حمل (Mar21-April19)

آج اپنے منصوبوں کی تکمیل کرنے کے لئے عملی اقدامات اٹھا سکیں گے اور جب آپ اپنے معاملات کو آگے بڑھانے کی کوشش کریں گے تو یقینی طور پر مالی مفادات بھی حاصل کرپائیں گے۔ آج آپ کی کارکردگی غیر معمولی طور پر دوسروں سے بہت بہتر ہونے کی وجہ سے دوسروں کے حسد کا شکار بھی ہوسکتے ہیں۔

ثور (April20-May20)

آج صبح سے ہی آپ کی سرگرمیوں کا مرکز کسی اہم کام کی تکمیل ہوگی جس کے لئے آپ بہت زیادہ لگن اور دلجمعی سے متحرک ہوسکیں گے۔ اپنے ہدف کے حصول کے لئے جاری جدوجہد کے لئے آپ کا کوئی بزرگ آپ کی مالی معاونت بھی کرسکتا ہے۔

  (May21-June21) جوزا

آج اپنے کاروباری معاملات میں آپ کو کامیابی مل سکے گی جبکہ اپنے عزیز و اقارب اور قریبی دوستوں کے ساتھ نہ صرف آپ کے تعلقات بہتر رہیں گے بلکہ ان کا تعاون اور حمایت بھی آپ کو حاصل رہے گی۔ آج بہت طویل عرصے بعد آپ کی ملاقات کسی فرد سے ہوسکتی ہے۔

 (June22-July22) سرطان

آج دن کے آغاز میں ہی آپ کی کسی معمولی مسئلے پر اپنے شریک حیات کے ساتھ کوئی غلط فہمی پیدا ہونے سے تلخ کلامی یا تو تکار ہوسکتی ہے جسے آپ اپنے نرم لہجے، تحمل مزاجی اور بہترین الفاظ کا استعمال کرکے باآسانی دور کرسکیں گے۔

 (July23-Aug22) اسد

آج آپ کو اپنے امور میں عمومی طور پر کامیابی نصیب ہوسکتی ہے جس میں کسی بھی قسم کے مالی لین دین کے علاوہ آپ کی تعلیمی کامیابی بھی شامل ہوسکتی ہے جبکہ اپنے شراکتی معاملات سے بھرپور فائدہ اٹھانے کے لئے بھی ستاروں کی مدد اور حمایت آپ کے ساتھ ہوگی۔

 (Aug23-Sep22) سنبلہ

آج آپ کسی جذباتی مسئلے کی وجہ سے ذہنی الجھن کا شکار ہوسکتے ہیں جس سے آپ کو کوئی بھی فیصلہ کرنے میں عملی شکل پیش آسکتی ہے۔ آج آپ کو اپنے تمام مسائل بذاتِ خود حل کرنے کی کوشش نہیں کرنی چاہیئے بلکہ اپنے قریبی احباب کی جانب سے عملی مدد کو قبول کرلینا چاہیئے۔

 (Sep23-Oct22) میزان

آج آپ صبح سے ہی گومگو کی کیفیات کا شکار ہوسکتے ہیں جس کی وجہ سے آپ کے لئے نہ عملی اقدامات کا حوصلہ پیدا ہوسکے گا اور نہ ہی موجودہ جگہ سے اپنے آپ کو واپس لاسکیں گے۔ اس اضطرابی کیفیت کی وجہ سے آپ شدید ردعمل کا اظہار کرسکتے ہیں۔

  (Oct23-Nov21)  عقرب

آج اپنی گھبراہٹ یا ذہنی الجھاؤ کی وجہ سے آپ کسی ناخوشگوار صورتحال میں گرفتار ہوسکتے ہیں۔ ایسے میں آپ کی بے چینی یا جذباتیت میں اضافہ ہوسکتا ہے جو آپ کی اپنے پیاروں یا قریبی افراد کے ساتھ کسی قسم کی تلخ کلامی کا سبب بھی بن سکتی ہے۔

 (Nov22-Dec22) قوس

آج آپ کو اپنی صلاحیتیں بروئے کار لانے کے مواقع میسر آسکیں گے جن کی وجہ سے کچھ مالی فوائد کا حصول بھی ممکن ہوسکے گا اس کے بعد ہی آپ قیاس آرائیوں سے خود کو بچا سکیں گے۔ آج اگر آپ کو اپنے رشتہ داروں کے ہاں نہیں جانا ہو تو اس بارے میں اپنی شریک حیات سے ناراضگی کا اظہار نہ کریں۔

 جدی (Dec23-Jan19)

آج صبح سے آپ توانائی سے بھرپور اور عملی اقدامات کرنے کے لئے بہت پرجوش ہوسکتے ہیں ایسے حالات میں اپنے جذبات پر قابو رکھیں جبکہ کسی قسم کے جذباتی ردعمل کا اظہار بالکل نہ کریں ورنہ اپنے ساتھ کام کرنے والے افراد کے ساتھ بھی آپ کی باہمی تکرار ہوسکتی ہے۔

 دلو (Jan20-Feb18)

آج آپ کے سامنے کرنے کو بہت سے کام ہوں گے جن میں سے حالات اور ضرورت کے مطابق اپنی ترجیحی فہرست بناکر ہی کسی بھی کام کا آغاز کریں لیکن یاد رکھیں آپ کے لئے محتاط رہنا ہی فائدہ مند رہے گا۔ اس کے علاوہ آج کسی بھی قسم کے غیر متوقع خرچے کے لئے تیار رہنا چاہیئے۔

 حوت (Feb19-Mar20)

آج کا دن آپ کے لئے اپنی مالی حالت کو بہتر بنانے اور جاری منصوبوں سے مالی فوائد کا حصول ممکن بنانے کے لئے بہترین اور فائدہ مند ثابت ہوگا جس سے آپ کے گھریلو بجٹ میں بھی بہتری آسکے گی۔ اگر کہیں سے کاروباری منصوبے میں شمولیت کی پیشکش ہوتو اسے کھلے دل سے قبول کرلیں۔

نوٹ: ستاروں کا یہ حال محض تفریحاً پیش کیاجاتا ہے۔ اس پر عقیدت رکھنا یا اسے سچ ماننا صحیح نہیں۔ 

صحیح المسلم حدیث نمبر193۔ کتاب الایمان باب کفر من قال مطرنا بالنوء کے مطابق یہ کفر ہے۔

]]> Trending https://www.aaj.tv/news/154227 Tue, 20 Mar 2018 05:11:33 +0500 none@none.com (ذیشان خالد حسین)