برطانیہ میں پچھلے دس سالوں سے امیگریشن پر بحث چھڑی ہوئی ہے، جس میں حکومتیں غیر ملکیوں کی آمد کو محدود کرنے کی کوششیں کر رہی ہیں، جیسے ویزہ قواعد سخت کرنا اور غیر ملکی کارکنوں کے لیے تنخواہ کے معیار کو بڑھانا۔

رائٹرز کے مطابق لیبر حکومت نے اس نئی تجویز کو ”تقریباً پچاس سال میں قانونی امیگریشن کے نظام کا سب سے بڑا انقلاب“ قرار دیا ہے۔

مستقل رہائش کے لیے درکار قیام کی مدت پانچ سال سے بڑھا کر 10 سال کر دی جائے گی۔ تاہم، این ایچ ایس میں کام کرنے والے ڈاکٹرز اور نرسیں پانچ سال کی مدت پوری کرنے کے بعد ہی مستقل رہائش کے لیے درخواست دے سکیں گے۔ ذہین افراد اور کاروباری افراد (انٹرپینیورز) کے لیے فاسٹ ٹریک سسٹم کے تحت تین سال کے اندر ہی مستقل رہائش کے لیے درخواست دینے کی سہولت فراہم کی جائے گی۔

برطانیہ میں مستقل رہائش: اوورسیز افراد کے لیے خوشخبری

این ایچ ایس کے لیے یہ تبدیلی خوش آئند ہو گی، کیونکہ وہاں کی دو تہائی سے زیادہ ڈاکٹر اور نصف نرسیں غیر ملکی تربیت یافتہ ہیں۔ نرسوں کے مرکزی یونین نے انتباہ کیا ہے کہ اگر انتظار کا عرصہ بڑھایا گیا تو 50 ہزار کے قریب غیر ملکی نرسیں ملک چھوڑ سکتی ہیں۔

وزیرداخلہ شابانہ محمود نے پارلیمنٹ میں امیگریشن پالیسی کے حوالے سے تفصیلات پیش کرتے ہوئے کہا کہ مستقل رہائش کے خواہشمند افراد کے لیے جو نئے قواعد متعارف کرائے جا رہے ہیں، ان قوانین کے تحت، درخواست دہندگان کے لیے ضروری ہو گا کہ ان کا کوئی کریمنل ریکارڈ نہ ہو، انگریزی زبان پر کم از کم اے لیول کے معیار کی مہارت ہو، اور ان پر برطانیہ میں کوئی قرضہ بھی نہ ہو۔ مزید برآں، یہ نئے قوانین نہ صرف نئے آنے والوں پر، بلکہ برطانیہ میں پہلے سے موجود افراد پر بھی لاگو ہوں گے۔

وزیرداخلہ نے کہا کہ وہ برطانیہ کے موجودہ امیگریشن نظام کو منصفانہ اور انضمام پر مبنی نظام میں تبدیل کرنا چاہتی ہیں، تاکہ اس نظام کے ذریعے برطانیہ آنے والے افراد کی بہتر انداز میں حمایت کی جا سکے۔ شابانہ محمود نے اپنی ذاتی مثال بھی دی اور کہا کہ ان کے والدین بھی ایک بہتر زندگی کے لیے برطانیہ آئے تھے اور آج وہ مقامی شہری بن چکے ہیں۔

نئی امیگریشن پالیسی کا مقصد برطانیہ کے معاشی اور سماجی نظام میں مثبت تبدیلی لانا ہے، جس سے غیر ملکی ورک فورس کو بہتر طریقے سے ضم کیا جا سکے گا اور عوامی خدمات پر دباؤ کم کیا جائے گا۔

یہ ثقافتی ویزا عمان کی جانب سے بین الاقوامی ثقافتی تبادلے، تحقیقی تعاون اور فنی و علمی تقریبات میں شرکت کو فروغ دینے کے مقصد سے متعارف کروایا گیا ہے۔

عمان پولیس کی جانب سے سوشل میڈیا پلیٹ فارم ایکس پر جاری بیان کے مطابق ویزا متعلقہ حکام کی درخواست پر جاری کیا جاتا ہے جو غیر ملکی شرکاء کی میزبانی کے ذمہ دار ہیں، جن میں وزارتِ ثقافت، کھیل اور نوجوان، تعلیمی ادارے اور ثقافتی مراکز شامل ہیں۔

ویزا کن افراد کو دیا جائے گا؟

یہ ویزا ان غیر ملکیوں کے لیے ہے جو عمان میں ثقافتی مقاصد کے لیے آ رہے ہیں:

1۔ ثقافتی تبادلے یا فنون کی تربیت کے لیے عارضی رہائش

2۔ ثقافت، فنون اور ورثے میں علمی یا تحقیقی تعاون

3۔ ادبی، فکری یا ثقافتی کانفرنسوں اور میلوں میں شرکت

4۔ ثقافتی اور فنی تقریبات یا نمائشوں میں شرکت یا ان کا انعقاد

ایک خاص شق کے تحت، مرکزی درخواست دہندہ کے شریک حیات یا پہلے درجے کے رشتہ داروں کے لیے ثقافتی شمولیتی ویزا بھی جاری کیا جا سکتا ہے۔

ویزا کی مدت اور فیس

ثقافتی ویزا درج ذیل مدت کے لیے جاری کیا جا سکتا ہے:

1 سال کے لیے 50 عمانی ریال

5 سال کے لیے 50 عمانی ریال (فی سال)

10 سال کے لیے 50 عمانی ریال (فی سال)

درخواست دہندگان کو ویزا جاری ہونے کے تین ماہ کے اندر استعمال کرنا ہوگا، بصورت دیگر یہ غیر مؤثر سمجھا جائے گا۔

ویزے کی اہمیت

حکام نے ویزے کے تعارف کے پیچھے کئی قومی مقاصد اجاگر کیے ہیں جو درج ذیل ہیں۔

1۔ ماہرین، محققین اور تخلیق کاروں کی آمد میں آسانی اور علم و تجربے کے تبادلے کو فروغ دینا

2۔ ثقافتی سرگرمیوں میں حصہ لینے والے غیر ملکیوں کے قانونی ضابطے کو مضبوط کرنا

3۔ ثقافتی سیاحت کو قومی معیشت میں حصہ دار بنانا

4۔ عمان کی ثقافتی کھلے پن اور بین الاقوامی علمی تعلقات کو فروغ دینا

5۔ سلطنت میں ثقافتی اور فنی تقریبات میں غیر ملکی شمولیت کو حوصلہ دینا

اسٹریٹیجک ثقافتی اہداف

یہ اقدام عمان کی سال 2040 کی وسیع ثقافتی حکمت عملی کے لیے براہ راست معاون ہے، جس کا مقصد ایک کھلی اور عالمی طور پر منسلک علمی معاشرہ قائم کرنا ہے۔

حکام نے واضح کیا ہے کہ ثقافتی ویزا اسکیم کے تحت ویزا کی توسیع دیگر ویزا کیٹیگریز پر لاگو نہیں ہوتی جو غیر ملکیوں کی رہائش کے قانون کے ایگزیکٹو ریگولیشنز میں شامل ہیں۔

محکمہ کے ذیلی ادارے یو ایس کسٹمز اینڈ بارڈر پروٹیکشن کے مطابق اب ہر غیر امریکی شہری کی تصویر اور دیگر بایومیٹرک معلومات سرحدی چیک پوائنٹس پر داخلے اور روانگی، دونوں مواقع پر حاصل کی جائیں گی۔ اس ضمن میں وہ عمر کی رعایتیں بھی ختم کر دی گئی ہیں جو پہلے 14 سال سے کم اور 79 سال سے زیادہ عمر کے افراد کے لیے موجود تھیں۔

یہ نظام دراصل موجودہ چہرہ شناخت ٹیکنالوجی کو وسعت دے گا جو اس وقت زیادہ تر بین الاقوامی ہوائی اڈوں پر استعمال کی جا رہی ہے، تاہم نئے ضوابط کے بعد اسے تمام زمینی، سمندری اور فضائی داخلی و خارجی راستوں پر لازم کیا جائے گا۔ حکام کا کہنا ہے کہ اس سے ویزا سے زیادہ قیام کرنے والوں کا سراغ لگانے میں مدد ملے گی۔ ایک ایسا مسئلہ جس کے بارے میں ایک 2023ء کی رپورٹ کے مطابق، تقریباً 42 فیصد غیر قانونی مقیم افراد اسی زمرے میں آتے ہیں۔

امریکی کانگریس نے 1996ء میں ایک خودکار داخلہ و خروج نظام کے قیام کی منظوری دی تھی، مگر وہ اب تک مکمل طور پر نافذ نہیں ہو سکا۔ نئی پیش رفت کو اسی قانون کے تحت عملی جامہ پہنانے کی کوشش قرار دیا جا رہا ہے۔

کسٹمز اینڈ بارڈر پروٹیکشن (CBP) کے اندازے کے مطابق اگلے تین سے پانچ سالوں میں یہ بایومیٹرک نظام تمام بڑے ہوائی اڈوں اور بندرگاہوں پر مکمل طور پر فعال ہو جائے گا۔ اس کے تحت مسافروں کی تصویری معلومات ایک مرکزی ڈیٹا بیس میں جمع ہوں گی، جنہیں پاسپورٹ اور دیگر سفری دستاویزات سے جوڑ کر اصل وقت میں تصدیق کی جائے گی۔

ماہرین کی تشویش: یہ نگرانی کی نئی شکل ہے

اگرچہ حکومت اسے قومی سلامتی کے لیے ناگزیر قدم قرار دے رہی ہے، مگر شہری آزادیوں کے حامی ماہرین اور تنظیموں نے شدید تحفظات ظاہر کیے ہیں۔ امریکی کمیشن برائے شہری حقوق کی 2024ء کی رپورٹ میں کہا گیا کہ چہرہ شناخت ٹیکنالوجی سیاہ فاموں اور دیگر نسلی اقلیتوں کے چہروں کی شناخت میں زیادہ غلطیاں کرتی ہے، جس سے امتیازی سلوک کے خدشات بڑھ سکتے ہیں۔

امریکی سول لبرٹیز یونین (ACLU) کے سینئر پالیسی مشیر کوڈی وینزکے نے اس اقدام کو ”پرائیویسی کے حق پر حملہ“ قرار دیتے ہوئے کہا کہ: ”یہ ٹیکنالوجی نا قابلِ اعتماد ہے، اقلیتوں کو زیادہ نقصان پہنچاتی ہے، اور ایک مستقل نگرانی کے نظام کی بنیاد رکھتی ہے۔“

ناقدین کا مؤقف ہے کہ اگرچہ قانون سازی دو دہائیاں پہلے ہوئی تھی، مگر اُس وقت اس نوعیت کی جدید ٹیکنالوجی کا تصور بھی نہیں تھا۔ ان کے بقول موجودہ ضابطہ شہری آزادیوں، نجی زندگی اور نسلی مساوات کے لیے نئے سوالات پیدا کرتا ہے۔

دوسری جانب امریکی حکام کا کہنا ہے کہ جدید بایومیٹرک نظام سے سرحدی عمل تیز، محفوظ اور زیادہ شفاف ہو جائے گا اور اس سے وہ خامیاں دور ہوں گی جن کا فائدہ ماضی میں غیر قانونی داخلے یا ویزا کی خلاف ورزی کرنے والے افراد نے اٹھایا۔

یوں، جہاں ایک طرف امریکا اسے قومی سلامتی کے لیے اہم قدم قرار دے رہا ہے، وہیں دوسری جانب ناقدین کا کہنا ہے کہ یہ اقدام عام لوگوں پر مسلسل نگرانی کا راستہ کھول سکتا ہے۔

اگر آپ شینگن ویزا کے لیے درخواست دینے کا ارادہ رکھتے ہیں، تو اس مضمون میں ہم آپ کو 11 عام وجوہات بتائیں گے جن کی بنا پر آپ کا ویزا مسترد ہو سکتا ہے۔ ساتھ ہی ہم یہ بھی بتائیں گے کہ ان مسائل سے کیسے بچا جا سکتا ہے تاکہ آپ کے یورپ کے سفر کے خواب کو رکاوٹ کے بغیر حقیقت میں بدلا جا سکے اور آپ کا تجربہ یادگار اور خوشگوار بنے اور یورپ کا سفر بغیر کسی رکاوٹ کے ممکن ہو سکے۔

1. جھوٹے یا جعلی دستاویزات: جعلی کاغذی کارروائی سے بچیں

اگر آپ شینگن ویزا کی درخواست کے ساتھ جعلی دستاویزات جیسے پاسپورٹ، بینک اسٹیٹمنٹ یا ملازمت کا سرٹیفکیٹ جمع کرواتے ہیں تو آپ کے ویزا کی درخواست کو فوری طور پر مسترد کر دیا جائے گا۔ اس کے ساتھ ہی آپ کو پانچ سال تک کے لیے یورپ میں داخلے پر پابندی لگ سکتی ہے، لہٰذا ہرگز رسک نہ لیں اور اس سے بچنے کے لئے صرف اصل، قابل تصدیق دستاویزات جمع کروائیں اور اگر آپ کے پاس کوئی کمی ہے تو اسے ایمانداری سے بیان کریں۔

2. سفر کا مقصد واضح نہ ہونا: اپنے سفر کے مقصد کو واضح کریں

صرف ”سیاحت“ یا ”کاروبار“ کا ذکر کرنا کافی نہیں ہوتا۔ ویزا افسران آپ کے سفر کے مقصد کو مکمل طور پر سمجھنا چاہتے ہیں، اور مبہم وضاحتیں ویزا کی مسترد ہونے کی وجہ بن سکتی ہیں، لہٰذا اس ناکامی سے بچنے کے لئے ایک تفصیلی سفر کا منصوبہ، ہوٹل کی بکنگ اور دیگر ہیلپنگ ڈاکومینٹس یا دستاویزات فراہم کریں۔

3. مالی وسائل کی کمی: اپنے مالی وسائل کو ثابت کریں

ویزے کے افسران یہ جانچنا چاہتے ہیں کہ آپ کے پاس اپنے سفر کے اخراجات پورے کرنے کے لیے مناسب مالی وسائل موجود ہیں یا نہیں۔ اگر آپ کا مالی ریکارڈ غیر متوازن یا آپ کے پاس وسائل کی کمی ہو تو آپ کا ویزا مسترد ہو سکتا ہے۔ اس سے بچنے کے لئے اپنے بینک اسٹیٹمنٹس اور ٹیکس ریکارڈز کے ساتھ 6 ماہ کا اسٹرونگ فنانشل ریکارڈ فراہم کریں۔ سفر کے دوران اضافی 20 سے 30 فیصد رقم بچا کر رکھیں۔

4. ویزا کی مدت سے زیادہ قیام: شینگن کے قواعد کی پابندی کریں

شینگن ویزا کی مختصر مدت میں 90 دن تک قیام کی اجازت ہے۔ اگر آپ اس مدت سے تجاوز کرتے ہیں تو آپ کا ویزا مسترد ہو سکتا ہے۔ مستقبل اور بہترین ریکارڈ رکھنے کے لیے اپنے سفر کی منصوبہ بندی احتیاط سے کریں اور قیام کے لیے آفیشیل شینگن کیلکولیٹر کا استعمال کریں تاکہ آپ مدت سے تجاوز نہ کریں۔

5. ایس آئی ایس الرٹ: اپنے امیگریشن ریکارڈ کو صاف کریں

اگر آپ کا نام شینگن انفارمیشن سسٹم (SIS) میں درج ہے جس کے مطابق آپ کو پہلے ملک سے نکال دیا گیا ہو یا آپ نے غیر قانونی قیام کیا ہو، تو آپ کا ویزا مسترد ہو سکتا ہے۔ یہ ایک بہت اہم معاملہ ہے اس لیے پہلے اپنے سابقہ امیگریشن مسائل حل کریں اور درخواست دینے سے پہلے اپنے SIS ریکارڈ کو شفاف بنائیں۔

6. عوامی آرڈر کے لیے خطرہ: صاف ریکارڈ رکھیں

اگر آپ پر کسی چھوٹے جرم کا الزام ہو یا آپ صحت کے حوالے سے خطرہ بن سکتے ہوں، جیسے کہ متعدی بیماریاں، تو یہ ویزا مسترد ہونے کی وجہ بن سکتا ہے لہٰذا اپنے جرائم کا ریکارڈ صاف کریں اور صحت کے حوالے سے سرٹیفکیٹ فراہم کریں۔

7. موزوں سفر کی میڈیکل انشورنس نہ ہونا: شینگن کی ضروریات پوری کریں

شینگن علاقے میں سفر کرنے والوں کے لیے لازمی ہے کہ ان کے پاس 30 ہزار یورو کی میڈیکل انشورنس ہو۔ اس کے بغیر آپ کی درخواست خودبخود مسترد ہو جائے گی۔ اس بات کو یقینی بنائیں کہ ویزے کی درخواست دینے سے پہلے میڈیکل انشورنس خریدیں جو شینگن کی ضروریات کو پورا کرے۔

