پشاور:عمران خان نے کہا ہے حکمران آمریت کی پیداوار ہیں، پی آئی اے ملازمین کے خدشات دور کرنے کے بجائے ان کو دبانے کی کوشش کی گئی۔

پشاور میں چڑیا گھر کی افتتاحی تقریب میں شرکت کے بعد میڈیا سے گفتگو میں عمران خان کا کہنا تھا کہ حکمرانوں کوجمہوریت کی سمجھ نہیں وہ آمریت کی پیداوارہیں، ہونا تو یہ چاہیے تھا مظاہرے کرنے والوں کے خدشات دور کیے جاتے مگر ان کو دبانے کی کوشش کی گئی۔

عمران خان کا کہنا تھا کہ خیبرپختونخوا دہشت گردی سے سب سے زیادہ متاثر ہورہا ہے جس کی وجہ سے لوگ پشاور چھوڑ کردیگر شہروں میں منتقل ہوگئے ،انہوں نے کہا کہ ملک میں جتنی بیروزگاری آج ہے اتنی کبھی نہیں تھی پشاورمیں لوگوں کوروزگارملے گا اورخوشحالی آئے گی۔