متنازع نظریات رکھنے والے امریکی ماہر نجوم کا کہنا ہے کہ 23 ستمبر دنیا کی تباہی کا دن ہوگا۔

متنازع ماہر نجوم ڈیوڈ میڈ کا کہنا ہے کہ 23 ستمبر کو ایک نیبرو سیارہ جسے پلینٹ ایکس بھی کہا جاتا ہے دنیا سے ٹکرائے گا جس کے باعث بڑے پیمانے پر تباہی ہوگی۔

لوگوں کا ماننا ہے کہ یہ سیارہ پہلی بار23 ستمبر 2017 کو تباہی سے پہلے واضح دیکھا جاسکے گا۔ اگر یہ زمین سے براہ راست ٹکرایا تو تباہی لازمی ہوگی، لیکن اگر قریب سے بھی گزرا تو دنیا بھر میں زلزلوں، آتش فشاؤں کے پھٹنے اور سونامی کا باعث بنے گا۔

نیبرو سیارے سے جڑی باتوں کا آغاز 1976 میں اس وقت ہوا جب مصنف زیشاریا سٹچن نے دو مشرق وسطیائی ثقافتوں کے موجود ہونے کا دعویٰ کیا۔ ان میں سے ایک کو بیبی لو نئینز اور دوسرے کو سمارئینز کانام دیا۔

ان کے مطابق ان دونوں قدیم ثقافتوں میں ایک سیارے نیبرو کا ذکر ہے جو ہر 3600 سال بعد سورج کے گرد چکر لگاتا ہے۔

ڈیلی اسٹار کی رپورٹ کے مطابق ناسا نے ایسے کسی بھی سیارے کی موجودگی سے انکار کیا ہے، لیکن کئی ماہر نجوم کو زمین سے چار گنا بڑے سیارے کی موجودگی کے ثبوت ملے ہیں۔

اپنی کتاب پلینٹ ایکس میں 23 ستمبر 2017 کو دنیا کی تباہی کی پیش گوئی کرنے والے ڈیوڈ میڈ کا کہنا ہے کہ پلینٹ ایکس کی آمد پر آپ کو کسی بڑے شہر کے قریب نہیں ہونا چاہئے۔

ان کے مطابق اس وقت سان فرانسسکو، آکلینڈ، لاس اینجلس، اینکریج، الاسکا، سیئٹل اور واشنگٹن تباہ ہونے والے پہلے شہر ہوں گے۔

مسٹر میڈ کا کہناہے کہ نیبرو کے باعث نیوکلئیر ری ایکٹرز سے ریڈی ایشن کا اخراج ہوگا۔ زلزلے آئیں گے اور آتش فشاں پھٹ جائیں گے۔

انہوں نے لوگوں کو نیوکلئیر پلانٹس سے سو میل دور رہنے کی ہدایت کی ہے۔

پلینٹ ایکس کے ساتھ کچھ میٹیورز یعنی پتھروں کے بڑے ٹکڑے بھی ہوں گے جو اگر سمندر میں گرے تو سونامی اور زمین پر گرے تو زلزلے کا باعث بنیں گے۔

ڈیوڈ میڈ کا کہنا ہے اگر اس تباہی سے بچنا ہے تو آپ کو جنوبی، مشرقی اور مغربی ساحلوں سے 150 میل دور 600 سے 750 فٹ کی بلندی پر رہنا ہوگا۔

 اس سے قبل بھی 2012 میں دنیا کی تباہی کی پیشین گوئی کی گئی تھی جو بری طرح فیل ہوئی۔

بشکریہ ڈیلی اسٹار

]]> Trending https://www.aaj.tv/news/125601 Thu, 21 Sep 2017 08:24:31 +0500 none@none.com (سفیر الہٰی)