہونے والی چوری میں میوزیم کے اس حصے کو نشانہ بنایا گیا جہاں فرانسیسی شاہی خاندان کے جواہرات اور تاریخی نوادرات رکھے گئے تھے۔ ان میں دنیا کے نایاب ترین ہیرے اور بیش قیمت تاج بھی شامل تھے۔

اس میوزیم میں چوری کا یہ پہلا واقعہ نہیں۔ اگست 1911 میں اسی میوزیم سے لیونارڈو ڈاونچی کی مشہور پینٹنگ مونا لیزا بھی چوری ہوگئی تھی۔ یہ پینٹنگ تقریباً دو سال بعد 1913 میں اٹلی کے شہر فلورنس سے برآمد ہوئی تھی۔

اسی طرح 1792 میں دنیا کے مشہور ترین ہیروں میں سے ایک ”ہورتنسیہ“ (Hortensia) بھی اسی میوزیم سے چرایا گیا تھا جسے بعد میں مجرم کے بتانے پر برآمد کرلیا گیا تھا۔

برٹش میوزیم (برطانیہ)

دنیا کے ممتاز ترین عجائب گھروں میں شمار ہونے والے برٹش میوزیم سے متعلق 2023 میں انکشاف سامنے آیا کہ گزشتہ کئی برسوں سے میوزیم سے دو ہزار سے زائد قیمتی اشیاء (سونے کے زیورات اور قیمتی پتھر) غائب ہوچکی ہیں۔ ان چوری شدہ اشیاء میں قدیم یونانی، رومی اور مصری تہذیبوں کے زیورات، جواہرات اور نوادرات بھی شامل تھے۔

تحقیقات میں سامنے آیا کہ یہ چوریاں کئی سالوں سے ہو رہی تھیں اور ان کا کسی کو علم نہیں تھا۔ ایک ملازم پر الزام لگا کہ اس نے اندرونی معلومات کا فائدہ اٹھاتے ہوئے یہ اشیاء آن لائن نیلامی پلیٹ فارمز پر فروخت کر دیں۔ چونکہ چوری شدہ اشیاء کا مکمل ریکارڈ موجود نہیں تھا، اس لیے ان کا جلد پتا نہیں چل سکا۔

اس واقعے کے بعد میوزیم کے ڈائریکٹر نے استعفیٰ دے دیا اور سیکیورٹی کے نظام کو ازسرنو بہتر بنایا گیا۔ اب تک کچھ اشیاء بازیاب کی جا چکی ہیں، جبکہ دیگر کی تلاش جاری ہے۔

گرین والٹ (جرمنی)

نومبر 2019 میں ڈریسڈن شہر کے مشہور عجائب گھر گرین والٹ (Green Vault) کو ہدف بنایا گیا۔ یہاں سے چوروں نے شاہی خزانے میں شامل 113 ملین یورو مالیت کے ہیروں اور قیمتی زیورات پر ہاتھ صاف کیا۔

چور صرف چند منٹ میں جالی توڑ کر اندر داخل ہوئے، جنہیں الارم سسٹم بند ہونے کی وجہ سے فوراً گرفتار نہ کیا جا سکا۔ بعد ازاں پولیس نے متعدد مشتبہ افراد کو گرفتار کیا، جن میں جرمن عرب نژاد مجرمانہ گروہ ”ریمّو کلین“ سے تعلق رکھنے والے افراد شامل تھے۔ ان میں سے کچھ زیورات برآمد ہو چکے ہیں، مگر کچھ حصہ آج بھی لاپتہ ہے۔

سنگر لارن میوزیم (نیدرلینڈز)

مارچ 2020 میں سنگر لارن میوزیم سے عالمی شہرت یافتہ مصور وین گو کی پینٹنگ ”اسپرنگ گارڈن“ چرا لی گئی۔ یہ واردات کورونا لاک ڈاؤن کے دوران ہوئی جب میوزیم بند تھا۔ چور نے پچھلے دروازے سے داخل ہو کر صرف 3 منٹ میں پینٹنگ چُرا لی۔ آج تک یہ پینٹنگ واپس نہیں مل سکی۔

گارڈنر میوزیم (امریکا)

اس میوزیم میں 1990 میں ہونے والی چوری کے واقعے کو دنیا کی سب سے بڑی آرٹ چوری سمجھا جاتا ہے۔

امریکی شہر بوسٹن میں واقع Isabella Stewart Gardner Museum میں دو نقلی پولیس اہلکار داخل ہوئے اور سیکیورٹی گارڈز کو قابو میں کر کے 13 قیمتی فن پارے چرا لیے۔ چرائی گئی اشیاء میں کئی نایاب پینٹنگز شامل تھیں جن کی مالیت 500 ملین ڈالر سے زائد تھی۔ یہ فن پارے آج تک نہیں ملے، اور میوزیم نے ان کی واپسی پر 10 ملین ڈالر انعام کی پیشکش بھی کر رکھی ہے۔

نیشنل میوزیم آف اینٹیکویٹیز (مصر)

مصر میں 2011 میں عرب بہار کے دوران مظاہروں اور سیاسی افراتفری کے دوران قاہرہ کے نیشنل میوزیم کو شدید نقصان پہنچا۔ چوروں نے افراتفری کا فائدہ اٹھایا اور میوزیم میں گھس کر 50 سے زائد نوادرات چرالیے، جن میں فرعون سے منسوب اشیاء بھی شامل تھیں۔ بعد ازاں چند نوادرات واپس مل گئے، مگر باقی اشیاء آج بھی لاپتہ ہیں۔

اوپسالا یونیورسٹی میوزیم (سویڈن)

سویڈن کے اوپسالا یونیورسٹی کے گرجا گھر کے میوزیم سے 2018 میں سویڈش رائل فیملی کے تین نایاب شاہی تاج اور گولڈن آرٹفیکٹس چرالیے گئے۔ اس کی سب قابل ذکر بات یہ ہے کہ اس واردات کی فلمی نوعیت نے عالمی میڈیا کی توجہ حاصل کی۔ چور موٹر بوٹ کے ذریعے فرار ہوئے۔ بعد ازاں کچھ اشیاء بازیاب ہو گئیں۔

دنیا بھر کے عجائب گھروں میں پیش آنے والی یہ ہائی پروفائل چوریاں دراصل ثقافتی اور تاریخی ورثے کی چوری ہوتی ہے۔ جو اکثر منظم نیٹ ورکس، اندرونی سازشوں، یا سیکیورٹی نظام کی خامیوں کی وجہ سے ممکن ہوتی ہیں۔ ان میں سے کئی قیمتی فن پارے اور نوادرات آج بھی واپس حاصل نہیں کیے جاسکے۔

