پشاور:پشاور میں حساس اداروں اور سیکورٹی فورسز کی کارروائی نے شہر کو بڑی تباہی سے بچالیا۔کارروائی کے دوران متعدد افراد کو گرفتار کر کے غیرملکی ساخت کا اسلحہ برآمد کیا گیا۔

پشاور کے مختلف علاقوں میں حساس اداروں اور سیکیورٹی فورسز کی مشترکہ کاروائیوں سے شہر میں تخریب کاری کے بڑے منصوبے کو ناکام بنا دیا گیا۔ گزشتہ چوبیس گھنٹوں کے دوران متعدد افراد کو گرفتار کرکے ایک ہزار سے زائد مختلف قسم کا غیر ملکی اسلحہ برآمد کر لیا گیا۔برآمد شدہ اسلحے میں آٹومیٹک رائفلرز،اور اسنائپر سائیٹس سمیت فوجی اسلحہ شامل ہے۔اطلاعات کے مطابق پشاور اسلحہ ڈیلروں کی مدد سے یہ اسلحہ پشاور اسمگل کیا گیا ہے جہاں سے قبائلی علاقہ جات اور دیگر شہروں کو اسمگل کیا جانا تھا تاہم سیکورٹی فورسز کی بروقت کاروائی سے متعدد افراد کو گرفتار کرکے نامعلوم مقام پر منتقل کیا جا چکا ہے جن سے تفتیش کا سلسلہ جاری ہے۔