امور اسلامیہ اور چیرٹی آفیئرز دبئی سرکل کے ڈائریکٹر ڈاکٹر احمد عبدالعزیز الحداد نے بلا اجازت وائی فائی استعمال کرنے کو حرام قرار دیتے ہوئے کہا کہ مالک کی اجازت کے بنا وائی فائی کا استعمال دیگر چوریوں کی طرح حرام ہے۔

مخلیج ٹائمز کی ایک رپورٹ کے مطابق دبئی کے ڈیپارٹمنٹ آف اسلامک افئیرز اینڈ چیریٹیبل ایکٹیویٹیز کے مفتی اعلیٰ کا کہنا ہے کہ مالک کی اجازت کے بنا وائی فائی کا استعمال دھوکا، چوری اور غبن میں شمار کیا جائے گا۔

فتوے میں کہا گیا ہے کہ بغیر اجازت وائی فائی کا استعمال ایک گناہ ہے کیونکہ اس کی چوری کے مالک پر منفی اثرات بھی مرتب ہو سکتے ہیں نیز بغیر اجازت وائی فائی کا استعمال انٹرنیٹ سروس پروائیڈر کے حقوق ملکیت پر بھی نقب لگانے کے مترادف ہے۔

 فتوے میں زور دیا گیا کہ وہ دوسروں کے وائی فائی سے انٹر نیٹ استعمال نہ کریں۔

بشکریہ خلیج ٹائمز