8. غلط معلومات: دستاویزات میں درستگی کو یقینی بنائیں

آپ کی درخواست میں معلومات متنازعہ یا غلط نہیں ہونی چاہیے۔ اگر آپ کی دستاویزات میں غلط بیانی پائی گئی تو یہ ویزا مسترد ہونے کی وجہ بن سکتی ہے۔ تمام دستاویزات کو درست، سچ پر مبنی اور آپ کے سفر کے منصوبے سے ہم آہنگ کریں۔

9. واپسی کے ارادے کا عدم وضاحت: ثابت کریں کہ آپ واپس آئیں گے

ایک عام وجہ جس سے ویزا مسترد ہو سکتا ہے وہ یہ ہے کہ آپ نے اپنے واپسی کے ارادے کو واضح نہیں کیا۔ ویزا افسران یہ جاننا چاہتے ہیں کہ آپ کا تعلق اپنے ملک سے مضبوط ہے لہٰذا اپنی واپسی کی تاریخ واضح کریں اور اپنے ملک کے ساتھ تعلقات ثابت کرنے کے لیے دستاویزات فراہم کریں۔

10. سرحدی ویزا کے لیے ناکافی وجوہات: ایمرجنسی سفر کی وضاحت کریں

اگر آپ ایمرجنسی بنیادوں پر سفر کر رہے ہیں، تو اس کے لیے آپ کو مناسب دستاویزات فراہم کرنی ہوں گی۔ اگر آپ مناسب وجوہات نہیں بتاتے تو ویزا مسترد ہو سکتا ہے۔ اپنے ایمرجنسی سفر کی واضح اور دستاویزی وجوہات جو کاروباری، طبی یا انسانی بنیادوں پر جو بھی ہوں واضح تصدیق شدہ کاغذات پیش کریں۔

11. خود رضاکارانہ ویزا کی منسوخی: اپنا ویزا منسوخ کرنا

اگر آپ اپنے ویزا کو خود منسوخ کرتے ہیں، تو یہ ویزا کی مسترد ہونے کی وجہ نہیں ہوتا، لیکن یہ آپ کے سفر کی منصوبہ بندی کو متاثر کر سکتا ہے۔ اگر آپ کے منصوبے میں تبدیلی آسکتی ہے تو اپنے سفر کو بہترین حکمتِ عملی سے پلان کریں اور ویزا منسوخی سے بچیں اور مناسب طریقے سے اپنے سفر کے شیڈول کو ایڈجسٹ کریں۔

یورپ کا سفر یادگار بنانے کے لیے ضروری ہے کہ آپ ویزا کی درخواست میں مکمل تیاری کریں اور تمام ضروری دستاویزات فراہم کریں۔ ان عام غلطیوں سے بچ کر آپ نہ صرف ویزا حاصل کرنے کے امکانات بڑھا سکتے ہیں بلکہ اپنے خوابوں کے یورپی سفر کا لطف بھی بخوبی اٹھا سکتے ہیں۔

یہ اعلان نہ صرف بھارت بلکہ ان تمام ممالک کے لیے لمحۂ فکریہ ہے جہاں سے بڑی تعداد میں لوگ امریکا ہجرت کرتے ہیں۔ انتظامیہ کا کہنا ہے کہ اس فیصلے کا مقصد امیگریشن کے توازن کو برقرار رکھنا ہے، کیونکہ یہ پروگرام ان ممالک کے شہریوں کے لیے ہے جہاں سے امریکا میں آنے والوں کی تعداد کم ہو۔

این ڈی ٹی وی کے مطابق اس پروگرام کے تحت وہی ممالک اہل ہوں گے جن سے گزشتہ پانچ برسوں میں 50 ہزار سے کم لوگ امریکا منتقل ہوئے ہوں۔ چونکہ بھارت سے ہر سال ہزاروں افراد مختلف ویزوں کے تحت امریکا جاتے ہیں، اس لیے وہ خودبخود اس پروگرام کے دائرے سے باہر ہو گیا ہے۔

اعداد و شمار سے اندازہ ہوتا ہے کہ صرف 2022 میں ایک لاکھ 27 ہزار سے زائد بھارتی شہری امریکا منتقل ہوئے، جو کئی برِاعظموں کے مجموعی اعداد سے بھی زیادہ ہے۔ اس کے نتیجے میں بھارت کے ساتھ چین، جنوبی کوریا، پاکستان اور کینیڈا جیسے ممالک کو بھی آئندہ چند برسوں کے لیے اس لاٹری سے خارج کر دیا گیا ہے۔

یہ فیصلہ بھارتی شہریوں کے لیے امیگریشن کے مواقع مزید محدود کر دیتا ہے۔ اب ان کے پاس صرف چند راستے باقی رہ جاتے ہیں, مثلاً H-1B ورک ویزا کو مستقل رہائش میں تبدیل کرنا، سرمایہ کاری کے ذریعے امیگریشن حاصل کرنا، خاندان کے ذریعے اسپانسرشپ، یا پناہ کی درخواست دینا۔ مگر ان راستوں پر بھی رکاوٹیں بڑھتی جا رہی ہیں۔

ٹرمپ انتظامیہ کے دور میں امیگریشن پالیسیوں میں سختی کا رجحان بڑھا، جس کے تحت طالب علموں اور دیگر درخواست دہندگان کے پس منظر کی جانچ میں سوشل میڈیا سرگرمیوں اور سیاسی وابستگیوں کو بھی مدِنظر رکھا جانے لگا۔ ان اقدامات کا مقصد امریکی قومی سلامتی کو یقینی بنانا بتایا گیا۔

اگرچہ موجودہ پالیسیوں نے بھارتی شہریوں کے لیے امریکی امیگریشن کے راستے کچھ حد تک محدود کر دیے ہیں تاہم، امید کی کرن اب بھی باقی ہے، ٹیکنالوجی، تعلیم اور کاروبار کے میدان میں بھارت اور امریکا کے تعلقات اب بھی مضبوط ہیں، اور ممکن ہے مستقبل میں حالات ایک بار پھر بہتر رخ اختیار کریں۔

جن ممالک کے شہری 2026 کی امریکی ڈائیورسٹی ویزا لاٹری میں حصہ نہیں لے سکیں گے اگلے برسوں میں اگر ان ممالک سے امریکا ہجرت کرنے والوں کی تعداد کم ہو جائے تو وہ دوبارہ اہل قرار پا سکتے ہیں۔

امیگریشن کا یہ سفر صرف سرحدوں کا نہیں بلکہ علم، مواقع اور عالمی تعاون کا بھی ہے، اور یہی وہ خواب ہے جو دنیا بھر کے باصلاحیت افراد کو امریکا کی طرف متوجہ کرتا ہے۔ شاید آنے والے سالوں میں امریکہ ایک بار پھر اپنے دروازے اُن خواب دیکھنے والوں کے لیے کھول دے، جو اپنی محنت اور صلاحیت سے نئی دنیا تعمیر کرنے کا حوصلہ رکھتے ہیں۔

وسطی یورپ کا یہ خوبصورت ملک نہ صرف بلند معیارِ زندگی فراہم کرتا ہے بلکہ پاکستانی شہریوں کے لیے مستقل رہائش حاصل کرنے کا ایک واضح اور منظم راستہ بھی پیش کرتا ہے۔

نیٹ فلکس نے ٹی وی پر ویڈیو گیمز متعارف کرادیں

پانچ سال کے بعد مستقل رہائش کا حق

سلووینیا کے قانون کے مطابق پاکستانی شہری اگر پانچ سال تک لگاتار اور قانونی طور پر ملک میں عارضی رہائش پر مقیم رہیں تو وہ مستقل رہائش کے لیے درخواست دینے کے اہل ہو جاتے ہیں۔

یہ مدت اُن افراد کے لیے لاگو ہوتی ہے جنہوں نے اس دوران ملک میں نوکری، تعلیم، کاروبار، یا خاندانی بنیادوں پر رہائش اختیار کی ہو۔ اگر کوئی شخص سلووینیا کے شہری یا وہاں کے مستقل رہائشی کے خاندان کا حصہ ہے، تو بعض صورتوں میں وہ دو سال کے اندر بھی مستقل رہائش کے لیے اہل ہو سکتا ہے۔

مس یونیورس مقابلے میں شرکت کرنے والی پہلی اماراتی حسینہ مریم محمد کون؟

عارضی رہائش اور تسلسل کی شرط

سلووینیا میں عارضی رہائش عام طور پر ایک سال کے لیے جاری کی جاتی ہے اور ہر سال اس کی تجدید ضروری ہوتی ہے، بشرطِ یہ کہ آپ کا مقصد (مثلاً ملازمت یا تعلیم) برقرار ہو۔

مستقل رہائش کے لیے ضروری ہے کہ آپ کا قیام مسلسل ہو۔ طویل غیر حاضری یا بیرونِ ملک قیام سے یہ تسلسل ٹوٹ سکتا ہے۔

اگرچہ مختصر بیرونی دورے قابلِ قبول ہیں، لیکن طویل غیر موجودگی پانچ سالہ مدت کے تسلسل کو متاثر کر سکتی ہے۔

اسی طرح موسمی ملازمت یا عارضی تعلیمی قیام کے ادوار کو مکمل طور پر نہیں گنا جاتا، بلکہ تعلیم کے عرصے کو عام طور پر آدھی مدت کے برابر تصور کیا جاتا ہے۔

درخواست دینے کا طریقہ کار

اگر آپ سلووینیا میں رہائش پذیرہیں تو آپ کو اپنی درخواست ضلعی انتظامی دفتر میں جمع کرانی ہوتی ہے۔

ملک سے باہر موجود درخواست گزار یہ عمل سلووینیا کے سفارت خانے یا قونصل خانے کے ذریعے مکمل کر سکتے ہیں۔

درخواست کے لیے درکار بنیادی دستاویزات درج ذیل ہیں:

درست پاسپورٹ یا شناختی کارڈ

گزشتہ پانچ سال کی قانونی رہائش کا ثبوت (ریذیڈنس کارڈز، انٹری اسٹیمپس وغیرہ)

رجسٹرڈ پتہ یا رہائش کی تصدیق

سلووینیا میں مؤثر ہیلتھ انشورنس

مالی حیثیت کا ثبوت (بینک اسٹیٹمنٹ، ملازمت کا معاہدہ، یا تنخواہ کی پرچیاں)

پولیس کلیئرنس سرٹیفکیٹ (اسلووینیا اور اپنے آبائی ملک دونوں سے)

ٹیکس اور سوشل انشورنس کی ادائیگی کا ثبوت (اگر قابلِ اطلاق ہو)

تمام دستاویزات کے ساتھ فارم جمع کروانے کے بعد معمولی فیس (یورو میں) ادا کرنی ہوتی ہے۔ درخواست کی جانچ پڑتال میں چند ہفتے سے لے کر چند ماہ تک کا وقت لگ سکتا ہے اور کبھی کبھار اضافی دستاویزات کی بھی ضرورت پڑ سکتی ہے۔

منظوری کے بعد درخواست گزار کو ”ای یو لانگ ٹرم ریزیڈنٹ“کے عنوان سے مستقل رہائش کارڈ جاری کیا جاتا ہے، جو انہیں غیر معینہ مدت تک رہنے اور کام کرنے کا حق دیتا ہے۔

مستقل رہائش کے بعد کی زندگی

ایک بار جب مستقل رہائش مل جاتی ہے تو فرد کو سلووینیا میں رہنے کے لیے کسی اضافی جواز جیسے ملازمت یا تعلیم کی ضرورت نہیں رہتی۔

یہ حیثیت نہ صرف استحکام فراہم کرتی ہے بلکہ یورپی یونین کے اندر مخصوص نقل و حرکت کے حقوق بھی دیتی ہے۔

البتہ، شہریت حاصل کرنے کے لیے مزید وقت درکار ہوتا ہے۔ سلووینیا میں نیچرلائزیشن کے لیے عام طور پر دس سال کی قانونی رہائش ضروری ہے، جن میں آخری پانچ سال مسلسل ملک میں گزارنے لازمی ہیں۔

شہریت کے لیے سلووینی زبان کی مہارت، صاف کردار اور سماجی انضمام کی بھی شرائط رکھی گئی ہیں۔

پانچ سال کی قانونی قیام کے بعد حاصل ہونے والی مستقل رہائش نہ صرف استحکام اور تحفظ فراہم کرتی ہے بلکہ یورپی یونین میں طویل المدتی امکانات کے دروازے بھی کھول دیتی ہے۔

حکومتِ پاکستان نے اب مملکتِ سعودی عرب کو افرادی قوت کی برآمد دوگنی کرنے کا ہدف طے کیا ہے، جو مستقبل میں ملک کی ریمیٹینس اور اکانومی پر گہرا اثر ڈال سکتا ہے۔

عرب نیوز کے مطابق 2025 کے پہلے سات مہینوں میں پاکستان سے سعودی عرب جانے والے ہنرمندوں کی تعداد میں نمایاں اضافہ ریکارڈ کیا گیا ہے۔

سعودی عرب پاکستان کے ورکرز کا سب سے بڑا ہدف ملک بنا ہوا ہے اورفارن ایکسچینج کا بڑا حصہ بھی دیتا ہے۔ اگست میں سعودی عرب سے پاکستان کو 736.7 ملین ڈالر کی رقم موصول ہوئی جو کل 3.1 ارب ڈالر کی آمدنی کا حصہ ہے۔

تجزیہ کاروں کے مطابق سعودی وژن 2030 کے تحت جاری ترقیاتی منصوبے، 2034 FIFA ورلڈ کپ کی میزبانی، اور اس سے جڑی تعمیرات نے پاکستانی ہنر مندوں کی مانگ میں اضافہ ہوا ہے، پاکستانی ہنر مندوں کی مانگ میں یہ اضافہ خاص طور پر صحت کے شعبے، تعمیرات، خدمات، اور ڈلیوری سیکٹر میں نمایاں ہے۔

پاکستان نے سعودی عرب کے ساتھ ’تکامل پروگرام‘ کے تحت شراکت داری کی ہے، جس کے ذریعے نیشنل ووکیشنل اینڈ ٹیکنیکل ٹریننگ کمیشن (NAVTTC) مختلف شعبوں میں 62 اسکل کیٹیگریز میں افرادی قوت کی سرٹیفیکیشن کر رہا ہے۔

نوجوانوں کے لیے یہ ایک زبردست موقع ہے کیونکہ حکومت اور پرائیویٹ سیکٹر مل کر تربیتی پروگرام اور ہنر مندی کی تصدیق کو فروغ دے رہے ہیں تاکہ پاکستانی شہری نہ صرف زیادہ تعداد میں جائیں بلکہ بہتر قابلیت اور مہارت بھی لے کر جائیں۔ پاکستان کی طرف سے ای ویزا نظام اور دیگر سہولیات کی تجویز بھی دی گئی ہے تاکہ کام کے خواہاں افراد کے لیے عمل آسان بنایا جا سکے۔

اس عرصے میں خلیجی ممالک کی محنت کشی کے رجحانات میں کافی تبدیلیاں آئیں ہیں، جہاں سعودی عرب اور قطر میں پاکستانیوں کی تعداد بڑھ رہی ہے، جبکہ متحدہ عرب امارات اور عمان جیسے ممالک میں کمی دیکھی گئی ہے، جس کی وجوہات میں وہاں افراد کی طلب میں کمی اور دیگر ممالک سے سستی لیبر کی دستیابی شامل ہے۔

مجموعی طور پر یہ اعداد و شمار اس بات کی عکاسی کرتے ہیں کہ سعودی عرب پاکستانیوں کے لیے ایک بڑی سرمایہ کاری اور روزگار کی بڑی منزل بن چکا ہے، لہٰذا جو نوجوان روشن مستقبل کی تلاش میں ہیں، انہیں چاہئے کہ وہ اس موقع سے بھرپور فائدہ اٹھائیں اور سعودی عرب میں نوکریوں کے لیے تیاری کر لیں۔

خوش قسمتی سے تمام مسافر محفوظ رہے۔ ابتدائی معلومات کے مطابق، اندیور ایئر کی فلائٹ جو رونوک، ورجینیا کے لیے روانہ ہونے والی تھی، اس کا پر (ونگ) دوسری فلائٹ سے ٹکرا گیا جو شارلٹ، نارتھ کیرولائنا سے آ کر اتری تھی۔ یہ تصادم رات تقریباً دس بجے ٹیکسی وے پر پیش آیا۔

ٹکر کے بعد ایک طیارے کا فرنٹ بری طرح ڈیمیج ہوگیا جبکہ دوسرے کا بازو ٹوٹ گیا۔ سوشل میڈیا پر سامنے آنے والی تصاویر اور ویڈیوز میں ایمرجنسی گاڑیاں موقع پر دوڑتی دکھائی دیں۔ مسافر اور عملے کو فوراً بسوں کے ذریعے واپس ٹرمینل پہنچا دیا گیا۔

ڈیلٹا ایئرلائنز نے بتایا کہ ایک فلائٹ میں 28 اور دوسری فلائٹ میں 57 مسافر سوار تھے۔ سب کو خوراک اور مشروبات فراہم کیے گئے جبکہ رات گزارنے کے لیے ہوٹل اور دوبارہ پرواز کے لیے ری بُکنگ کی سہولت بھی دی جا رہی ہے۔

