فلم 'دل والے دلہنیا لے جائیں گے' کا شمار تاریخ کی ان چند فلموں میں ہوتا ہے جنہیں کتنی بھی مرتبہ دیکھ لیا جائے انسان بور نہیں ہوتا۔ اس فلم میں دکھائی گئی راج اور سمرن کی دلچسپ لَو اسٹوری کو عوام کی جانب سے بے حد پسند کیا گیا۔ یہ فلم بولی وڈ کی کامیاب ترین فلموں میں سے ایک ہے۔

تاہم آج ہم آپ کو 21 سال کے طویل عرصے سے بولی وڈ انڈسٹری میں راج کررہی فلم کی کاسٹ کی موجودہ حالت دکھانے جارہے ہیں۔ امید ہے 21 سال کے طویل عرصے بعد آپ انہیں دیکھ کر حیران رہ جائیں گے۔

شاہ رخ خان

شاہ رخ خان جنہیں بولی وڈ انڈسٹری کا کنگ کہا جاتا ہے 21 سال قبل خاصے مختلف نظر آتے تھے تاہم وہ ابھی بھی کروڑوں دلوں کی دھڑکن ہیں۔ انہوں نے راج کا کردار بخوبی نبھایا اسی لئے اکثر لوگ انہیں راج کے نام سے بھی پکارتے ہیں۔

کاجول

کاجول نے فلم 'دل والے دلہنیا لے جائیں گے' میں ببلی اور احساسات سے بھری لڑکی سمرن کا کردار نبھایا تھا۔ اس وقت عوام نے شاہ رخ خان اور کاجول کی جوڑی کو بے حد پسند کیا تھا جس کے بعد دونوں نے ایک ساتھ کئی فلموں میں کام کیا۔

امریش پوری

امریش پوری نے فلم 'دل والے دلہنیا لے جائیں گے' میں سمرن کے باپ کا کردار ادا کیا تھا۔ مووی میں ان کا نام بلدیو سنگھ تھا اور انہیں پرانے خیالات کا اور بے حد سخت انسان دکھایا گیا تھا۔ تاہم وہ 2005 میں 72 برس کی عمر میں یہ دنیا چھوڑ کر جا چکے ہیں۔

فریدہ جلال

نوے کی دہائی میں فریدہ جلال ایک انتہائی مشہور اداکارہ تھیں انہوں نے اس مووی میں سمر کی ماں لجو کا کردار ادا کیا تھا۔ تاہم اب وہ صرف ٹی وہ پر نظر آتی ہیں۔

انوپم کھیر

انوپم کھیر نے مووی میں راج یعنی شاہ رخ خان کے باپ کا کردار ادا کیا تھا۔ انوپم کھیر کا شمار ان چند اداکاروں میں ہوتا ہے جو اپنے ہر کردار کو انتہائی خوبصورتی سے سرانجام دیتے ہیں۔

پوجا روپاریل

جس نے بھی فلم 'دل والے دلہنیا لے جائیں گے' دیکھی ہوگی اسے نٹ کھٹ لڑکی 'چٹکی' کا کردار ضرور یاد ہوگا۔ انہوں نے کاجول کی یعنی سمرن کی چھوٹی بہن پوجا کا کردار ادا کیا تھا۔

کرن جوہر

کرن جوہر نے اس فلم میں راج کے سب سے اچھے دوست کا کردار ادا کیا تھا اس کے علاوہ وہ اس مووی کے اسسٹنٹ ڈائریکٹر بھی تھے۔ اس مووی کے بعد انہوں نے کئی فلمیں بنائیں اور آج وہ ایک بہت بڑے فلم میکر ہیں۔ ہر اداکار کی یہی خواہش ہوتی ہے کہ وہ ان کے ساتھ کام کرے۔

پرمیت سیٹھ

پرمیت نے مووی میں کُلجیت کا کردار ادا کیا تھا جو سمرن سے شادی کرنا چاہتا تھا۔ بعد ازاں وہ اداکار سے ایک ہدایتکار بن گئے اور ایک فلم کی ہدایتکاری بھی کی۔ اس فلم کا نام 'بدمعاش کمپنی' ہے جس میں رنویر سنگھ اور انوشکا شرما نے کام کیا۔

مندرا بیدی

مندرا بیدی نے مووی میں کُلجیت کی بہن کا کردار ادا کیا تھا اور اب وہ ایک بہت ہی زبردست ٹی وی پریزینٹر کے طور پر جانی پہچانی جاتی ہیں۔

Thanks to wittyfeed