فرانس کے وزارتِ داخلہ کے بیان کے مطابق، واقعہ اتوار کی صبح پیش آیا، جب میوزیم عوام کے لیے کھل چکا تھا۔ چور میوزیم کی عمارت میں داخل ہوئے، جہاں فرانس کے شاہی تاج اور دیگر تاریخی زیورات رکھے گئے ہیں۔

فرانس کے وزیر داخلہ Laurent Nuñez نے ایک ریڈیو انٹرویو کے دوران بتایا کہ چوروں نے پیرس کے لوور میوزیم میں سات منٹ کے اندر قیمتی زیورات کو چوری کیا۔

بیان میں کہا گیا کہ چوری کی تحقیقات شروع کر دی گئی ہیں اور چوری شدہ اشیاء کی تفصیلی فہرست مرتب کی جا رہی ہے۔

وزارت کے مطابق، ”ان نوادرات کی مالی قیمت اپنی جگہ، لیکن ان کی تاریخی اور ثقافتی حیثیت ناقابلِ بیان ہے۔“ خوش قسمتی سے واقعے میں نہ تو کسی سیاح، عملے کے رکن یا قانون نافذ کرنے والے اہلکار کو نقصان پہنچا۔

فرانسیسی وزیرِ ثقافت راشیدہ داتی نے بتایا کہ چوری کا عمل حیران کن حد تک تیز تھا۔ ان کے مطابق، “ہم چوری کے چند منٹ بعد موقع پر پہنچے۔

انہوں نے مزید بتایا کہ چوری شدہ قیمتی زیورات میں سے ایک زیور میوزیم کے قریب سے ملا ہے۔

میوزیم کے باہر سے حاصل ہونے والی ویڈیوز میں دیکھا گیا کہ پولیس نے داخلی دروازے اور اردگرد کی سڑکیں بند کر دیں، جس سے درجنوں سیاح حیران و پریشان کھڑے دکھائی دیے۔

لوو میوزیم کی تاریخ میں چوری کے متعدد واقعات

یہ پہلا موقع نہیں جب لوو میوزیم کو چوروں کا سامنا کرنا پڑا۔ سن 1911 میں اس میوزیم سے مونا لیزا کو ایک سابق ملازم نے چرا لیا تھا، جو دو سال بعد اٹلی کے شہر فلورنس سے بازیاب ہوئی تھی۔ پھر سن 1983 میں نشاۃ ثانیہ کے دور کی دو زرہ بند پوشاکیں بھی چرائی گئی تھیں، جو تقریباً چالیس سال بعد برآمد ہوئی تھیں۔

چینی میڈیا رپورٹس کے مطابق شوہر نے 17 دسمبر کو 10.17 ملین یوان (تقریباً 1.4 ملین امریکی ڈالر) کا لاٹری جیک پاٹ جیتا تھا۔ ابتدا میں اس کی بیوی، یوان، اپنے شوہر کی خوش قسمتی پر بے حد خوش تھی۔ شوہر نے اسے بتایا کہ اب وہ جو چاہے خرید سکتی ہے اور ایک بینک کارڈ دیا جس میں 3 کروڑ 60 لاکھ روپے (تقریباً 4 لاکھ 20 ہزار ڈالر) موجود تھے۔

جلد ہی شوہر کی رویے میں تبدیلی آئی۔ وہ دن بھر جوا کھیلنے میں مصروف رہتا اور راتوں کو لائیو اسٹریمرز کو ٹپس دینے میں وقت گزارتا۔ ایک لائیو اسٹریمر کو اس نے 1.2 ملین یوان (تقریباً 168,000 امریکی ڈالر) کی ٹپ دی۔ اس کے بعد وہ اس لائیو اسٹریمر کے ساتھ ایک چار دن کا سفر کرنے گیا، جہاں یوان نے دونوں کو ریلوے اسٹیشن پر پکڑ لیا۔

یوان نے جب شوہر کے چیٹ ریکارڈز دیکھے تو پتہ چلا کہ وہ اس لائیو اسٹریمر کو ”ہنی“ کہہ کر پکارتا تھا اور خود کو ”ہببی“ کہتا تھا۔ اس کے علاوہ، شوہر نے بیوی کو جو بینک کارڈ دیا تھا وہ دراصل خالی تھا، جس کا اس نے اپنی بیوی سے جھوٹ بولا تھا۔

یوان نے شوہر سے کہا، ”تم نے مجھے ناحق ظلم کیا ہے، میں نے تمہارے لیے بہت محنت کی ہے۔ کیا تمہارا کوئی ضمیر نہیں ہے؟“ وہ کہتی ہے کہ ”اگر اس نے لاٹری نہ جیتی ہوتی تو شاید وہ کبھی میرے ساتھ یہ سب نہ کرتا۔“

شوہر نے اس معاملے پر خاموشی اختیار کرتے ہوئے کہا کہ ”سب پیسہ خرچ ہو چکا ہے، اب وہ مجھے طلاق دے چکی ہے، فیصلہ عدالت پر چھوڑ دو۔“

ایک وکیل نے کہا کہ اگر شوہر کی لائیو اسٹریمر کو اتنی زیادہ رقم دینا خاندان کی معمولی اخراجات سے زیادہ ہو، تو بیوی عدالت سے یہ رقم واپس لینے کا مطالبہ کر سکتی ہے۔

یہ واقعہ چینی سوشل میڈیا پر بہت زیر بحث آیا ہے اور لوگوں نے اس شوہر کی بے وفائی اور بیوی کے ساتھ سلوک پر شدید ردعمل ظاہر کیا ہے۔

غیر ملکی ویب سائٹ ہف پوسٹ کی رپورٹ کے مطابق، جب ایک رپورٹر نے وائٹ ہاؤس کی ترجمان سے سوال پوچھا کہ، ”ٹرمپ اور پیوٹن کی ملاقات کے لیے ہنگری کے شہر بداپیسٹ کا انتخاب کس نے کیا؟“ تو وہائٹ ہاؤس کی پریس سیکریٹری کیرولین لیویٹ نے جواب دیا، ”Your mom did“ یعنی ”تمہاری ماں نے۔“

رپورٹ کے مطابق جب وائٹ ہاؤس کی ترجمان سے پوچھا گیا کہ کیا آپ نے یہ جواب مزاح کے طور پر دیا ہے، تو کیرولین لیویٹ کا کہنا تھا ’آپ بائیں بازو سے تعلق رکھنے والے ایک انسان ہیں جو خود کو صحافی کہتے ہیں۔

وائٹ ہاؤس کی ترجمان کا مزید کہنا تھا کہ میرے لیے یہ بات مزاح ہی ہے کیونکہ کوئی آپ کو سنجیدہ نہیں لیتا، یہاں تک آپ کے ساتھی بھی آپ کو سنجیدہ نہیں لیتے، مجھ سے فضول سوال کرنا بند کریں۔