ایک مسافر نے امریکی اخبار ’ڈیلی میل‘ کو بتایا کہ ’ہم شارلٹ سے لینڈ کرنے کے بعد گیٹ کی طرف جا رہے تھے، اسی دوران ایک اور ڈیلٹا ریجنل جیٹ آ کر ہمارے طیارے سے ٹکرا گیا۔‘

ڈیلٹا ایئرلائن نے اپنے بیان میں کہا، ’ہم اپنے تمام صارفین اور عملے کی حفاظت کو سب سے مقدم رکھتے ہیں۔ اس افسوسناک واقعے پر ہم معذرت خواہ ہیں اور تمام مسافروں کی دیکھ بھال کے لیے ہر ممکن قدم اٹھا رہے ہیں۔ ساتھ ہی متعلقہ اداروں کے ساتھ مل کر حادثے کی وجوہات کا جائزہ لیا جائے گا۔‘

پورٹ اتھارٹی کے مطابق، اس واقعے سے لاگوارڈیا ایئرپورٹ کی پروازوں یا دیگر آپریشنز پر کوئی اثر نہیں پڑا۔ ڈیلٹا نے اعلان کیا ہے کہ وہ ایف اے اے فضائی سفر کی نگرانی، قوانین سازی اور حفاظت کرنے والے ادارے، نیشنل ٹرانسپورٹیشن سیفٹی بورڈ (NTSB) اور دیگر اداروں کے ساتھ مل کر واقعے کی مکمل جانچ کرے گا۔

خلیج ٹائمز کے مطابق یو اے ای حکام نے چار نئی وزٹ ویزا کیٹیگریز متعارف کرائی ہیں جن میں ہر ایک کے لیے قیام کی مدت اور توسیع کی شرائط واضح کی گئی ہیں۔

مصنوعی ذہانت (اے آئی) کے ماہرین کے لیے

مصنوعی ذہانت کے ماہرین کے لیے یہ ویزا ایک یا متعدد بار داخلے کے لیے ہو سکتا ہے اور یہ ایک مخصوص مدت کے لیے جاری کیا جائے گا۔ اس قسم کا ویزا حاصل کرنے کے لیے ٹیکنالوجی کے شعبے میں مہارت رکھنے والے ادارے کی جانب سے اسپانسرشپ جمع کرانا ضروری ہے۔

تفریح کے لیے وزٹ ویزا

یہ ویزا ان غیر ملکیوں کو دیا جائے گا جو عارضی مدت کے لیے تفریحی مقاصد کے لیے یو اے ای آ رہے ہیں۔

تقریبات کے لیے وزٹ ویزا

یہ ویزا ان غیر ملکیوں کے لیے ہے جو کسی فیسٹیول، نمائش، کانفرنس، سیمینار، یا دیگر اقتصادی، ثقافتی، کھیلوں، مذہبی، کمیونٹی یا تعلیمی سرگرمیوں میں شرکت کے لیے عارضی طور پر آ رہے ہیں۔ اس کے لیے اسپانسر کسی سرکاری یا نجی ادارے کو ہونا چاہیے، اور میزبان ادارے کی طرف سے ایونٹ کی تفصیلات اور مدت کا خط جمع کرایا جائے۔

سیاحت کے لیے وزٹ ویزا

کروز شپ یا لگژری یاچ کے ذریعے آنے والے سیاحوں کو ملٹی پل انٹری کے ساتھ دیا جائے گا، بشرطیکہ ان کے سفر کے شیڈول میں متحدہ عرب امارات میں وقفے شامل ہوں، اور اس صورت میں اسپانسر وہ ادارہ ہوگا جو اس کام کے لیے لائسنس یافتہ ہو۔

یو اے ای کی نئی ویزا پالیسی:غیر ملکی کمیونٹی کے لیے مزید سہولتیں اور فوائد

انسانی ہمدردی کی بنیاد پر رہائشی اجازت نامہ

انسانی ہمدردی کی بنیاد پر رہائشی اجازت نامہ ایک سال کی مدت کے لیے جاری کیا جائے گا۔ جنگوں، آفات یا بدامنی سے متاثرہ ممالک کے شہری اس کے لیے اہل ہوں گے۔

آئی سی پی (فیڈرل اتھارٹی برائے شناخت، شہریت، کسٹمز اور پورٹس سیکیورٹی) کو یہ اختیار بھی دیا گیا ہے کہ وہ ان غیر ملکیوں کو ویزا دینے کا فیصلہ جاری کرے اور انہیں کسی اسپانسرکی ضرورت نہیں ہوگی۔ تاہم، اگر مستفید ہونے والا شخص متحدہ عرب امارات چھوڑ دیتا ہے تو یہ رہائش کا اجازت نامہ منسوخ سمجھا جائے گا۔

بیواؤں اور طلاق یافتہ خواتین کے لیے رہائش

نئے قوانین میں بیواؤں اور طلاق یافتہ غیر ملکی خواتین کے لیے ایک سال کا رہائشی اجازت نامہ جاری کرنے کا بھی اعلان کیا گیا ہے۔

شوہرکے اماراتی ہونے کی صورت میں بغیر بچوں کے بیوہ یا طلاق یافتہ خاتون کو چھ ماہ کے اندر ایک سال کا اقامہ مل سکتا ہے۔

شوہر اگر غیر ملکی تھا، تو وہ بیوہ یا طلاق یافتہ خاتون جو اپنے بچوں کی کفالت کرتی ہوں، انہیں چھ ماہ کے اندر اقامہ مل سکتا ہے۔ مالی وسائل اور مناسب رہائش کا ہونا ضروری ہے۔

دبئی کے سستے ’گولڈن ویزا‘ کی آفر نے میمز کا طوفان کھڑا کردیا

رشتہ داروں اور دوستوں کی اسپانسرشپ

اب رہائشیوں کو اپنے رشتہ داروں اور دوستوں کو متحدہ عرب امارات لانے کے لیے کم از کم آمدنی کے قواعد پر پورا اترنا ہوگا۔

• قریبی خاندان کے لیے کم از کم تنخواہ 4000 درہم ماہانہ ہونی چاہیے۔

• دوسرے یا تیسرے درجے کے رشتہ داروں کی سپانسرشپ کے لیے کم از کم ماہانہ تنخواہ 8,000 درہم ہونی چاہیے۔

• دوستوں کی اسپانسرشپ کے لیے کم از کم تنخواہ 15,000 درہم ماہانہ ہونی چاہیے۔

بزنس ایکسپلوریشن ویزا

بزنس ایکسپلوریشن ویزا کے حوالے سے درخواست گزار کے پاس مالی وسائل ہونا لازمی ہیں یا وہ اپنے ملک میں یہ سرگرمی کر رہا ہو یا کسی کمپنی کے ذریعے اس شعبے میں کام کر رہا ہو۔

ٹرک ڈرائیورز کے لیے ویزہ

ٹرک ڈرائیورز سنگل یا ملٹی پل انٹری ویزہ حاصل کر سکتے ہیں۔ اسپانسر لازمی طور پر کوئی فریٹ کمپنی یا ٹرانسپورٹ بزنس ہوگا۔ ساتھ ہی مالی ضمانت اور ہیلتھ انشورنس بھی لازمی ہیں۔

یہ نئے قوانین اور ویزا کیٹیگریز متحدہ عرب امارات کی عالمی سطح پر معیشت، ٹیکنالوجی، اور سیاحت کو فروغ دینے کی کوششوں کا حصہ ہیں۔

موناکو کی سب سے بڑی کشش یہ ہے کہ یہاں ذاتی آمدنی پر کوئی ٹیکس نہیں لگتا، نہ ہی سرمایہ پر، نہ جائیداد پر اور نہ ہی وراثتی دولت پر زیادہ بوجھ ڈالا جاتا ہے۔ یہی وجہ ہے کہ دنیا بھر کے لوگ یہاں رہنے کے خواہشمند ہیں۔

موناکو مستقل رہائش یعنی پرمننٹ ریزیڈنسی کا ایک پروگرام پیش کرتا ہے۔ اس کے ذریعے آپ نہ صرف موناکو میں سکونت اختیار کر سکتے ہیں بلکہ کام کرنے اور کاروبار کرنے کے مواقع بھی حاصل کرتے ہیں۔ رہائشی کارڈ پہلے ایک سال کے لئے جاری کیا جاتا ہے۔ بعد میں یہ کارڈ سال بہ سال بڑھایا جاتا ہے اور کچھ عرصے بعد لمبے دورانیے کے لئے ملتا ہے۔ دس سال کی مسلسل سکونت کے بعد آپ کو خصوصی پرولیجڈ ریزیڈنس کارڈ دیا جاتا ہے جو دس سال کے لئے ہوتا ہے اور دوبارہ بھی بڑھایا جا سکتا ہے۔

موناکو کو کاروبار اور مالیاتی سرگرمیوں کا مرکز سمجھا جاتا ہے۔ یہاں رہائش اختیار کرنے کا ایک بڑا فائدہ یہ ہے کہ آپ شینگن زون کے 26 یورپی ممالک میں آزادانہ سفر کر سکتے ہیں۔ خوشگوار موسم، جدید سہولیات اور پرتعیش طرزِ زندگی اسے مزید پرکشش بناتے ہیں۔

لیکن اس رہائشی اجازت نامے کے لئے کچھ شرائط پوری کرنا ضروری ہیں۔ درخواست دہندہ کی عمر سولہ سال سے زیادہ ہونی چاہیے۔ صاف ریکارڈ، درست پاسپورٹ، صحت کا بیمہ اور موناکو میں رہائش کی جگہ ہونا لازمی ہے۔

سب سے اہم بات یہ ہے کہ آپ کو اپنی مالی حیثیت ثابت کرنا ہوگی۔ اس کے لئے کم از کم پانچ لاکھ یورو یعنی تقریباً 16 کروڑ 52 لاکھ پاکستانی روپے کا ثبوت درکار ہے جو عام طور پر بینک ڈپازٹ یا دیگر مالی دستاویزات کے ذریعے دکھایا جاتا ہے۔ غیر یورپی شہریوں کے لئے ضروری ہے کہ وہ پہلے فرانسیسی کانسلیٹ سے طویل قیام کا ویزا حاصل کریں۔

درخواست دینے کا عمل کچھ مراحل پر مشتمل ہے۔ سب سے پہلے آپ کو ایک مقامی ایڈوائزر یا رہنمائی فراہم کرنے والا پارٹنر تلاش کرنا چاہیے۔ پھر ضروری دستاویزات اکٹھی کی جاتی ہیں جن میں پاسپورٹ، ویزا، نیا پیدائش سرٹیفکیٹ، پولیس کلیئرنس اور دیگر حالات کے مطابق کاغذات شامل ہیں۔ اس کے بعد آپ کو موناکو جا کر انٹرویو دینا ہوتا ہے اور تقریباً اسی یورو فیس جمع کرانی پڑتی ہے۔ حکام مکمل چھان بین کے بعد رہائشی کارڈ جاری کرتے ہیں جو پہلے ایک سال کے لئے ہوتا ہے۔

یہاں یہ بھی یاد رکھنا چاہیے کہ اگرچہ رہائشی اجازت نامہ آپ کو موناکو میں رہنے کا حق دیتا ہے، لیکن کام کرنے کے لئے الگ سے ورک پرمٹ کی ضرورت پڑ سکتی ہے۔ اس بارے میں مزید معلومات موناکو کی سرکاری ویب سائٹ پر دستیاب ہیں۔

یقیناً، موناکو میں زندگی گزارنا ایک خواب جیسا ہے۔ اگر آپ مالی طور پر مضبوط ہیں اور ایک پرامن، پرتعیش اور ٹیکس سے آزاد زندگی چاہتے ہیں تو یہ آپ کے لئے ایک سنہری موقع ہو سکتا ہے۔

اس کے ساتھ ہی سب سے اہم بات یہ ہے کہ قوانین اور چارجز کی تبدیلی ممکن ہے لہٰذا کسی بھی ملک کی اپنی سرکاری ویب سائیٹس سے تازہ معلومات ضرور حاصل کریں تاکہ آپ کے پیپرز اور قانونی معاملات میں کوئی رکاوٹ نہ آئے اور تمام کاغذات اور شرائط پوری ہوں۔

ایچ-1 بی ویزا اُن غیر ملکی ہنر مند افراد کے لیے ہوتا ہے جنہیں امریکی کمپنیاں خاص پیشوں (Specialty Occupations) میں ملازمت دیتی ہیں۔ اس کے لیے کم از کم بیچلر ڈگری یا اس کے مساوی تعلیم ضروری ہے۔

امریکا میں ہر سال صرف 65 ہزار نئے ایچ -1 بی ویزے دیے جاتے ہیں۔ اضافی 20 ہزار ویزے امریکی اداروں سے ماسٹرز یا اس سے زیادہ ڈگری رکھنے والوں کے لیے مخصوص ہیں۔ جبکہ بعض ادارے جیسے یونیورسٹیاں اور ریسرچ سینٹرز اس حد سے مستثنیٰ ہیں۔

امریکی ’ایچ ون بی ویزا‘ کی فیس میں اضافہ: چین نے موقع پر چوکا مار دیا، بھارت دوراہے پر آگیا

فیس میں اضافے کے بعد اب زیادہ سے زیادہ افراد دوسرے ورک ویزوں کی طرف دیکھ رہے ہیں۔

ایچ-1 بی کے متبادل ورک ویزے

1. CW-1: CNMI-Only Transitional Worker

کامن ویلتھ آف نارتھ ماریانا آئی لینڈز (سی این ایم آئی) ویزا شمالی ماریانا جزائر میں کام کے لیے مخصوص ہے۔ یہ ایک سال کے لیے دیا جاتا ہے اور تین سال تک بڑھایا جا سکتا ہے۔ اس کے بعد 30 دن کے لیے ملک چھوڑنا لازمی ہوتا ہے۔

2. E-1: Treaty Traders

امریکا کے ساتھ تجارتی معاہدے رکھنے والے ممالک کے شہری اس ویزے کے ذریعے بین الاقوامی تجارت کر سکتے ہیں۔ اس میں ابتدائی اجازت دو سال کے لیے ہوتی ہے، جو بار بار دو سال کے لیے بڑھائی جا سکتی ہے۔

3.E-2 CNMI-Only Investor

یہ ویزا لمبے عرصے کے لیے سرمایہ کاری کرنے والوں کے لیے ہے جو CNMI میں کاروبار کرتے ہیں۔ دسمبر 2029 تک یہ ویزا جاری رہے گا۔

4. E-2 Treaty Investors

وہ ممالک جن کا امریکا کے ساتھ معاہدہ ہے کہ وہاں کے سرمایہ کار امریکا میں بڑا سرمایہ لگائیں گے، اس ویزے کے اہل ہیں۔ اس میں ابتدائی طور پر دو سال کی اجازت ملتی ہے جسے بار بار بڑھایا جا سکتا ہے۔

5.H-3: Non-immigrant Trainee یا Special Education Exchange Visitor

یہ ویزا ان افراد کے لیے ہے جو امریکا میں خصوصی تربیت لینا چاہتے ہیں جو ان کے ملک میں دستیاب نہیں۔ یہ دو سال تک کے لیے مل سکتا ہے، جبکہ معذور بچوں کے لیے خصوصی تعلیم پروگرام میں آنے والوں کو 18 ماہ تک رہنے کی اجازت ہوتی ہے۔

6.L-1A: Intra-company Transferee Executive یا Manager

کسی بھی ملٹی نیشنل کمپنی کے ایگزیکٹو یا منیجر کو امریکی دفتر میں منتقل کرنے یا نیا دفتر کھولنے کے لیے یہ ویزا دیا جاتا ہے، اور اس میں سات سال تک کی توسیع ممکن ہے۔

7. L-1B: Intracompany Transferee with Specialized Knowledge

یہ ویزا کمپنی کے ایسے ملازمین کے لیے ہے جنہیں کسی خاص ٹیکنیکل یا ماہرِ علم کی بنیاد پر بھیجا جاتا ہے۔ اس ویزے کے تحت زیادہ سے زیادہ پانچ سال تک امریکا میں رہائش ممکن ہے۔

8.O-1: Individuals with Extraordinary Ability یا Achievement

یہ ویزا ان افراد کے لیے ہے جو سائنس، آرٹ، بزنس، تعلیم، کھیل یا میڈیا میں غیر معمولی صلاحیت رکھتے ہوں۔ اس میں تین سال تک کی ابتدائی مدت کے بعد ہر سال توسیع ہو سکتی ہے۔

کارکنوں اور کمپنیوں پر اثرات

ایچ -1 بی ویزا فیس میں بھاری اضافے نے یقیناً مشکلات کھڑی کر دی ہیں۔ امریکی کمپنیاں ماہر افراد کی کمی کا شکار ہو سکتی ہیں، لیکن خوش قسمتی سے دوسرے کئی ویزا پروگرام موجود ہیں جن پر توجہ دی جا سکتی ہے۔

امریکہ اب بھی دنیا بھر کے پروفیشنلز کے لیے سب سے پرکشش مقام ہے، مگر بڑھتے اخراجات کے باعث یورپ، مشرقِ وسطیٰ اور ایشیائی ممالک بھی بڑی تعداد میں ہنر مند افراد کو اپنی طرف متوجہ کر سکتے ہیں۔

