انسان کے لئے اپنے بہن بھائی کا ہونا کسی نعمت سے کم نہیں کیوں کہ اگر بہن بھائی نہ ہوں تو بچپن سے لے کر جوانی تک ہی کسی اپنے کی کمی سی محسوس ہوتی ہے۔ تاہم بہن بھائیوں میں کوئی تو بے حد کامیاب اور مشہور جبکہ کوئی کم مشہور ہوتا ہے۔

آج ہم آپ کو بولی وڈ کے مشہور اداکاروں کے کم شہرت یافتہ بہن بھائیوں کے بارے میں بتانے جارہے ہیں۔

ایشوریا رائے بچن اور ادیتیا رائے

ایشوریا کے ایک بڑے بھائی ہیں جن کا نام ادیتیا رائے ہے وہ پیشے کے لحاظ سے ایک انجینئر ہیں اور مرچنٹ نیوی میں اپنی خدمات انجام دے رہے ہیں۔ ان کی شادی 2009 کی مس انڈیا شریما رائے سے ہوئی انہوں نے ایشوریا کی فلم 'دل کا رشتہ' میں مشترکہ طور پر ہدایتکاری بھی کی۔

اکشے کمار اور الکا بھاٹیا

اکشے کی بہن الکا کی شادی سریندرا ہیرانندانی سے 2012 میں ہوئی وہ اس وقت ہیرا نندانی گروپ کی شریک بانی اور مینجنگ ڈائریکٹر ہیں۔ ان کی اور ان کے شوہر کی عمر میں 15 سال کا بڑا فرق ہے جس کی وجہ سے اکشے ان کی شادی سے خوش نہیں تھے تاہم بعد میں وہ بھی راضی ہوگئے۔

انوشکا شرما اور کرنیش

انوشکا شرما کے بڑے بھائی سابقہ اسٹیٹ لیول کے کرکٹر ہیں اطلاعات کے مطابق انہوں نے بنگلور انڈر 19 رانجی کرکٹ ٹیم کی نمائندگی کی۔ تاہم بعد میں انہوں نے مرچنٹ نیوی جوائن کرلی۔

بپاشا باسو اور وجیتا باسو

وجیتا باسو بپاشا کی چھوٹی بہن ہیں ان کی ایک بڑی بہن بدیشا باسو بھی ہیں جو شادی شدہ ہیں انہیں اکثر بپاشا کے ساتھ ہی دیکھا جاتا ہے۔ وہ سوشل میڈیا پر بے حد مقبول ہیں اور یہ صرف ان کے فیشن کی وجہ سے ہے۔

دپیکا پاڈوکون اور انیشا پاڈوکون

دپیکا اور انیشا دونوں بیڈمنٹن کے کھلاڑی پرکاش پاڈوکون کی بیٹیاں ہیں۔ دپیکا نے ایک ماڈل بننے کے لئے ممبئی کا رخ کیا جبکہ انیشا نے 12 سال کی عمر سے گالف کھیلنا شروع کردی تھی وہ ایک پیشہ ور گالفر ہیں۔

پرینیتی چوپڑا اور ان کے دو بھائی شیونگ اور سہج

پرینیتی چوپڑا کے دو چھوٹے بھائی بھی ہیں ایک کا نام شیونگ ہے جبکہ دوسرے کا نام سہج ہے۔ ان دونوں کو اکثر پرینیتی کے ساتھ سوشل ایکٹویٹیز اور ایوارڈ کی تقریبات میں  دیکھا جاتا ہے۔

پریانکا چوپڑا اور سدھارت چوپڑا

پریانکا کے بھائی سدھات میزبانی کے کاروبار سے وابستہ ہیں وہ سوئیٹزرلینڈ سے پیشہ ور شیف کی ٹریننگ بھی حاصل کرچکے ہیں۔

رنویر سنگھ اور رتیکا بھوانی

رنویر سنگھ کی ایک بڑی بہن بھی ہیں ان کا نام رتیکا بھوانی ہے۔ وہ جانوروں سے بہت محبت کرتی ہیں انہیں اکثر رنویر کے ساتھ پاٹیز میں شرکت کرتے دیکھا جاتا ہے۔

شاہ رخ خان اور ان کی بہن شہناز لالا رخ خان

شاہ رخ خان کی بہن کے بارے میں یہ بتایا جاتا ہے کہ وہ اپنے والد کے اس دنیا سے رخصت ہونے کے بعد ڈپریشن کا شکار ہوگئی تھیں وہ شاہ رخ خان کی فیملی کے ساتھ ہی رہتی ہیں۔

سشمیتا سین اور راجیو سین

سشمیتا کے چھوٹے بھائی راجیو بہت خوبصورت نوجوان ہیں۔ انہیں اکثر ایک ساتھ ریمپ پر واک کرتے دیکھا گیا ہے۔ ان دونوں کو اکثر پارٹیاں کرتے اور چھٹیاں مناتے ایک ساتھ دیکھا جاتا ہے۔

        Thanks to Bombaytimes