اگر کوئی بھی شخص یہ کہتا ہے کہ اس کے منہ میں پانی کوئی کھانے کی چیز دیکھ کر پانی آگیا ہے تو حقیقتا وہ یہ تسلیم کرتا ہے کہ اسکے منہ میں تھوک بھر گیا ہے۔ تھوک بنیادی طورپر پانی سے مرکب ہے اور یہ ہمارے منہ میں موجود بعض اہم غدود سے خارج ہوتا ہے۔

سوکھا منہ بھی ایک عام مسئلہ ہے اور یہ انسانی صحت کی خرابی کی طرف اشارہ کرتا ہے یعنی سوکھا منہ کے مسئلے کا شکار افراد ذیابیطس ، پیٹ کے امراض سمیت دیگر کسی سنجیدہ طبی بیماری کا شکار ہوسکتے ہیں۔

ہمارے تھوک میں ایک اور صلاحیت بھی ہے جس سے ہم لوگ نا واقف ہیں اور وہ صلاحیت اسکی درد سے حفاظت ہے۔ماہرین صحت نے انکشاف کیا ہے کہ ہمارے تھوک میں ایک مخصوص اوپیئرفین نامی کیمیکل پایا جاتا ہے اور یہ کیمیکل انسان کو درد سے تحفظ مہیا کرتا ہے۔

ماہرین کے مطابق تھوک کی وجہ سے ہم لوگوں کو نہ صرف درد کا احساس نہیں ہوپاتا بلکہ تھوک میں موجود اوپییئر فین نامی کیمیکل کے باعث ہم لوگ ذہنی تناو سے بھی محفوظ رہتے ہیں۔

اگرچہ کہ سائنس بہت ترقی کرچکی ہے اور لیکن اب بھی ریسرچ کے بعد اللہ کی تخلیق سے متعلق کئی حقائق ایسے سامنے آرہے ہیں جس سے ہماری عقل پہلے واقف رہی ہے۔ اور انسانی تھوک میں اس کیمیکل اور اسکے فائدے معلوم ہونے کے بعد یہ بات سامنے آتی ہے کہ اللہ نے کوئی چیز ایسی تخلیق نہیں کی جسکا فائدہ نہ ہو۔