چین دنیا کے بہترین ٹیلینٹ، بہترین دماغوں کو اپنی طرف راغب کرنے کا عندیہ دے رہا ہے۔ اس صورتحال نے ایک نئے سوال کو جنم دیا ہے، دونوں میں اصل فرق کیا ہے؟ امریکا کا ایچ ون بی ویزا زیادہ موثر ہوگا یا لوگ چین کے ”کے ویزا“ کو کیوں ترجیح دے سکتے ہیں؟

امریکا کا ایچ ون بی ویزا 1990 میں متعارف ہوا تھا۔ اس کا مقصد دنیا بھر سے سائنس، ٹیکنالوجی، انجینئرنگ اور ریاضی کے شعبوں میں مہارت رکھنے والے افراد کو امریکا میں ملازمت کے مواقع فراہم کرنا تھا۔ اس ویزے کے تحت ہر سال 65 ہزار افراد کو اجازت دی جاتی ہے جبکہ امریکی تعلیمی اداروں سے ماسٹرز کرنے والے مزید 20 ہزار امیدواروں کے لیے خصوصی گنجائش رکھی گئی ہے۔ یہ ویزے سب سے زیادہ بھارتی اور چینی شہریوں کو ملتے ہیں، لیکن بھارتی شہری سب سے آگے ہیں۔

اگرچہ یہ ویزا ہنر مند افراد کے لیے امریکا جانے کا خواب پورا کرتا رہا ہے، تاہم اب امریکی حکومت نے اس کی لاگت اتنی بڑھا دی ہے کہ کئی کمپنیوں اور درخواست دہندگان کے لیے اسے حاصل کرنا تقریباً ناممکن ہو گیا ہے۔ اب ہر درخواست دہندہ پر سالانہ ایک لاکھ ڈالر تک فیس لاگو کی جا رہی ہے جو چھ سال تک ادا کرنا ہوگی۔ اس فیصلے نے امریکا آنے والے غیر ملکی ماہرین کے لیے راہیں تنگ کر دی ہیں۔

اس کے برعکس چین نے اگست 2025 میں ”کے ویزا“ کا اعلان کیا جو یکم اکتوبر سے نافذ العمل ہوگا۔ یہ پروگرام بنیادی طور پر سائنس اور ٹیکنالوجی کے میدان میں ٹیلنٹ کو راغب کرنے کے لیے تیار کیا گیا ہے۔

امریکی ’ایچ ون بی ویزا‘ کی فیس میں اضافہ: چین نے موقع پر چوکا مار دیا، بھارت دوراہے پر آگیا

”کے ویزا“ کی سب سے بڑی خصوصیت یہ ہے کہ اس کے لیے درخواست دہندگان کو کسی چینی کمپنی، ادارے یا مالک کے دعوت نامے کی ضرورت نہیں ہوگی اور نہ ہی نوکری کی پیشگی پیشکش لازمی ہے۔ اس کا مطلب یہ ہے کہ خواہ کوئی نیا گریجویٹ ہو یا آزاد محقق، وہ براہ راست چین آ کر نوکری تلاش کر سکتا ہے یا اپنا کاروبار شروع کر سکتا ہے۔ یہ سہولت اسے دیگر موجودہ چینی ویزوں سے منفرد بناتی ہے۔

مزید یہ کہ ”کے ویزا“ رکھنے والے افراد کو تعلیم، تحقیق، صنعت اور کاروبار کے میدانوں میں زیادہ آزادی دی گئی ہے۔

اگر دونوں کا تقابل یا موازنہ کیا جائے تو واضح فرق سامنے آتا ہے۔ امریکی ایچ ون بی میں، نہ صرف فیس بہت زیادہ ہے بلکہ اس کے لیے مخصوص کوٹہ بھی مقرر ہے اور درخواست دہندہ کو لازمی طور پر کسی کمپنی کی اسپانسرشپ درکار ہوتی ہے۔

جبکہ اس کے برعکس چین کا ”کے ویزا“ حاصل کرنا زیادہ لچکدار اور سہل ہے۔ اس میں فیس کا بوجھ نہیں، دعوت نامے کی شرط نہیں اور زیادہ اقسام کے مواقع میسر ہیں۔ چین اس پروگرام کے ذریعے اپنی پالیسیوں کو عالمی ٹیلنٹ کے لیے نہایت پرکشش بنا رہا ہے تاکہ دنیا کے بہترین ماہرین کو اپنی طرف متوجہ کر سکے۔

چین کی یہ حکمت عملی اس کے حالیہ اقدامات کے ساتھ جڑی ہے۔ اس نے شنگھائی، شینگھن اور دیگر بڑے شہروں میں ہائی ٹیک پارکس قائم کیے ہیں جہاں پرائیویٹ اور سرکاری شعبے میں بڑے پیمانے پر سرمایہ کاری ہو رہی ہے۔

چین خاص طور پر مصنوعی ذہانت، خلائی ٹیکنالوجی، سیٹلائٹ سسٹمز اور آئی ٹی کے شعبوں میں امریکہ کا مقابلہ کرنے کی تیاری کر رہا ہے۔ ایسے میں اگر بھارت جیسے ممالک کے انجینئرز اور سائنسدان وہاں منتقل ہوتے ہیں تو چین کو تحقیق اور اختراع میں نئی جان مل سکتی ہے۔

خلیج تعاون کونسل کا بڑا فیصلہ: اب ایک ویزے پر 6 خلیجی ممالک کا سفر کریں

اس سارے منظرنامے کا ایک اہم پہلو یہ بھی ہے کہ صرف چین ہی نہیں بلکہ تائیوان جیسے دیگر ایشیائی ممالک بھی ٹیکنالوجی ماہرین کے لیے اپنے دروازے کھول رہے ہیں، اور چونکہ امریکا نے ویزا پالیسی مشکل اور مہنگی بنا دی ہے، اس لیے ہنر مند افراد نئی منزلوں کی تلاش میں چین اور دیگر ایشیائی ممالک کا انتخاب کر رہے ہیں۔

ایئرلائن کے مطابق ہر مسافر کو صرف ایک پاور بینک ساتھ رکھنے کی اجازت ہوگی جس کی گنجائش زیادہ سے زیادہ 100 واٹ آور ہونی چاہیے اور اس پر گنجائش واضح درج ہونا لازمی ہے۔

پاور بینک کو صرف ہینڈ کیری بیگ میں رکھا جا سکتا ہے، اور یہ نشست کے نیچے یا سیٹ پاکٹ میں رکھنا ہوگا، جبکہ اوور ہیڈ لاکرز میں رکھنے کی اجازت نہیں ہوگی۔

اس کے علاوہ، چیک اِن بیگیج میں پاور بینک رکھنا پہلے ہی ممنوع ہے۔

اتنے سخت اقدامات کیوں؟ …. ایئرلائن نے وضاحت کی کہ یہ اقدام حفاظتی جائزے کے بعد اٹھایا گیا ہے کیونکہ پاور بینکس میں اگر زیادہ چارجنگ ہو جائے یا وہ خراب ہو جائیں تو آگ لگنے، دھماکے یا زہریلی گیس خارج ہونے کا خطرہ پیدا ہو جاتا ہے۔ اس عمل کو ’تھرمل رن اوے‘ کہا جاتا ہے جس میں بیٹری کا درجہ حرارت اتنی تیزی سے بڑھتا ہے کہ وہ خود کو ٹھنڈا نہیں رکھ پاتی اور نتیجتاً خطرناک صورتحال پیدا ہو سکتی ہے۔

الیکٹرانک ڈیوائسز کے دیگر اصول

امارات ایئرلائنز نے اس سے قبل مسافروں کو ’ذاتی الیکٹرانک ڈیوائسز‘ کے حوالے سے بھی آگاہ کیا تھا۔ ہر مسافر زیادہ سے زیادہ 15 الیکٹرانک ڈیوائسز اپنے ساتھ لے جا سکتا ہے۔ یہ ڈیوائسز الگ الگ پیک ہونی چاہئیں اور کسی دوسری چیز سے منسلک نہیں ہونی چاہئیں، بصورت دیگر انہیں ضبط کیا جا سکتا ہے۔

بڑے لیتھیم بیٹری والے موٹرائزڈ آلات جیسے اسمارٹ بیگ، ہوور بورڈز اور منی سیگ ویز پر مکمل پابندی ہے عائد ہے اور یہ نہ تو چیک اِن بیگیج میں رکھے جا سکتے ہیں اور نہ ہی کیبن بیگیج میں۔

اتحاد ایئرویز کی وضاحت

ادھر اتحاد ایئرویز نے بھی مسافروں کے سوالات کے جواب میں وضاحت دی ہے کہ لیپ ٹاپ، ٹیبلٹ، ای ریڈر، موبائل فون، میڈیکل ڈیوائسز اور بلوٹوتھ اسپیکرز سمیت زیادہ سے زیادہ 15 الیکٹرانک ڈیوائسز سفر کے دوران ساتھ لے جانے کی اجازت ہے۔ تاہم اگر کوئی ڈیوائس چیک اِن بیگیج میں رکھی جائے تو اسے مکمل طور پر بند ہونا چاہیے اور اس کی حفاظت کو یقینی بنانا ضروری ہے۔

اسپئیر بیٹریاں، پاور بینکس اور ای سگریٹ کسی صورت بھی چیک اِن بیگیج میں رکھنے کی اجازت نہیں۔ اتحاد ایئرویز نے مشورہ دیا ہے کہ قیمتی یا نازک الیکٹرانکس ہمراہ کیبن بیگیج میں رکھے جائیں۔

کسی بھی فضائی سفر سے پہلے مسافروں کو اپنے سفر سے قبل ائیرلائن کی آفیشل ویب سائٹ پرتمام پالیسیز اور بیگیج پالیسی ضرور چیک کرنا چاہیے تاکہ بلکل تازہ اپ ڈیٹس مل جائیں اور دورانِ سفر کسی بھی پریشانی سے محفوظ رہا جائے اور سفر پرسکون اور خوشگوار ہو۔

یہ کہانی ہے تامارا کارٹن کی، جن کی قسمت ابو ظہبی میں ایک رات میں ہی پلٹ گئی۔

تامارا نے خلیج ٹائمز سے گفتگو میں ہنستے ہوئے بتایا، ’میں ایک میز سے دوسری میز کی طرف بھاگ رہی تھی، جیسے شہد کی مکھی ایک پھول سے دوسرے پر جاتی ہے۔ میرے دل میں خوشی تھی، اور میرا پرس پیسوں سے بھرا ہوا تھا’۔

اب تامارا کرومپٹن پارٹنرز کے ساتھ کام کر رہی ہیں اور مانتی ہیں کہ ریئل اسٹیٹ صرف لین دین کا کھیل نہیں، بلکہ بھروسے اور رشتے بنانے کی جنگ ہے۔ وہ کہتی ہیں، ’یہاں کوئی تنخواہ نہیں ملتی، صرف کمیشن ہے۔ کبھی گھنٹوں محنت کرو اور کلائنٹ کسی دوسرے ایجنٹ کے ساتھ سودا کر جائے۔‘

متحدہ عرب امارات میں ریئل اسٹیٹ کو ہمیشہ سے ’’سونے کی کان‘‘ کہا جاتا ہے۔ دبئی اور ابوظہبی کے پراپرٹی لانچز، گولڈن ویزا اسکیمیں اور سرمایہ کاروں کے لیے پرکشش مواقع نے مارکیٹ کو دنیا کی سب سے زیادہ منافع بخش انڈسٹری میں بدل دیا ہے۔ لیکن خطرہ یہ ہے کہ آمدنی کبھی آسمان چھو لیتی ہے اور کبھی جیب بالکل خالی رہتی ہے۔

دبئی کی ایک اور بروکر عائشہ کہتی ہیں، ’کبھی ایسا ہوتا ہے کہ ایک سودا آدھے سال کی تنخواہ کے برابر کما دیتا ہے، اور کبھی پورا مہینہ خالی ہاتھ گزر جاتا ہے۔‘

اعدادوشمار بھی ہوش اڑا دینے والے ہیں۔ مشہور میٹروپولیٹن گروپ کے مطابق صرف ان کی کمپنی کے 177 ایجنٹس کروڑ پتی بن چکے ہیں۔ ان میں سے 40 نے دس ملین درہم سے زیادہ کمیشن کمایا، اور کچھ نے تو 37 ملین درہم کا سنگ میل بھی عبور کیا۔ ایک ایجنٹ نے محض دو ہفتوں میں 60 ملین درہم کی پراپرٹی بیچ کر سب کو حیران کر دیا۔

ماہرین کا کہنا ہے کہ اس کامیابی کا راز ہے محنت، تعلقات اور موقع کو پہچاننے کی صلاحیت۔ اور یہی وجہ ہے کہ ریئل اسٹیٹ اب صرف ایک پیشہ نہیں بلکہ لوگوں کے خوابوں کو حقیقت میں بدلنے کا سب سے تیز راستہ بن گیا ہے۔

وائٹ ہاؤس کی پریس سیکریٹری کیرولین لیوٹ نے اپنے ٹویٹ میں کہا کہ یہ سالانہ فیس نہیں بلکہ ایک مرتبہ جمع کرائی جانے والی رقم ہے جو صرف نئی پیٹیشن پر لاگو ہوگی۔

ان کا کہنا تھا کہ موجودہ ویزا ہولڈرز جتنی بار چاہیں امریکا چھوڑ کر دوبارہ داخل ہو سکتے ہیں، ان کے لیے کوئی اضافی فیس نہیں ہوگی۔

امریکی بزنس ویزے کی فیس بڑھتے ہی بھارتی کمپنیوں کے اسٹاک گر گئے

یہ وضاحت صدر ٹرمپ کے اس حکم نامے کے بعد سامنے آئی ہے جس کا عنوان ’’غیر ملکی ورکرز کے داخلے پر پابندی‘‘ تھا۔ اس میں ایچ ون بی درخواستوں پر بھاری فیس عائد کرنے کا اعلان کیا گیا تھا۔ نئی فیس صرف ان درخواستوں پر لاگو ہوگی جو اتوار 21 ستمبر کے بعد جمع کرائی جائیں گی۔

ٹرمپ کے اعلان کے بعد امریکا میں مقیم ہزاروں غیر ملکی ورکرز، خصوصاً بھارتی شہریوں کے درمیان ہلچل مچ گئی تھی۔ کئی افراد نے خوف کے باعث بھارت جانے کے سفر منسوخ کردیے، حتیٰ کہ کچھ نے ہوائی اڈوں پر موجودگی کے دوران اپنی پروازیں کینسل کر دیں۔

امریکی شہریت اور امیگریشن سروس (USCIS) کے ڈائریکٹر جوزف بی ایڈلو نے بھی وضاحت کی کہ یہ حکم صرف مستقبل میں دائر ہونے والی درخواستوں پر لاگو ہوگا۔ جن افراد کے ویزے پہلے سے جاری ہیں یا جو پہلے ہی ویزا ہولڈر ہیں، ان پر اس فیصلے کا اطلاق نہیں ہوگا۔

ایچ ون بی ویزا پروگرام دراصل ہائی اسکلڈ ملازمتوں کے لیے ترتیب دیا گیا تھا تاکہ امریکی کمپنیاں ایسی پوزیشنز پر اہل ورکرز حاصل کر سکیں جنہیں مقامی طور پر پر کرنا مشکل ہوتا ہے۔ لیکن ناقدین کے مطابق اس پروگرام کو سستی غیر ملکی لیبر حاصل کرنے کے لیے استعمال کیا جارہا ہے، کیونکہ اس ویزے پر آنے والے کئی ورکرز محض 60 ہزار ڈالر سالانہ کماتے ہیں جو امریکی ٹیکنالوجی ملازمین کی اوسط آمدنی سے کہیں کم ہے۔

امریکی گرین کارڈ حاصل کرنے کے خواہشمند افراد کے لیے بڑی خبر

رواں برس ایچ ون بی ویزا کی تقسیم میں ایمیزون سب سے آگے رہا، جسے دس ہزار سے زائد ویزے ملے، اس کے بعد ٹی سی ایس، مائیکروسافٹ، ایپل اور گوگل شامل ہیں۔ ویزا تین سال کے لیے جاری ہوتا ہے اور مزید تین سال کے لیے تجدید کیا جا سکتا ہے۔

ٹرمپ کے اس فیصلے کو قانونی چیلنجز کا سامنا بھی ہوسکتا ہے، لیکن اگر یہ برقرار رہا تو امریکی کمپنیاں ہنرمند غیر ملکی ورکرز کے لیے بھاری قیمت ادا کرنے پر مجبور ہوں گی۔

گلف نیوز کے مطابق وزارتِ تجارت، صنعت و سرمایہ کاری کے فروغ نے بتایا کہ یہ پروگرام ’المجیدہ کمپنیز‘ کے اقدام کے ساتھ متعارف ہوگا جس کا مقصد بہترین کارکردگی دکھانے والی عمانی کمپنیوں کی معاونت ہے۔ اسی دوران ’عمان بزنس پلیٹ فارم‘ کے ذریعے تجارتی اندراجات (کمرشل رجسٹریشن) کی الیکٹرانک منتقلی کی نئی سہولت بھی فراہم کی جائے گی۔

