لاہور :لاہور سمیت پنجاب بھر میں سوائن فلو سے بارہ افراد اپنی جان کی بازی ہار گئے،صوبے بھر کے سرکاری ہسپتالوں میں ہائی الرٹ جاری کر دیا گیا۔

محکمہ صحت پنجاب کے مطابق صوبے کے مختلف اضلاع میں اب تک سوائن فلو سے متاثرہ گیارہ افراد جاں بحق ہو چکے ہیں،سوائن فلو سے جاں بحق ہونے والوں میں راولپنڈی کے چار، ملتان کے تین،چکوال اور مظفر گڑھ میں ایک، ایک جبکہ لاہور کے دو شہری شامل ہیں جبکہ صوبے میں متاثرہ افراد تعداد چھتیس تک پہنچ گئی ہے۔

اس سلسلے میں صوبائی حکومت کی جانب سے صوبے کے تمام سرکاری ہسپتالوں میں ہائی الرٹ جاری کرتے ہوئے ہسپتالوں میں خصوصی بیڈز مختص کرنے کی ہدایت جاری کر دی گئی ہے۔