اجزاء:

بیف قیمہ                    500 گرام

باسمتی چاول               500گرام

پیاز                          2 عدد

ٹماٹر                         2عدد

دہی                          200 گرام

سبز مر چ                   3عدد

کھانے کا تیل               2کھانے کے چمچ

نمک                         حسبِ ذائقہ

لال مرچ پاؤڈر             1 چائے کا چمچ

لال مرچ کُٹی ہوئی        1 چائے کا چمچ

کا لی مرچ پاؤڈر          آدھا چائے کاچمچ

دھنیا پاؤڈر                 1 چائے کاچمچ

زیرہ پاؤڈر                  1 چائے کا چمچ

گرم مصالحہ پاؤڈر         1 چائے کاچمچ

ثابت گرم مصالحہ          پانچ گرام

ہلدی                          1 چائے کاچمچ

سبز دھنیا                    5گرام

پودینہ                        5گرام

لیموں                        2عدد

ادرک پِسا ہُوا               1 چائے کاچمچ

لہسن پِسا ہُوا                1 چائے کاچمچ

سرکہ                       ایک کھانے کا چمچ

ترکیب:

ایک باؤ ل میں پانی لیں اوراس میں چاول ڈال کر پندرہ منٹ تک بھگو لیں ۔

ایک پین میں پانی لیں اوراس میں ثابت گرم مصالحہ ،کھانے کا تیل(1کھانے کا چمچ) ،سرکہ، نمک ڈال کر ایک کنی چھوڑ کر اُبال لیں۔

پھرایک الگ پین میں کھانے کا تیل(1کھانے کا چمچ) ڈالیں اوراس میں پیاز ،لہسن ا ورادرک ڈال کر براؤن کر لیں اوراس میں ٹماٹر ڈال کر پانچ منٹ تک پکالیں ۔

اب اس میں نمک،لال مرچ پاؤڈر ،لال مرچ کُٹی ہوئی ،دھنیا پاؤڈر ،زیرہ پاؤڈر ،ہلدی پاؤڈر اور ثابت گرم مصالحہ ڈال کر دو منٹ تک مزید پکالیں ۔

اب اس میں بیف قیمہ ڈال کر تین منٹ تک بھون لیں پھر اس میں دہی اورتھوڑا ساپانی ڈال کر دس منٹ تک ڈھکن ڈھک کر پکانے رکھ دیں۔

اب ایک پین میں تیار کیاہوا بیف قیمہ لیں اوراس میں اُبلے ہوئے چاول ڈال دیں اور یہ عمل دہرا کر دو تِہہ بنا لیں۔

پھر اس پر سبز دھنیا ،پودینہ ،لیموں ،سبز مرچ اور ٹماٹر کی گارنش کر لیں ، اور اس میں پیلا رنگ ڈال کر دس منٹ تک دم دیں ۔

آپ کی مزیدار بیف قیمہ بریانی تیار ہے۔