یہ اعلان صلالہ میں ہونے والے ایک خصوصی تقریب میں کیا جائے گا۔ اس موقع پر سلطان قابوس یونیورسٹی، جرمن یونیورسٹی آف ٹیکنالوجی، عمان انرجی ایسوسی ایشن اور ایبناء کے ساتھ تعاون کے معاہدے بھی کیے جائیں گے تاکہ عمان کے تعمیراتی شعبے کو فروغ دیا جاسکے۔

دنیا کا وہ ترقی یافتہ ملک جہاں کوئی روایتی یونیورسٹی موجود نہیں

وزارت کے ڈائریکٹر جنرل برائے منصوبہ بندی، مبارک بن محمد الدوحانی نے کہا کہ گولڈن ویزا اور اس کے ساتھ متعارف کرائی جانے والی اصلاحات سرمایہ کاروں کو طویل مدتی استحکام اور ترقی کے مواقع فراہم کریں گی۔ انہوں نے مزید کہا کہ تجارتی ریکارڈز کی الیکٹرانک منتقلی، عمان کو ایک مکمل ڈیجیٹل تجارتی ماحول کی جانب لے جائے گی جس سے کاروباری لاگت اور وقت کی بچت کے ساتھ شفافیت میں بھی اضافہ ہوگا۔

ان اقدامات کو عمان کے پائیدار کاروباری ماحول کی تعمیر کی حکمتِ عملی کا حصہ قرار دیا گیا ہے جو مقامی کمپنیوں کے لیے تعاون اور بین الاقوامی سطح پر وسعت کے نئے امکانات پیدا کرے گی۔

سربراہ پاک فضائیہ کی سلطنتِ عمان کی سول اورعسکری قیادت سے ملاقاتیں

عمان کا یہ گولڈن ویزا پروگرام خلیجی ممالک جیسے متحدہ عرب امارات اور سعودی عرب کے اقدامات سے ہم آہنگ ہے، جہاں پہلے ہی طویل مدتی رہائشی حقوق دے کر غیر ملکی سرمایہ کاروں اور کاروباری افراد کو راغب کیا جا رہا ہے۔

یہ فیچر مختلف ممالک میں آئندہ ہفتے سے دستیاب ہوگا۔ اس کے ذریعے صارفین صرف اپنی سفری خواہشات عام زبان میں لکھ سکیں گے، جیسے کسی دوست سے بات کر رہے ہوں۔ مثال کے طور پر کوئی لکھے کہ ’میں اگلے مہینے دبئی جانا چاہتا ہوں، سب سے سستی فلائٹ دکھائیں‘، تو یہ فیچر فوراً مناسب اور سستی فلائٹس کی فہرست فراہم کرے گا۔

پرواز کے دوران یہ 6 کھانے کبھی آرڈر نہ کریں، ورنہ پچھتائیں گے

گوگل کے مطابق، اب صارفین کو بار بار تاریخیں اور فلٹرز بدلنے کی ضرورت نہیں رہے گی، بلکہ اے آئی خودکار طریقے سے کم قیمت آپشنز سامنے لے آئے گا۔ یہ فیچر فلائٹ کی اصل قیمتوں کو ریئل ٹائم میں دیکھ کر سب سے بڑی بچت والے ٹکٹ تجویز کرے گا۔

اس سروس کے لیے کسی خاص سائن اپ یا رجسٹریشن کی ضرورت نہیں ہے۔ صارفین براہِ راست گوگل فلائٹس کے ’فلائٹ ڈیلز‘ پیج یا مینو سے اس کو استعمال کر سکیں گے۔

بین الاقوامی خلائی اسٹیشن سے لیک ہونے والی آڈیو نے ہنگامہ مچا دیا، دنیا تشویش میں مبتلا

یاد رہے کہ گوگل فلائٹس 2011 سے چل رہی ہے اور اب اسے مزید بہتر بنایا جا رہا ہے۔ نئی اپ ڈیٹ میں امریکہ اور کینیڈا کے صارفین یہ بھی طے کر سکیں گے کہ وہ صرف بہتر کلاس کے ٹکٹ دیکھنا چاہتے ہیں یا بیسک اکانومی کو نکال دینا چاہتے ہیں۔

دنیا کا وہ مقام جہاں ماضی میں کتا اور بکرا بھی صدر بن چکے ہیں

ماہرین کا کہنا ہے کہ اگرچہ دیگر کمپنیاں جیسے ایکسپیڈیا، بکنگ ڈاٹ کام، اور میک مائی ٹرپ پہلے ہی اے آئی پر مبنی فیچرز متعارف کرا چکی ہیں، لیکن گوگل کا اس میدان میں آنا مقابلے کو مزید سخت کر دے گا۔ دوسری جانب یورپ میں گوگل پر یہ سوال بھی اٹھ رہا ہے کہ کہیں وہ اپنی طاقت کے ذریعے دیگر کمپنیوں کو پیچھے تو نہیں دھکیل رہا۔

متحدہ عرب امارات کی ایئرپورٹ اتھارٹیز، بشمول دبئی اور شارجہ ایئرپورٹس، نے حال ہی میں ہینڈ بیگ اور چیک ان بیگ میں ممنوعہ اور محدود اشیاء کی مکمل فہرست جاری کی ہے۔ اس آرٹیکل میں ان تمام اشیاء کی تفصیل پیش کی جا رہی ہے، تاکہ آپ کا سفر نہ صرف محفوظ ہو بلکہ بغیر کسی پریشانی کے مکمل ہو سکے۔

یواے ای میں سفر کرنے والے مسافروں کے لیے انتہائی اہم خبر!

دبئی اور شارجہ ایئرپورٹس نے ہینڈ بیگ اور چیکڈ بیگیج میں ممنوعہ اور محدود اشیاء کی فہرست جاری کردی ،مکمل تفصیل پڑھیں تاکہ آپ کا سفر محفوظ اور پرسکون رہے۔

ایمرٹس ایئرلائن کا اہم فیصلہ:

اکتوبر سے پرواز کے دوران پاور بینک کے استعمال پر مکمل پابندی عائد کردی گئی ہے۔ مسافر صرف مخصوص حد کے اندر پاور بینک ساتھ رکھ سکتے ہیں، لیکن اس کا استعمال دورانِ پرواز ممنوع ہوگا۔

دبئی ایئرپورٹ پر ہینڈ بیگیج میں ممنوعہ اشیاء:

1. ہتھوڑی (ہیمر)
2. کیل
3. سکریو ڈرائیور اور تیز دھار کام کے اوزار
4. قینچیاں جن کے بلیڈ 6 سینٹی میٹر سے لمبے ہوں
5. ذاتی صفائی کے آلات (جن کے حصے 6 سینٹی میٹر سے بڑے ہوں، ضبط کر لیے جائیں گے)
6. تلواریں اور دیگر نوکیلے اشیاء
7. ہتھکڑیاں
8. آتشیں اسلحہ
9. فلیئر گن کے کارتوس
10. لیزر گن
11. واکی ٹاکی
12. لائٹر
13. بیٹ
14. مارشل آرٹس کے ہتھیار
15. ڈرل مشین
16. رسیاں
17. ماپنے کی ٹیپ
18. پیکنگ ٹیپ
19. برقی تاریں (صرف ذاتی استعمال کی حد تک اجازت ہے)

دبئی میں ہینڈ بیگیج کے لیے محدود اشیاء:

1. مائع اشیاء:

   • ہر بوتل 100ml سے زیادہ نہ ہو۔
   • زیادہ سے زیادہ 10 بوتلیں، یعنی ایک لیٹر کی اجازت ہے۔

2. ادویات:

   • ڈاکٹر کے نسخے کے بغیر ادویات لے جانا منع ہے۔

3. جسم میں دھاتی آلات:

   • اگر کسی کے جسم میں میٹل امپلانٹ ہو تو ڈاکٹر کا سرٹیفکیٹ لازمی ہوگا۔

4. پاور بینک:

   • 100Wh سے کم کی طاقت کے پاور بینک کی اجازت ہے۔
   • 100Wh سے 160Wh تک کی صورت میں ایئرلائن کی منظوری درکار ہے۔
   • 160Wh سے زیادہ پاور بینک لے جانا بالکل منع ہے۔
   • دورانِ پرواز استعمال ممنوع ہے۔

شارجہ ایئرپورٹ پر مکمل ممنوعہ اشیاء :

یہ اشیاء ہر صورت میں لےجانا منع ہے،چاہے ہینڈ بیگ ہو یا چیکڈ بیگ۔

1. لاٹھیاں، بیس بال بیٹ
2. آتش گیر گیس جیسے گیس کارٹریج، گیس لائٹر
3. پانی لگنے پر خطرناک اشیاء (کیلشیم، کیلشیم کاربائیڈ وغیرہ)
4. آتش گیر اشیاء (ماچس، سلفر، میٹل کیٹالسٹ)
5. کیمیکل یا بایولوجیکل خطرناک مواد (سلفر، وائرس، بایولوجیکل ایجنٹس)
6. آتش گیر مائعات جیسے پینٹ، پٹرول، انک، ہائی پروف الکحل
7. اسلحہ جیسے پستول، فلیئر گن
8. چھریاں (6 سینٹی میٹر یا اس سے لمبی بلیڈ والی) اور دیگر غیر قانونی چھریاں
9. آکسیڈائزر (بلیچ، امونیم نائٹریٹ وغیرہ)
10. نان فلیم ایبل گیسز (ڈائیونگ ٹینک، آکسیجن سلنڈر)
11. تابکاری مواد (ریڈیو ایکٹیو اشیاء مختلف درجہ بندی کے ساتھ)
12. زہریلی گیسز (کاربن مونو آکسائیڈ، امونیا)
13. متعدی بیماریاں (وائرس، بیکٹیریا، میڈیکل ویسٹ)
14. دھماکہ خیز مواد (آتش بازی، فلیئر، بارود)
15. خطرناک سامان (پولیمیرک بیڈز، انجنز)
16. مشتبہ اشیاء (ایسی چیزیں جو ہتھیار جیسی دکھائی دیں)
17. ہتھیار جیسی اشیاء (آئس پِک، کھلونا ہتھیار، استرا، بڑی قینچیاں)
18. معذور کرنے والی اشیاء (ٹیئر گیس، الیکٹرونک شاک ڈیوائسز)
19. آرگینک پر آکسائیڈ

محدود اشیاء (شرائط کے ساتھ اجازت):

1. مائع اشیاء:

   • 100ml تک فی بوتل
   • زیادہ سے زیادہ ایک لیٹر
   • شفاف اور دوبارہ بند ہونے والی 20x20cm پلاسٹک بیگ میں رکھ کر الگ سے دکھانا ہوگا

2. ادویات اور خاص خوراک:

   • بچوں کے لیے خوراک اور دوائیاں الگ رکھیں
   • نسخہ یا ڈاکٹر کا لیٹر لازمی ہوگا

یاد رکھیں ایسا سامان جو سفر میں ممنوعہ اشیاء یا غیر ضروری ایسا سامان جو سفر کو غیر محفوظ بناسکتا ہو، آپ کے لئے مشکلات پیدا کرسکتا ہے، لہٰذا پہلے سے تیاری اور دوبارہ چیک کرکے اپنے سامان کا پیک کریں یا ساتھ لے جائیں۔

اس کے ساتھ ہی اہم ترین بات یہ ہے کہ سفر کرنے سے پہلے ہمیشہ اپنی ایئرلائن سے اپڈیٹڈ ہدایات ضرور حاصل کریں کیونکہ کچھ قوانین مخصوص ایئرلائنز کے لیے مختلف ہوسکتے ہیں۔

نوٹ: مزید معلومات کے لیے متحدہ عرب امارات کی سرکاری ایوی ایشن ویب سائٹس یا متعلقہ ایئرپورٹ اتھارٹی سے رجوع کریں۔

اہلیت کے لیے ضروری ہے کہ درخواست دہندہ کسی غیر ملکی کمپنی میں ملازم ہو یا اپنا کاروبار بیرونِ ملک رجسٹرڈ ہو۔ مزید یہ کہ کم از کم ماہانہ آمدنی 12,856 درہم (تقریباً 9 لاکھ 87 ہزار پاکستانی روپے) ہونا لازمی ہے۔

اہلیت کے اہم نکات

• غیر ملکی کمپنی کا ملازم ہونا یا بیرونِ ملک رجسٹرڈ بزنس کا مالک ہونا

• کم از کم ایک سالہ ملازمت یا معاہدے کا ثبوت

• کم از کم 12,856 درہم ماہانہ آمدنی

درخواست دینے کے لیے کچھ لازمی دستاویزات درکار ہیں۔ ان میں پاسپورٹ، ہیلتھ انشورنس، ملازمت یا بزنس کا ثبوت، کرمنل ریکارڈ سرٹیفکیٹ، رہائش کا پروف، اور تنخواہ کی پرچی یا بینک اسٹیٹمنٹ شامل ہے۔

درکار دستاویزات

• کم از کم 6 ماہ کے لیے کارآمد پاسپورٹ

• ہیلتھ انشورنس (قیام کی مدت کے لیے)

• ملازمت یا بزنس کا ثبوت

• کلین کرمنل ریکارڈ

• پاسپورٹ سائز تصویر

• تنخواہ کی سلپ یا پچھلے 3 ماہ کی بینک اسٹیٹمنٹ

• رہائش کا ثبوت

درخواست دینے کا طریقہ بھی سہل رکھا گیا ہے۔ امیدوار آن لائن جی ڈی آر ایف اے دبئی پورٹل یا ورچوئل ورکنگ پروگرام کی ویب سائٹ کے ذریعے درخواست دے سکتے ہیں، یا دبئی میں موجود ’امر سینٹر‘ کے ذریعے کاغذی کارروائی مکمل کرسکتے ہیں۔ درخواست فارم جمع کروانے کے بعد فیس 372.5 درہم (تقریباً 28،605 پاکستانی روپے) ہے۔

منظوری کے بعد اگر آپ دبئی سے باہر ہیں تو انٹری پرمٹ ملے گا۔ دبئی پہنچنے پر میڈیکل فٹنس ٹیسٹ، بائیومیٹرکس، امارات آئی ڈی اور ویزا اسٹیمپنگ کے مراحل مکمل کرنا ہوں گے۔

یہ ویزا اُن پروفیشنلز کے لیے بہترین ہے جو دبئی کے جدید طرزِ زندگی کا تجربہ کرنا چاہتے ہیں لیکن مستقل رہائش اختیار نہیں کرنا چاہتے۔ ویزا کی مدت ایک سال ہے، تاہم اگر آپ دوبارہ اہل ہوں تو اس کی تجدید بھی ممکن ہے۔

مگر افسوس کی بات یہ ہے کہ ویزا کا عمل نہایت حساس اور باریک بینی کا متقاضی ہوتا ہے۔ ایک چھوٹی سی بھول یا غفلت آپ کے خوابوں کو وقتی طور پر چکنا چور کر سکتی ہے۔ اکثر اوقات درخواست گزار نادانستہ طور پر ایسی غلطیاں کر بیٹھتے ہیں جو آسانی سے قابلِ گرفت ہوتی ہیں، لیکن اگر وہ شروع ہی سے صحیح طریقہ اپنائیں تو کامیابی یقینی ہے۔

فارم کی غلطیاں: معمولی سی کوتاہی، بڑا نقصان

ویزا فارم پُر کرتے وقت اکثر لوگ اسے صرف ایک رسمی کارروائی سمجھ کر بھر دیتے ہیں۔ لیکن حقیقت میں، یہ سب سے اہم مرحلہ ہوتا ہے۔ فارم میں ایک غلط تاریخ، نام کا غلط املا، یا کوئی خالی خانہ بھی آپ کی درخواست مسترد کروا سکتا ہے۔ ہر اندراج کو بار بار چیک کریں اور اپنے سرکاری دستاویزات سے ملائیں تاکہ کسی قسم کی تضاد نہ ہو۔

دستاویزات کا ادھورا یا غیر واضح ہونا

ہر ویزے کی نوعیت کے مطابق مختلف دستاویزات درکار ہوتی ہیں، جیسے بینک اسٹیٹمنٹ، فلائٹ بُکنگ، یا ہوٹل کنفرمیشن۔ اگر آپ کوئی اہم کاغذ جمع کروانا بھول جاتے ہیں یا وہ غیر واضح ہو، تو آپ کی نیت پر شک کیا جا سکتا ہے۔ اس سے بچنے کے لیے، درخواست سے پہلے متعلقہ سفارت خانے کی ویب سائٹ سے تفصیلی چیک لسٹ بنائیں اور یقینی بنائیں کہ تمام کاغذات مکمل اور تازہ ہوں۔

معلومات میں تضاد یا فرق : چھوٹی غلطی، بڑا سوالیہ نشان

اگر آپ کی درخواست میں دیا گیا پتہ، پاسپورٹ میں درج ایڈریس سے مختلف ہے، یا آپ کے دستخط مطابقت نہیں رکھتے، تو ویزا آفیسر کو شک ہو سکتا ہے کہ آپ کچھ چھپا رہے ہیں۔ اس لیے تمام دستاویزات میں معلومات کا ہم آہنگ ہونا نہایت ضروری ہے۔

