لاہور:لاہور سمیت پنجاب بھر میں پی آئی اے کی مجوزہ نجکاری کیخلاف ملازمین نے دفاتر کی تالہ بندی کرتے ہوئے احتجاج دوسرے روز بھی جاری رکھا،ٹکٹوں کی بکنگ اور کارگو سروسز معطل ہوکر رہ گئیں۔

پی آئی اے کا نظام مفلوج ہوگیا ہے مجوزہ نجکاری کے خلاف ملازمین سراپا احتجاج ہیں لاہور میں بھی ملازمیں نے دفاتر کی تالہ بندی کرکے ہیڈ آفس کے باہر احتجاجی مظاہرہ کیا،پی آئی اے ملازمین کا کہنا تھا کہ قومی ائیرلائن کی نجکاری کسی صورت قبول نہیں،فیصلے کی واپسی تک احتجاج جاری رہے گا۔

فیصل آباد میں بھی پی آئی اے ملازمین دفاتر کی تالہ بندی کرکے باہر نکل آئے،اور نعرے بازی کی۔پی آئی آے ملازمین نے الزام لگایا کہ ائیرلائنز کے خسارے کی ذمہ دار حکومت ہے،دو فروری تک فیصلہ واپس نہ لیا گیا تو فلائٹ آپریشن بند کردیا جائے گا،ملتان سمیت دیگر شہروں میں بھی پی آئی اے ملازمین نے احتجاج کیا اور دفاتر کی تالہ بندی کی۔