واضح رہے کہ چند روز قبل امریکی صدر ڈونلڈ ٹرمپ کی روسی ہم منصب ولادمیر پیوٹن سے ٹیلی فون پر طویل گھنٹہ گفتگو ہوئی تھی جس میں دونوں نے ہنگری کے شہر بداپیسٹ میں ملاقات پر رضامندی ظاہر کی تھی۔

اینڈرومیڈا کہکشاں، جسے میسیئر 31 (ایم 31) کے نام سے بھی جانا جاتا ہے، اب آسمان میں آسانی سے دیکھی جا سکتی ہے۔ یہ ہماری اپنی ملکی وے کہکشاں کا سب سے قریبی بڑا ہمسایہ ہے اور زمین سے تقریباً 2.5 ملین نوری سال کی دوری پر واقع ہے۔

خلا میں بھٹکتا نومولود سیارہ اپنے گرد موجود چیزوں کو نگلنے لگا

اینڈرومیڈا کہکشاں دیکھنے کے لیے بہترین وقت اکتوبر کے آخر میں ہے۔ یہ سورج غروب ہونے کے بعد مشرق افق سے طلوع ہوتی ہے، آدھی رات کے قریب عین اوپر پہنچ جاتی ہے اور صبح کے وقت شمال مغرب کی طرف بڑھتی ہے۔

اینڈرومیڈا کو تلاش کرنے کا طریقہ

کسیوپییا برج کی شناخت کریں: آسمان میں ”M“ یا ”W“ کی شکل والے ستاروں کو تلاش کریں، جو آدھی رات کے قریب عین اوپر نظر آتے ہیں۔

W یا M کو رہنما کے طور پر استعمال کریں: اس ”W“ کے بائیں تین ستارے ایک سیدھی لکیر بناتے ہیں، جس کے آخر میں روشن ستارہ شیڈار اینڈرومیڈا کہکشاں کی سمت کی رہنمائی کرتا ہے اور کہکشاں کی درست جگہ دکھاتا ہے

’انٹارکٹیکا کے سمندر کی تہہ سے کچھ خطرناک لیک ہورہا ہے‘، سائنس دان پریشان

اندھیرے اور صاف آسمان میں، اینڈرومیڈا کہکشاں آنکھوں سے ایک مدھم، بیضوی دھبے کی طرح دکھائی دیتی ہے۔ اگر آپ دوربین یا چھوٹے دوربین ٹیلی اسکوپ کا استعمال کریں تو کہکشاں کے روشن مرکز اور اس کے اسپائرل بازوؤں کی تفصیلات بھی نظر آئیں گی۔

اینڈرومیڈا کی فوٹوگرافی

اینڈرومیڈا کہکشاں کو فلکیات کے شوقین اکثر فوٹوگرافی کے لیے ترجیح دیتے ہیں۔ سادہ موبائل فون بھی ٹیلی اسکوپ کی مدد سے کہکشاں کے مرکز اور اس کے بازوؤں کی شاندار تصاویر لینے کے قابل ہو جاتا ہے۔

اسمارٹ فون سے فلکیاتی فوٹوگرافی

آج کل اسمارٹ فون کی مدد سے بھی کہکشاں اور نیبیولا کی شاندار تصاویر لی جا سکتی ہیں۔ بس ایک فون، ٹیلی اسکوپ اور سستا اسمارٹ فون اڈاپٹر درکار ہوتا ہے۔ اسمارٹ فون فلکیاتی فوٹوگرافی کا سب سے اچھا پہلو یہ ہے کہ کوئی بھی اسے کر سکتا ہے۔ مختصر وقت میں کئی ہدفوں کو دیکھا اور تصویر کشی کی جا سکتی ہے۔ یہ ہر رات ایک نیا تجربہ اور کچھ نیا دیکھنے کا موقع فراہم کرتی ہے۔

چھوٹے ایکسپوژر کے ذریعے، اس تصویر میں اینڈرومیڈا کے چھوٹے سیٹلائٹ کہکشاں ایم 32 اور بیضوی کہکشاں میسیئر 110 بھی دیکھی جا سکتی ہیں۔

صاف آسمان اور تھوڑی سی تیاری کے ساتھ، آپ اینڈرومیڈا کہکشاں کی عظمت کو اپنی آنکھوں سے دیکھ سکتے ہیں اور کائنات کے اس حسین منظر کا لطف اٹھا سکتے ہیں۔

مقامی میڈیا رپورٹس کے مطابق ایک روسی خاتون نے ایک غیر مجاز کاسمیٹک سرجری کرائی، جس میں ”آئرس امپلانٹ“ کے ذریعے آنکھوں کا رنگ مصنوعی طور پر نیلا کیا گیا۔ یہ طریقہ نہ صرف قانونی طور پر متنازع ہے بلکہ طبی طور پر بھی انتہائی خطرناک سمجھا جاتا ہے۔

خاتون کا خیال تھا کہ اگر وہ خود نیلی آنکھوں والی بن جائیں تو ان کے آئندہ بچے کی آنکھیں بھی نیلی ہوں گی۔ تاہم، ماہرین نے اس نظریے کو غیر سائنسی اور خطرناک قرار دیا ہے۔

اس سرجری کے دوران آنکھ کے قدرتی نظام میں بیرونی مواد داخل کیا جاتا ہے، جو طویل مدت میں بینائی کی کمزوری، کارنیا کے نقصان یا حتیٰ کہ مکمل طور پر اندھے پن کا سبب بن سکتا ہے۔

ماہرینِ جینیات کا کہنا ہے کہ بچے کی آنکھوں کا رنگ صرف جینیاتی عوامل پر منحصر ہوتا ہے، جو والدین کے جینز کے امتزاج سے طے ہوتا ہے۔ کسی بالغ فرد کی سرجری یا جسمانی تبدیلیاں مستقبل میں ہونے والی اولاد کے جینیاتی کوڈ پر کوئی اثر نہیں ڈال سکتیں، یعنی اس خاتون کی سرجری کا بچے کی آنکھوں کے رنگ سے کوئی تعلق نہیں۔

سوشل میڈیا پر صارفین نے اس دعوے پر حیرت اور طنز کا اظہار کیا، ایک صارفہ نے کہا کہ میں نے حمل سے پہلے لیزر سے بال ہٹائے تاکہ میرے بچے بغیر بال کے پیدا ہوں۔ ایک اور صارف نے طنزاً کہا کہ میں نے جرمن زبان سیکھی تاکہ میرے بچے پیدائش سے ہی اسے جان لیں، میرا خدا، میں کتنی ہوشیار ہوں۔

ڈاکٹروں کا کہنا ہے کہ دنیا بھر میں اس قسم کی آئرس کلر سرجریاں کئی ممالک میں غیر قانونی قرار دی جا چکی ہیں، کیونکہ یہ مستقل نقصان کا سبب بن سکتی ہیں۔