مالی حالت کا غیر واضح یا کمزور ہونا

ویزے کے فیصلے میں سب سے بڑا عنصر ہوتا ہے کہ آپ بیرون ملک رہنے کے اخراجات خود اُٹھا سکتے ہیں یا نہیں۔ اگر آپ کی بینک اسٹیٹمنٹ کمزور ہو، یا آمدنی کا ذریعہ واضح نہ ہو، تو اس سے آپ کی ساکھ کو نقصان پہنچتا ہے۔ کوشش کریں کہ کم از کم چھ مہینے کی تازہ بینک اسٹیٹمنٹ جمع کروائیں اور اگر کوئی بڑی ٹرانزیکشن ہوئی ہو تو اس کی وضاحت بھی ساتھ دیں۔

ویزا کی قسم کا غلط انتخاب

اکثر لوگ معلومات کے فقدان یا جلدبازی میں غلط ویزا کیٹیگری منتخب کر لیتے ہیں۔ جیسے، اگر آپ کام کے سلسلے میں جا رہے ہیں اور ٹورسٹ ویزا کے لیے اپلائی کرتے ہیں، تو یہ واضح تضاد ہے۔ ہمیشہ اپنی سفری نیت کے مطابق درست ویزا منتخب کریں، اور اگر سمجھ نہ آئے تو متعلقہ سفارت خانے سے وضاحت ضرور حاصل کریں۔

ماضی کی سفری کوتاہیوں کو چھپانا

اگر آپ نے کسی ملک میں زیادہ قیام کیا، ویزا کی مدت سے تجاوز کیا، یا ماضی میں کسی درخواست پر انکار ہوا ہو، تو یہ معلومات آپ کے ریکارڈ میں موجود ہوتی ہیں۔ ان باتوں کو چھپانے کی بجائے صاف گوئی سے وضاحت دینا زیادہ بہتر حکمتِ عملی ہوتی ہے۔

آخری لمحے میں درخواست دینا

کئی لوگ ویزا درخواست کو آخری وقت کے لیے چھوڑ دیتے ہیں۔ جب ویزا پراسیسنگ میں وقت لگتا ہے اور کوئی کاغذ کم نکل آئے تو وقت نہیں بچتا، اور نتیجہ ردّی درخواست کی صورت میں سامنے آتا ہے۔ بہتر ہے کہ آپ سفر سے دو سے تین ماہ قبل ویزا کے لیے درخواست دیں تاکہ وقت پر درستگی ممکن ہو سکے۔

کیا ویزا مسترد ہونے کی صورت میں فیس واپس ملتی ہے؟

بدقسمتی سے نہیں۔ زیادہ تر ممالک میں ویزا فیس ناقابلِ واپسی ہوتی ہے، کیونکہ یہ فیس آپ کی درخواست کے جائزے کے لیے لی جاتی ہے، اس کے نتیجے کے لیے نہیں۔

کیا ویزا ریجیکشن مستقبل کی درخواستوں پر اثر انداز ہوتا ہے؟

جی ہاں، ہو سکتا ہے۔ اگر پہلے کی درخواست میں غلط معلومات دی گئیں یا مطلوبہ کاغذات نہ دیے گئے، تو اگلی بار آپ کی درخواست زیادہ جانچ پڑتال کا سامنا کر سکتی ہے۔ مگر اگر آپ سابقہ غلطی کو دُرست کر کے دوبارہ اپلائی کریں، تو کامیابی کا امکان موجود ہے۔

ویزا ریجیکشن کے بعد کب دوبارہ اپلائی کیا جا سکتا ہے؟

کسی بھی مخصوص انتظار کی مدت کا قانون نہیں، لیکن بہتر یہی ہے کہ اس وقت تک دوبارہ اپلائی نہ کریں جب تک کہ آپ نے سابقہ غلطی کو دُرست نہ کر لیا ہو، چاہے وہ مالی ثبوت ہوں یا کاغذات کا درست انتخاب۔

کامیاب ویزا اپلائی کرنے کے لیے چند اہم نکات

ویزا حاصل کرنے کے لیے صرف فارم بھر دینا کافی نہیں ہوتا۔ اس کے لیے مکمل تیاری، وقت پر درخواست، اور درست معلومات ضروری ہیں۔ سرکاری ہدایات پر عمل کریں، تمام کاغذات کی نقول تیار رکھیں، اور اگر انٹرویو درکار ہو تو واضح اور سادہ جوابات کی تیاری کریں۔

ویزا کا عمل پیچیدہ ضرور ہے، مگر اگر آپ ہوشیاری اور ذمہ داری سے قدم اٹھائیں تو یہ آسان بھی ہو سکتا ہے۔ صرف ایک بار مکمل اور درست طریقہ اپنا کر آپ خود کو غیر ضروری ذہنی دباؤ سے بچا سکتے ہیں، اور اپنے خوابوں کو حقیقت کا روپ دے سکتے ہیں۔

یہ نئی پالیسی ’یو ایس سی آئی ایس‘ کی ’فیملی بیسڈ امیگرنٹس‘ نامی سیکشن میں شامل کی گئی ہے اور یکم اگست سے نافذ العمل ہوچکی ہے۔ یہ تمام جاری اور نئی درخواستوں پر لاگو ہوگی۔

امریکہ آنیوالوں کیلئے نئی وارننگ جاری، کن افراد کا ویزا اور گرین کارڈ منسوخ ہوگا؟

نئی پالیسی میں کیا تبدیلیاں کی گئی ہیں؟

’یو ایس سی آئی ایس‘ کی جاری کردہ تفصیلات کے مطابق، اب فیملی بیسڈ امیگریشن پٹیشنز کے لیے درج ذیل اقدامات لازم ہوں گے:

اہلیت کی سخت جانچ اور درخواست کے جائزے کے عمل میں بہتری، مضبوط دستاویزی ثبوت کی شرط، جیسے شادی کے بعد کی تصویریں، مشترکہ مالی حسابات، اور دوستوں یا رشتہ داروں کے حلف نامے بھی شامل ہیں۔ اس کے ستھ ہی انٹرویوز لازمی ہوں گے، جن میں میاں بیوی کے تعلق کی حقیقت کا جائزہ لیا جائے گا۔

پچھلی امیگریشن ہسٹری اور پہلے کی گئی درخواستوں کا تفصیلی جائزہ بھی لیا جائے گا۔ اوراگر کوئی مشکوک سرگرمی پائی گئی، تو مزید تحقیقات یا ڈیپورٹیشن کا آغاز کیا جا سکتا ہے۔

گرین کارڈ کی منظوری کے باوجود اگر کوئی شخص قانونی طور پر امریکہ میں رہنے کا اہل نہیں پایا گیا تو نوٹس ٹو اپیئر (NTA) جاری کی جا سکتی ہے تاکہ اسے عدالت میں پیش کیا جائے اور ملک بدری کی کارروائی ہو سکے۔

امریکہ نے ویزا کے لیے سوشل میڈیا کی نئی شرط عائد کردی

’یو ایس سی آئی ایس‘ کا کہنا ہے کہ ’جعلی یا غیر سنجیدہ فیملی بیسڈ درخواستیں امریکی امیگریشن نظام پر اعتماد کو نقصان پہنچاتی ہیں اور خاندانی اتحاد کے تصور کو کمزور کرتی ہیں۔‘

نئی پالیسی ایک ایسے وقت میں آئی ہے جب کئی جعلی شادیوں کے کیس منظر عام پر آئے ہیں۔ حالیہ مثال میں، ایک بھارتی شہری آکاش پرکاش مکوانا نے جعلی شادی کا اعتراف کیا۔ وہ ’جے 1‘ ویزے پر امریکہ آیا تھا، اور اس کی مدت ختم ہونے کے بعد جعلی کاغذات، جھوٹے گھریلو تشدد کے دعوے، اور دیگر غلط بیانات کے ذریعے گرین کارڈ حاصل کرنے کی کوشش کی۔

عام شہریوں کے لیے؟

اگر کوئی امریکی شہری کسی غیر ملکی شوہر یا بیوی کو اسپانسر کر رہا ہے، تو اب انہیں تعلق کی اصلیت ثابت کرنے کے لیے ٹھوس ثبوت دینا ہوں گے۔ اس میں بینک اکاؤنٹ، بلز، رہائش کے مشترکہ ثبوت، تصاویر، اور قریبی افراد کی طرف سے تصدیقی خطوط شامل ہیں۔

امریکا میں 122 سے زائد بین الاقوامی طلبا کے ویزے منسوخ

جوڑے کو ’یو ایس سی آئی ایس‘ کے سامنے مفصل انٹرویو دینا ہوگا جس میں اُن کی زندگی کی حقیقت، ایک دوسرے کے بارے میں معلومات اور شادی کی صداقت جانچی جائے گی۔

نئی پالیسی کا مقصد امیگریشن نظام کی شفافیت اور سچائی کو برقرار رکھنا ہے۔ اگرچہ یہ تبدیلیاں جائز اور حقیقی رشتے رکھنے والوں کے لیے پریشان کن نہیں ہوں گی، لیکن انہیں اپنی درخواست مکمل تیاری کے ساتھ جمع کرانی ہوگی تاکہ کسی قسم کی الجھن یا تاخیر سے بچا جا سکے۔

اس پروگرام کا مقصد اسپین میں ڈیجیٹل نوماڈ کے لیے مزید آسانیاں فراہم کرنا ہے تاکہ ریموٹ ورک کرنے والے افراد اسپین میں آ کر اپنی ملازمت کے ساتھ ساتھ سیاحت بھی کر سکیں۔ اسپین کی حکومت نے اس ویزا پروگرام کی فیس کو 2023 کے ابتدائی مقابلے میں زیادہ کم کر دیا ہے، جس سے یہ زیادہ لوگوں کے لیے دستیاب ہوگا۔

یو اے ای کی نئی ویزا پالیسی:غیر ملکی کمیونٹی کے لیے مزید سہولتیں اور فوائد

نیا ’ڈیجیٹل نوماڈ‘ ویزا پروگرام اب 75 یورو یا تقریباً 25 ہزار پاکستانی روپے میں دستیاب ہے۔ یہ ویزا پروگرام ابتدائی طور پر ایک سال کے لیے جاری کیا جائے گا، تاہم اس کی مدت کو پانچ سال تک بڑھایا بھی جا سکتا ہے۔ اس پروگرام کے تحت درخواست دینے والے شخص کے قریبی رشتہ دار، جیسے شریک حیات یا بچے بھی اس ویزا کے اہل ہو سکتے ہیں۔

ویزا کے لیے درخواست دینے والوں کو اپنے موجودہ یا پچھلے ریموٹ ورک معاہدے، مستحکم آمدنی کے ثبوت، کمپنی کی رجسٹریشن کی دستاویزات اور جرم سے پاک پس منظر کے ثبوت فراہم کرنے ہوں گے۔ یہ تمام دستاویزات اسپین کی حکومت کے قوانین کے مطابق ہونا ضروری ہیں تاکہ درخواست منظور ہو سکے۔

اس پروگرام کی سب سے بڑی خاصیت یہ ہے کہ افراد اس پر ٹورسٹ ویزا کے تحت بھی اپلائی کر سکتے ہیں، یعنی اگر آپ پہلے اسپین میں سیاحت کے لیے موجود ہیں تو آپ اس ویزا پروگرام کے لیے درخواست دے سکتے ہیں۔

کویت نے ویزا کی چار نئی اقسام جاری کردیں

یہ نیا ویزا پروگرام اس وقت خاص اہمیت اختیار کرتا ہے جب دنیا بھر میں ریموٹ ورک اور ورک فرام ہوم کا رجحان بڑھ رہا ہے۔ لوگوں کے لیے یہ ایک نیا موقع ہوگا کہ وہ اپنے کام کے ساتھ ساتھ اسپین کے خوبصورت شہر اور اس کی ثقافت کو بھی دریافت کر سکیں۔

اسپین کے نئے ’ڈیجیٹل نوماڈ‘ ویزا پروگرام سے غیر یورپی ممالک کے شہریوں کو اسپین میں رہنے اور کام کرنے کے نئے مواقع ملیں گے، اور اس پروگرام کے تحت مزید افراد اسپین میں آ کر اپنی پیشہ ورانہ زندگی کو آگے بڑھا سکیں گے۔

خلیج ٹائمز کے مطابق ایسے افراد کے لیے اب ایک نیا متبادل سامنے آیا ہے جسے ”رینٹ ٹو اون“ یا ”لیز ٹو اون“ پروگرامز کہا جاتا ہے۔ اس اسکیم کے تحت صارفین کو گاڑی خریدنے کے لیے نہ تو بینک لون کی ضرورت ہوتی ہے اور نہ ہی کسی قسم کی ڈاؤن پیمنٹ کی ضرورت پڑتی ہے۔ صارفین صرف ایک مقررہ ماہانہ کرایہ ادا کرتے ہیں، جس میں گاڑی کی انشورنس، مینٹیننس اور رجسٹریشن شامل ہوتی ہے۔ لیز کے اختتام پر، صارف اپنی مرضی سے گاڑی خرید سکتے ہیں یا اسے واپس کر سکتے ہیں۔

رینٹ ٹو اون اسکیم کیسے کام کرتی ہے؟

رینٹ ٹو اون پروگرام روایتی کرایہ داری سے مختلف ہوتا ہے کیونکہ اس میں صارف کو گاڑی کی ملکیت کا اختیار دیا جاتا ہے۔ عموما روایتی گاڑی فنانسنگ میں تقریباً 20 فیصد ڈاؤن پیمنٹ اور 3 سے 5 فیصد سالانہ سود لگتا ہے، لیکن رینٹ ٹو اون پروگرام میں نہ تو کوئی ڈاؤن پیمنٹ، نہ سود اور نہ ہی کسی قسم کی فنانس چارجز اور پروسیسنگ فیس ہوتی ہے۔

تھرفٹی کار رینٹل کے منیجنگ ڈائریکٹر رہول سنگھ نے اس حوالے سے کہا، ’جو صارفین حال ہی میں یو اے ای آئے ہیں اور روزمرہ کی ضرورت کے لیے ایک قابل اعتماد گاڑی چاہتے ہیں، ان کے لیے روایتی فنانسنگ مشکل ہو سکتی ہے۔ ہمارے رینٹ ٹو اون پروگرام میں صارفین کو ایک ہی ماہانہ رقم ادا کرنی ہوتی ہے جو انشورنس، رجسٹریشن اور مینٹیننس کی خدمات شامل ہوتی ہے۔‘

ڈالر کار رینٹل کے جنرل منیجر مروان المولا نے خلیج ٹئمزسے اس ماڈل کی تعریف کی اور کہا، ’روایتی گاڑی فنانسنگ میں طویل مدتی قرض اور بڑی ڈاؤن پیمنٹ شامل ہوتی ہے، لیکن ہمارا رینٹ ٹو اون ماڈل صارفین کو 12 سے 60 ماہ تک گاڑی لیز پر دینے کی سہولت فراہم کرتا ہے۔ لیز کے اختتام پر، صارف ایک طے شدہ رقم ادا کر کے گاڑی خرید سکتے ہیں یا بغیر کسی جرمانے کے گاڑی واپس کر سکتے ہیں۔‘

پیشگی طے شدہ خریداری کی قیمت

اس اسکیم کی سب سے بڑی خصوصیت یہ ہے کہ گاڑی کی خریداری کی قیمت لیز شروع ہونے سے پہلے ہی طے کر دی جاتی ہے۔ یہ قیمت گاڑی کی متوقع قدر میں کمی، لیز کی مدت اور دیگر عوامل کے پیش نظر رکھی جاتی ہے، تاکہ لیز کے اختتام پر کسی قسم کی غیر متوقع صورتحال کا سامنا نہ ہو۔

رہول سنگھ کے مطابق، ’گاڑی کی خریداری کی قیمت لیز کے آغاز پر طے کی جاتی ہے، اس کا مطلب یہ ہے کہ صارف کو بعد میں کسی اضافی قیمت یا تبدیلی کا سامنا نہیں کرنا پڑتا۔‘

لیز کے بعد کی صورتحال

جب گاڑی کی لیز مکمل ہو جاتی ہے اور صارف گاڑی کا مالک بن جاتا ہے تو پھر گاڑی کی دیکھ بھال، انشورنس کی تجدید اور مرمت کی ذمہ داری صارف کی ہو جاتی ہے۔ تاہم، مروان المولا نے بتایا کہ اگر صارف چاہے تو اضافی سروس پیکجز بھی خرید سکتے ہیں تاکہ وہ سہولت اور سکون کو برقرار رکھ سکیں۔

اہلیت اور شرائط

یہ رینٹ ٹو اون اسکیم یو اے ای کے شہریوں اور غیر ملکیوں دونوں کے لیے دستیاب ہے۔ درخواست دہندہ کو اپنی آمدنی کا ثبوت فراہم کرنا ضروری ہوتا ہے اور اس کے ساتھ ساتھ ایک بنیادی کریڈٹ چیک بھی کیا جاتا ہے تاکہ یہ یقینی بنایا جا سکے کہ صارف مالی طور پر اس اسکیم کو برداشت کر سکتا ہے۔

