ذرا سوچیں آپ لمبے عرصے سے ایک ڈیزائنر ہینڈ بیگ کیلئے پیسے جما کریں اور جب خرید کر لائیں تو پتا چلے یہ تو نقلی ہے۔ تو کیا آپ اس جھنجھٹ اور پریشانی بچنا چاہتے ہیں؟

بعض دوکاندار آپ کو اصلی برانڈ کہہ کر ریپلیکا یا فرسٹ کاپی تھما دیتے ہیں اور آپ لے بھی لیتے ہیں، کیونکہ آپ کو اصلی اور نقلی کی پہچان نہیں ہوتی۔ اس لئے آج ہم آپ کو برانڈڈ اور نقلی ہینڈ بیگز کی پہچان کا طریقہ بتا رہے ہیں۔ انہیں یاد رکھیں اور دھوکا کھانے سے بچیں۔

٭ ڈیٹیلنگ پر غور کریں

دنیا بھر کے مشہور برانڈز ڈیٹیلنگ پر خاص توجہ دیتے ہیں۔ اگر آپ کو ہینڈ بیگ میں دھاگے لٹکتے دکھیں یا اسی طرح کی کوکئی چیز ملے تو یہ بیگ نقلی برانڈ کا ہے۔

٭ ہُک، بٹن اور زِپر

© vox

برانڈڈ ہینڈ بیگز خریدتے وقت ہکس، بٹن، میٹل اٹیچمنٹ اور زِپرز  پر توجہ دیں، اگر ان کا رنگ اتر رہا ہے، فنشنگ نہیں ہے یا پھر برانڈ کا لوگو نہیں ہے تو یہ نقلی ہے۔

٭ میٹیرئیل

© blogspot 

برانڈڈ ہینڈ بیگز میں کبھی بھی کھردرے چمڑے کا استعمال نہیں ہوتا۔ اس یں ہمیشہ نرم چمڑے کا استعمال کیا جاتا ہے۔ آپ اسے کسی بھی طرح موڑ لیں یہ واپس اپنی جگہ آجاتا ہے۔

٭ برانڈز کے نام

© vox-cdn  

جعلی برانڈز کے نام اصلی برانڈ کے فونٹ سے مختلف ہوتے ہیں۔ جعلی برانڈز میں یا تو گھٹیا پرنٹنگ کا استعمال ہوتا ہے یا پھر اس کی اسپیلنگ الگ ہوتی ہے۔

٭ سیرئیل نمبر

© vox-cdn 

اصل برانڈ میں سیرئیل نمبر کو اس طرح لگایا جاتا ہے کہ اسے نقصان پہنچائے بنا آپ ہٹا نہیں سکتے، جبکہ جعلی برانڈز میں سیرئیل نمبر ایک اسٹیکر کی مدد سے لگا دیا جاتا ہے۔

٭ پیکینگ

© amazonaws 

برانڈڈ ہینڈ بیگز ہمیشہ ایک مہنگی اور اعلیٰ کوالٹی کی پیکنگ میں آتے ہیں۔ ان کے ساتھ کچھ اضافی چیزیں بھی دی جاتی ہیں۔ جبکہ جعلی برانڈز میں ایسا کچھ نہیں ہوتا۔

٭ منفرد خصوصیات

© blogspot   © 1stdibscdn  

کسی بھی اسٹور میں جانے سے پہلے اس برانڈ کے بارے میں تھوڑی ریسرف کر لیں جو آپ کو خریدنا ہے۔ کیونکہ ہر برانڈ کی اپنی کچھ منفرد خصوصیات ہوتی ہیں۔ مثال کے طور پر پراڈا کبھی بھی اپنے ہینڈ بیگز میں کنٹراسٹ کلرز کا استعمال نہیں کرتا۔

بشکریہ  Brihghtside