جسم کے دوسرے حصوں کے مقابلے میں چہرے پر موجود بال ذیادہ نمایاں ہوتے ہیں۔ ان بالوں کی ذیادتی کی وجہ سے خواتین کی ظاہری خوبصورتی پر اثر پڑتا ہے۔ اگر آپ بھی ان بالوں کی وجہ سے بار بار بیوٹی پارلر جانے سے گھبراتی ہیں تو ہم آپ کو کچھ طریقے بتاتے ہیں جو اس مسئلے کے لئے انتہائی کارآمد ہیں۔

چینی اور لیموں کا رس

دو کھانے کے چمچ چینی میں لیموں کا رس اور 8 سے 9 کھانے کے چمچ پانی ملائیں۔ اس محلول کو ابال آنے تک چولہے پر گرم کریں اور پھر ٹھنڈا کر لیں۔ چمچے سے اس محلول کو بالوں والے حصوں پر لگائیں اور 20 سے 25 منٹ تک چھوڑ دیں۔ اس  کے بعد اسے ٹھنڈے پانی سے گول متحرک انداز میں دھو لیں۔ چہرے کے بال اس میں چپک کرآسانی سے بغیر تکلیف دیئے اتر جائیں گے۔

لیموں اور شہد

یہ طریقہ بھی ویکسِنگ کے متبادل استعمال کیا جاسکتا ہے۔ دو کھانے کے چمچ چینی، لیموں کا رس اور ایک کھانے کا چمچ شہد آپس میں ملائیں۔ اس محلول کو چولہے پر تین منٹ تک گرم کریں۔ اگر پتلا کرنا ہو تو اس میں پانی شامل کریں۔اس کے بعد محلول کو ٹھنڈا کرلیں۔ چہرے کے بالوں پر مکئی کا آٹا لگائیں اور بالوں کے رُخ پر اس محلول کو اس کے اوپر لگا لیں۔ کاٹن کا کپڑا یا ویکسِنگ اسٹرپ کی مدد سے اس کو بالوں کی مخالف سمت کھینچ لکر اتار لیں۔

جو کا دلیہ اور کیلا

دو کھانے کے چمچ جو کا دلیہ ایک کیلے کے ساتھ بلینڈ کر لیں۔ اس پیسٹ کو بالوں والے حصوں پر لگائیں۔ 15 منٹ تک اس سے جلد پر مساج کریں اور ٹھنڈے پانی سے دھو لیں۔ دلیے سے بنا یہ اسکرب نہ صرف چہرے کا روؤاں ختم کرے گا بلکہ جلد کو قدرتی چمک بھی عطا کرے کا۔

آلو اور دالیں

ایک کھانے کا چمچ شہد، لیموں کا رس اور پانچ کھانے کے چمچ آلو کا رس ملائیں۔ ساتھ ہی رات بھر بھیگی ہوئی اپنی مرضی کی دالیں گرائنڈ کریں، اور اس میں آلو کے رس والا محلول ملا دیں۔ چہرے کے متاثرہ حصوں پر یہ پیسٹ 20 منٹ کے لئے لگائیں اور سوکھنے کے بعد دھو لیں۔

انڈے کی سفیدی اور مکئی کا آٹا

ایک کھانے کا چمچ مکئی کا آٹا اور چینی انڈے کی سفیدی میں ملائیں۔ یہ محلول چہرے کے بالوں والے حصوں پر لگائیں اور سوکھنے کے بعد بغیر پانی استعمال کئے اتار لیں۔ انڈے کی سفیدی سوکھ کر بالوں کو جکڑ لیگی۔ اس لئے اسے اتارنے سے بال بھی اتر جائیں گے۔ خیال رہے کہ انڈے کی سفیدی کیل مہاسوں والی جلد کے لئے مناسب نہیں ہے۔

Thanks to TOI