:اجزاء

چکن۔۔۔۔۔۔۔۔۔۔۔۔۔۔۔۔۔۔ 500 گرام
چاول۔۔۔۔۔۔۔۔۔۔۔۔۔۔۔۔۔۔ 600 گرام
نمک۔۔۔۔۔۔۔۔۔۔۔۔۔۔۔۔۔۔۔ حسبِ ذائقہ
پیاز۔۔۔۔۔۔۔۔۔۔۔۔۔۔۔۔۔۔۔ 1 عدد
ہری مرچ۔۔۔۔۔۔۔۔۔۔۔۔۔۔۔ 2 عدد
ثابت گرم مصالحہ۔۔۔۔۔۔۔۔ 5 گرام
چکن یخنی۔۔۔۔۔۔۔۔۔۔۔۔۔ آدھا لیٹر
ٹماٹر۔۔۔۔۔۔۔۔۔۔۔۔۔۔۔۔۔۔ چار عدد
دہی۔۔۔۔۔۔۔۔۔۔۔۔۔۔۔۔۔۔۔ آدھا کپ
لال مرچ پاؤڈر۔۔۔۔۔۔۔۔۔۔۔ 2 کھانے کے چمچے
لال مرچ کُٹی ہوئی۔۔۔۔۔۔۔۔ 1 چائے کا چمچ
ہلدی۔۔۔۔۔۔۔۔۔۔۔۔۔۔۔۔۔۔ 1 چائے کا چمچ
لیموں کا رس۔۔۔۔۔۔۔۔۔۔۔۔ 2 کھانے کے چمچے
ثابت زیرہ۔۔۔۔۔۔۔۔۔۔۔۔۔۔۔ 1 چائے کا چمچ
ادرک لہسن کا پیسٹ۔۔۔۔۔۔ 3 کھانے کے چمچ
دھنیا پاؤڈر۔۔۔۔۔۔۔۔۔۔۔۔۔ 1 چائے کا چمچ
زیرہ پاؤڈر۔۔۔۔۔۔۔۔۔۔۔۔۔۔ 1 چائے کا چمچ
مکھن۔۔۔۔۔۔۔۔۔۔۔۔۔۔۔۔۔ 1 چائے کا چمچ
کھانے کا تیل۔۔۔۔۔۔۔۔۔۔۔۔ حسبِ ضرورت

:ترکیب

٭ ایک برتن میں چکن لیں۔ اس میں نمک، لال مرچ پاؤڈر، کُٹی ہوئی لال مرچ، ہلدی، لیموں کا رس، ادرک لہسن پیسٹ، دہی اور دو کھانے کے چمچ کھانے کا تیل ڈال کر اچھی طرح ملالیں اور ایک گھنٹے کے لیے فریج میں رکھ دیں۔
٭ اب گرل پر تھوڑا سا کھانے کا تیل لگائیں اور تیار کیا ہوا چکن اس پر گِرل کرلیں۔
٭ ایک دیگچی میں کھانے کا تیل لیں اور اس میں پیاز، ثابت زیرہ، ہری مرچ اور ثابت گرم مصالحہ ڈال کر لائٹ براؤن ہونے تک فرائی کرلیں۔
٭ پھر اس میں ادرک لہسن کا پیسٹ ڈال کر لائٹ براؤن ہونے تک فرائی کریں۔
٭ براؤن ہونے پر اس میں ٹماٹر، دہی، نمک، لال مرچ پسی ہوئی، دھنیا پاؤڈر، زیرہ پاؤڈر، گارنش (ادرک ،ہرا دھنیا ،ہری مرچ) اور گِرل کیا ہوا چکن ڈال کر پانچ سے سات منٹ تک بھُنائی کریں۔
٭ اب اس میں چکن یخنی ڈال کر اُبال لیں اور اس میں چاول ڈال کر تھوڑا پانی رہ جانے تک پکائیں۔
٭ پھر اس پر ایلومنیئم فوائل میں انگارہ اور مکھن رکھ کر بارہ سے پندرہ منٹ دم دیں۔
٭ آپکا مزیدار مرغ تِکہ پُلاؤ تیار ہے۔