ساوتھ چائنا مارننگ پوسٹ کے مطابق لیانگ اور ہی کی ملاقات ایک بلائند ڈیٹ پر ہوئی، جہاں وہ فوراً ایک دوسرے کے قریب آ گئے اور محض چھ ماہ بعد شادی کر لی۔ دونوں کے خاندان روایتی چینی طب کے کاروبار سے وابستہ ہیں، جسے وہ چالیس سال سے جاری رکھے ہوئے ہیں۔

چھری کانٹے سے سموسہ کھانے کا طریقہ سکھانے والا ’کوچ‘ مذاق بن گیا

2023 میں انہوں نے اپنے خاندان کی میراث کو زندہ رکھنے کے لیے مل کر ایک جڑی بوٹیوں کی دکان کھولی، جہاں ہی نسخہ اور چائے کی تیاری دیکھتے ہیں اور لیانگ پروموشنز سنبھالتی ہیں۔

ان کی ویڈیوز کا آغاز چین کے مقبول پلیٹ فارم ڈوئین پر ہوا. انہوں نے ”شوہر کون، بیوی کون؟“ کے عنوان سے ایک ویڈیو پوسٹ کی جس میں وہ ملتی جلتی وِگ پہنے اور ایک دوسرے کے انداز کی نقل کرتے نظر آئے۔ اس ویڈیو نے انٹرنیٹ پر دھوم مچا دی۔ ویڈیو نے لاکھوں ناظرین کو ہنسایا اور حیران کر دیا۔

سائنس دانوں نے اسٹیل سے 10 گنا مضبوط لکڑی تیار کرلی

ایک اور مقبول ویڈیو میں لیانگ نے اپنے شوہر کو میک اپ کیا، جس کے بعد انہیں ”جڑواں بہنیں“ کہا جانے لگا۔ اس ویڈیو کو 3 لاکھ 50 ہزار سے زیادہ لائکس ملے۔ لیانگ کا کہنا ہے کہ شادی کے بعد روز مرہ کی زندگی میں ساتھ وقت گزارنے کے باعث ان کی شکلوں میں مماثلت بڑھ گئی ہے۔

سائیکالوجی کے ماہرین بھی اس بات کی تائید کرتے ہیں کہ جو جوڑے طویل عرصہ ساتھ رہتے ہیں ان کے چہرے ایک جیسے ہونے لگتے ہیں۔ 1987 کی تحقیق نے بھی اس بات کو ثابت کیا کہ شادی شدہ جوڑے وقت کے ساتھ ایک دوسرے کی جسمانی خصوصیات اختیار کر لیتے ہیں۔

شروع شروع میں ان کا کاروبار زیادہ کامیاب نہیں تھا، لیکن جب ان کی شکلوں کی مماثلت کی ویڈیوز وائرل ہوئیں تو دکان کی شہرت بڑھ گئی۔ اب لوگ ان کی جڑی بوٹیاں لینے آتے ہیں اور ان کی شکلوں کی عجیب مماثلت دیکھ کر حیران ہوتے ہیں۔

ہی نے بتایا کہ وہ شروع میں ویڈیوز میں حصہ لینے سے شرماتے تھے، لیکن اب اپنی بیوی کی محنت دیکھ کر وہ بھی خوش دلی سے حصہ لینے لگےہیں۔ ان کی ویڈیوز میں تعلیم اور مزاح کا حسین امتزاج پایا جاتا ہے، کبھی وہ جڑی بوٹیوں کی خصوصیات بتاتے ہیں تو کبھی ملتے جلتے لباس پہن کر ناظرین کو محظوظ کرتے ہیں۔

انٹرنیٹ پر لوگ ان کی شکلوں کی مشابہت پر حیرت کا اظہار کرتے ہیں۔ ایک صارف نے لکھا، ”ان کی شکلیں اتنی ملتی ہیں کہ ڈبل ٹھوڑی بھی ایک جیسی ہے۔“

ایک اور نے مذاق میں کہا،”کسی کو ڈی این اے ٹیسٹ کروا کر بتائیں۔ ہوسکتا ہے وہ جڑواں ہوں یا نہ ہوں۔“ لیانگ اور ہی نے اپنی شاندار مماثلت کو کامیاب کاروبار کی چابی بنا لیا ہے۔

ویڈیو میں صدر پزشکیان کی سادگی اور عوامی رویہ واضح طور پر نظر آ رہا ہے، جس پر ایرانی سوشل میڈیا پلیٹ فارمز پر وسیع ردعمل سامنے آیا۔ مختلف صارفین نے ان کی سادگی اور عوامی طرزِ عمل کی تعریف کی، اور ان کے اس قدم کو مثبت انداز میں لیا۔

ویڈیو میں صدر اور سرکاری عہدیداروں کا ایک گروہ سڑکوں پر سائیکل چلاتا ہوا دکھائی دیتا ہے، جو نہ صرف عوامی تعلقات کے حوالے سے ایک نیا پیغام دے رہا ہے بلکہ حکومت کی عوام کے قریب پہنچنے کی کوششوں کو بھی ظاہر کرتا ہے۔

ویڈیو کے وائرل ہونے کے بعد کئی ایرانی سوشل میڈیا صارفین نے صدر کی سائیکل سواری کو غیر رسمی اور مثبت قدم قرار دیا، جبکہ بعض نے اسے حکومت کی عوامی رابطے کی ایک منفرد مثال کے طور پر دیکھا۔

بی بی سی کے مطابق فطرت کی منفرد اور نایاب تصاویر کو دنیا کے سامنے لانے والے مشہور وائلڈ لائف فوٹوگرافر ویمل وین ڈن ہیور نے ”وائلڈ لائف فوٹوگرافر آف دی ایئر“ کا اعزاز حاصل کیا ہے۔ یہ انعام انہیں کولمنزکوپ، نیمیبیا میں ایک abandoned ڈائمنڈ مائننگ سیٹلمنٹ کے ملبے کے قریب کھڑے ایک براون ہائینا کی تصاویر پر ملا۔

یہ تصویر کولمانسکوپ کے قصبے میں لی گئی تھی، جو ایک آسیب شہر (Ghost Town) کے طور پر جانا جاتا ہے، اور اسے ”Ghost Town Visitor“ (آسیبی علاقے کا ملاقاتی) کا عنوان دیا گیا ہے۔

فوٹوگرافر ویمل وین ڈن نے بتایا کہ اس تصویر کو حاصل کرنے کے لیے دس سال کی محنت اور جدید کیمرا ٹریپ ٹیکنالوجی کا استعمال کیا۔

