اگر آپ گھر کو خوبصورت رکھنا چاہتے ہیں تو یقیناً اس کیلئے آپ کو قالین کی ضرورت پڑے گی، کیونکہ قالین کے بنا کمرے میں خوبصورتی دکھائی نہیں دیتی۔

لیکن اگر قالین ہی گندا ہو تو کیا گھر خوبصورت لگے گا؟ یقیناً نہیں۔ قالین کو صاف کرنا آسان کام نہیں ہے، اس کیلئے کافی محنت درکار ہوتی ہے۔ ہم قالین کو گندا ہونے سے تو نہیں بچا سکتے لیکن اس کو صاف رکھنے کے چند آزمودہ اور آسان طریقے آپ کو بتا رہے ہیں۔

ملاحظہ کیجئے۔

٭ قالین کو جھاڑیں

اپنے قالین کو مہینے میں ایک بار ضرور جھاڑیں، اس سے اس میں پھنسی ہوئے مٹی اور دھول کے ذرات نکل جاتے ہیں، اور قالین لیتے وقت کوشش کریں کہ اس کا سائز چھوٹا ہو۔ اس سے آپ کو جھاڑنے میں آسانی ہوگی۔

٭ ویکیوم کریں

قالین کے اس حصے کو لازمی ویکیوم کریں جہاں کھانے کے ذرات اور دھول ہو۔ اس کے علاوہ بھی قالین پر روز ویکیوم کریں۔

٭ سال میں ایک بار دھلوائیں

اگر پرانے قالین کو نیا رکھنا چاہتے ہیں تو اسے سال میں ایک بار ضرور دھلوائیں، اور اسے خود دھونے کے بجائے باہر سے دھلوائیں۔

٭ قالین پر لگنے والے داغ کو نہ رگڑیں

قالین پر داغ لگ جائے تو اسے کپڑے سے رگڑنے کے بجائے بیکنگ سوڈا یا سرکے سے صاف کریں۔ رگڑنے سے داغ نشان چھوڑ جاتا ہے۔

٭ اسپرے کا استعمال کریں

مارکیٹ میں مختلف اقسام کے اسپرے موجود ہیں جو قالین سے اٹھنے والی بو کو دورکرتے ہیں۔ ہفتے میں کم سے کم دوبار قالین پر اسپرے ضرور کریں۔

]]> Life & Style https://www.aaj.tv/news/130635 Thu, 19 Oct 2017 05:49:30 +0500 none@none.com (سفیر الہٰی)