سنگھ کے مطابق، ’ہم اس ماڈل کو جتنا ممکن ہو سکے زیادہ سے زیادہ افراد کے لیے قابل رسائی بنانا چاہتے ہیں، لیکن اس کے لیے آمدنی کی تصدیق ضروری ہے تاکہ ہم اس بات کو یقینی بنا سکیں کہ صارف اپنی استطاعت سے زیادہ قرض نہ لے۔‘

ترقی اور امکانات

ڈالر کار رینٹل نے اپنی گاڑیوں کے پورے بیڑے کا 25 فیصد حصہ رینٹ ٹو اون اسکیم کے لیے مختص کر دیا ہے اور اس کا کہنا ہے کہ جیسے جیسے لوگوں میں اس ماڈل کے بارے میں آگاہی بڑھے گی، وہ اس اسکیم کا دائرہ مزید بڑھائیں گے۔ مروان المولا نے کہا، ’ہم توقع کرتے ہیں کہ اگلے 2 سے 4 سالوں میں روایتی بینک فنانسنگ کے ذریعے گاڑی خریدنے والے صارفین میں سے 20 فیصد اس ماڈل کی طرف منتقل ہو جائیں گے۔‘

رہول سنگھ نے مزید کہا، ’ہمارے صارفین روایتی قرضوں سے 5 سے 15 فیصد سالانہ بچت کر رہے ہیں، اور ہم توقع کرتے ہیں کہ اگلے دو سالوں میں اس اسکیم کی مقبولیت میں خاطر خواہ اضافہ ہوگا۔‘

یہ منصوبہ دبئی کی کاروباری فضا کو مزید مربوط، تیز اور لچکدار بنانے کی بڑی کوشش ہے، جس کے تحت فرانس کے عالمی شہرت یافتہ فیشن ہاؤس ”لوئی وِٹوں“ نے سب سے پہلے اس اسکیم کا حصہ بننے کا اعزاز حاصل کیا ہے۔

لوئی وٹون اب اپنا گودام جبل علی فری زون میں برقرار رکھے گی جبکہ دبئی ورلڈ ٹریڈ سینٹر فری زون میں قائم جدید ترین عمارت ”ون زعبیل“ میں اپنا کارپوریٹ دفتر قائم کرے گی۔ اس طرح ایک ہی لائسنس کے ذریعے دو الگ الگ فری زونز میں بیک وقت آپریشنز ممکن ہو سکیں گے۔

دبئی حکومت کے اعلامیہ کے مطابق یہ پیشرفت اس امر کا ثبوت ہے کہ فری زونز میں کاروباری وسعت اب پہلے سے کہیں زیادہ آسان، تیز اور مؤثر بنائی جا چکی ہے۔ دبئی فری زون کونسل کے اسسٹنٹ سیکرٹری جنرل ڈاکٹر جمعہ المطروشی کے مطابق اس اسکیم کے تحت فری زون لائسنس میں توسیع کا عمل محض پانچ دن میں مکمل ہو جاتا ہے، جو دبئی کی مؤثر انتظامی مہارت کی عکاسی کرتا ہے۔

کاروباری ماہرین کا کہنا ہے کہ لوئی وٹون جیسی لگژری برانڈ کی تیزی اور اعتماد کے ساتھ اس منصوبے میں شمولیت اس بات کا ثبوت ہے کہ دبئی کے ضوابط بین الاقوامی معیار کے اداروں کے لیے نہایت پُرکشش اور موزوں ہیں۔

”ون فری زون پاسپورٹ“ دبئی کو عالمی سطح پر ایک ایسا مرکز بنانے کی جانب ایک اور قدم ہے جہاں عالمی کاروبار جدید سہولیات کے ساتھ مستحکم انداز میں فروغ پا سکتے ہیں۔

یو اے ای میں غیر ملکیوں کو مختلف اقسام کے رہائشی ویزے فراہم کیے جاتے ہیں، جن میں سب سے زیادہ مشہور گرین ویزا، گولڈن ویزا اور معمولی ورک ویزا شامل ہیں۔ یہ ویزے ملک میں کام کرنے، رہنے اور یہاں تک کہ اپنے خاندان کو بھی سپانسر کرنے کی اجازت دیتے ہیں۔

گرین ویزا: خود کفالت کے لئے بہترین موقع

گرین ویزا ایک ایسا رہائشی ویزا ہے جو ہولڈر کو خود کفالت کی اجازت دیتا ہے اور انہیں کسی یو اے ای نیشنل یا آجر کی سپانسرشپ کے بغیر پانچ سال تک رہائش اور کام کرنے کی اجازت فراہم کرتا ہے۔ یہ ویزا خاص طور پر ہنر مند پیشہ ور افراد، سرمایہ کاروں، کاروباری افراد اور طلباء کو راغب کرنے کے لئے متعارف کرایا گیا ہے۔ اس ویزے کی بدولت فری لانسرز اور خود مختار افراد اپنے کام کو قانونی طور پر جاری رکھ سکتے ہیں۔

اس ویزے کے لئے درخواست دینے کے لئے فری لانسرز اور خود مختار افراد کو وزارت برائے انسانی وسائل اور ایمریٹائزیشن سے ایک فری لانسر/ خود روزگار کا اجازت نامہ حاصل کرنا ہوتا ہے، ساتھ ہی ان کی سالانہ آمدنی کی تفصیلات بھی فراہم کرنی ہوتی ہیں جو گزشتہ دو سالوں میں کم از کم 360,000 درہم ہو۔

معمولی ورک ویزا: نجی اور حکومتی اداروں میں کام کرنے والے افراد کے لیے

یو اے ای میں کام کرنے والے غیر ملکیوں کے لئے معمولی ورک ویزا بھی فراہم کیا جاتا ہے۔ یہ ویزا عموماً دو سال کی مدت کے لئے ہوتا ہے اور اسے صرف آجر کے ذریعے حاصل کیا جا سکتا ہے۔ یہ ویزا نجی شعبے، حکومتی اداروں یا فری زونز میں کام کرنے والے افراد کے لئے ہوتا ہے۔

گولڈن ویزا: طویل المدت رہائشی ویزا

گولڈن ویزا یو اے ای کا ایک طویل المدت رہائشی ویزا ہے جو غیر ملکی افراد کو پانچ یا دس سال کے لئے رہائش، کام اور تعلیم کی سہولت فراہم کرتا ہے۔ اس ویزے کا ایک بڑا فائدہ یہ ہے کہ اس کے حامل افراد کو کسی سپانسر کی ضرورت نہیں ہوتی اور وہ ملک سے باہر زیادہ وقت گزارنے کی سہولت رکھتے ہیں۔ اس ویزے کی بدولت غیر ملکی اپنے خاندان کے افراد کو بھی سپانسر کرسکتے ہیں، چاہے وہ بالغ ہوں یا بچے۔

گولڈن ویزا کے حصول کے لئے کچھ ضروری دستاویزات شامل ہیں جیسے کہ پاسپورٹ کی کاپی، تصدیق شدہ تعلیمی اسناد، اور وزارت برائے انسانی وسائل اور اماراتیائزیشن سے منظور شدہ روزگار کا معاہدہ۔

ڈومیسٹک ورکر ویزا: گھریلو ملازمین کے لئے خصوصی قوانین

یو اے ای میں گھریلو ملازمین کے لئے بھی خصوصی ویزا قوانین ہیں، جن کا مقصد ان افراد کی فلاح و بہبود کا خیال رکھنا ہے جو دوسرے ممالک سے آ کر یہاں کام کرتے ہیں۔ گھریلو ملازمین کا ویزا ان کے آجر کی جانب سے جاری کیا جاتا ہے، اور اس میں کچھ خاص شرائط شامل ہیں، جیسے کہ آجر کا ماہانہ تنخواہ کم از کم 25,000 درہم ہونا ضروری ہے۔

اگر گھریلو ملازم نجی ڈرائیور کی حیثیت سے کام کرتا ہے تو آجر کے پاس دو ذاتی گاڑیاں ہونی چاہیے جو اس کے نام پر رجسٹرڈ ہوں۔

خلیج ٹائمز کے مطابق، یو اے ای کی حکومت نے غیر ملکیوں کے لئے رہائشی ویزوں کی سہولت بڑھانے کے ساتھ ساتھ ملک میں کاروباری مواقع اور معیاری زندگی کو بھی مزید بہتر بنایا ہے، جو یو اے ای کو دنیا کے بہترین مقامات میں شامل کرتا ہے۔

یہ تمام اقدامات یو اے ای کو ایک عالمی مرکز بنا رہے ہیں جہاں غیر ملکی اپنے کیریئر کو آگے بڑھا سکتے ہیں اور اپنے خاندان کے ساتھ بہترین زندگی گزار سکتے ہیں۔

یہ نئی فیس موجودہ ویزا درخواست فیس یا I-94 فارم فیس کی جگہ نہیں لے گی بلکہ ان کے ساتھ اضافی طور پر وصول کی جائے گی۔ I-94 فیس کو بھی 6 ڈالر سے بڑھا کر 24 ڈالر کر دیا گیا ہے۔ اس کا مطلب ہے کہ H-1B جیسے ویزا درخواست گزاروں پر مجموعی بوجھ 205 ڈالر سے بڑھ کر 455 ڈالر (تقریباً 1 لاکھ 30 ہزار روپے) تک جا سکتا ہے۔

ری فنڈ صرف مخصوص شرائط پر ممکن

یہ فیس ان درخواست گزاروں کو واپس نہیں کی جائے گی جن کی ویزا درخواستیں مسترد ہو جائیں، تاہم اگر کوئی ویزا ہولڈر ویزا ختم ہونے کے 5 دن کے اندر امریکہ چھوڑ دے اور کسی غیر مجاز ملازمت میں ملوث نہ ہو تو ری فنڈ کا اہل ہو سکتا ہے، لیکن واپسی ویزا کی میعاد ختم ہونے کے بعد ہی ممکن ہوگی۔

ری فنڈ کا طریقہ کار غیر واضح

امریکی محکمہ داخلہ نے اعتراف کیا ہے کہ فیس کے نفاذ کے لیے مختلف سرکاری اداروں کے درمیان ہم آہنگی ضروری ہے۔ ماہرین کے مطابق فیس کی واپسی کا عمل مبہم ہے اور اس پر عمل درآمد میں کئی سال لگ سکتے ہیں۔ کانگریشنل بجٹ آفس کا تخمینہ ہے کہ اس اقدام سے 2025 سے 2034 کے دوران 28.9 ارب ڈالر کی آمدن ہو سکتی ہے۔

عمل درآمد پر سوالات اور تنقید

قانونی و امیگریشن ماہرین کے مطابق اس فیس کے عملی نفاذ کا طریقہ کار تاحال واضح نہیں ہے۔ امریکی ٹریول ایسوسی ایشن نے خدشہ ظاہر کیا ہے کہ چونکہ ویزا جاری کرنے کا عمل ڈی ایچ ایس کے اختیار میں نہیں، اس لیے فیس کی وصولی پر کئی سوالات اٹھتے ہیں۔

امیگریشن اٹارنی اسٹیون اے براؤن کے مطابق: ”یہ فیس B ویزا ہولڈرز اور بین الاقوامی طلبہ پر غیر متناسب اثر ڈالے گی۔ خاندانی سطح پر سیر و تفریح کا ارادہ رکھنے والے افراد ممکنہ طور پر فی فرد 250 ڈالر اضافی ادا کرنے سے گریز کریں گے۔“

سیاسی و معاشی اثرات

محکمہ داخلہ کے مطابق یہ فیس امریکی امیگریشن نظام میں ”درستگی“ بحال کرنے کے لیے متعارف کروائی گئی ہے، حالانکہ 2016 سے 2022 کے درمیان ویزا اووراسٹے کی شرح 1 سے 2 فیصد کے درمیان رہی ہے۔ موجودہ تخمینوں کے مطابق امریکہ میں 42 فیصد غیر قانونی مقیم افراد نے ابتدا میں قانونی طریقے سے داخلہ لیا تھا مگر بعد میں ویزا کی مدت سے تجاوز کیا۔

یہ فیس ایک ایسے وقت میں متعارف کروائی گئی ہے جب امریکہ آئندہ برسوں میں فیفا ورلڈ کپ اور 2026 میں 250ویں یوم آزادی کی تیاری کر رہا ہے۔ سفری صنعت کے ماہرین نے فیس کو کڑی تنقید کا نشانہ بنایا ہے، خاص طور پر اس تناظر میں کہ برانڈ یو ایس اے جیسے سیاحتی ادارے کے بجٹ میں 100 ملین ڈالر سے کمی کر کے صرف 20 ملین ڈالر کر دیے گئے ہیں۔

لیکن 2022 میں بحرین نے ایک ایسا ویزہ متعارف کروایا جو خلیجی خطے میں سکونت اختیار کرنے کے خواہشمند افراد کے لیے ایک خوشگوار حیرت سے کم نہیں۔ یہ ہے بحرین کا گولڈن ریزیڈنسی ویزہ، جو 10 سال کے لیے جاری ہوتا ہے اور نہ تو نوکری کی ضرورت ہے، نہ جائیداد کی ملکیت کی شرط۔

بحرین کا گولڈن ریزیڈنسی ویزہ محض ایک ویزہ اسکیم نہیں بلکہ ’بحرین وژن 2030‘ کا حصہ ہے، جو ملک کی معیشت کو متنوع، پائیدار اور عالمی معیار کے مطابق بنانے کا جامع منصوبہ ہے۔ اس وژن کے تحت بحرین بیرونی سرمایہ کاروں، ماہر پیشہ ور افراد اور باصلاحیت افراد کو اپنی طرف راغب کرنا چاہتا ہے تاکہ مقامی معیشت میں جدت، ترقی اور عالمی انضمام کو فروغ دیا جا سکے۔ گولڈن ویزہ اسی سوچ کا عملی مظہر ہے۔

اسپین کا گولڈن ویزا کیسے حاصل کرسکتے ہیں؟

ایک لچکدار اور آسان متبادل

بحرین کا گولڈن ویزہ خلیجی ویزہ پالیسیوں کے روایتی ڈھانچے سے ہٹ کر ایک نیا ماڈل پیش کرتا ہے۔ اس ویزے کے ذریعے درخواست دہندہ اپنی مرضی سے کام کر سکتا ہے، فری لانسنگ، کاروبار یا کسی کمپنی میں ملازمت سب ممکن ہے، اور وہ بھی بغیر کسی کفیل یا اسپانسر کے۔

یہ ویزہ ان افراد کے لیے بھی بہت پرکشش ہے جو مکمل وقت بحرین میں نہیں رہنا چاہتے۔ دوسرے خلیجی ویزوں کے برعکس، بحرین کا گولڈن ویزہ ’استعمال کرو یا کھو دو‘ کے اصول پر نہیں چلتا۔ آپ کچھ عرصہ ملک سے باہر رہیں، تب بھی ویزہ برقرار رہتا ہے۔

بحرین کا شمار خلیج کے نسبتاً سستے ممالک میں ہوتا ہے۔ رہائش، خوراک اور روزمرہ اخراجات دبئی یا ریاض کے مقابلے میں کافی کم ہیں۔ یہی وجہ ہے کہ یہ ویزہ نہ صرف کاروباری حضرات بلکہ ریٹائرڈ افراد، ہنرمند پروفیشنلز اور ڈیجیٹل خانہ بدوشوں (digital nomads) کے لیے بھی بے حد موزوں ہے۔

اس ویزے کے تحت درخواست دہندہ اپنے خاندان، یعنی بیوی، بچے اور والدین، کو بھی ساتھ لا سکتا ہے، جس سے یہ رہائش صرف انفرادی نہیں بلکہ خاندانی سہولت بن جاتی ہے۔

پاکستانیوں کیلیے ویزا فری ممالک کون سے ہیں؟ فہرست جاری

ویزہ حاصل کرنے لے لئے معیار اور شرائط

بحرین نے اس ویزے کے لیے چار مختلف زمروں کا تعین کیا ہے، تاکہ زیادہ سے زیادہ لوگ اس سہولت سے فائدہ اٹھا سکیں۔

• ماہر پیشہ ور افراد، جن کی ماہانہ آمدن کم از کم 2000 بحرینی دینار (تقریبا 15 لاکھ 10 ہزار پاکستانی روپے) ہو اور وہ گزشتہ 5 سال سے بحرین میں مقیم ہوں۔

• جائیداد کے مالکان، جو کم از کم 2 لاکھ بحرینی دینار مالیت کی پراپرٹی کے مالک ہوں۔

• ریٹائرڈ افراد، بحرین کے اندر رہنے والے ریٹائرڈ افراد کے لیے کم از کم 2000 دینار کی ماہانہ پنشن درکار ہے، جبکہ غیر مقیم ریٹائرڈ افراد کے لیے یہ حد 4000 دینار (تقریبا 30 لاکھ 20 ہزار پاکستانی روپے) ہے۔

• غیر معمولی صلاحیتوں کے حامل افراد، سائنس، طب، فن، کاروبار یا ٹیکنالوجی کے شعبے میں نمایاں کارکردگی دکھانے والے افراد، بشرطیکہ ان کی نامزدگی بحرینی اداروں کے ذریعے ہو۔