یہ نایاب تصویر 60 ہزار 636 اندراجات میں سے منتخب کی گئی ہے، جس میں ایک بھورا لگڑ بگڑ دکھائی دیتا ہے، جو دنیا کے نایاب ترین لگڑ بگڑ کی نسلوں سے تعلق رکھتا ہے۔ یہ جانور عام طور پر رات کے وقت باہر آتا ہے اور تنہا رہتا ہے، جس کی وجہ سے فوٹوگرافر نے علاقے میں اس کے تازہ نشانات دیکھ کر کیمرا ٹریپ نصب کیا تھا۔

کیتھی موران، جیوری ممبر نے اس تصویر کے بارے میں کہا کہ یہ دیکھنا شاندار ہے کہ کس طرح جنگلی حیات نے انسانوں کے چھوڑے ہوئے قصبے کو اپنا مسکن بنا لیا ہے۔

ان کے مطابق، ”یہ تصویر ایک ’گھوسٹ ٹاؤن‘ میں لی گئی ہے، اور اس میں ایک سنسنی سی محسوس ہوتی ہے، جیسے یہ واقعتاً لگڑ بگڑ کی دنیا ہو۔“

دوسری جانب، آندریا دومینیزی، ایک اطالوی فوٹوگرافر نے ینگ وائلڈ لائف فوٹوگرافر آف دی ایئر 2025 کا ایوارڈ جیتا، جو 17 سال سے کم عمر فوٹوگرافروں کے لیے مخصوص تھا۔ ان کی تصویر ”After the Destruction“ میں ایک لانگ ہارن بیٹل دکھایا گیا ہے جو ترک شدہ مشینری کے اوپر کھڑا ہے۔

فرنینڈو فاسیولے (Fernando Faciole) نے امپیکٹ ایوارڈ جیتا۔ اس سال جیوری نے مختلف زمروں میں 19 تصاویر کو فاتح قرار دیا ہے، جو جمعہ کو لندن کے نیشنل ہسٹری میوزیم میں نمائش کا حصہ ہوں گی۔

نیچرل ہسٹری میوزیم میں اس ایوارڈ کی نمائش 17 اکتوبر کو کھل رہی ہے، اور ان تصاویر کو دیکھنے کا موقع تمام فطرت کے شائقین کے لیے دستیاب ہوگا۔

یقین کرنا مشکل مگر یہ حقیقت ہے کہ 22 سالہ وندنا گوتم نے صرف ایک پھل کھا کر 6 کلو وزن کم کر لیا! وہ بھی بغیر سخت ورزش یا مہنگے ڈائیٹ پلان کے۔ ان کی یہ انوکھی کہانی اب سوشل میڈیا پر زور پکڑ رہی ہے۔

عورتوں کی زندگی مردوں سے زیادہ لمبی کیوں ہوتی ہے؟ سائنس نے جواب ڈھونڈ لیا

ہندوستان ڈاٹ کام کی ایک رپورٹ کے مطابق وندنا گوتم کا وزن 22 سال کی عمر میں 56 کلو تھا، جو ان کے حساب سے زیادہ نہیں تھا، مگر لوگ انہیں موٹا کہنے لگے۔ وزن بڑھنے کی فکر نے انہیں ایک منفرد طریقہ آزمانے پر مجبور کیا۔ انہوں نے سخت غذا چھوڑ کر صرف سیب کھانے کا فیصلہ کیا اور پانی زیادہ پینا شروع کر دیا۔

فون تھامنے کا انداز آپ کی شخصیت کے بارے میں کیا بتاتا ہے؟

وندنا نے ایک مہینے تک دن میں تین بار سیب کھایا اور اس دوران پانی کی مقدار بھی بڑھائی۔ اس عادت کی بدولت ان کا وزن 56 سے گھٹ کر 50 کلو ہو گیا اور جسم میں توانائی بھی برقرار رہی۔

سیب میں وٹامن سی اور دیگر غذائی اجزاء ہوتے ہیں جو وزن کم کرنے میں مدد دیتے ہیں، اور یہ بھوک کم کر کے اضافی کیلوریز لینے کی صلاحیت کو کم کرتا ہے۔ ایک مہینے کے بعد وندنا نے اپنی خوراک آہستہ آہستہ نارمل کی، پہلے 5 دن اوٹ میل کھایا، پھر 5 دن تک روٹی، اور آخر میں مکمل معمول کی خوراک اختیار کی۔

وزن کم کرنے کے بعد بھی وندنا نے اپنی صحت کا خاص خیال رکھا۔ انہوں نے جنک فوڈ سے پرہیز کیا اور یوگا شروع کیا تاکہ وزن دوبارہ نہ بڑھے۔ ان کا کہنا ہے کہ یہ سادہ لیکن مؤثر طریقہ ہر کسی کے لیے فائدہ مند ہو سکتا ہے۔

خاتون کا کہنا ہے کہ چونکہ اب شادی منسوخ ہو چکی ہے، اس لیے اسے مکمل مالی ادائیگی کی جانی چاہیے۔ اس انوکھے مطالبے نے چینی سوشل میڈیا پر بحث چھیڑ دی ہے اور اب تک 2 کروڑ 30 لاکھ سے زائد لوگ اس واقعے پر اپنی رائے دے چکے ہیں۔

خاتون رقص کرتے ہوئے اچانک دل کا دورہ پڑنے سے چل بسی

ساوتھ چائنامارننگ پوسٹ کے مطابق، اس جوڑے کی منگنی رواں سال جنوری میں ہوئی تھی اور شادی نومبر میں طے تھی۔ اس دوران، لڑکے کے خاندان نے منگنی کے طور پر 200,000 یوآن (تقریباً 28,000 امریکی ڈالر) کا ”بریڈ پرائس“ یا مہر نما تحفہ لڑکی کے خاندان کو دیا، جو کہ چین کے کئی علاقوں میں رائج ایک روایت ہے۔ شادی کی تیاریاں مکمل ہو چکی تھیں، ہوٹل بُک تھا اور اہلِ خانہ کو مدعو بھی کر دیا گیا تھا۔

تاہم، چند ہفتے قبل لڑکی نے اچانک شادی سے انکار کرتے ہوئے کہا کہ، ’لڑکا حد سے زیادہ ایماندار ہے اور اس کی آمدنی بھی کم ہے۔اس لیے وہ رشتہ نہیں نبھا سکتی۔‘

100 سالہ خاتون کی جم ویڈیو وائرل، لمبی عمر کے سادہ اصول شیئر کردیے

لڑکی نے کہا کہ وہ تحفے میں ملی رقم واپس کرنے کو تیار ہے، مگر اُس نے 30,000 یوآن رکھنے کی اجازت طلب کی، جس کے بارے میں اُس کا کہنا تھا کہ یہ رقم اُن ملاقاتوں اور تصاویر کے سیشنز کے دوران ہونے والے اخراجات اور جذباتی نقصان کی تلافی ہے۔

