آسٹریلوی ماہرین نے حقیقت سے قریب تر ہولوگرام تیار کرنے کا دعویٰ کیا ہے جو انسانی بال سے بھی ایک ہزار گنا زیادہ باریک ہے۔

ڈیلی میل کی رپورٹ کے مطابق آسٹریلیا کی یونیورسٹی آف آر ایم آئی ٹی میلبورن کے ماہرین نے ایک ایسا ہولوگرام تیار کیا ہے، جو ایک انسانی بال سے بھی ہزار گنا زیادہ باریک اور محض 25 نینو میٹر چوڑا یا وسیع ہے۔

https://youtu.be/HifYH0888eo

خیال رہے کہ ایک نینومیٹر ایک میٹر کے ایک ارب ویں حصے پر مشتمل ہوتا ہے۔

ماہرین نے دعویٰ کیا ہے کہ اس ہولوگرام کو تھری ڈی چشمے اور دیگر ٹیکنالوجی کے مدد کے بغیر بھی دیکھا جاسکے گا، اور یہ ٹی وی اسکرین اور اسمارٹ موبائل کی طرح کام کرسکے گا۔

ہولوگرام جدید سائنسی ٹیکنالوجی سے تیار ہوتے ہیں، جو لیزر لائٹ شعاعوں اور لینسز کے ذریعے کام کرتے ہیں۔

آسٹریلوی ماہرین نے ہولوگرام کو مختلف اشکال دینے اور مختلف آلات میں استعمال کرنے کیلئے چین کی بیجنگ انسٹی ٹیوٹ آف ٹیکنالوجی کے ماہرین کی مدد لی جا رہی ہے۔

بشکریہ ڈیلی میل