حمل(Mar21-April19)

آج اپنی کاروباری کامیابیوں کے علاوہ اہم کاغذات پر دستخط کرنے یا سمجھوتوں کو حتمی شکل دینے میں بھی کامیاب ہوسکیں گے۔ اپنے کاروباری شراکت دار کے ساتھ مراسم بہتر رہیں گے لیکن اپنے تمام منصوبوں اور عملی اقدامات کے نتائج کے حصول کی توقع مت رکھیں ورنہ مایوسی بھی ہوسکتی ہے۔

ثور(April20-May20)

آج اپنی مصروفیات کے باوجود اپنے ساتھ کام کرنے والے افراد کے متعین کردہ اہداف کے حصول میں بھی ان کا ساتھ دے سکیں گے۔ آپ کو اپنی منزل کے حصول میں بھی کسی دشواری کا سامنا کرنا پڑے گا اس لئے بالکل بھی پریشان مت ہوں۔

جوزا (May21-June21)

آج بہت سے امور میں بہتری لانے کے مواقع میسر آسکیں گے خاص کر ان معاملات سے جان چھوٹ جائے گی جس کی وجہ سے پیدا ہونے والی مشکلات سے آپ کو سامنا رہا ہے۔ دوسروں کی غلط فہمیوں سے بچیں اور کسی کی ذات پر تبصرہ کرنے سے گریز کریں۔

 سرطان (June22-July22)

آج اپنی کاروباری کامیابیوں کی وجہ سے آپ بہت خوش ہوسکیں گے جبکہ اس سے آپ کے اعتماد میں ببھی اضافہ ہوسکے گا۔ ذاتی سیر و تفریح اور دوست احباب سے ملاقات کا موقع بھی فائدہ مند رہے گا۔ کسی دوست کی جانب سے ملازمت کی پیشکش کو سمجھنے کی کوشش کرسکیں گے۔

 اسد (July23-Aug22)

آج اپنی تخلیقی صلاحیتوں سے کام لے کر اپنے مسائل پر قابو پاسکیں گے اور سامنے آنے والی رکاوٹوں کو بھی دور کرسکیں گے۔ امتحانات میں مصروف افراد کے لئے بھی کامیابی بھرا دن ثابت ہوگا۔ آپ کے جذباتی رشتے بہت پرسکون ہوں گے جبکہ اپنے اہل خانہ کی ضروریات پر توجہ دینے کے علاوہ ان کی جذباتی نگہداشت بھی لازمی کریں۔

سنبلہ (Aug23-Sep22)

آج کسی بھی کام کو کرنے سے قبل دو بار ضرور سوچیں جبکہ اپنی مالی مشکلات سے نبرد آزما ہونے کی وجہ سے وقتی رکاوٹ سامنے آسکتی ہے۔ اپنے طے شدہ اہداف میں سامنے آنے والی کسی مشکل کی وجہ سے بہت سی نئی ذمہ داریوں کو نبھانے میں ہچکچاہٹ ہوسکتی ہے لیکن کاروباری نقطہ نظر سے کسی نئے منصوبے کا آغاز کرسکیں گے۔

 میزان (Sep23-Oct22)

آج بہت سے غیر متوقع فوائد کے حصول کا موقع مل سکتا ہے جس سے اپنے ذاتی مفادات کو مدنظر رکھ سکیں گے۔ ان حالات کی وجہ سے آپ کئی خطرات مول لینے کے لئے تیار ہوسکیں گے لیکن اپنے پیاروں کی بات مانیں اور خود کو پرسکون رکھیں۔

 عقرب (Oct23-Nov21)

آج اپنے ستاروں کی معاونت اور حمایت سے اپنے جذباتی بندھن کو مزید مضبوط بنانے کے مواقع بھی مل سکیں گے جبکہ کسی غیر متوقع جگہ سے معقول رقم بھی باآسانی حاصل ہوسکے گی۔ ایسے میں آپ کو اپنا بجٹ درست انداز میں مرتب کرنے میں مدد فراہم ہوسکے گی۔

قوس (Nov22-Dec22)

آج اپنے طویل عرصے سے التواء کا شکار معاملات کو سلجھا سکیں گے جبکہ کسی نئی کاروباری پیشکش کو ہچکچاہٹ کے بغیر قبول کرلیں کیونکہ اس سے آپ کی زندگی بدل کر رہ جائے گی۔ ہاں لیکن اپنے پیاروں سے مشاورت ضرور کرلیں ورنہ کسی کی ناراضگی مول لے سکیں گے۔

 جدی (Dec23-Jan19)

آپ کے حلقہ احباب میں شامل افراد آپ کی دیانت اور سچائی کو خراج تحسین پیش کرسکیں گے اور آپ کی ہدایات کے منتظر رہیں گے۔ آپ کو طویل المدتی سرمایہ کاری کرنے کے لئے منصوبہ بندی کرسکیں گے۔ اپنے اہم معاملات کو حل کرنے کے لئے ستاروں کی مدد اور حمایت سے فائدہ اٹھانے کی کوشش کریں۔

 دلو (Jan20-Feb18)

آج کسی بھی قسم کے عملی اقدامات کرنے کے لئے آپ کو اپنی روحانی اقدار کو مضبوط بنانا ہوگا جبکہ ساتھ ہی اپنے اعتماد کو بھی بحال رکھنا ہوگا۔ اپنی محبت بھری زندگی میں تبدیلیاں لانے کے مواقع مل سکیں گے لیکن اس سے قبل اپنے پیاروں کے ساتھ رشتوں کو مضبوط کرنے کی کوشش کریں۔

 حوت (Feb19-Mar20)

آج اپنی ملازمتی ذمہ داریاں نبھانے کی وجہ سے آپ کو معقول رقم کا حصول ممکن ہوسکتا ہے۔  اپنے پیاروں کی باتوں اور مشاورت کی وجہ سے اپنے کام مکمل کرنے کی کوشش کریں گے۔ لیکن آج آپ کو اپنے آرام کا بھی خاص خیال رکھنا ہوگاجبکہ اپنی لگن کے بلبوتے پرشروع کردہ مشکل ہدف میں کامیابی حاصل کرسکیں گے۔

 نوٹ: ستاروں کا یہ حال محض تفریحاً پیش کیاجاتا ہے۔ اس پر عقیدت رکھنا یا اسے سچ ماننا صحیح نہیں۔ 

صحیح المسلم حدیث نمبر193۔ کتاب الایمان باب کفر من قال مطرنا بالنوء کے مطابق یہ کفر ہے۔

]]> Trending https://www.aaj.tv/news/149007 Thu, 15 Feb 2018 05:46:10 +0500 none@none.com (ذیشان خالد حسین)