رشتہ کرانے والے شخص نے جنہیں مقامی میڈیا میں ”وان“ کے نام سے جانا جاتا ہے، نے بتایا کہ لڑکی کا یہ مطالبہ غیر معمولی ہے اور ان کے کیریئر میں ایسا پہلی بار ہوا ہے۔

وان نے کہا، ’میں نے گزشتہ 10 سال میں ہزاروں رشتے کروائے ہیں، لیکن اتنی زیادہ شرائط اور ناز نخرے کسی خاندان میں نہیں دیکھے۔ یہ مطالبہ اخلاقی طور پر درست نہیں۔‘

وان نے یہ بھی وضاحت کی کہ لڑکا اور لڑکی کی جو تصویریں لی گئی تھیں، اُن میں قریبی پوز صرف فوٹوگرافر کی ہدایت پر بنائے گئے تھے۔

فریقین کے درمیان کئی دن تک جاری رہنے والے مذاکرات کے بعد ایک تصفیہ طے پایا، جس کے تحت لڑکی نے 170,500 یوآن (تقریباً 24,000 امریکی ڈالر) واپس کرنے پر آمادگی ظاہر کی۔

چین میں منگنی کے موقع پر قیمتی تحائف دینا خاص طور پر دیہی علاقوں میں ایک پرانی روایت ہے، جہاں لڑکیوں کی تعداد کم ہونے کے باعث رشتے طے کرنا مزید مہنگا اور پیچیدہ ہو گیا ہے۔ ان تحائف کی مالیت عام طور پر 100,000 سے 500,000 یوآن (تقریباً 70,000 امریکی ڈالر) تک ہو سکتی ہے، جو اکثر لڑکے والوں پر شدید مالی دباؤ ڈالتی ہے، جس کی وجہ سے ایسے تنازعات آئے دن خبروں کی زینت بنتے رہتے ہیں۔

ایسا ہی ایک واقعہ گزشتہ سال ہونان صوبے میں پیش آیا تھا، جہاں ایک شخص نے اپنی سابق منگیتر اور اس کے والد کو عدالت میں گھسیٹا تھا کیونکہ وہ منگنی کے 230,000 یوآن (تقریباً 32,000 امریکی ڈالر) واپس کرنے کو تیار نہ تھے۔ عدالت نے رقم کی واپسی کا حکم دیا، مگر عمل درآمد نہ ہونے پر وہ شخص میڈیا کے ذریعے انصاف کے حصول کی کوشش کرتا رہا اور میڈیا کی مدد سے اپنی رقم واپس لینے میں کامیاب ہوا۔

برطانوی اخبار ڈیلی اسٹار کے مطابق یہ ریڈیو جسے “ڈومس ڈے ریڈیو” بھی کہا جاتا ہے، اپنی متواتر اور خوفناک آواز اور وقتاً فوقتاً چلنے والے خفیہ پیغامات کی وجہ سے مشہور ہے۔ اس کا اصل مقصد آج تک واضح نہیں ہو سکا، لیکن یہ سرد جنگ کے دور کا ایک عسکری مواصلاتی نظام سمجھا جاتا ہے۔

15 اکتوبر کو ماسکو کے وقت دو مختلف اوقات پر پیغامات نشر کیے گئے، پہلے 12:59 پر لفظ “EXHAUSTION” (تھکن) اور بعد میں 14:28 پر “DOMINION” (سلطنت) سنا گیا، جس نے سازشی نظریہ سازوں کو متحرک کر دیا ہے کہ ان کے پیچھے کیا معنی ہو سکتے ہیں۔

اس سے پہلے ستمبر کے شروع میں بھی اس ریڈیو نے کوڈ الفاظ NZHTI اور HOTEL کے ساتھ چند پراسرار نمبروں کی نشریات کی تھیں: 38، 965، 78، 58، 88، اور 37، جنہیں کچھ لوگ جغرافیائی کوآرڈینیٹس جبکہ دیگر ”کسی بڑے واقعے“ کی علامت سمجھ رہے تھے۔

اس ریڈیو کی دلچسپ تاریخ بھی ہے، 1982 میں اس کی نشریات صرف بپ کی آواز پر مشتمل تھیں، لیکن 1992 میں اس کی آواز میں تبدیلی آئی اور اسے اس کی مخصوص گونج دار آواز کی وجہ سے UVB-76 کا عرفی نام ملا۔ ہر چند ہفتوں بعد ایک شخص نام، الفاظ یا نمبروں کی فہرست پڑھتا ہے۔

لندن کے سٹی یونیورسٹی کے الیکٹرانک اور ریڈیو انجینئرنگ کے پروفیسر ڈیوڈ اسٹپلز کا کہنا ہے کہ ولادیمیر پوٹن کی حکومت اس کے پیچھے یقینی طور پر“ ہے، اور یہ نشریات پرامن مقاصد کے لیے نہیں ہوسکتیں۔

پروفیسر اسٹپلز نے کہا “سچائی جاننے کے لیے، یہ روسی حکومت کی طرف سے ہی آئے گی۔ یہ تقریباً یقینی ہے کہ روسی حکومت اس کا استعمال کر رہی ہے۔ اگر یہ حکومت ہے، تو یہ پرامن مقاصد کے لیے نہیں ہوگا۔”

یہ پراسرار ریڈیو اور اس کے خفیہ پیغامات دنیا بھر میں دلچسپی کا باعث بنے ہوئے ہیں اور ان کی اصل نوعیت اور مقصد آج تک ایک معمہ ہے۔

عالمی میڈیا کے مطابق جنوبی پولینڈ کے شہر شوینتوخووتسے میں 42 سالہ مرئیلا کی بازیابی نے دنیا کو حیرت میں مبتلا کردیا، 1998 میں 15 سال کی عمر میں لاپتا ہونے والی مرئیلا کو اس کے والدین نے اپنے اپارٹمنٹ میں 27 سال تک قید رکھا، جبکہ محلے والے اسے اغواء شدہ سمجھتے رہے۔ حالیہ مہینوں میں پڑوسیوں نے اپارٹمنٹ سے آنے والی مشکوک آوازوں کی اطلاع پولیس کو دی، جس کے نتیجے میں مرئیلا کی حالت زار کا انکشاف ہوا۔

پولیس نے مرئیلا کو انتہائی کمزور حالت میں پایا، جس کے جسم پر زخموں کے نشان تھے اور وہ انفیکشن کی وجہ سے موت کے دہانے پر تھی۔ ڈاکٹرز کے مطابق، وہ صرف چند دنیا میں چند دنوں کی مہمان تھی۔ مرئیلا نے 27 سالوں میں کبھی ڈاکٹر سے ملاقات نہیں کی، نہ ہی اس کے پاس شناختی دستاویزات تھیں اور نہ ہی اس کا دنیا سے کسی قسم کا رابطہ تھا۔

