پاکستانی فلم انڈسٹری میں نئے فنکاروں کی آمد سے نہ صرف انڈسٹری کو عروج ملا ہے بلکہ پاکستان کا وقار پوری دنیا میں بلند ہوا ہے،ہماری فلم اور ڈرامہ انڈسٹری کو عالمی سطح پر سراہا جارہا ہے اور ہمارے فنکاروں کی مانگ بین الاقوامی سطح پر بڑھتی جا رہی ہے۔

شوبز کی دنیا میں مشہور ہے کہ یہاں کے فنکار اداکاری تو اچھی کرتے ہیں لیکن تعلیمی میدان میں بہت پیچھے ہیں ہم آپ کی اسی سوچ کو غلط ثابت کرنے کے لئے آج ان اداکاروں کے بارے میں بتائیں گے جو شوبز انڈسٹری میں کمال کی اداکاری کرنے کے ساتھ اعلیٰ تعلیم یافتہ بھی ہیں۔

ونیزہ احمد

ونیزہ پاکستان فیشن انڈسٹری کی ٹاپ ماڈلز میں سے ایک ہیں انہوں نے ماڈلنگ کے ساتھ کینئرڈ کالج سے ماہر نفسیات کی ڈگری حاصل کی ہے۔

کر کٹر مصبا ح الحق

مصباح پاکستانی کر کٹ ٹیم کے کپتان اور بہترین بلے باز ہیں ،لیکن آپ کویہ جان کر حیرت ہوگی کہ انہوں نے ایم بی اے کی ڈگری حاصل کی ہوئی ہے۔

شائستہ لودھی

شائستہ لودھی نے ایم بی بی ایس کی ڈگری حاصل کی ہے۔

فواد خان

فواد ہماری انڈسٹری کے معروف اداکار ہیں،بہترین اداکار ہونے کے ساتھ انہوں نے کمپیوٹر سائنس میں ماسٹرز کی ڈگری حاصل کر رکھی ہے۔

نعما ن اعجاز

نعمان اداکار ہونے کے ساتھ بہترین وکیل بھی ہیں۔

شہریار منور

شہریار ہماری انڈسٹری کا ابھرتا ہوا ستارہ ہیں ان کے پاس آئی بی اے یعنی انسٹیٹیوٹ آف بزنس ایڈ منسٹریشن کی ڈگری ہے۔

نازیہ حسن

نازیہ حسن نہ صرف شو بز بلکہ پاکستان کے لئے فخر کا باعث ہیں ان کی پہچان ان کی بہترین گلوکاری ہے لیکن انہوں نے فلمی دنیا میں قدم جمانے کے ساتھ تعلیمی میدان میں بھی جھنڈے گاڑے ہیں ،انہوں نے لندن سے بزنس ایڈمنسٹریشن کی ڈگری حاصل کی ہے۔
اس کے علاوہ نازیہ کے پاس وکالت کی ڈگری بھی تھی،آپ کو یہ جان کر حیرت ہوگی کہ اپنی چھوٹی سی زندگی میں وہ اور بھی بہت کچھ کر گئی ہیں ۔اتنی ساری ڈگریاں ہونے کے ساتھ وہ سیاسی میدان میں بھی سرگرم تھیں اور سیاسی تجزیہ نگار تھیں۔

سمیع خان

سمیع خان پیشے کے لحاظ سے انجنئیر ہیں۔

سویرا ندیم

سویرا ندیم نے کنیئرڈ کالج سے انگلش ادب میں ماسٹرز کیا ہوا ہے۔