درخواست کا طریقہ

بحرین کا گولڈن ویزہ حاصل کرنے کا عمل شفاف اور آن لائن ہے۔ سب سے پہلے اپنی اہلیت کا جائزہ لیں، پھر متعلقہ دستاویزات جمع کریں جیسے پاسپورٹ، آمدن یا پنشن کا ثبوت، میڈیکل رپورٹ اور تصویر۔ اگر آپ پہلے سے بحرین میں مقیم ہیں تو بحرینی شناختی کارڈ بھی درکار ہوگا۔

پاکستانی بنا ویزا کے قطر کیسے جا سکتے ہیں، شرائط کیا ہیں؟

اس کے بعد بحرین کی ای-کی سروس پر اکاؤنٹ بنائیں اور نیشنل پاسپورٹ اینڈ ریزیڈنسی افیئرز (NPRA) کی ویب سائٹ پر جا کر ”Golden Residency Visa“ فارم پُر کریں۔ ابتدائی فیس صرف 5 دینار ہے، جبکہ ویزہ منظور ہونے کے بعد حتمی فیس 300 دینار (تقریبا 2 لاکھ 26 ہزار پاکستانی روپے) ہے۔

خلیجی ممالک میں رہائش ہمیشہ سے خواب تو رہی ہے،مگر بحرین نے اس نئے ویزہ پروگرام کے ذریعے وہ دروازہ کھول دیا ہے جہاں خواب، حقیقت بن سکتے ہیں، بغیر مالی دباؤ یا نوکری کے جبر کے اور بحرین کا گولڈن ریزیڈنسی ویزہ آپ کے لیے بہترین موقع ہو سکتا ہے۔

ای ویزا برطانوی امیگریشن نظام کو زیادہ محفوظ، تیز تر اور ڈیجیٹل بنانے کے منصوبے کا حصہ ہے، جس کا مقصد ویزا پراسیس کو سادہ بنانا ہے۔ اس نئے نظام کے تحت ویزا ہولڈرز اپنا یو کے وی آئی (UKVI) آن لائن اکاؤنٹ بنا کر اپنی امیگریشن حیثیت اور شرائط کو باآسانی دیکھ اور شیئر کر سکیں گے۔

پاکستان میں تعینات برطانوی ہائی کمشنر جین میریئٹ نے اس تبدیلی پر تبصرہ کرتے ہوئے کہا کہ ’یہ تبدیلی طلبہ اور ملازمت کے متلاشی افراد کے لیے برطانوی ویزا سسٹم کو مزید سادہ بنا دے گی۔ اب انہیں ویزا اسٹیکر کے لیے پاسپورٹ جمع کرانے کی ضرورت نہیں، جس سے وقت کی بچت ہوگی۔‘

ای ویزا صرف ویزا ہولڈر کی حیثیت کو ڈیجیٹل طریقے سے ظاہر کرتا ہے اور اس سے امیگریشن اسٹیٹس یا انٹری شرائط میں کوئی تبدیلی نہیں آئے گی۔

ای ویزا کا اطلاق ابتدائی طور پر درج ذیل ویزا اقسام پر ہوگا:

• طالب علم ویزے (بشمول 11 ماہ کا قلیل مدتی اسٹڈی ویزا)
• گلوبل بزنس موبلٹی روٹس (سینئر/اسپیشلسٹ ورکر، گریجویٹ ٹرینی، یو کے ایکسپنشن ورکر، سروس سپلائر، سیکنڈمنٹ ورکر)
• گلوبل ٹیلنٹ
• بین الاقوامی کھلاڑی
• اسکلڈ ورکرز (بشمول ہیلتھ اینڈ کیئر)
• عارضی ملازمتیں (چیریٹی ورکر، کریئیٹو ورکر، گورنمنٹ اتھارائزڈ ایکسچینج، انٹرنیشنل ایگریمنٹ، مذہبی ورکرز)
• یوتھ موبیلٹی اسکیم

ای ویزا ہولڈرز اپنا سفری دستاویز (جیسے کہ پاسپورٹ) اپنے UKVI اکاؤنٹ سے منسلک کر سکتے ہیں تاکہ بین الاقوامی سفر میں آسانی ہو۔ اس کے علاوہ وہ ”ویو اینڈ پروو“ سروس کے ذریعے اپنا ویزا اسٹیٹس آجر، مکان مالک یا دیگر اداروں کو بھی دکھا سکتے ہیں۔

تاہم، عمومی وزیٹر ویزا یا ایسے افراد جو کسی مین ایپلیکنٹ کے زیرِ کفالت ویزے کے لیے درخواست دے رہے ہیں، ان کے لیے فزیکل ویزا اسٹیکر اب بھی ضروری ہوگا۔

برطانوی حکومت نے اس نظام کو بتدریج تمام ویزا اقسام تک وسعت دینے کا منصوبہ بنایا ہے تاکہ تمام درخواست گزاروں کے لیے ویزا سسٹم کو جدید، محفوظ اور تیز تر بنایا جا سکے۔

ویزا کی قسم کا انتخاب اور شرائط کی سمجھ

آسٹریلیا کا ویزا حاصل کرنے کے لیے سب سے پہلے یہ طے کرنا ضروری ہے کہ آپ کس مقصد کے تحت ویزا لینا چاہتے ہیں۔ آسٹریلیا مختلف مقاصد کے لیے مختلف اقسام کے ویزے جاری کرتا ہے، جیسے کہ وزٹ، اسٹڈی، بزنس، میڈیکل یا فیملی وزٹ وغیرہ۔ ویزا کی ہر قسم کی مخصوص شرائط اور تقاضے ہوتے ہیں جنہیں سمجھنا ضروری ہے۔ ان شرائط کو اچھی طرح پڑھنے اور مکمل کرنے کے بعد ہی درخواست جمع کروانی چاہیے تاکہ کسی رد یا تاخیر کا سامنا نہ کرنا پڑے۔

بیروزگار ہیں؟ مسئلہ نہیں! پاکستانیوں کو نوکری کی تلاش کیلئے ویزا دینے والے 7 ممالک

ویزا درخواست دینے کا مرحلہ وار طریقہ

درخواست گزار کو سب سے پہلے تیرہ صفحات پر مشتمل ویزا فارم کو مکمل طور پر پڑھ کر احتیاط سے بھرنا ہوتا ہے۔ فارم میں مہیا کی گئی معلومات درست، مکمل اور ایک دوسرے سے مطابقت رکھتی ہونی چاہئیں۔ اس کے ساتھ تمام ضروری دستاویزات جیسے پاسپورٹ، قومی شناختی کارڈ، بینک اسٹیٹمنٹ، مقصدِ سفر کی وضاحت اور دیگر معاون کاغذات کو ساتھ رکھنا ہوتا ہے۔

درخواست مکمل ہونے کے بعد ویزا فیس جمع کروائی جاتی ہے جو آن لائن ادا کی جا سکتی ہے۔ اس کے بعد فارم اور دستاویزات یا تو آن لائن اپلوڈ کیے جاتے ہیں یا قریبی ویزا اپلیکیشن سینٹر میں جمع کرائے جاتے ہیں۔ عام طور پر درخواست کی منظوری میں تقریباً 25 دن لگ سکتے ہیں اور ویزا کورئیر کے ذریعے گھر پر پہنچا دیا جاتا ہے۔

سرکاری ویب سائٹ سے ویزا درخواست دینے کا طریقہ

اگر آپ کسی ایجنٹ یا ادارے کی مدد کے بغیر خود ویزا کے لیے اپلائی کرنا چاہتے ہیں تو آسٹریلیا کی امیگریشن کی سرکاری ویب سائٹ پر جا کر اپنا ’ImmiAccount‘ بنائیں۔ اس اکاؤنٹ کے ذریعے آپ آن لائن فارم بھر سکتے ہیں، دستاویزات اپلوڈ کر سکتے ہیں اور فیس ادا کر سکتے ہیں۔ اس پورے عمل کو مکمل کرنے کے بعد آپ کو ایک تصدیقی ای میل موصول ہوتی ہے۔ اگر آپ کی درخواست منظور ہو جائے تو ویزا کی سافٹ کاپی یا پرنٹ شدہ دستاویز کورئیر کے ذریعے بھیج دی جاتی ہے۔

پاکستانیوں کیلیے ویزا فری ممالک کون سے ہیں؟ فہرست جاری

ماہر اداروں کی مدد: ایک ذہین انتخاب

اگر آپ کو فارم بھرنے، دستاویزات ترتیب دینے یا طریقہ کار سمجھنے میں مشکل محسوس ہو رہی ہے تو کسی پیشہ ور ادارے کی مدد لینا دانشمندی ہوگی۔

پاکستان میں بلنک ویزا جیسے ادارے ان تمام مراحل کو آپ کی جگہ مکمل کرتے ہیں۔ وہ آپ کے لیے ویزا کی درست کیٹیگری منتخب کرتے ہیں، تمام ضروری کاغذات چیک کرتے ہیں، فارم خود پُر کرتے ہیں، سفارت خانے میں جمع کراتے ہیں، اور درخواست کی مکمل نگرانی کرتے ہیں۔

بلنک ویزا سروس مفت پک اینڈ ڈراپ سروس بھی فراہم کرتی ہے اور آپ کے لیے سفر کا منصوبہ بھی تیار کرتی ہے۔ اس ادارے میں صرف ابتدائی 1000 روپے ادا کرنے ہوتے ہیں جبکہ باقی فیس ویزا کی منظوری کے بعد لی جاتی ہے۔

پاکستانی بنا ویزا کے قطر کیسے جا سکتے ہیں، شرائط کیا ہیں؟

ویزا درخواست میں احتیاطی تدابیر

درخواست دیتے وقت خاص خیال رکھیں کہ تمام معلومات درست ہوں، کسی قسم کی غلطی یا تضاد نہ ہو۔ پاسپورٹ کی مدتِ میعاد مکمل ہونی چاہیے اور سابقہ ویزا مسترد ہونے کی صورت میں اس کی تفصیل فراہم کرنا ضروری ہے۔ ہر دعوے کے ساتھ مناسب دستاویزی ثبوت منسلک کریں تاکہ ویزا آفیسر کے لیے فیصلے میں آسانی ہو۔

جرمنی کا شمار اُن ممالک میں ہوتا ہے جہاں عوامی (Public) جامعات میں تعلیم تقریباً مفت فراہم کی جاتی ہے۔ دلچسپ بات یہ ہے کہ یہ سہولت صرف جرمن شہریوں تک محدود نہیں بلکہ بین الاقوامی طلبا بھی اس سے بھرپور فائدہ اٹھا سکتے ہیں۔

جرمن پبلک یونیورسٹیز میں بیچلر (UG) پروگرامز مکمل طور پر ٹیوشن فیس سے پاک ہوتے ہیں۔ طلبا کو صرف سیمیسٹر فیس ادا کرنی ہوتی ہے، جو کہ معمولی رقم ہوتی ہے اور عام طور پر یہ فیس 83 ہزار سے 1’ لاکھ 17 ہزار’ پاکستانی روپے فی سیمیسٹر کے درمیان ہوتی ہے۔

ماسٹرز (PG) پروگرامز میں بھی کئی پبلک یونیورسٹیاں مخصوص شعبوں میں ٹیوشن فری داخلے کی پیشکش کرتی ہیں، خاص طور پر اگر آپ نے اپنی بیچلر ڈگری بھی جرمنی سے ہی حاصل کی ہو۔ بعض ماسٹرز پروگرامز میں بین الاقوامی طلبا بھی مفت تعلیم حاصل کر سکتے ہیں۔

مسلم یونیورسٹیز نے عالمی رینکنگ میں اسرائیلی تعلیمی اداروں کو پیچھے چھوڑ دیا

جرمنی کی بہترین پبلک یونیورسٹیاں

ٹیکنیکل یونیورسٹی آف میونخ (TUM) دنیا کی بہترین انجینئرنگ اور سائنسی جامعات میں شمار ہوتی ہے۔ یہ یونیورسٹی سائنس، انجینئرنگ، اور بزنس جیسے شعبوں میں بیچلر اور ماسٹرز پروگرامز پیش کرتی ہے۔ اس کی عالمی رینکنگ ’کیو ایس ورلڈ رینکنگز 2026‘ کے مطابق 22ویں نمبر پر ہے اور یہاں 15,000 سے زائد بین الاقوامی طلبا زیرِ تعلیم ہیں۔

لوڈوِگ میکسمیلین یونیورسٹی، میونخ (LMU Munich) لائف سائنسز، میڈیکل، قدرتی سائنسز، بزنس اور آرٹس میں اعلیٰ معیار کی تعلیم فراہم کرتی ہے۔ یہ یونیورسٹی QS رینکنگ میں 58ویں نمبر پر ہے، اور یہاں 32 ماسٹرز پروگرامز دستیاب ہیں۔ اس کی عالمی شہرت کا اندازہ اس کے ایمپلائر ریپوٹیشن اسکور 95.5 سے لگایا جا سکتا ہے۔

ہومبولٹ یونیورسٹی آف برلن ایک تاریخی اور تحقیقی اعتبار سے معروف ادارہ ہے، جہاں بزنس ایڈمنسٹریشن، اکنامکس، کمپیوٹر سائنس، اور انٹرنیشنل ریلیشنز جیسے مضامین پڑھائے جاتے ہیں۔ اس کی عالمی درجہ بندی 130 ہے اور یہاں 6,154 طلبا تعلیم حاصل کر رہے ہیں۔

یونیورسٹی آف بون ایک متنوع اور جامع ادارہ ہے جو نیچرل سائنسز، ریاضی، انجینئرنگ، میڈیسن، ہیومینیٹیز، اور سوشیالوجی جیسے مضامین میں تعلیم فراہم کرتا ہے۔ اس کی عالمی رینکنگ 207 ہے اور یہاں 4,629 بین الاقوامی طلبا تعلیم حاصل کر رہے ہیں۔

فلسطین کی حمایت پر ٹرمپ کا معتبر ترین ہارورڈ یونیورسٹی پر وار

یونیورسٹی آف فرائبرگ ایک اعلیٰ تعلیمی ادارہ ہے جو بیچلر آف آرٹس، بیچلر آف سائنس، اور لبرل آرٹس اینڈ سائنسز جیسے مختلف شعبوں میں ڈگری پروگرامز پیش کرتا ہے۔ یہاں ماسٹرز کے لیے بھی بہت سے کورسز دستیاب ہیں جن میں ہیومینیٹیز، نیچرل سائنسز، انجینئرنگ، اور میڈیسن شامل ہیں۔ اس کی عالمی درجہ بندی 207 ہے اور 4,629 طلبا یہاں زیر تعلیم ہیں۔

یونیورسٹی آف ہیمبرگ بزنس ایڈمنسٹریشن، اکنامکس، کمپیوٹر سائنس، اور سائیکالوجی جیسے مقبول شعبوں میں تعلیم فراہم کرتی ہے۔ اس یونیورسٹی میں آرٹس اینڈ ہیومینیٹیز کے 30 پروگرامز بھی دستیاب ہیں۔ اس کی عالمی درجہ بندی 193 ہے اور یہاں کل طلبا کا 14 فیصد حصہ بین الاقوامی طلبا پر مشتمل ہے۔

جرمن زبان کا کردار

جرمنی میں تعلیم حاصل کرنے کے لیے طلبا کو جرمن زبان پر عبور حاصل کرنا ضروری ہے کیونکہ زیادہ تر تعلیمی پروگرامز کا ذریعہ تدریس جرمن زبان ہے۔ بعض ماسٹرز پروگرامز انگریزی زبان میں بھی دستیاب ہوتے ہیں، مگر جرمن زبان سیکھنا کلاسز میں بہتر سمجھ بوجھ، روزمرہ زندگی میں آسانی، اور ملازمت کے مواقع کے لیے فائدہ مند ہے۔

گوگل میں نوکری کے باوجود یونیورسٹی میں داخلہ نہ ملنے پر ذہین نوجوان کا دلچسپ اقدام

درخواست دینے کے اہم نکات

جرمنی کی ہر یونیورسٹی اور ہر کورس کی اپنی مخصوص داخلہ شرائط ہوتی ہیں۔ عام طور پر، زبان کا سرٹیفکیٹ جیسے کہ TestDaF یا DSH ضروری ہوتا ہے۔ ویزا، انشورنس، اور رہائش کے انتظامات وقت سے پہلے مکمل کرنا بہتر ہوتا ہے۔ طلبا DAAD جیسی ویب سائٹس سے اسکالرشپس، داخلہ گائیڈز، اور متعلقہ معلومات حاصل کر سکتے ہیں۔

جرمنی: تعلیم اور کیریئر کا مرکز

جرمنی میں تعلیم محض ایک ڈگری حاصل کرنے کا ذریعہ نہیں بلکہ یہ ایک روشن مستقبل کی ضمانت بھی ہے۔ یہاں کی یونیورسٹیاں تحقیق، صنعتی ربط، اور عملی تجربے پر زور دیتی ہیں۔ فارغ التحصیل ہونے کے بعد طلبا کو جرمنی میں کام کرنے اور مستقل رہائش حاصل کرنے کے مواقع بھی دستیاب ہوتے ہیں۔