پولیس کی جاری کی گئی تصاویر میں 42 سالہ میریلا کو ایک چھوٹے سے بستر پر لیٹا دیکھا جا سکتا ہے، جس کے اردگرد بچوں کے کھلونے اور پھول میز رکھے ہوئے ہیں۔ جو اس کے والدین کی جانب سے اس کی بچپن کی یادوں کو زندہ رکھنے کی کوششوں کو ظاہر کرتا ہے۔ تاہم، اس طویل قید نے مرئیلا کی جسمانی اور ذہنی صحت پر گہرے اثرات مرتب کیے ہیں۔

مرئیلا کی بازیابی کے بعد، مقامی کمیونٹی نے اس کی مدد کے لیے چندہ مہم شروع کی ہے تاکہ اس کی طویل مدتی علاج اور بحالی ممکن ہو سکے۔ پولیس نے اس معاملے کی تحقیقات کا آغاز کیا ہے، تاہم ابھی تک والدین کے خلاف کوئی قانونی کارروائی نہیں کی گئی ہے۔

یہاں رہنے والے دو دوست گدھے ’ڈائنامک ڈیرک‘ اور ’بامبو‘ اب باضابطہ طور پر گنیز ورلڈ ریکارڈز 2026 میں شامل ہو چکے ہیں۔ ڈیرک نے ”دنیا کا سب سے اونچا گدھا“ ہونے کا اعزاز حاصل کیا ہے، جب کہ اس کے قریبی دوست بامبو کو ”سب سے لمبے کانوں والے گدھے“ کا ریکارڈ مل گیا ہے۔

’ڈیرک‘ کی اونچائی حیرت انگیز 167 سینٹی میٹر (5 فٹ 5 انچ) ہے، جو ایک عام گدھے کے مقابلے میں تقریباً بیس سینٹی میٹر زیادہ ہے۔ اس غیر معمولی قامت نے اسے دنیا بھر میں مقبول بنا دیا ہے۔ فارم کی مالک ٹریسی گارٹن کے مطابق، لوگ اکثر سمجھتے ہیں کہ ڈیرک خچر ہے کیونکہ وہ اتنا بڑا ہے، مگر دراصل وہ خالص نسل کا امریکی میمتھ جیک اسٹاک گدھا ہے۔

دلچسپ بات یہ ہے کہ ڈیرک کی یہ جسامت خاندانی وراثت کا نتیجہ ہے۔ اس گدھے کی ماں ’مس ایلی‘ بھی غیر معمولی قد والی تھی اور اس کے والد ’لویس‘ کا قد بھی پانچ فٹ سے زیادہ تھا۔ فارمنگ اسٹاف کے مطابق، ڈیرک ایک نرم دل اور پیار کرنے والا جانور ہے جو لوگوں کے ساتھ وقت گزارنا پسند کرتا ہے۔ وہ ادرک والے بسکٹ اور گاجریں کھانے کا شوقین ہے اور اکثر اس کو دیکھنے والوں کے پیچھے پیچھے چلتا ہے جیسے کوئی وفادار کتا۔

دوسری جانب، ڈیرک کا ہمسایہ ’بامبو‘ اپنے لمبے، ریشمی کانوں کی بدولت توجہ کا مرکز بنا ہوا ہے۔ اس کے کانوں کی لمبائی 35 سینٹی میٹر (ایک فٹ ایک انچ) ناپی گئی ہے، جو دنیا کے کسی بھی دوسرے گدھے سے زیادہ ہے۔ بامبو نہ صرف ظاہری طور پر منفرد ہے بلکہ اپنی خوش مزاجی اور نرم طبیعت کے باعث سینکچوری کا سب سے زیادہ گود لیا جانے والا گدھا بھی ہے۔

ٹریسی گارٹن کے مطابق، ’بامبو کے لمبے، پھول دار کان اسے نہ صرف خوبصورت بناتے ہیں بلکہ زائرین کا دل بھی جیت لیتے ہیں۔‘ وہ مزید کہتی ہیں، ’سب یہاں آ کر سب سے پہلے بامبو کے بارے میں پوچھتے ہیں، وہ سب کا فیورٹ ہے۔‘

ریڈکلف ڈونکی سینکچوری، 1999 میں قائم ہوئی تھی اور یہاں درجنوں گدھوں، خچروں اور زیبرا کے ملاپ سے پیدا ہونے والے نایاب جانوروں کی دیکھ بھال کی جاتی ہے۔

دونوں گدہوں ڈیرک اور بامبو کے گنیز ورلڈ ریکارڈ میں شامل ہونے کے بعد سینکچوری کی شہرت میں زبردست اضافہ ہوا ہے۔ اب نہ صرف دنیا بھر سے لوگ ان غیر معمولی گدھوں کو دیکھنے آ رہے ہیں بلکہ ادارے کی مالی مدد کے لیے بھی دل کھول کر عطیات دے رہے ہیں۔

یوں کہا جا سکتا ہے ان دونوں گدہوں ڈیرک کی بلند قامت اور بامبو کے لمبے کانوں نے نہ صرف عالمی ریکارڈ قائم کیا ہے بلکہ محبت، دیکھ بھال اور فطرت کے حسن کی ایک خوبصورت مثال بھی پیش کی ہے۔

اس سے قبل مئی میں جب پاکستان اور بھارت کے درمیان کشیدگی جاری تھی اس دوران بھی ایکس اور دیگر سوشل میڈیا پلیٹ فارمز پر پاکستانی سوشل میڈیا صارفین نے دلچسپ میمز شئیر کی تھیں جن کی گونج بھارت تک جا پہنچی تھی۔

اب پاک افغان بارڈر پر حالیہ کشیدگی کے بعد ایک بار پھر پاکستانیوں کی میمز سب کی توجہ کا مرکز بن رہی ہیں۔

ایک صارف نے ایکس پر تصویر پوسٹ کی جس پر لکھا تھا، ”آپریشن تندور کا آغاز ہوگیا۔“ چونکہ پاکستان میں مقیم افغان شہری تندور کا یکام کرنے کے لیے مشہور ہیں اسی لیے ”تندور“ ٹاپ ٹرینڈ اختیار کر گیا ہے۔

ایک صارف نے تصویر شئیر کی جس کے کیپشن پر لکھا تھا کہ، ”افغانستان کا فضائی دفاعی نظام ہائی الرٹ پر ہے۔“ اس میں گدھا گاڑی اور کچرا اٹھانے والا لوڈر ٹریکٹر دکھایا گیا تھا۔

ایک اور صارف نے ایکس پر تصویر پوسٹ کی جو بالی ووڈ فلم منا بھائی کے ایک سین کی ہے۔ تصویر پر افغانستان اور پاکستان کی ”جنگ“ پر لکھا تھا کہ، ’ارے بھائی یہ تو شروع ہوتے ہی ختم ہوگئی۔‘

