پھل انسانی صحت کا لازمی حصہ  ہیں،انہیں  غذا میں شامل کرنے سے  نہ صرف صحت پر مثبت اثرات مرتب ہوتے ہیں بلکہ  بیماریوں سے بھی محفوظ رہا جا سکتا ہے،اس کے علاوہ  انسان کا مدافعتی نظام بہتر انداز میں کام کرتا ہے۔

ڈاکٹرز مریضوں کو  دواؤں کے ساتھ پھل لازمی کھانے کا مشورہ دیتے ہیں  کیونکہ پھلوں میں موجود قدرتی وٹامن  دواؤں کے اثرات کو کم کرکے جسم کو نیوٹرل کرتا ہے تاکہ ہمارا  جسم دواؤں  کو قبول کرسکے۔

لیکن ایک تحقیق کے مطابق پھلوں کی چند اقسام کو ملا کر کھانا انسانی صحت کیلئے خطرناک ثابت ہوسکتا ہے ،یہاں  ان پھلوں کے بارے میں تفصیلات پیش کی  جارہی ہیں جنہیں ساتھ ملاکر کھانا خطرناک ثابت ہو سکتا ہے۔

کینو اور گاجر

کینو اور گاجر کو ساتھ ملاکر کھانے سے  سینے میں جلن   اورمعدے میں تیزابیت ہوسکتی ہے جبکہ اس کے استعمال سے گردوں پر بھی نہایت منفی اثرات مرتب ہوتے ہیں۔

امرود اور کیلے

امرود اور کیلے ساتھ ملاکر کھانے سے بھی  معدے میں تیزابیت ہوسکتی ہے  جس سے آپ کو متلی آسکتی ہے اس کے علاوہ سر میں درد کی شکایت بھی پیدا ہوسکتی ہے۔

پپیتا اور لیموں

یہ دونوں  پھل ملاکر کھانے سے   خون اور ہیمو گلوبن میں کمی واقع ہوسکتی ہے جس سے بلڈ لیول کم ہوجاتا ہے ،یہ دونوں پھل بچوں کو کبھی ایک ساتھ استعمال نہ  کروائیں۔

کینو اور دودھ

دودھ کوئی  پھل تو نہیں لیکن کینو کے ساتھ ملاکر استعمال کرنے سے نتائج  خطرناک ہوسکتے ہیں،دودھ میں کبھی بھی اورنج جوس(مالٹے کا رس) ملاکر استعمال نہ کریں  یہ نظام انہضام پر نہایت منفی اثرات مرتب کرتا ہے۔

thanks to:healthytipsworld.net

]]> Life & Style https://www.aaj.tv/news/100091 Tue, 25 Apr 2017 06:17:36 +0500 none@none.com (زنیرا غوری)