فلموں کی کامیابی کیلئے صرف ایک اچھے اداکار کا ہونا ہی کافی نہیں ہے بلکہ جو اداکار کردار کو نبھارہا ہو اس کا کردار کے مطابق معیار پر پورا اترنا بھی بے حد ضروری ہے۔ یاد رہے یہی وہ چیز ہے جو کسی بھی فلم کی ناکامی اور کامیابی میں کلیدی کردار ادا کرتی ہے۔

آج ہم آپ کو ان اداکاروں کے بارے میں بتانے جارہے ہیں جنہوں نے محض اپنے کردار کو حقیقت کا روپ دینے یا یوں کہیں کہ فلم کو کامیاب بنانے کے لئے اپنے اندر بہت بڑی اور حیران کن تبدیلی کی۔

ان اداکاروں کو اس روپ میں دیکھ کر کہا ہی نہیں جاسکتا کہ یہ وہی اداکار ہیں جنہیں ہم ایک لمبے عرصے سے دیکھتے آرہے ہیں۔ آپ بھی ملاحظہ کیجیئے۔

امیتابھ بچن

فلم 'پا' میں امیتابھ بچن کو دیکھ کر کوئی پہچان نہیں سکتا۔ بگ بی کے میک اپ میں روزانہ 4 سے 5 گھنٹے لگتے تھے لیکن پھر بھی انہوں نے کسی قسم کی کوئی شکایت نہیں کی۔

ہریتک روشن

ہریتک روشن نے فلم 'گذارش' میں اپنے کردار کو نبھانے کے لئے وزن میں اچھا خاصا اضافہ کیا۔ انہوں نے اپنے اس کردار کے لئے سکس پیک کی جگہ بڑے سے پیٹ کو جگہ دی۔

عامر خان

عامر خان بولی وڈ کی بلاک بسٹر مووی 'دنگل' میں فٹ فاٹ ہی نظر آئے تاہم انہوں نے صرف ایک کردار کے لئے اپنے وزن میں بے پناہ اضافی کیا۔

بھومی پڈنیکر

بھومی پڈنیکر نے فلم دم لگا کے ہئیشا' میں خود کو اس قدر تبدیل کیا کہ انہیں پہچاننا بھی محال ہوگیا ان کی تصویر دیکھیں آپ کے لئے بھی پہچاننا مشکل ہوگا۔

راج کمار راؤ

سبھاش چندر کی 'بوس' کے لئے راج کمار راؤ نے اپنے اندر ایسی تبدیلی کی کہ عوام کو چونکا دیا۔ انہوں نے کردار کے لئے وزن میں 11 کلو کا اضافہ کیا۔

ودیا بالن

ودیا بالن نے 'ڈرٹی' مووی میں انتہائی الگ کردار نبھایا۔ انہوں نے وزن میں 12 کلو اضافے کے ساتھ ساتھ شخصیت میں بھی بڑا فرق پیدا کیا۔

سنجے دت

سنجے دت فلم 'اگنی پتھ' میں نبھائے گئے اپنے کردار سے خود ڈرتے تھے۔ آپ بھی ان کے کردار کی تصویر ملاحظہ کریں۔

پریانکا چوپڑا

پریانکا چوپڑا نے فلم 'میری کوم' میں اولمپک میڈلسٹ باکسر کا کردار ادا کیا۔ انہوں نے محض 3 مہینے میں اپنی جسامت کو مکمل تبدیل کیا۔

شاہ رخ خان

شاہ رخ خان نے فلم 'اوم شانتی اوم' سے اپنے جسم کو مکمل تبدیل کیا اور ان کا یہی جسم 'دل والے' اور 'ہیپی نیو ایئر' میں بھی دیکھا جاسکتا ہے۔

بھومی پڈنیکر

بھومی نے اکشے کمار کی فلم 'ٹوائلٹ- ایک پریم کتھا' میں ایک موٹی بیوی کا کردار ادا کیا تھا۔ یہ ایک انتہائی حیران کن بات تھی کہ ماڈل نے ایک کردار کے لئے اپنی جسامت کو اس قدر تبدیل کیا۔

پربھاس

فلم 'باہوبلی ٹو' کے لئے پربھاس نے 20 کلو وزن میں اضافہ کیا اور ساتھ ہی ٹریننگ کے لئے ڈبلیو ڈبلیو ایف سے بھی رابطہ کیا۔

رندیپ ہودا

رندیپ ہودا نے سربھجیت سنگھ کا کردار نبھانے کے لئے محض 28 دنوں میں 18 کلو وزن کم کرکے سب کو حیران کردیا۔

Thanks to wittyfeed