اطلاعات ہیں کہ پاکستان نے افغان فورسز کو چند گھنٹے میں ہی پیچھے ہٹنے اور کارروائیاں روکنے پر مجبور کردیا تھا، ساتھ ہی پاک افواج نے افغان طالبان کو سرینڈر کرنے پر مجبور کیا۔

ایک صارف نے ویڈیو شئیر جس میں دو نوجوانوں کو پنجا لڑاتے دیکھا جا سکتا ہے، جبکہ ویڈیو کے کیپشن پر درج تھا، ’سعودی عرب افغانستان کے خلاف پاکستان کی جوابی کارروائی کو دیکھتے ہوئے۔‘

یہ میم پاکستان اور سعودی عرب کے حالیہ معاہدے کے تناظر میں شئیر کی گئی تھی، جس میں کہا گیا تھا دونوں ممالک میں سے کسی ایک پر حملہ دونوں پر حملہ تصور کیا جائے گا۔

ایک اور ایکس اکاؤنٹ پر اسی تناظر میں ایک اور مزاحیہ میم شئیر کی گئی جس میں سعودی ولی عہد شہزادہ محمد بن سلمان کو پریشان دکھایا گیا ہے اور کیپشن میں درج ہے، ’جب آپ کو احساس ہو کہ آپ اب افغانستان کے ساتھ جنگ ​​میں ہیں۔‘

ایک اور مزاحیہ میم میں افغان طالبان کو تفریحی کشتیوں پر بیٹھے دکھایا گیا ہے جس کے کیپشن میں لکھا تھا، ’افغانستان کی نیوی ہائی الرٹ پر ہے۔‘

وہیں ایک اور دلچسپ پوسٹ بھی نظر آئی جس میں کچھ لوگوں کو بھاگتے ہوئے دکھایا گیا ہے اور تصویر کے کیپشن پر لکھا ہے، ’عوام اپنے چوری شدہ آئی فونز اور ہونڈا 125 تلاش کرنے کے لیے افغانستان کی طرف بھاگ رہے ہیں۔‘

ایک اور صارف نے ویڈیو شئیر کی جس میں دو افراد کو زخمی حالت میں لڑکھڑاتے ہوئے دیوار کے سہارے چلتے دکھایا گیا ہے، اور کیپشن میں لکھا تھا ’پاکستان کے ساتھ جنگ ​​کے بعد بھارت اور افغانستان کی حالت۔‘

جبکہ ایک صارف نے بالی ووڈ کے مایہ ناز اداکار نانا پاٹیکر کی مشہور میم پوسٹ کی ہے جس کے کیپشن میں لکھا تھا، ’پاک افغان جنگ کے بعد ڈونلڈ ٹرپ کا ردعمل۔‘

چونکہ ٹرمپ اپنی کئی تقاریر میں دنیا کی مختلف جنگیں رکوانے کا دعویٰ کرتے ہوئے نوبل امن انعام کا مطالبہ کر چکے ہیں انعام ہار بھی چکے ہیں، اسی لیے اب یہ میم بھی توجہ کا مرکز بن رہی ہے۔

واضح رہے کہ پاک افغان سرحد پر افغانستان کی بلااشتعال فائرنگ کے بعد پاک فوج نے بھرپور جوابی کارروائی کرتے ہوئے افغان فورسز کو منہ توڑ جواب دیا۔ سیکیورٹی ذرائع کے مطابق پاک فوج نے مختلف سیکٹرز میں 19 افغان پوسٹوں پر قبضہ کر کے پاکستان کا قومی پرچم بھی لہرا دیا۔

افغان فورسز نے گزشتہ رات تقریباً 10 بجے انگور اڈا، باجوڑ، کرم، اپر دیر، چترال اور بلوچستان کے علاقے بارام چاہ میں بلااشتعال فائرنگ کا سلسلہ شروع کیا تھا جس کے جواب میں پاک فوج نے توپ خانے، ٹینکوں، ہلکے اور بھاری ہتھیاروں سمیت فضائی وسائل کا بھرپور استعمال کیا۔ کارروائی کے دوران طالبان اور داعش کے ٹھکانوں کو بھی نشانہ بنایا گیا۔

سیکیورٹی ذرائع نے افغان فورسز کے درجنوں اہلکار مارے جانے کی بھی تصیق کی ہے جبکہ متعدد افغان طالبان نے پوسٹیں خالی چھوڑ کر راہِ فرار اختیار کرلی ہے۔ افغان فوج کی جانب سے کسی منظم مزاحمت کی اطلاع نہیں سامنے نہیں آئی۔

پاک افغان صورتحال پر قطر اور سعودی عرب کی جانب سے تشویش کا اظہار کیا گیا ہے۔

رپورٹ کے مطابق 59 سالہ آشا رانی، اپنے شوہر ترسیم لال اور پوتی کے ساتھ قریبی رشتہ دار کے گھر کروا چوتھ کی تقریب میں شرکت کے لیے گئی تھیں۔ چاند نکلنے سے پہلے جب خواتین نے جشن منانا شروع کیا، تو وہ بھی رقص میں شامل ہو گئیں۔

وائرل ویڈیو میں دیکھا جا سکتا ہے کہ خواتین پنجابی گانوں پر خوشی سے رقص کر رہی ہیں۔ پیلی ساڑھی میں ملبوس آشا رانی بھی انہی میں شامل تھیں، جو خوشگوار موڈ میں رقص کر رہی تھیں کہ اچانک زمین پر گر پڑیں۔

خاتون کے گرنے کے فوراً بعد وہاں موجود افراد نے فوری مدد کی کوشش کی اور انہیں اسپتال لے جایا گیا، لیکن وہ جانبر نہ ہو سکیں۔

ویڈیو کے منظر عام پر آنے کے بعد سوشل میڈیا صارفین نے کمنٹس میں گہرے دکھ اور افسوس کا اظہار کیا ہے۔ کئی صارفین نے اسے ”زندگی کی ناپائیداری“ کی دردناک مثال قرار دیا ہے۔

پس منظر میں چلنے والے گانے کے بول تھے ”خوشیاں منالو، پتا نہیں کل کا کیا ہو“

یہ سطر اب افسوس اور حیرت کی علامت بن گئی ہے، کیوں کہ چند لمحے بعد ہی وہ نیچے گر گئیں اور دوبارہ نہ اٹھ سکیں۔

واضح رہے کہ کروا چوتھ تہوار ہے جس میں خواتین سورج نکلنے سے لے کر چاند نکلنے تک ورت رکھتی ہیں اور شوہر کی لمبی عمر کے لیے دعا کرتی ہیں۔