دنیا کا سب سے عمر رسیدہ بِلّا32 سال کی عمر میں دل کا دورہ پڑنے سے مر گیا۔

نٹمیگ دی ٹیبی نامی یہ بِلّا جب پیدا ہوا تھا تب مارگریٹ تھیچر وزیر اعظم تھیں اور ملکہ برطانیہ کی سلطنت کو 30برس ہی گزرے تھے۔

اس کے مالکان لِز اور آئن فنلے، جنہوں نے 27برس تک اس کی دیکھ بھال کی، کا کہنا تھا کہ اگست 29 کو اس کی موت سے چند ہفتے قبل ہی اس کی طبعیت خراب ہوگئی تھی۔

ان دونوں نے یہ اعتراف کیا کہ اس کی موت کے سبب وہ شدید غم میں مبتلا ہیں۔

آئن ، جن کی عمر 67برس ہے، کا کہنا تھا کہ ہم دونوں کو ایسا لگتا ہے جیسے ہمارے دلوں کو چیر دیا گیا ہو۔ وہ ہمارے بچوں کی طرح تھا۔

لِز اور آئن کو ان کے دوسرے بِلے اسپائس ، جو 2000کے شروع میں مرگیا تھا،نے نٹمیگ سے متعارف کرایا تھا۔

اسپائس ، نٹمیگ کے ساتھ گھر میں آتا تھا۔ جس کے متعلق دونوں مالکان کا خیال تھا کہ یہ آوارہ بِلّا ہے۔

لِز اور آئن کی چونکہ کوئی اولاد نہیں ہے اس لیے انہوں نے یہ فیصلہ کیا کہ وہ نٹمیگ کو گود لے لیں گے۔

Metro.co.uk بشکریہ